添好運點心專門店 (裝修中)

早前已得知添好運是米芝蓮一星餐廳，與男朋友相約到一試。其實這次已經是小妹第二次去奧海城分店，感覺一樣：鐘意食點心值得再去 ，但若果大家好怕服務態度差既餐廳就建議大家去其他分店 先大約講講上次經驗：大約5月中既平日晚上，小妹與男朋友約8點55分到達，一開始入店時其中一位收銀處男職員都冇乜點，歡迎我地入座，當時餐廳仲有10-12枱客人。其實我地都知餐廳收22：00，都諗住快食快走。男朋友鐘意坐卡位，未坐低就問兩人可唔可以坐一邊卡位，點知帶位“姐姐”話：你地兩個人就坐兩個位啦，唔可以坐四人位(都唔緊要)。(我仲好記得佢係紮馬尾，因為兩次都係佢令我覺得無言)咁咪坐lor其實冇所謂，然後有位外國人一個人坐去四人位，個姐姐又冇野wor，果一刻我諗我情願扮唔識廣東話。然後個姐姐又話：你地好食快D喇我地收十點。我就話：下，剛剛問你同事OK先入尼食，我唔會真係坐到22:00。姐姐：咁我地都要清潔嘛，你地仲有三十分鐘食咋，食唔食得切呀？當時21:00。我心諗：其實你唔想我入尼真係唔緊要，我明白姐姐想早收工，都唔洗咁呀？！算，快快食完走。叫完等大約十分鐘點心開始到，然後21:15姐姐又行埋尼，又話：仲有

對上果次食添好運係切期油麻地果間，排個幾鐘先有位既細舖。其實d點心唔係比其他茶樓好食好多，唯一係其他茶樓食唔到既就係佢個麥西哥叉燒包!甜甜地包皮，多汁叉燒，又熱辣辣~超正!p.s. 呢個舖d裝修靚過以前我食果間好多好多。

間中都會幫襯下，因為味道還不錯，價錢亦可接受，算大眾化。今晚睇戲前，打算快速食個晚餐。朋友未到，我先入，打算食住等，點知服務生強烈要求要等埋我朋友先俾入座。我已說明7.45前一定離座，唔阻佢地一張枱既位，而當時已7點，亦無人等位，我亦只有兩人。點知對方繼續調係公司規矩，仲要搵第二個同我講。又話唔係食幾耐既問題，就算食到9點，都唔俾入，係公司規矩。咁樣做生意即係趕客。如果我一班人食，個個未到，唔俾入座，可以亦合理。但而家係兩個人，亦唔會食超過45分鐘。規矩都係睇情況的吧？驚人攞左位但唔食野霸住個位，咪限人時間囉。服務真係好差好差！

添好運個名，聽了很久了；但從未試過，只因小妹不喜歡排隊。年初六下午4時半路經此店，不用排隊，便跟爸媽進場。一進店，一位戴眼鏡地中海髮型穿恤衫的中年男子就吩咐我的坐位，我見店子又不是滿座，位置又迫，就向他提出轉坐另一邊；男子立時和我表演四川絕技，再帶我到另一張枱。算，父母在場，我都不想掃慶。甫坐下，我就看見茶杯有個紅色唇印，我當然請他換一個；男子真有性格，「JIP」了一聲，就把鄰枱的杯給我移形換影了。選點心；在點心紙上找不到推介的腐皮卷，我又找他來問。我邊說話邊用手指著餐紙上的腐皮卷圖畫，哈，原來他除了曉得四川絕技外，還是一個先知。我只說了兩個字「請問」，他就講了兩個字「無晒」；我登時呆了，高手呀，世外高人呀﹗定神後，我們點了四款點心酥皮焗X燒包我自己不太吃甜，所以我覺得它甜得有點過份，但爸媽就就很合適。X燒鬆化又夠熱，包就鬆軟有彈性，不錯。晶瑩鮮蝦餃皮薄餡靚，蝦又彈牙，這個我很喜歡。陳皮牛肉球沒有了一般酒樓的梳打粉味，但我相信肉的比例亦不多；整球牛肉都很鬆化，加上墊底的腐皮更是一絕，滑不溜口。蠔王鮮竹卷沒有腐皮卷，我們就選了這個，我就覺得這個口味是重了一點。四款食物都算中上，但唯獨服務

添好運這個名字, 相信大家也很熟悉. 或者我介紹一下添好運在米芝蓮的戰績. 旺角元祖店, 2010-2013年連續四年得到一星. 深水埗分店, 2011-2015年連續五年得到一星. 北角分店, 2013年必比登, 2014-2015年連續兩年得到一星. 大角咀分店, 2014年必比登, 2015年得到一星. 這個紀錄, 比起不少酒店中菜廳更加出色.是日一家人來到奧海城, 就試試添好運的大角咀分店吧. 這裡是旺角元祖店結業後搬過來的, 但環境就大有改善, 擺位不再是那麼濟逼, 裝修亦見光猛了不少, 目測是添好運五家分店中比較舒適的分店, 而且地方大, 不用排隊, 真好.晶瑩鮮蝦餃 $26: 8分, 首先來客晶瑩鮮蝦餃吧, 吃點心, 總愛吃蝦餃, 添好運的出品, 一向有水準, 蝦餃皮夠薄身, 蝦肉幾有鮮味.古法糯米雞 $26: 8分, 另外一款很愛在添好運吃的就是古法糯米雞, 因為實在是相當足料, 大大隻, 填肚之選, 而且糯米不會太實, 也不會蒸得太濕.蜜味叉燒腸 $20: 7.5分, 文迪一向愛吃叉燒腸, 那就來一客蜜味叉燒腸吧. 叉燒蜜味足夠, 但稍嫌質感是有點實. 至於腸粉皮就不

大年初四 同屋企人飲個茶之後拜個年呢個新年都算過得完滿過年就緊係要添好運啦奧運呢間添好運係米芝蓮一級餐廳 又平又抵食係佢既招牌雖然等左成粒鐘先有位但食物速度就極快酥皮叉燒包 熱辣辣有菠蘿包的脆皮咬落好鬆軟香脆薄薄的叉燒一片肥膏都無食落亦鬆化香甜香煎咖哩牛肉包最啱熱食外皮似生煎包 咬落去好香咖哩味食落亦有粒粒牛肉鮑汁鳳爪鮑汁非常入味 鳳爪的膠質濃厚令人感覺滋潤養顏 亦都好厚肉叉燒腸牛肉腸粉皮都算薄叉燒腸係叉燒碎 份量多但好細粒牛肉腸係牛肉球的餡 餡料唔算多 感覺一般賽螃蟹春卷春卷皮好香脆 裡面係蟹蓉食落脆卜卜咬落就軟軟暖暖都幾特別 而且好香 值得一試

經常會在奧海城附近走動的我, 不論是午市或是晚市經過此店的時候, 門口無不是大排長龍的人潮, 由於本人不喜歡花太多時間去輪侯位子, 所以選擇了平日下午茶時候來品嚐期待已久的添好運.晶瑩鮮蝦餃-- 單看賣相, 果然符合他的名字"晶瑩", 裡面會有幾只大大粒的蝦, 果然皮薄餡靚 鮮蝦燒賣皇-- 跟蝦餃都是一樣，份量都是大大粒，相當飽肚，但味道不算太大驚喜。蜜汁叉燒腸-- 叉燒份量相當十足，再配上腸粉豉油，好味 古法糯米雞-- 最不滿意的就是過個，最裡面的糯米竟然不熟，吃下去是一粒粒的硬米，比普通茶樓還要差，很失望！食物整體上來講不算太大驚喜，可能是我期望太高，還值得一提的是該店的侍應服務態度還有很大的進步空間 。

一直都知添好運久負盛名。系星加坡做嘢果陣見過下朝3點，鋪頭出邊仲有好多人添。來到香港，唔食一次好次對唔住自己。而且大角咀哩離屋企好近。下午5點半到，唔使等位。叉燒腸粉 - 腸粉口感很不錯，細膩卻不爛，唯獨感覺太涼了，影響口感，有點溫度會更好。蘿卜糕 - 比較有型，不會動不動就夾散。配上辣椒醬，過足嘴癮。臘腸滑雞飯 - 雖然香腸平淡無奇但滑雞香嫩無比，配以香米飯，不得不讚嘆，確實下飯。蝦餃 - 蝦肉大又新鮮，不會有很重的腥味兒。馬拉糕 - 鬆軟香甜，入口綿綿，趁熱吃才好味！豉汁排骨 - 配以青椒，解油膩感，第一嘴除了肉香會有很清爽的口感。雖然放了少量糖來調味，但是個人感覺鹹味過重，喧賓奪主。

添好運 - 一間以即叫即蒸點心打響名堂的食店，分店愈開愈多，水準卻... 還是當初總店的味道最好! 雖然分店味道不及最初的總店，但點心仍是不錯的，而且坐得較舒服，所以今日兩口子去開奧海城有點事要辦，還是"中"了入去添好運嘆番一盅兩件。菠蘿叉燒包是我在添好運的至愛:蝦餃都ok，都算皮薄餡靚:鳳爪排骨飯只能説普通啦:千萬千萬要記住這碟咸水角:其實之前已吃過，嗰皮又厚又硬超少餡，超級唔掂，彭主席好鍾意食咸水角，所以唔記得今次又點了，結果第二次居然能"保持水準"，同樣是又厚又硬超少餡，真的不想再給第三次機會了!撇除那碟又再中伏的咸水角，我是幾喜歡這種即叫即蒸點心小店的，尤其這種寒風颯颯的天氣，在溫暖的室內嘆番一盎兩件，很老人家的喜好，但我喜歡。

由佢喺廣華街開張到佢搬，我都從來未食過，因為佢以前間鋪太細，想食，唔等返粒幾兩粒鐘你都唔駛旨意食到，呢個等位時間對於我嚟講，唔係好乎合經濟原則，XDXD到佢搬咗，我都只係知佢去左大角咀，完全冇考究過佢喺大角咀邊度，不過，男友竟然有睇過佢搬咗去邊，因為唔知點解自從呢添好運開咗之後，旺角多咗好多呢啲點心食店，我地間唔中都會去食吓一盅兩件男友同我佢搬咗去奧海城，我地平時都係由旺角行去，因為其實都係10分鐘咁上下路程，行下當減肥點知，問題嚟喇，我地喺Openrice搵到，但係身處奧海城就完全搵唔到，行咗都一小段時間，先決定不如行出出面搵喇，點知真係俾我地喺天橋樓下搵到佢去到其實都唔係好多人等位，可能真係街坊先會知佢開咗喺呢個位，等咗大約20分鐘，就到我地~~一坐低，男友第一時間話要叫酥皮包，XDXDXD賽螃蟹春卷，呢個炸得好脆，不過唔知點解，好似同賽螃蟹唔係好夾~豉汁鳳爪，呢個更加唔會有咩特別蜜味叉燒腸，呢個腸粉粉漿好滑，好好味，豉油係甜嘅，唔會有一般酒樓食咁鹹，好有水準家鄉咸水角，炸得好脆，涵就唔會太多，外皮亦都唔會太栗，都唔錯酥皮焗叉燒包，呢個真係一絕，極級好味，不過，真係最好一嚟到就食晒

之前因廣華太多人始終冇試過，後來去過深水埗那間，覺得味道不錯，價錢便宜，就試下呢間，今次帶了個加拿大回來渡假的朋友品嚐，點心種類不多，很快便點了，先來個酥皮叉燒飽，我特意介紹朋友定要馬上食，皮依然薄，但越食越甜，比起之前食的簡直超失望，吃了一半已經放棄了，再來蝦腸同豬潤腸，粉皮不夠滑，甜豉油不甜，好似超級市場買的貨色，豬潤好鞋同有根，蝦餃皮厚，最差係個鳳爪，唔知落左咩調味，好難入口，汁又很杰，馬拉糕亦係之前我嘅至愛(因之前食過做得很出色)，但今次好濕，唔鬆，好甜，總之唔好味，基本上今次沒有點心令我再留戀，未出點心時我已叫了很多點心外賣給家人，食嘅時候已經後悔，唉…家人還問我是那一家的出品這麽差，我說是添好運家人們也呆了，竟然現在的出品這麽差，相信沒有機會再幫襯了

第一次吃添好運, 其是也是慕名而來啦, 因它獲米芝蓮嘛~ 這次的到訪, 完全因為馬來西亞朋友到香港旅行, 為一盡地主之誼, 我與男友帶她們遊香港. 本想帶她們到稻X 或超級漁X 的, 但想起這間, 於是就去試試. 10AM去到, 剛好catch到第一輪入座, order 好點心後, 再往窗外望已見人龍.酥皮焗叉燒包– 外層焗得脆, 內裏有熱烘烘的惹味叉燒, 好好味~ 但幾年前, 我在其他平價茶樓也吃過, 味道相若, 但價錢便宜些黃沙潤腸– 豬膶有少少沙的口感, 勾起我那些年要喝豬膶水補身的日子, HAHA,叉燒腸 - 腸粉拉得軟滑, 叉燒肥瘦均勻, 不錯~蝦餃皇– 不算大粒, 但蝦很彈牙, 可惜味道總是欠點甚麼糯米雞– 用豉油醃過的雞件把糯米飯也染了味和色, 不會太咸, 還有冬菇等作餡料; 糯米的軟硬度適中, 我幾喜歡這點心, 但$26....貴左D鮮肉面醬蒸茄子– 好一般, 而且面醬味不夠香滑奶黃包– 不是流沙那類, 或許讓海外朋友有點失望. 奶黃餡於整個包的比例來說不算多, 吃不出有濃濃的蛋黃味, 反而是香滑的奶味, 各人喜好不同, 很難定奪好吃與否蝦肉燒賣– 用蝦肉代替肥豬肉,

先在這裡謝過OpenRice送出的<Chef>特別場戲票讓我在這個週日能夠享受一套有意思又輕鬆的美食電影欣賞完好戲後 忽然想吃傳統點心於是就起行回到我地頭 大角咀覓食喇自從添好味這間米芝蓮點心由旺角轉戰大角咀後一直都沒有抽時間光臨 今晚撩起了飲茶癮就一於"得閒飲茶啦!"畢竟是米芝蓮級數的餐廳所以點心紙都有中英文翻譯啊每一張桌子都有茶壺供客人自行加茶是夜點的點心有這些經典菜式:來到添好運 雪山叉燒包這味經典當然不能不點叉燒包每次都是幾碟幾碟新鮮焗起才送到客人桌上好吃是一定的裡面的叉燒與醬料熱騰騰 一不小心就會被燙傷啊而且麵包新鮮 鬆鬆軟軟 三兩口就把它解決掉了再來是另一道家鄉經典 煎藕餅肉餅煎得乾身 肉質夠實再加上爽口的蓮藕粒 口感味道匹配又好吃春卷是我小時侯的至愛這裡把春卷加入了新元素把賽螃蟹和春卷mix & match材料換成蟹肉和蛋白後 (老實說 不怎麼吃得出蟹肉來)整個感覺都較輕盈健康有心思又有創意潮州粉果都是另一款熱門的傳統點心基於是由細食到大的關係 倒沒有什麼大驚喜就是每一粒粉果都好飽滿 好足料 已經夠讓人滿足無飯到肚係爭咁d既所以男友點了個鳳爪排骨飯作結小小

其實已經唔係第一次去食。頭2次去要同人坐得好近其實已經唔係好鐘意（一張長型6人枱坐足6個人，2×2×2）。今次去雖然唔洗同人坐得勁close, 但係又一次感受到佢服務態度差既程度。點心種類極少，見枱面張紙寫有腐皮巷張相咪問下寫咗喺邊囉，點知個女經理就大叫一聲“寫哂喺張紙到！”。就係唔知有無先問啫。。。叫咗6樣嘢，係得一半嘢ok 其餘就。。。鳳爪唔夠淋&汁，潮州粉果啲皮&花生過淋，腸粉啲皮又係過淋癡住哂對筷子又。牛肉球，桂花羔ok。叉燒包中上（都係無而前咁好食）。

想試添好運好耐, 但間間都大排長龍, 今日行開附近, 又冇乜人唔洗排隊, 即入!地方都幾大, 但唔係好多人, 原來哩間收9點半, 我地8點零入去都幾多吉位菜單選擇不多, 比起一般點心店重少選擇酥皮叉燒包咁出名一定要試啦, 咬落去真係好好味, 熱哄哄的, 又足料, 值得推介但之后的點心就失望了....唔知係咪就收鋪, 皮蛋粥唔夠熱义燒腸唔夠滑, 好少料蒸飯可能放得太耐, D飯好硬, 煎蛋好乾, 牛肉餅冇味另外重叫咗鳯瓜排骨, 但食落太咸, 味道同其他點心點差唔多, 分別不大其他糯米雞, 蝦餃, 燒賣, 冇乜特別米芝蓮推介點心, 又唔覺得特別好好食