添添

營業中

休息中

👨🏻‍🍳添添 (元朗)📍元朗鳳琴街18號玉龍樓地下3&6號舖 「發掘到一間元朗街坊人氣茶餐廳🤤」 平日夜晚都爆晒座，入去第一印象系員工態度超好🤤見佢地系咁幫客人添飯，隨傳隨到，好輕鬆咁同客人打好關係，難怪咁多人幫襯🤤🤤 🍽️西式炒飯 $60超多海鮮配料😻蝦、魷、蜆😻蕃茄好鮮！！仲有細個食既廚師腸😻宜家D腸仔都好咸，難得有廚師腸🥹應該無乜用醬汁，主力蕃茄、蛋，感覺健康D🤤 👍🏻🍽️風沙蒜香雞翼 $85避風塘風味咁😻😻料頭脆香，吾會好咸😋重點系雞翼大隻得黎，好嫩！！外脆內嫩，雞肉超多味，大癲！！質感似脆香雞翼😝 👍🏻🍽️西蘭花炒蝦球 $85+$12轉套餐 有例湯、白飯、飲品😝西蘭花炒到好翠綠🤤爽脆👍🏻👍🏻蝦球大粒、鮮甜🤤 👍🏻🍲例湯中湯真系真材實料，夠味不咸🥹店員仲好好人話特登撈D湯料比我地😆🫶🏻好親切😆😆 👍🏻🍹凍奶茶（多奶）正宗港式奶茶🤤👍🏻👍🏻 #添添 #添添茶餐廳 #西式炒飯 #風沙蒜香雞翼 #西蘭花炒蝦球 #凍奶茶

呢日太熱唔想買飯返去食，就係添添兩餸飯對面嘅添添茶餐廳食啦。店舖光明乾淨，感覺係一間務實嘅茶餐廳。仲有全日早餐添🤣今日精選有蒸䱽魚，好新鮮，對得住價錢，啲肉唔霉架另外一個精選係回鍋肉，好開心入面有咁多蔬菜，當然肉都唔少啦。呢個川味唔會死辣，反而係好香麻味花椒味，真係好開胃。另外仲嗌多一碟馬拉盞炒通菜， $59有咁大碟，真係好抵食。食完唔會令你想狂飲水，非常好。晚市嘅套餐有湯仲有飲品，又唔使收茶位又冇+1 ，真係抵食過去酒樓好多

#鼠尾草食飲玩 #sagefoodiehk超抵😍 × 香口🤤 × 飽肚✨鼠尾草🌱嚟到元朗，呢間抵食又好味嘅茶記勁受附近嘅人歡迎！下午茶時段40幾蚊都可以食到超級飽，而且質素都唔差🥰。蔥油豬扒煎蛋撈麵嘅口感啱啱好，麵彈牙又唔會太腍，撈埋蔥油超邪惡、超香口✨！豬扒大大塊，配埋蔥油好夾。福建炒飯份量真係超級大，一個人未必食得晒🫨。而且裏面蛋炒飯飯底好香，配埋醬汁好味。下午茶餐脆炸雞髀配薯條好抵食，有大大隻雞髀，而且炸粉好薄，超級香脆，仲係熱辣辣新鮮炸起💖。💰蔥油豬扒煎蛋撈麵($48)💰福建炒飯($60)💰下午茶 脆炸雞髀配薯條($42)

呢排好熱呀❤️‍🔥入到呢間餐廳涼浸浸好舒服😀而且啲職員好好人 比咗兩個消暑湯我哋飲係木瓜湯 好正😍🤩👍🏽好足料😋😋👍🏽我哋叫咗兩個小菜兩個都好好食😋🤩❤️椒鹽鮮魷$95呢個椒鹽鮮魷大大件 咬落都好有咬口調味都調得好好 唔會太鹹椒鹽好惹味😍😍👍🏽👍🏽❤️西蘭花炒蝦球$85西蘭花好正 好juicy 完全唔會好乾身啲蝦仁都夠彈牙 😋👍🏽跟餐仲送咗兩碗飯啲飯都煮得好好食 🤤 軟硬適中👍🏽另外叫咗兩杯凍檸茶🍋

這間位於元朗的添添，主打多款冰室小食及飯麵，下午茶時間有多款特價粉麵及經典下午茶，由二三十元起，十分超值。吉列魚柳沙律炸魚柳超大塊，炸至金黃香脆，旁邊還有些清新的沙律，減輕油膩感。流心芝士西多士西多有三層，一切開就流出半溶的芝士，加上糖漿，咸甜同時溶入口中。招牌黑醋金沙骨金沙骨表面沾滿了黑醋汁，酸甜可口，金沙骨帶點香脆，肉質嫩腍，送飯一流。肉絲炒麵炒麵麵底炸至香脆，再淋上醬汁，入口半脆半腍，口感極好。

平時唔想煮飯就會落街買個雙餸飯🙈呢間既有雙餸飯又有餐廳嘅添添，相信對於係元朗生活嘅人應該都唔陌生😎今次坐低食，完全明白晒點解可以咁多人🤣1️⃣ 鐵板16ᴏᴢ西冷牛扒餐🥩唔好以為喺冰室入面鋸扒會麻麻～一個價錢有埋湯同飲品都幾抵食☺️ 呢到嘅西冷牛扒有成16ᴏᴢ，勁大份😍 而且西冷嘅肉質係有彈性，口感有嚼勁之餘肉味都好濃😆 西冷牛扒嘅脂肪比例較少，所以唔會太油膩，上台先自己淋汁，而且熟度都啱啱好，唔怕會ᴏᴠᴇʀ🤩2️⃣ 蜜桃咕嚕肉🍑平時食開都係菠蘿咕嚕肉，見到呢度有新款梗係要試吓😎用蜜桃代替菠蘿，食落去甜甜的～而咕嚕肉炸到好香脆，晶瑩剔透好吸引😍 食下食下都食哂成碗飯，勁滿足😚3️⃣ 菠蘿賓治🍍好ꜰʀᴇꜱʜ嘅味道👅～

今早，出元朗同朋友傾吓計，到元朗食街鳳琴街既茶記食早餐，環境光猛舒服。我食沙爹牛肉麵，茶走。朋友叫個歐陸早餐。茶走，先來，茶面多泡，飲落，很滑，有微茶香，茶師傅有料到，好。沙爹牛面麵，沙爹汁有花生香味，微啲啲辣，湯麵上一片生菜(我最喜愛)，來一口爽，四片大大片牛肉，有質有量，不錯啊！歐陸早餐，吉列豬排，煙肉，炒旦，茄汁黃豆，沙律菜同丹麥多士。唔係呀，$42咋，超超值。整體都新鮮好味。吉列豬扒，香口，炸得不多油，份量多到，我幫口，都食唔哂。員工服務有禮，環境清潔，食物好味又唔貴，下次試吓晚餐。

返教會前食返個早晨全餐，呢間都幾多人下，好彩係咁岩等一張枱可能因為都算平，早餐仲可以3字頭就食到🥲揀左個港式All Day Breakfast🤭估唔到都幾大份，牛扒大塊之餘夠軟身份奄列又係誇張既😆😆飽到tea time先再食得落野同朋友一齊嗌多個奶油豬🤭幸福就係咁簡單，好滿足佢就另外嗌面餐，雞扒正常量，米線就嗌左少量，費時一陣䀫眼訓早餐黎講唔算多選擇，但份量就好足同埋減見食扒餐吸收下蛋白質同纖維都唔錯

[✨元朗添添·高質抵食茶餐廳🥢]#添添 #元朗🔸美式什扒鐵枝餐 + 羅宋湯 $91黑椒汁調味恰到好處，唔會過於辛辣；什扒包括牛排、雞排同豬排，好豐富！餐湯係羅宋湯，非常濃郁酸甜都好適中，開胃之選🥰💗🔸豉椒排骨炒河 $63排骨好入味，鑊氣十足；炒河口感紮實有韌性，水準出色👍🔸椒鹽鮮魷 $95椒鹽勁香口，炸粉好薄，炸得酥脆毫無油膩感，而且分量都幾多下，好正😋————————♡♡♡♡♡♡————————✨總結店鋪燈光明亮，環境寬敞舒適，員工服務非常好。食物質素份量都唔錯，價錢又合理，係一間唔錯嘅茶餐廳👍💯📌添添🏠元朗鳳琴街18號玉龍樓3及6號鋪地下#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #元朗 #元朗美食 #元朗好去處 #元朗食好西 #元朗餐廳 #添添

平時食開佢地雙餸飯多，而家轉戰去佢哋對面餐廳度食吓小菜🙈小菜都幾有驚喜，好有鑊氣😎香噴噴咸蛋黃金鮮魷 $95小編就鍾意食呢個黃金鮮魷，佢炸皮好薄，另外佢嘅鹹蛋比起出邊大排檔應該仲要濃味少少！送飯食一流！魷魚炸完中保持到水份濕潤爽脆！呢個真係喺大排檔都未必食得到呢個水準！真係值得一試！加$12轉套餐 有飯同湯 招牌黑醋金沙骨 $ 85一樣加$12有飯同湯 金沙骨一嚟到就已經聞到好香濃嘅黑醋味，但係好彩食落口唔會太酸，而且又大嚿，肥瘦均勻 送飯一流 凍飲另外加$3

雞地添添本身係賣2餸飯，之後係對面開埋餐廳，今日同🐷先生睇完戲，黎個early dinner😌🔸啫啫滑雞煲上到枱仲喳喳聲，做法都傳統，有豬潤獨子蒜個d做配菜，雞件目測應該有半隻雞，煮到岩岩好，非常嫩滑🔸西蘭花蝦仁帶子茶餐廳都有精美既擺盆，西蘭花爽脆蝦仁彈牙帶子鮮甜，如果有埋少少蝦醬比我點下就仲開心🤗🔸黑椒牛肉炒意粉意粉彈牙，黑椒味同色澤好靚仔，仲有d芽菜韭黃增加口感，牛肉嫩口唔會過老👍🏻🔸飯餐仲跟左老火湯，今日係合掌瓜煲豬展，適合宜家既天氣2餸飯係餐廳對面，見佢人龍不斷，仲有多款海鮮選擇都好吸引，下次要試🤘🏻

📍添添 ⭐️抵食家常便飯平時夜晚想食中菜/家常菜，除咗去酒樓之外，茶餐廳叫小菜食都係一個選擇。估唔到呢一間新開嘅茶記都幾抵，一個小菜連湯、飯、嘢飲，$100都唔使。同埋要欣賞佢唔係嗰啲超鹹、超濃味茶記，比較貼近屋企嘅味道。見好多街坊都會嚟食！😋✨ 雙檸蒸元朗烏頭 $88 👍🏻👍🏻👍🏻👍🏻我見好多人嚟到一定會叫條烏頭，因為真心好抵！去酒樓食冇百幾蚊都走唔甩。呢一度賣得咁平，仲要包埋湯飯嘢飲😤佢嘅調味都係好出色！怪唔之得咁多回頭客～✨ 黑松露蝦球炒滑蛋 $98 👍🏻👍🏻其實我百思不得其解，點解呢個會貴過條烏頭🤣不過佢嘅蝦係幾新鮮，黑松露味都出。但係就冇魚咁抵食喇🤣✨ 金銀蛋肉碎浸時菜 $75 👍🏻👍🏻👍🏻我出街食中菜慣咗要叫個菜😂到到都係冇咁抵食㗎喇，自己煮一定最平～不過呢個欣賞佢，調味剛剛好，唔會太鹹，個汁仲可以當湯飲，好清甜！☺️👍🏻👍🏻👍🏻👍🏻（最推薦）- 👎🏻（可以唔使試）

是日喺元朗站附近返工，返完工梗係食埋嘢先返屋企啦，本身係比佢對面嗰間添添雙餸飯吸引咗，晚飯時間到係大排長龍，打咗幾個蛇餅。之後見呢間茶餐廳喺佢對面嘅，又有我好想食嘅西蘭花蝦球，就攞飛入去食啦☺️☺️我哋兩個人除咗叫咗碟西蘭花炒蝦球，仲叫咗兩個晚餐，分別係中式牛柳飯和瑤柱蛋白海鮮炒飯。中式牛柳飯瑤柱蛋白海鮮炒飯西蘭花炒蝦球凍檸檬利賓納紅豆冰見到隔離枱食蒸魚同煲仔餸，好吸引🤭🤭添添 (元朗)元朗鳳琴街18號玉龍樓地下3&6號舖

餐廳環境光猛舒適，正常新式茶記裝橫，特別在於有一幅卡通風格描繪餐廳外元朗街道既畫牆，都幾有特色。咖哩牛腩飯（$60）港式咖啡做法，口味較辣，特別香辣惹味，適合重口味人士，牛腩份量算多，肥瘦適中，有少許牛筋，薯仔特別入味，煮得都幾腍下，幾抵食既碟頭飯。常餐（$45）叫左雞扒配米粉、火腿奄列，拼牛角酥，經典常餐組合，牛角酥鬆軟香脆，有一定油香味，奄列以滑蛋包住滿滿既火腿絲，雞扒有用適量黑椒調味，皮薄肉厚，雞肉肉質鮮嫩。凍奶茶熱檸水

添添｜元朗地道茶餐廳元朗雞地新開咗添添茶餐廳，餐廳新式設計風格既茶餐廳：牆上掛有一幅卡通版既元朗街景，坐得舒服得黎都不失港味，晚飯時間都係街坊幫襯黑椒茄子牛仔骨煲是每次到訪茶餐廳心水之選，鍾意佢上枱一定係熱辣辣，牛仔骨份量多，另外配料都索滿香濃嘅黑淑汁，茄子送飯一流另外加咗$12 配例湯白飯飲品，今晚嚟湯係粉葛豬骨湯，店員熱辣辣拎上嚟真係即刻清晒碗湯另外叫咗豉椒鮮魷炒麵，豉椒鮮魷份量好多爽口彈牙，豉椒味都好重非常鍾意，底下金黃脆麵餅啲汁，脆卜卜非常滋味📍添添元朗鳳琴街18號玉龍樓地下3&6號舖