添好運點心專門店 (已結業)

說來慚愧，身為香港人，咁多年都未試過米芝蓮一星嘅點心- 添好運。 因為怕多人，等好耐，一路都未有試過。今日早收工，終於一試。我地今次幫襯係北角和富中心附近嘅分店，點心都幾多選擇。我地基本係點推介嘅點心。所以我地點左酥皮焗叉燒包、香煎牛肉餅、鮮蝦菜苖餃、家鄉咸水角、皮蛋瘦肉粥同埋芋茸南瓜沙翁球。overall 點心好好味，做得好有水準，不愧為米芝蓮一星。酥皮叉燒包最好，個皮好香豬油味，叉燒又唔會好肥都夠多。好正。香煎牛肉餅同想像中有d 唔同，佢係炸嘅，勁脆皮，好香口。芋茸南瓜沙翁球就似炸煎堆加左芋蓉係入面。甜甜地幾好味,不過唔夠芋香。其它點心就好味但冇乜特別。成餐食完都係$122 。性價比好高。