添記燒臘飯店

營業中

休息中

果日有空咪同女友去左元朗濕地公園，行完十一點幾(因為都冇野行)就去左元朗市搵野食。搵搵下(由恒香一路搵)就到左le間燒味鋪。叫個碟义燒 燒鴨飯，加個湯，都係30幾蚊，好平。但係味道好食到用幾百蚊都買唔到。最好既係d飯同湯完全無味精！飲極都唔會渴。P.S. Open rice 個鋪頭相好似影錯左…

真係要試，呢間都係我屋企嘅指定斬料鋪頭。有次斬多左料食唔哂，咪放番入雪櫃，唔知點解係得佢地D燒肉可以第二日食都係咁脆皮，又無味精，就咁放入微波爐一叮就得，正！

如果要斬料加"食送", 家人一定會叫我黎呢到買燒鵝, 因為呢頭附近咁多間燒味最好食就係呢間。的確, 佢既燒鵝真係好好食, 皮脆肉靚, 唔怪得每日都咁早賣晒老闆/老闆娘都好好人, 每次都主動搭d 紅腸/鵝頸等等半隻都係$50, 夠晒一家四口食! 正下次試下黎堂食佢d 飯先!

Last weekend I went to Yuen Long with some friends and they are all keen eaters with high requirement on food quality! I brought them to give a try at this shop and was amazed by its good taste!Price is around HK$30-40 each which is reasonable for a lunch. The best I'd recommend is roasted duck and pork! They were quickly sold out but I was very lucky to order the last plate! The soup was boiled for hours I'm sure with lots of ingredients! It is always good to go there before noon as recommended

飲緊例湯之際，主角終於出場，每樣只係有四件，冇計，一條友，咁我見到單拼有八件，雙既應有六件。切雞麻麻地；飯不太乾不太濕；燒鴨比較薄，但係皮、脂肪、肉及骨都好平均，好似食緊北京填鴨中片皮鴨加厚度一樣既脂肪、肉與骨，食落去時皮還仆仆脆；至於燒肉最特別既地方係脆皮之後既肉與脂肪係三層隔住上兼平均，食食下聽到話已經賣曬，在上一個post講“$10一碗例湯都抵”的食客笑著說：「乜又咁快賣曬丫，總之下次早的黎！」，之後連飯都要等多五分鐘，因為剛剛賣曬，要加碼；心諗好彩黎得快。我諗燒肉咁好買既原因，除左先前講過左既原因外，還有以下幾點：1) 在眾多的燒味中，燒肉既肉質素與量係最好，尤其係單拼用碗上既(可惜唔記得價錢)；2) 用新鮮豬，因為連軟及硬骨都有鮮味；3) 所有既燒味每日只係燒一次(除左額外訂)；4) 一定有骨連住，兼的食客喜歡“損”。還有一少少意見及tips給食客(如有與趣)：1) 在元朗巿中心比較集中人流都介乎在元朗體育路及大棠路，而此處已算係巿中心既邊緣地帶，即係鳳翔路隔一條街(西面)；2) 正如的燒味一買曬就算，真係想試既話，要黎個早飯至得；3) 此處應該係家庭試作業，的野賣曬就落閘放

某一次與建築界既老友閒談中得知呢間大排檔燒味一到中午時份的燒肉/燒鴨就買曬，有乜野咁巴閉，這裡之前沒有食評兼資料，於是昨日以“一試而評之”膽粗粗入去試。一去到元朗時間都未夠十一點，唯有花少少時間“灑兩手”，之後到達時還以為得外賣，冇堂食，因為有人排緊隊等外賣，遮住左。入去坐底即刻問阿姐，有冇三味(即係三拼)，有，30蚊碟，其實頭兩拼已經係default (即係燒肉及燒鴨)，諗左最後一拼一陣，選左切雞(一來想食下薑葱，二來冇油雞)。在等之餘，睇下其他食客食緊的乜野，果然大部份係燒肉及燒鵝，真係咁正？等之餘，望下隔離既食客有碗例湯，係粉葛雞腳煲豬骨湯，相對一般既稍為大碗，好似幾正，於是加多左8蚊。一來到，嘩，幾乎滿瀉，料少左的，但真係好夠味(應該冇落味精，對我來講，好既味精會少許口渴，冇既冇事，差既飲汽水都唔掂)，尤其係的豬肉，應該用左類似用來整燒肉既豬肉與骨來煲，的肥膏“淋牙香”，還有新鮮既味道，與雪藏既，真係天與地比；湯冇乜油，隔油都隔得幾好，好過飲凍啡。套用另一位食客話“俾佢十蚊都值回票價”，真係要多謝坐係隔離位人位，差的走漏眼。