添好運點心專門店

營業中

休息中

每次想食點心，想不到新店都會到添好運。通常都是點某幾款小食，整體質素都係水準以上。首先話蝦餃，味道清甜鮮美，蝦肉鮮嫩多汁，皮薄韌度啱啱好，煮得剛剛好，不會太爛或太硬，感覺好新鮮。燒賣亦然，燒賣皮有啲彈牙，燒賣肉有足夠嘅鮮味，不會太鹹或太淡，十分開胃。✨鳳爪係我唔可以錯過嘅點心，添好運嘅鳳爪雖然唔算係最大隻，但係味道十分正宗，醬汁香濃有味，鳳爪肉質腍滑，肉皮亦夠軟滑，都係非常好食。馬拉糕亦係另一款經典點心，味道唔會太辣，但又有足夠嘅香料味，質感腍滑，好適合搭配一杯熱茶食。❤️最後講下雪山叉燒包，雖然呢款係添好運嘅招牌點心，但我覺得味道一般，叉燒肉質有啲老，包皮唔算太鬆軟，亦唔算太韌。不過，好處係叉燒汁夠多夠濃郁，所以都算食得過癮。✨添好運嘅點心質素都係水準以上，雖然未到最好食，但係價錢合理又食得滿足，所以都值得一試。

無先睇下面食評 經過好多次終於試下啦 我一個人叫咗 鳳爪排骨飯和一碟烚生菜想叫多個點心都係唔好住 試下兩樣睇下好唔好先 首先個飯來到了蒸得好濕一pet pet 跟住個烚生菜好多油唔太啱食

一直食開添好運，點知尼間甘垃圾，服務態度又差，嘴藐藐，又打錯單。衛生環境一般，味道一般，服務拉低整體添好運水准。十分不推薦來食，難怪飯點都冇人排隊。食過一次，冇下次啦。

今次嚟叫咗多款點心，包括燒賣、鳳爪、蒸粉果、馬拉糕、牛肉球、牛肉腸、叉燒包及蘿蔔糕，可說是極大路的點心；長話短說 ，部份點心味道不達水準，現簡短分享：燒賣及蒸粉果味道和質感還好 ；鳳爪嘅靈魂-芡汁，味道欠奉使人非常失望；馬拉糕味道還好，但件頭太細；牛肉球和蘿蔔糕又係衰在味道上；蘿蔔糕可說是近年來吃到的最差了；牛肉腸喺甜豉油配襯下味道中上；叉燒包是這一餐最滿意的，保持極佳水準！希望老闆可以定期做下食物QC，看看出品達不達到水準，唔好再令捧場客失望。另外，當日侍應服務非常殷勤。

今晚成班網友一齊去睇入樽🥳🥳🥳約左其中一個友人去澳海城食野再一齊行去，咁黎到就睇下有乜好食，見到呢，懷念舊屎馬拉糕味，就入去食。點左唔同點心，最緊要就係點個馬拉糕啦😋😋 豉汁蒸鳳爪普普通通，冇咩好講叉燒腸料多皮滑，唔錯😋金銀蛋瘦肉粥幾好食，佢個粥底幾特別，但係又講唔出有咩唔同，係同平時食既粥有好大分別，各位知唔知有咩唔同？紅油抄手都係冇乜特別，我覺得不過不失鹹水角幾好食，料多過一般酒樓，唔錯👍杞子桂花糕好軟淋，覺得咬落好易散開，有陣花味，鍾意食既會覺得好食。酥皮焗叉燒包真係後悔太遲先食，呢款唔食尤志可，一食就覺得好好味，酥皮又脆又軟，入面又熱又香，一人一件，食完都回味無窮，再叫多碟食，誠意推薦👍👍👍👍👍👍馬拉糕就失望啦，同我n年前食既馬拉糕好唔同，以前食落係又香又軟又甜入心。而家覺得好普通，係我記憶錯左？懷念腦海中既味道🥲🥲不過成餐都唔錯，可能下午去，坐得舒服。

馬拉糕細件左，味道普通左，似一般酒樓既馬拉糕，冇以前咁好食。🥲🥲🥲金銀蛋瘦肉粥，料多，味道幾好，我覺得粥底有啲特別，同出面啲粥有唔同，但又講唔出有咩唔同紅油炒手小小辣，肉質夠新鮮，夠嫩。皮幾薄，唔錯。叉燒腸皮薄但唔多滑，料多，屬正常野。咸水角皮脆又煙韌，餡夠熱又多，趁熱食好好食👍👍蒸鳳爪味道幾好，正正常常焗叉燒包多餡，菠蘿皮脆又甜，叉燒餡又咸，甜中帶咸，食落又好好食😋😋，如果熱啲應該會仲好食，本人最推薦👍👍👍食完唔夠飽再叫多碟食，正😁😁杞子桂花糕，足料，多杞子，多桂花，不過好甜😅😅😅整體幾好，不過可能我懷舊，覺得十幾年前喺旺角食嗰陣，好食好多，尤其馬拉糕。唔知係哋美化左以前，覺得而家冇以前咁好食。

其實嘢食都還可以接受但係啲枱枱凳凳真係見到都有啲唔開胃個杯都未用已經係污糟.啲員工嘅服務基本上同一個機械人冇分別成間野嘅感覺俾到我好污糟同員工不是很有善好彩完全唔使等..嘢食幾好食都唔會再嚟🫤Food are acceptable The table and chairs are all molded so you can prepare to will lose some appetite.Cup and plates are basically dirty before use.The staff here are no difference than a robotOverall this place feels dirty and not friendly. lucky there was no wait…Will not come again 🫢

🇭🇰添好運點心專門店·天氣開始凍啲 朝早就勁想食點心 不過唔知係咪太耐冇食 感覺佢依家個menu選擇好似唔算話好多咁🤣🤣·酥皮焗叉燒包$24 l 鮮蝦燒賣皇$31 l 豉汁蒸鳳爪$21今次嚟主要都係想食我好鍾意既酥皮焗叉燒包😈佢呢度個酥皮真係做到幾酥 而且新鮮焗起好夠熱 不過我就略嫌佢今次中間嗰叉燒太多醬 所以食落有啲漿口 但係都好味既🐷之後佢個燒賣調味好好 啲蝦口感都唔錯 而且豬肉餡部份都好味🦐最後個鳳爪都唔錯😎·士魷馬蹄肉餅飯$29之後呢個馬蹄肉餅飯都唔錯 佢個肉餅做得好好食 入邊好多馬蹄 所以口感好好🐷之後佢個飯都出奇地幾好味 口感幾好 係偏濕少少🍚·#rbyeat#rby港式#rby大角咀 #rby中環 #rby北角 #rby將軍澳·📍大角咀海庭道18號奧海城二期G樓72號舖📍中環港鐵香港站L1樓12A號舖📍北角和富道2-8號嘉洋大廈地下B,C及D舖📍將軍澳貿業路8號新都城中心二期地下G03號舖

點心店的始祖，發展到現時每區都有好多不同嘅點心店，但係始祖添好運反而越嚟越普通了～先係點心款式不多，都係一般大眾化嘅款式～但不得不讚的只有個雪山叉燒包，的確現時好少點心舖有嘅點心，味道亦都可以，但係叉燒餡略為有點鹹～其他點心味道都係一般～同埋今日一入去好大浸「噏」味😬😬

【親民價米芝蓮點心🌌必食酥皮叉燒包】點心專門店添好運以野食平靚正見稱，用平民價錢食到米芝蓮級點心，首推酥皮叉燒包，上蓋麵包好薄，所以酥皮好薄身好脆口，必食！！酥皮焗叉燒包 $24潮州蒸粉果 $18陳皮牛肉球 $20蠔皇鮮竹卷 $20免治牛肉腸 $27黃沙豬潤腸 $27金銀蛋瘦肉粥 $23💬點評叉燒包好正牛肉腸+豬膶腸入面餡料比較少粉果+瘦肉粥都不錯如果大家覺得我review得ok，可以follow 我IG @hkdine360(📍大角咀) 添好運點心專門店大角咀海庭道18號奧海城二期G樓72號舖#hkdine360 #hkfood #hkfoodie #大角咀餐廳 #添好運 #中環餐廳 #北角餐廳 #飲茶 #米芝蓮 #美食 #大角咀美食 #中環美食 #北角美食 #foodiehk #吃貨 #餐廳推薦 #打卡 #打卡餐廳

1. 安排極差 ~ 無飛攞祇限可以個個排隊等位，如果人唔齊又唔俾入去坐，中午係三十幾度高温下🌡企係街外排半個鐘都真係幾辛苦下🌞2. 環境好迫 ~ D枱簡直係枱貼枱，完全係攞盡每一寸空間,完全唔會浪費每個位置☹️3.食物縮水～簡直完全係迷你版點心😡我未食過一碟鮮蝦腐皮卷😳可以仲短過支牙籤size😱價錢又唔喺平咗🦐蝦又唔見係特別新鮮🥺但點解份量可以縮水到咁樣😕豬潤腸粉又係縮水版又幼又短仲要爛皮，乜豬潤好貴咩可以全部都碎濕濕又少，牛肉雖然都係对比正常嘅size細，但牛肉都上算可接受程度🙈其實我之前都幫襯過但真係大不如前😪但對比今次完全係兩回事，我相信以後都唔會再幫襯，雖然係米芝蓮但都俾D良心出嚟，唔好掛住米芝蓮嘅名而去賺到咁盡囉…

想食點心好多時都會選擇添好運 因為質素有一定保證 同埋坐得舒服 今次晚餐唔係好肚餓所以都淨係叫左五個點心 其中最鍾意既係招牌既雪山叉燒包 外皮甜甜脆脆夠曬鬆化 叉燒都好Juicy 蝦多士反而有DD失望 本身以為係蝦膠傳統既做法 但點知 蝦同多士分開 無乜驚喜 唔係好建議叫呢個 桂花糕質素都比較普通 比較易溶 但係桂花味唔算好清甜 質感比較似Jelly 咁樣既口感但係如果行商場比較攰 又想搵個Decent既地方坐低飲啖茶 呢度都會建議大家黎

好耐冇食添好運喇！🥳今日專程黎到奧海城食佢既酥皮叉燒包，果然冇令我失望咁耐冇食都仲係好好食😋仲記得岩岩開既時候要排好耐先食到而家假日食飯時間黎到都唔洗等位不過依然都係滿座其他點心水準就正常，冇乜特別雖然選擇唔係好多，不過都好滿足🤩🫓酥皮焗叉燒包（$23）特登為左呢個黎食，一咬落去都仲係以前既味道🤩麵包焗到外皮香脆，入面就好軟熟❤我可以一個人食晒三個都得🤗🤣🦐懷舊鳳尾蝦多士（$24）蝦多士都炸得好香脆，唔會一咬落去全部都係油😋蝦亦都算大隻而且有蝦味🐮陳皮牛肉球（$20）牛肉球都好香陳皮味，而且彈牙🤭平時我唔太好牛肉球都覺得唔錯👍🥘酥香素XO醬腸粉（$25）呢個叫既時候冇諗到原來係炸腸粉，仲以為純粹係XO醬腸粉😅佢都炸得好香脆，炸皮夠薄而且亦係唔會食到成口油中意食炸野既朋友一定會中意🍚鳳爪排骨飯（$29）排骨飯就冇乜特別，正常/📌添好運點心專門店大角咀海庭道18號奧海城二期G樓72號舖/😋食物質素：7.5/10🍽️用餐環境：7/10💰性價比：7.5/10👣回頭率：7/10

話說之前一路冇食過，都好想食，今日終於食到。傳說係話米芝蓮嘅茶樓。第一次食，期望太高，最後就只有點失望。酥皮焗叉燒包$23最好食係呢個！同事話呢到最出名係叉燒包，又真喎，外脆內軟，叉燒饀唔算多，但整體好好食，調味啱啱好。酥皮好正馬拉糕$21第二好食我認為係馬拉糕，有黑糖味道，唔太甜，又熱又軟熟！蝦餃$31、燒賣$31、鳳爪$$21不過不失，唔算好好味咸水角$19一向鐘意食，呢間都好外脆內軟嘅。但饀唔多，又細粒，好冇癮春卷$26好油，麻麻地鮮蝦腐皮卷$29同一般食開有啲唔同，細件好多，外表都唔似其他酒樓嗰款。唔太特別，蝦又唔大蝦腸$28、叉燒腸$26冇特別，其他酒樓好食啲總括而言，我都唔太明白點解呢間會係米芝蓮…💰平時一人$70左右

去奧海城行街shopping完，想找間餐廳食下嘢休息一下，最後揀咗食點心 - 添好運。不知是否給炸雞店收購後，多了些特色創意點心。韭王鮮蝦腸 - 正常的鮮蝦腸，冇乜韭王味。酥皮焗叉燒包 - 這個招牌菜每次黎到都一定要叫，坊間有許多茶樓爭相模仿，但做唔到添好運的皮薄餡多加上雪山的效果，出面只能做到叉燒餐包。蛋白蝦春卷 - 口感特別，春卷入面有點似賽螃蟹，唯一美中不足的是蛋白比例比較多，蝦味不夠，失去蝦春卷的精髓。鮮肉韭菜蝦薄餅 - 以為是薄撐之類，原來是兩面炸皮中間夾餡，口感似炸雲吞，餡料算多，但只食到鮮肉韭菜味。由旺角舊舖食到開分店，見證由平民小鋪去到米芝蓮餐廳，沒有因為被收購/品牌名氣，去抬高價錢或食物水準下降，但我覺得還是食傳統點心比較好。