添好運點心專門店 (已結業)

今午路過見店內有約七成滿，正值下午茶時問(該店並無下午茶優惠)，心想食個下午中茶也不錯吧。店內是快餐廳格局，點了古法 糯米雞及潮州粉果，3蚊位茶但飲的是公家茶壺裝的茶膽水，算啦都預咗。 糯米雞送到嚟，外型似樣但敗絮其中， 內裏有一半是啫喱狀的芡，食慾頓時大減， 價錢是酒樓價錢，質數是茶居質數，作為食慣點心的香港人，只能給個不合格的分數。

一個成日訓到太陽落山既人，好小機會可以早上去茶樓食點心，添好運就可以幫到我滿足食點心既慾望，因為就算夜晚都有點心食。添好運有好多間分店，今次黎到北角分店，由於添好運既名氣大，就算黎到唔係遊客區既北角都依然見到好多遊客慕名而來。店內環境擠逼，但都無損我食點心既慾望。叫左5樣點心，上菜速度都算快，所有都好新鮮全部熱辣辣。酥皮叉燒包添好運最出名既酥皮叉燒包，一碟有三個，外表脆身，上面既皮甜甜地，入面叉燒熱辣辣，叉燒粒份量多，甜鹹夾雜，十分好食！叉燒腸飲茶點可以少得腸粉呢，叉燒腸一碟有三條，腸粉軟滑，入面有叉燒同埋蔥花係入面，叉燒有肥有瘦，配腸粉份外夾。鹹水角鹹水角外脆內軟，而且新鮮炸出黎，入面既糯米皮配上冬菇粒同肥豬肉碎，係我每次飲茶必點既點心。蝦餃蝦餃一籠有四粒，皮薄，蝦餡多，而且新鮮。燒賣最後係燒賣，一般街邊檔既燒賣我都會稱佢做假燒賣，因為粉質好重，唔好食。反而食點心既燒賣係真係用豬肉做，所以口感好食好多。

第一次試添好運呢間鋪頭就係係北角呢一間, 想朋友講呢間係佢係香港既第一間鋪.裝修普通, 有好重中式既感覺. 果次去食既時候都要排左一陣先有位.入到去緊係要試下最出名既雪香叉燒包(barbecued pork bun with crispy and sweet skin on top), 咁多人排係有原因既, 因為真係好好味, 價錢亦非常合理, 可以話係民間美味. 鍾意食點心既讀者不妨一試.

又到星期五精選，今次去添好運。因為舊同事約午飯飯局緣故，相約中間點聚會。添好運人氣不衰，每分鐘麵有食客進場，十居其九都是遊客。舊同事未到，店員老是以為冇人坐就食客入去坐，座位安排欠奉。順帶一提，有一兩個店員態度唔太好，我放洗乾淨筷子在洗碗筷個碗上，店員丫姐明明自己閒聊不做，到佢過黎收碗好話我放筷子響碗阻住佢收野，有禮貌少少會問問仲需唔需要，而唔係這般惡劣待客態度。我們三人叫左：潮洲蒸粉果($14)鵪鶉蛋燒賣($28)酥皮焗叉燒包($21)韮黃鮮蝦腸($27)食物質素不變，但價錢脹價不少，性價比低。如非特別原因，都唔會再幫襯。

今天本來想叫外賣 我排左隊，排到我隔離有個大陸人打尖埋單。收錢四眼短髮呀姐竟然幫佢收錢都唔幫我落單，我同佢講我排隊先，佢話我地係收左埋單嘅單先 （完全無告示）。喺呢個時候又有幾個人打尖埋單，個呀姐又幫佢收錢完全唔理我。我就同佢講咁一路有人埋單我一路都唔駛叫外賣啦，之後嬲得仔就走左。佢d野雖然係好食，但其實d餐具污濁到不得了，拎上手勁油。加埋今次經驗，以後唔會再黎呢d淨係招呼大陸人嘅地方。

我係一個懷孕女士，仲有2個星期生得，肯定個肚係睇得出既。單人入座，坐到最埋果行諗住唔好阻住佢地 打仗咁衝來衝去送食物。佢地坐位好怪， 一行十幾個位打羔戈面2行都係連住既，見到呢十幾個位既左同右都坐左2家人，咁啱中間有2個空位，就塔枱，免得又霸佢一張枱阻佢做生意。 送食物時淩空掉張單（有硬板果張比錢既單）落我手度都算，後來未收工就開始掃地，當時全塲仲有1/3食客， 但我左右2家人都走晒，我個手袋在我隔離張凳上面，個掃地嘅問一聲都冇就攞走左張凳，我都冇出聲只係默默咁攞返自己個手袋， 佢「jip 」 我！！ 根住推開晒我身邊所有枱椅掃地，其實附近仲有好多吉枱， 同另一張長到不能理解既枱需要佢掃。咁我唯有埋單走，叫打包時，佢同事大大聲叫佢攞個盒，佢扮聽唔到！ 真係冇下次！ 以後都唔會再食添好運，都會叫朋友唔好再去！ 基本禮貌都冇，去過更出名差服務及黑面嘅酒樓，都冇呢間咁過份！ 我一個人食左$105，價錢係適中，照常都係冇服務㗎啦，但食到好似坐響度都得罪晒d伙記咁，加上食物普通，搵唔到理由再去。**食評係寫北角店**

說來慚愧，身為香港人，咁多年都未試過米芝蓮一星嘅點心- 添好運。 因為怕多人，等好耐，一路都未有試過。今日早收工，終於一試。我地今次幫襯係北角和富中心附近嘅分店，點心都幾多選擇。我地基本係點推介嘅點心。所以我地點左酥皮焗叉燒包、香煎牛肉餅、鮮蝦菜苖餃、家鄉咸水角、皮蛋瘦肉粥同埋芋茸南瓜沙翁球。overall 點心好好味，做得好有水準，不愧為米芝蓮一星。酥皮叉燒包最好，個皮好香豬油味，叉燒又唔會好肥都夠多。好正。香煎牛肉餅同想像中有d 唔同，佢係炸嘅，勁脆皮，好香口。芋茸南瓜沙翁球就似炸煎堆加左芋蓉係入面。甜甜地幾好味,不過唔夠芋香。其它點心就好味但冇乜特別。成餐食完都係$122 。性價比好高。

我是攞5人位，因有1人泊吾到車位，所以入去時只得4位，坐低後叫服務員改4位，服務員就鬧我死霸爛霸要5位(仲有講粗囗)，現在又要人改茶位。。。。。。。就咁樣，其他服務員態度都吾好得幾多。總之太過份，太受氣。可能食午飯時候系好忙，個個服務員都黑囗黑面，悔悔氣氣，但都吾應該向客人發洩。相中服務員就系鬧我果個。

今日有小朋友2點三要在合富學琴!所以選了這家店食午餐!一行7個人其中兩個小朋友一個八十幾歲老人家!知道店鋪生意好要排隊，所以11點半過來排隊!話我地有7個人要排時間長D先有位!冇問題!等到1點幾，知客同我話有位!指一個檯話執緊!我轉個頭叫家人要入時，有個著工衣的啊姐帶幾個人去坐正在執的那張檯，還同那個知客話:這些人我帶來的！然後那個知客就同我話頭先唔係講這檯，是講隔離個檯!之後就不了了之!問邊個都話冇檯了！

黎到添好運，又點會唔食酥皮焗叉燒包呢！酥皮焗叉燒包$20呢度雖然點心唔多選擇，但係堅持即叫即製，所以每樣野黎到都係熱辣辣嘅！酥皮外面睇落去完全睇唔出裏面個餡係咁熱！真係要小心辣親呀！鳳爪排骨飯$26鳳爪排骨飯嘅份量適中，始終都會食其他點心㗎嘛～排骨同鳳爪都好好味！飯比較軟綿綿～古法糯米雞$28而最失望嘅就係呢個古法糯米雞，我本身好鍾意食糯米雞，糯米雞真係好難整得難食。呢度嘅糯米雞真係令我好失望，個糯米飯還好，最敗筆嘅係佢嘅餡料！雞肉、豬肉係好鞋口，個醬汁偏甜而且唔好味。冬菇又有D噏味，總之個餡就好難食啦！最後比我食晒啲飯放棄晒啲餡。。。

中午时段来吃的，大排长龙是常态，建议两位结伴，一般很快便会有座。推荐虎皮尖椒，用虎皮作底，海蛎煎作馅，椒头稍辣，开胃又美味！桂花糕很漂亮，冰凉Q弹，糯米鸡的话其实不建议，吃完就吃不下其他啦！

這間名字都是由前幾年開始知道，那時應該係報紙報導邊間新年糕點好食，及從我舊同事post去FB的相而認識，不過從未去過……原來北角都有分店，今晚有機會試下，其實之前都有睇過啲食評，有好有不好，我並沒有什麼期望，因為今日胃口還是有滯的感覺，所以只食咗三款點心……1. 古法糯米雞~可能我冇特別記得以前糯米雞有咩料，但呢度的糯米雞好多料，如果糯米飯多番啲仲好，又熱辣辣，吾錯，不過略嫌啲肉硬咗啲……2. 酥皮焗叉燒飽~皮薄叉燒餡料足，又juicy，又熱辣辣，好食3. 蝦餃~皮薄，味道一般

家鄉咸水角 $14熱辣辣既咸水角 咬開些少散下熱就唔伯燙趁 餡份量唔係特別多 皮略厚不過幾煙韌幾好嚼口 食落唔算黏牙 個人表示收貨香滑馬拉糕 $18感覺細份過酒樓 唔知係心理作用定因為份量唔多 食落比酒樓果啲稍為香滑 不過都相差唔遠 都明既 馬拉糕要整得突出似乎唔容易 好易淪為大路貨 個人認為可試可唔試韮黃鮮蝦腸 $26鮮蝦鮮唔鮮在下試唔出 不過蝦仔既份量就夠多既 腸份嫰滑程度算可以接受 整體水準都ok可以一試 不過唔知係咪失憶 唔覺有韮菜（韮黃？）鼓汁蒸鳳爪 $19點心上檯數到三隻雞腳心裡一沉 後來見到原來有四隻既 咁都好啲 鳳爪味道比酒樓相對清淡 從相片都隱約見到色澤唔算好深色 咁既價錢有四隻應該都講唔上抵食美味鮮竹卷 $20平時少食鮮竹卷所以難以比較 成舊食都shokshok聲既 反映出幾juicy 入面啲餡都無細究包括啲咩 趁熱食我覺得都叫無伏之選

喺灣仔返工，平時同同事成日喺灣仔區飲茶當LUNCH…飲到悶！特登搵日去試下跨區坐的士去炮台山呢間米芝連平民飲茶餐廳！等左約十分鐘左右有位，入到去當然係撘枱，唔算坐得好舒服。但當然，食品先係呢間餐廳既賣點。食物選擇唔算多，只不過係10幾款，但係以價錢來講的確係要酒樓平啲。講味道，就呢個價黎講…確係抵食！你話特別好食要叫我介紹嘅我就會推介叉燒包，外面香脆，入面鬆軟，汁肉飽滿，確係好食。不過其他食物就唔算好突出，特別推介嘅蓮藕鯪魚餅，初頭以為係普通煎嘅，原來就係炸。另外，叫左個鳳排骨飯，排骨既數量比鳳爪多，鳳爪亦夠味，排骨同飯則比較油。

My third trip and hoping it improves....unfortunately not...1. The kitchen staff started with Gloves, Face masks, Hair net/hat and relatively decent hygiene...now-none of the above and worst, staff dig into their noses, waiters stand outside having a smoke and staff are generally not of good hygiene standard. 2. Food? Very average, the pork rib/chicken feet rice is so badly presented that you usually get this in Mong Kok 's cheap restaurant...no ribs, pork had 40% fat and half a chicken feet....