添好運點心專門店

營業中

休息中

多年無來深水埗本店，今次來吃午飯，發現徹底裝修過，變得光猛、漂亮、好坐咗好多。酥皮焗叉燒包- 仲保持到水準，好味又唔係貴，份量又足，必吃之選。蝦餃- 都算好食，不是水晶皮，也不算薄，但口感都不錯，味道都好好。鮑汁鳳爪- 添好運的高價小食，味道及口感不錯。黃沙豬潤腸- 添好運的腸粉皮一向都不錯，今次腸粉皮都出色，但豬潤腸就變得很少豬潤，又不沙，失望。鳳爪排骨蒸飯- 不是一粒粒飯的蒸飯，不可算是合格。水準是有低下了，但相對其他要收加一的酒樓，添好運的性價比(CP)還是很高。

價錢偏貴得來唔太知賣點料算新鮮但太少，完。全。食。唔。飽！😰一個女仔：叉燒腸、燒賣、蝦餃、茄子要後加個排骨，來到都係極細份-___-食完完全唔飽，個茄子係炸 極多油。。。亦唔辣，無乜特別燒賣蝦餃普通 無咩形容詞，真係一般到好一般既蝦餃燒賣好過公仔點心少少，蝦餃都多蝦但好細粒叉燒腸係明顯比出面細至少1/3亦都幾削，但叉燒係靚叉算多肉係芯位，無油膱味茄子真係勁多油唔推介，無咩其他味個廁所又無啦啦擺勁大個垃圾桶響門口 行出行入又唔方便地面勁濕，入面細都算連個掛袋既地方都無-____-無男女廁得開放式2格只能講去返去開間普通茶樓，平靚正最後要叫多個排骨但未食就打緊字，唔好有期望，啲錢俾哂裝修。。。-_-

好出名的點心專門店，曾經係人山人海朝聖嘅米芝蓮食肆，但我覺得到了現在已是虛名罷了，首先門口接待的人員很冷漠，入到店內感覺環境衛生欠佳，裝修和枱椅都破舊，食物種類和選擇都不多，都是一般酒茶樓點心和食品，而食物質素真的一般，最達標的是酥皮焗义燒飽和櫻花蝦珍菌醬撈麵，其他點心真係好普通，而且有幾款點心（虎皮尖椒、鮑汁鳳爪）真的有點失望，而侍應招呼亦不好，反而傳菜姐姐有禮友善，整體來說是一間普通不過的食肆，食物普通價格合理，招呼欠佳，衞生環境有很大改善空間，如果順路經過一試無妨，但絕不值得專程去食，正所謂無期望就無失望吧！

每次黎到都必食嘅酥皮焗叉燒包😋深水埗飲茶嘅話，我最鐘意去添好運👍因為佢地嘅酥皮焗叉燒包實在太好食😍外層係鬆脆嘅酥皮，裏面嘅叉燒餡都好食，係其他酒樓係食唔返呢個味道。另一樣推介嘅係，豬膶腸粉，呢個好食😋今次仲試左新野。櫻花蝦撈面，味道唔錯，櫻花蝦份量好多🥰

睇睇下KKday，發現一個$88嘅「九龍打卡美食遊」行程包括: 1️⃣南蓮池園+志蓮淨苑2️⃣油麻地天后古廟+果欄3️⃣添好運飲茶: 蝦餃、燒賣、酥皮焗叉燒包、蘿蔔糕、炸春卷、咸水角、叉燒腸、豉油皇炒麵、杞子桂花糕、南瓜西米露蘿蔔糕，桂花糕都好易散。酥皮焗叉燒包，燒賣幾好味。炒麵好油。南瓜西米露無乜味。其實都唔難食嘅，但添好運n年前係米芝蓮一星架，宜家就肯定同米芝蓮爭好遠了。好多點心店都爬過頭啦，質素真係keep唔住啦。難怪宜家要做團餐😖評分： 6/10

好耐之前已經食過深水埗總店，係佢想咪知蓮之後一直都未有機會再食。趁着疫情期間唔算太多人排隊咁就入去叫咗好多款點心，我覺得最好食係雪山叉燒包，同10年前嘅味道係一樣嘅👍🏻👍🏻👍🏻

成日都想去食一次終於去到唔洗等位就試下啦座位真係太密集座得唔舒服樓底好矮所以好噪二人枱真係好細只放到一樣點心除非蒸籠就可以疊高所以食得好急👎🏻有d 冇影相D 點心真係皮薄足料好少有豬潤腸有兒時味道

每次經過都必有人排隊，話晒米芝蓮嘛，今日閑日，竟然無人排隊，就入去試試佢出晒名既酥皮焗叉燒包，必食👍🏻👍🏻👍🏻，果然，新鮮出爐香噴噴熱辣辣，個酥皮一咬落去好鬆脆，成個包又好鬆軟，入面啲叉燒肥瘦度恰到好處，岩晒唔中意食肥肉既我，另外我仲點左其他點心，蝦腸，牛肉，馬拉糕，都比一般酒樓出色，尤其個蝦腸，腸粉皮唔爛，好滑，整體上有8分（10分滿分），會再去食👍🏻

添好運酥皮焗叉燒包世一❤️😍即叫即焗，雖然要等耐啲啲。。但出爐熱辣辣，外皮酥脆，但個包又好鬆軟，好似食緊菠蘿包☺️內餡叉燒唔乾身，又唔會太肥🤤為咗呢個叉燒包會encore

落單叫左九個點心，說好的20-25分鐘有取，半個鐘都未有，原來差個蝦餃。去到50分鐘，開始覺得唔對路，就算等到個蝦餃，其他整好嘅都應該已經凍咗。想搵人交涉，門口的恤衫男人話佢只是負責帶位，找晦氣要搵入面啲阿姐。入到去，阿姐A話唔係佢負責的呢張單，問我想佢點；阿姐B話佢都冇辦法，催佢都冇用，求其攞咗其他人個蝦餃打發我走。我話，其他的點心已經凍晒，佢都係話冇辦法。我十分鐘內已經返到屋企，當然係全部嘢都係凍嘅，浪費時間同金錢換來一肚氣。

某日想食點心，但疫情限聚令下，外賣安全D，諗到去添好運買，見到都唔少人等外賣，原來佢地只有外賣停咗堂食，蝦餃必食：唔算大隻皮薄餡靚，唔會只有死實蝦球，蝦同豬肉份量適當，一D蝦腸同屎都無。酥皮义燒飽亦都皮薄餡靚，飽皮比一般飽簿，餡咸甜適中。豬潤腸粉腸粉皮幾薄，有D透明見到餡，黃沙豬潤啱啱熟唔硬幾爽口，但比一般常見腸粉細條。櫻花蝦糯米飯，味道一般而且分量很少，得外賣盒三分一左右，可以唔試。其他食品OK啦，始終外賣對質素有一定影響，例如炸物外賣好難保持美味，值得一讚外賣只等咗半個鐘而且返到屋企即45分鐘後D食物仲有餘溫，外賣包裝非常好更有九折抵食

又係疫情下晚餐系列，今次到人氣不減嘅米芝蓮餐廳，添好運。去完深水埗買嘢，行吓行吓見到有添好運，就想食佢嘅酥皮焗叉燒包，立即落單買返屋企食。酥皮焗叉燒包👍🏻👍🏻，三個叉燒包放喺精美嘅外賣盒度，外賣盒好貼心有氣孔，唔會咁易有倒汗水，返到屋企再自己焗一下，更加酥脆，更加好食。-鳳爪排骨飯👌🏻，排骨肥瘦適中，鳳爪夠入味，略嫌蒸飯豉油比較少，有啲太乾爭爭。-腐皮卷👍🏻，佢係成條落油炸，蝦肉都算多，加埋喼汁一齊食，推介。******************************👍🏻好食 | 👌🏻可以 | 😔 難食評分 : 7/10簡評 : 酥皮焗叉燒包冇得輸，蒸飯豉油可以多啲

This is one of the cheapest Michelin star restaurant in the world.Although the place is very run down, they have the best pork bun. I can literally eat dozen of these. The bun is crispy on the outside and soft and juicy inside.The cheung fun skin is so thin. Chef must be so skilful Luckily I live close by. I can always come here

This Cantonese dim sum restaurant was started by Chef Mak Kwai Pui, who was with Lung King Heen before. Along with Chef Leung Fai Keung, they started the 20-seater dim sum restaurant in Mongkok. A year later, they earned their first Michelin, and then opened more branches, offering good dim sum at affordable prices. They are so successful and now become an international group, with restaurants in 13 countries. We came to the branch in Sham Shui Po today, the one with Michelin 1-star in town. For

十年前係米芝蓮一星, 而家都係米芝蓮一星, 但係十年前我嚟到係要排長龍, 排15min先入得坐, 而家係一去到就有位, 果然十年前嘅美味今日已經失去了.....十年前嗰餐我會rate五粒星, 今次喱餐只屬普通, 基本上求其落街都食到嘅質素, 我只會rate三粒星