添好運點心專門店 (裝修中)

中午和朋友到這家米芝蓮一星的點心店吃東西, 奧海城分店的位置相當偏僻, 要走到商場外才有辦法進去, 因為有朋友帶路所以還好, 不然真的找不到這家店。我們星期五下午一點半左右到步, 只等了一會就有位子, 裡面的佈局大部份是一堆桌子堆成一張長桌然後兩邊放椅子, 所以大部份人都要搭檯, 每當有人要進出就要把桌子推走, 可謂相當沒情調, 加上環境很吵, 假如是想靜靜聊天的話就不推薦這家餐廳了。我們一行四人共點了酥皮叉燒包、陳皮牛肉球、豬潤腸粉、糯米雞、蝦餃、燒賣、馬拉糕、鳳爪、煎蘿蔔糕、鳳爪排骨飯和油菜。其中有幾種比較特別:酥皮叉燒包: 一開始我看名字以為是叉燒酥的那種酥皮, 但事實上是包著叉燒的墨西哥包, 味道意外的合得來, 相當好吃;陳皮牛肉球: 陳皮味比平常的牛肉球重, 但墊底的腐竹很少;豬潤蒸腸粉: 豬潤很有彈性, 但腸粉的體積比平常小;糯米雞: 它其實是荷葉飯, 看起來很大, 但雞的比例相對較少;煎蘿蔔糕: 蘿蔔糕的蘿蔔比例充足, 但煎得不夠脆;其他的東西就是外貌、內涵、味道都很正常的菜式, 跟在其他地方吃到的差不多, 沒失望也沒有驚喜。埋單時每人才$55, 加上當時人不多也沒人催促

6月30號晚同娘親傾開計,佢話想試下添好運係咪真係咁好味~我即刻話:就聽日7.1去試菜la~飲早茶!!一早上網搵定料,知佢搬左去奧海城二期, 開10 am 9:45am到門口,已經見到咁既情況...真係咁大名氣?!準時10 am放人入去, 環境係好迫!!我都唔理得咁多~即刻畫紙仔,叫野食!!兩個人叫左9款點心黃沙豬潤腸粉: 豬潤好細好薄, 腸粉都算皮薄陳皮牛肉: 有細細粒的陳皮係內面, 好味馬拉糕: 最愛係馬拉糕!!!唔係好甜,有特別的黑糖味!!我一個人食左兩個潮州蒸粉果: 皮薄&足料,win古法糯米雞: 初頭都驚荷葉大糯米雞size細,結果係真係好大都算足料,娘親一個人都食晒唔蝦餃皇:何解係"皇"呢?!@@同一般酒樓d size一樣...娘親重話佢無筍,口感唔好豉汁蒸鳳爪: 鳳爪好入味好腍, 豉汁味濃又香鮮蝦腐皮卷:個皮好脆, d蝦好大舊,啖啖蝦肉~正主腳出場~~~酥皮叉燒包!!!佢真係無敵的!!!  (但娘親話佢太鹹,我就覺得無咩野=3= )結尾: 佢的確係比一般酒樓的點心好食,值得一試的不過環境同服務質素就有待改善!!!報告完畢~~~

我的情況跟大家有D似.我和一位朋友去的時候是下午六時.當時大半間餐廳是吉的.但店員硬要我搭枱,若不搭枱便坐正門口. 門口位置十分熱, 而且員工只顧傾計也不會確定出入的人把門關上. 坐了五分鐘妃已經汗流浹背.當時大半間餐廳是吉的, 我不明白為何要這樣安排. 我向店員反映. 她反過說:'我給你搭枱你不要......門口是熱的....' (罵人半分鐘)她還加了一句'隨便你在網上反映'既然對方連公司聲譽都不顧, 我也沒有辦法. 我叫左野食, 但最後只好沒有吃便俾錢走人.(從來沒一間食店令我忍無可忍要立即離開)

講到香港的點心餐廳始祖，一定就系添好運了！ 隨著點心專門店系香港越來越來普及，要成名就一定要有幾道特色菜！本來系旺角既分店原來搬左去奧海城二期！ 雖然系遠左的，但環境就一定十萬個好過旺角店！ 呢度多左份舒適感，唔會食到好辛苦！ 但就一樣多人到爆！ 等位方面人幾混亂，你一定要聽實同企系門口附近，唔系可能漏左你都唔知！等左一陣，終於有得入去！不過每張臺距離好近！冇計！一樣大把人爭住食！點餐紙得一張（有中英文版），你可以話好方便唔會亂，都可以話其實唔系好多野食！我們點左幾樣比較出名幾菜！ 不過唔好食糯米雞，其實好細舊ja! -咸水角我覺得味道一般，同出面既咸水角冇咩分別！·鮮蝦腐皮卷正啊！個皮好脆，的蝦幾大舊，整體味道好足，有層次好香口！-鮮蝦餃呢個真系唔掂！勁細舊！個皮又厚又粉，咬落去勁乾，完全系唔合格既蝦餃！酥皮叉燒包不愧系鎮店之寶！所有食物中最好食只得呢個！出面個層菠蘿包皮，加上入面熱辣辣既叉燒餡，個種外脆內軟既感覺，真系好好味道啊！令我改變一般對叉燒包既看法（本來麻麻地叉燒包）！！最後就系豬潤腸粉因為本人好中意食豬潤，所以點都會話呢個好食！哈哈但要講有咩不足就系的料太少了，得幾舊勁勁

食左:燒賣 -- 很乾且細粒!糯米雞 -- 一打開塊葉就有舊雞骨6出黎 一邊食一邊吐了很多細骨出來, 不小心會咬'奔'牙菜苗鮮蝦餃 -- 入面的菜很油, 入口啖啖油, 菜苗應該用油泡了才包入餃.....雞包仔 -- 像菜肉包, 但看不見雞肉, 但有幾舊很un的軟骨物體, 要吐出來腐皮卷 -- 炸得油但不算很脆陳皮牛肉球 -- 好彩沒有陳皮味, 還可以因上了米之連, 吸引不少外國人來食, 我都是第一次幫襯, 性價比一般, 叫做有點心吃老實說, 7仔的糯米雞比它還好吃舖頭位於奧海城外圍, 從商場走出去要行至少100米才到, 夏天在那裏等位也不是滋味

由於ifc分店係lunch hour時段係超級多人, 所以今次特意來到大角咀食依家星級點心店. 根據之前經驗, 除左酥皮叉燒包係比較impressive之外, 其他點心都只係一般水平 (當然我無試晒全部list上既點心...). 所以, 每次叉燒包都係必叫之一. 一如以往~酥皮叉燒包仍然都係好好味~~無令我失望. 另外, 估唔到今次馬拉糕有驚喜, 竟然散發住甜甜地, 有d糖既香味~比一般既好食~正! 此外, 我地仲食左粉果同鳳爪排骨飯. 粉果同出面個d無咩分別. 鳳爪排骨飯就可以話係好壞參半, d排骨唔錯, 比出面個d好~食到有肉味而唔係雪味. 不過可惜d飯唔得...d米唔好食...而鳳爪, 佢依隻係似人地炆個種(膠質多d), 但其實我比較欣賞平時個隻...一般般啦~總括黎講: 依度點心質素算ok, 但唔係真係出色得咁緊要, 個笑面係比酥皮叉燒包同馬拉糕的!

農曆新年前的最後一個工作天。本人的公司已經提早休假,樂得清閒的我跟媽媽去了澳海城逛街。到達後, 見肚子餓,猛然想起平民米之蓮餐廳已由旺角搬到澳海城,於是決定到新店試試它的水準。新店門面感覺高檔次了,比舊店大了、亦多了很多桌子。不過, 店員的質素卻大大降低! 比方說, 本人跟媽媽是最先到達門外等候店員安排座位,店員急步出來,叫我倆可以入內就座。(當時店內客人只有7成滿)但突然間, 看似較為高級的職員叫我倆出門外等...本人跟媽媽頓時不懂反應,過後便即時出外等。而我倆出門外後,亦開始有數名食客在等。不一會, 第一次叫我倆進入店內坐的店員再次叫食客入店,而同時那位看似較高級的職員又衝出來,叫我們在門外等候的食客必須領籌。其實, 店內的空桌足夠讓外面等候的食客就座,不明白要浪費紙張拿籌的用意何在,但取籌後又即時可以就座,奇怪的手法....擾攘接近8分鐘,終於可以坐定定點食物~但新店不像舊店般,有店員隨時添水,而是放一壺凍茶在檯面上.......算吧! 前事不計,還是放眼在食物身上。【添好運】的名物叉燒包,雖然沒有第一次食般熱辣辣,但暖暖的包仍很好吃~再來就是縮水了的馬拉糕。好吃又不甜,但真的變

不少的點心店已經普遍，隨時隨地都可以約埋朋友去食點心，開創先河的添好運更是聲名遠播，自從添好運取了米之蓮一星之後，該店點心即叫即蒸，更吸引不少客人慕名而來，旺角的總店租約期滿了之後，唯有只可以去其他分店去品嚐他們的點心。收工後去了添好運食些點心作晚飯，那時大約6時，幸好店內的客人都不是好多都不用等位。企了一陣由一些女侍應帶領下坐下來，不過安排的位置都好坐埋一堆，角位或者不是太多人的位置就沒有安排，而且都有不少空枱??有點怪怪，坐都好迫一點，本來其實是一張四人枱，之後侍應都要拎走了我們一張枱變作真是二人枱，其實又不是好多客，可必一定耍客人坐得那麼迫!!??為何不能騰出多些空間給客人坐?坐下不久好快送上一壺熱茶可以自斟自飲，不覺D茶真是好淡冇茶味!!洗完茶杯筷子茶杯之後，放了好耐我們叫了d侍應才主動幫我們倒水，服務比較都是好被動，枱上有兩張點心紙，一張是綠色而另一張是紫色，其實砍兩張的點心item 都是一樣只是一張是中文而另一張是英文，選擇的種類不是好多，連甜品加埋飲品都是剛是三十款，點心種類方面有蒸點、煎炸點、盅飯、粥及腸粉，茶位是$3一位，後來我們點了一些點心之後大約十幾分鐘後都陸續上

今日晚上8點半鐘到呢間星級餐館用饍，一入去見有6成客滿，有個著裇衫的女職員帶位，使勁咁移開張6人枱，要我們(3位)"sip"入去同另外2位客人一起坐那6人枱(其實當時有4成空枱)，算，橫掂都食完就走，咁快快落左柯打。食物都好快就到，仲叫多隻糯米雞外賣，但一路都未見到結賬單返來，唔緊要啦，諗住有枱號，到櫃枱埋單都冇問題，可惜到櫃位結數時，嗰位收銀亞姐問我攞張單，我話你地冇俾我，跟住講個枱號"23"比佢知，佢話＂無呢張單喎＂，好不耐煩的問我坐邊度，我手指指的話比佢知，佢又愛理不理，跟住其他職員(著T裇)見到亦有幫手，後查出係22號枱，原來果張6人枱係由3張2人枱組成，每張枱各自有編號，我們坐的是22及23號，落單用左22號，本來一場誤會好平常，但個收銀亞姐就寸咀咁話"都話冇23號枱架啦，22號枱丫嘛"，乜而家D服務行業的係咁做野法？講真我來食野啫，唔需要比野我聽丫！其實，想起早一個月都幫襯時，已經見到那位"著裇衫的女職員"對坐位安排有極高要求，所有客人要跟足她安排坐埋一推，在繁忙時段係可以理解，但得6成客滿都唔放D空枱俾客人坐得舒服少少。當日我親眼於十分鐘內見到先後2次有客人因不滿坐位安排

我這篇不是食評。因為無食野就走人。星期五晚上放工搵飯食, 同老婆9點幾入到奧海城添好運, 7 成客滿。阿經理安排我倆坐６１號枱，張枱係加枱，卡位旁邊路口加張方枱加兩張櫈個種，我倆無所謂，拿拿淋食飽就走既人。坐唔夠一分鐘，點心都未ORDER，阿姐就掉低碟酥皮叉燒包。我叫住阿姐話唔係我叫架，阿姐就堅持呢張係６１號枱，最後阿經理過黎叫阿姐攞碟包去向65號枱阿姐先肯走。唔夠兩分鐘，另一個姐又掉低碟煎釀尖椒。又堅持呢張係６１號枱。老婆擔心埋單時唔知會計多幾多碟點心，所以想換枱坐。阿經理堅持其他空枱唔可以俾我地坐，一定要坐６１號枱。OKAY, 走得!上黎OpenRice見到Ying11128既遭遇，相信阿經理一D都唔志在，我諗日中佢都唔知趕幾多客走。Ying11128. 我都係第一次寫，但我這篇不是食評。哈哈哈！

老婆大人病了，要戒口。陪她看過醫生後，心想這裡既是點心專門店，總會有多些東西她可以吃吧，便建議和她來吃點心。才不過早上11時左右，趒著「添好運」這名頭，店內雖然仍未滿座，已有不少人，特別是內地遊客在此喝茶。看看餐牌，這名店雖說是點心專門店，其實點心款式不是太多，老婆大人海鮮吃不得，鴨鵝吃不得，就連牛肉和蛋也吃不得，再加上煎炸東西也要少吃為妙，七除八扣之下，剩低的點心選擇實在不多，最後只是叫來四鹹一甜的點心連盅飯，作為是日的午餐。鎮店名品「酥皮焗叉燒包」是必叫的，這天所試，水準仍然出色，包身香軟熱燙，叉燒多，蜜汁甜，端的好吃。同樣是叉燒，「蜜味叉燒腸」就遜色多了。腸粉皮不夠薄，叉燒又偏瘦，加上有些叉燒外露在腸粉皮外，賣相不那麼好，這腸粉與焗叉燒包相比，可真是有所不如。鹹點還有一樣，就是「豉汁蒸鳳爪」，味道普通，雖過得去，但無甚特別。盅飯有三款選擇，我們叫來的是「蟲草花雞粒飯」，雖然飯粒與雞粒同樣偏軟，但味道比預期中好，以蟲草花入饌作盅飯的材料也有新意思，不像另外兩款「鳳爪排骨飯」或「煎蛋牛肉飯」那麼平平無奇。最後還有一道甜點「杞子桂花糕」，味道清甜，清清涼涼的口感還不錯。吃過這頓午飯，我

港版米芝蓮指南具有一定的參考價值,內裡的餐廳是否實至名歸大家心中有數.自己最好奇是這家點心店!旺角總店一直也沒有去試過是因為從不會為了吃餐飯而去浪費時間排隊等侯.反而其它各區的分店也吃過了而感覺只是普通.旺角店搬來了大角咀,廚房班底可會是同一樣?環境是闊落了不少.但桌子依然是細小!兩個人八個點心已經要碟疊碟.酥皮叉燒包----曾在其它分店吃過空心小餡及冰凍版本!這次終於是吃到一個新鮮焗起,外皮酥化內裡叉燒餡料十足的正常版本.煎釀尖椒----尖椒煎得夠熟,內裡子核去得乾浄,魚肉彈牙不腥吃到有少許腊味在內.好吃!煎蘿蔔糕---- 一夾即散!從未成功用筷子夾得起半件,煎得不夠透味道只是一般.鳳爪排骨飯----這盅飯不知在蒸櫃內輪迴了多久!排骨及鳳瓜已蒸至入口即溶,飯面略硬但內裡軟爛.另外再點的一客排骨外觀已明顯不同,質感正常但極重豬臊味.山竹牛肉----這個反而不錯!沒有太多肥豬肉在內,軟腍中帶點彈性及莞茜香味.鯪魚球----腥氣撲鼻,墊底的黃芽白極甜.令鯪魚球吃起來也像有點甜味.鮮蝦腸粉----腸粉皮厚薄適中,蝦肉彈牙沒雪藏味.吃完這次侯終於死了這個好奇心，把這裡撥入ＸＦｉｌｅ算了！

25-2-2013(一)每所「添好運」的香港分店，我也有幸幫襯過，由旺角總店至深水埗分店至中環分店再至北角分店，用平民價可吃到米芝蓮一星級水準的美食，絕對超值。看報道，因總店的業主瘋狂加租，老闆抵不住租金的上升，唯搬遷來到這兒奧海城二期繼續經營。今天，與媽媽來到這兒，看看其水準又如何吧。由於前來之前，我們已吃了 hero 的漢堡包，所以不覺太肚餓。我們只點了三款點心：1. 豉汁蒸鳳爪： 上桌時，看見其份量比我們過往去過所有分店的為少，賣相也不吸引，水汪汪，顏色也欠鮮明。吃下一口，很糊口，醬汁不夠入味，很失望！2. 蠔豉豬骨粥： 粥底夠熱夠綿夠香夠滑，蠔豉的數目也不少，差不多每啖也吃到蠔豉。一啖蠔豉、一啖豬骨肉，好吃，又夠下火！3. 杞子桂花糕： 賣相比平時吃的小，用筷子輕輕一夾隨即散開，味道啖而無味，失望！放下 48 元便離開。我不想對它放棄，因始終它是我慣常吃的飯堂之一。希望他們下次會做得更好！

放假一心來試好野啦因為之前在旺角見到成日排長龍見搬左去澳海城有時間就去試啦小妹未寫過食評但今次真的要為這店開一個A/C話說當日去到冇人排隊在門口等左一陣有人來帶位啦小妹3位~後面有個女士1位一入到去有7~8張枱都冇人坐侍應安排張6人枱比我~向侍應詢問我地3位咋喎待應話係呀~要我地同1位搭枱其實如果真係多人小妹唔介意但咁多枱冇人坐~我都想食餐安樂飯同我同1位個個真係唔識架嘛飲茶食點心點一齊呀然後小妹好好問一下3位可否坐卡位個侍應一口就話:"唔得"小妹:我3位喎(其他卡位上有得2個人坐一張)侍應:你地3個坐呢到啦我仲要搭人落來架小妹:我想坐卡位唔搭枱得唔得侍應:坐卡位我都要搭一個架~我個個位都要賺錢架小妹:咁我比4位茶錢得啦侍應:唔得係侍應既咩都"唔得"攻勢同迫坐6人枱下小妹知難而退冇飲呢餐茶係離開既時侯有一着西裝既男士(估係經理吧)開聲話唔洗埋佢(難怪服務咁啦~原來上樑不正下樑歪)我明白出左名唔休冇生意~但都唔係咁我食野都會比錢架食野試一次都唔洗啦~如果大家想要令到自己心情差可以強烈推介一試保證有效

對於添好運都應該不用多說，為於廣華街的總店排隊排到街知巷聞早巳經不是新鮮事，到現在不經不覺的巳開第五間分店；分店不是在奧海城的商場內，也不是在奧海城三期的露天茶座區，反而在位於人流比較小的屋苑／商場範圍外。 記得農曆新年時段，日間坐車經過，看到門外墟冚情況，相反晚間過去就比較舒服得多，不過還是要齊人才能進內。 雖然對傳統的叉燒包興趣不大，不過來到這裡又怎能錯過他們的酥皮焗叉燒包，雖不是第一次吃，還是想來吃酥皮加上叉燒的味道，酥皮像菠蘿包的皮，鬆脆脆的，這就是每次都要我來重溫的味道。除了大有名堂的酥皮焗叉燒包，鮮蝦餃也很有名，蝦餃皮雖然做得不算太薄，不過蝦餃味道爽口，水準巳在一般茶樓之上。對於以沙茶牛肉來作的春卷就有點失望，雖然春卷皮炸得金黃，味道也不錯，但油實在太多，如果放了好一陣再吃，皮就會變得不再脆，吃後會感到很膩。眾多點心裡我最欣賞的，是他們的腸粉，腸粉皮做得薄薄的，而且看上去也很晶瑩通透，雖然皮做得很薄，又不會很輕易就散掉，吃腸粉最怕就是看到做得厚厚的粉。除了點心，也點了煎蛋牛肉飯，牛肉蒸得不錯，不會像蒸牛肉球般＂鞋＂口，口感是軟軟及滑滑的，加點鼓油，很有香港風味。