添財記粥粉麵咖啡 (已搬遷) 新店位置

一月底o既星期六下午,原本想到九龍城街市o既樂園午餐,坊間有個傳說,要去樂園食野o既人,頭一兩次去到都會遇上店舖關門,我當日2pm 前去到,佢地竟然話就快關門,唔再做生意記得當時新聞話,九龍城一間有65年歷史o既添財記就快結業,將會有好多街坊排隊幫襯,可能係上天o既安排,去樂園冇得食午餐,梗係叫我黎呢間做埋之後一日就光榮結業粥檔其實我之前對添財記唔認識,本身又少去九龍城,既然佢就快結業,我就去試下呢間街坊食肆招牌食品當我去到添財記,見到大約十幾人o係店外輪候入座,其實俾我想像中少,因為以往有o的老牌食肆快將結業,會吸引幾十人排隊,等左大約10分鐘就輪到我入座,呢o的街坊食肆梗係要同其他人一齊搭枱食野添財記係家庭式經營,唔做晚市,開放式廚房o係近門口位置坐低見到牆上貼滿唔同食品名稱及價錢,真係花多眼亂,一間舖有粥有糉有炸兩腸粉,又有雲吞牛腩麵,更加有奶茶咖啡多士同埋炸豬排公仔麵添可惜我當日最想食o既炸兩已經賣晒,另外見到有幾張紙話乜野食物飲品賣晒,最後我叫左一碗艇仔牛肉粥$17,另外叫左一碟炸豬扒$18大約等左10分鐘,艇仔牛肉粥及炸豬扒都黎左艇仔牛肉粥材料都算足夠,有土魷,豬皮,牛肉,

家住九龍城，不得不提早餐常到之處添財記。添財記在九龍城經營多年，此類舊式粥檔買少見少，作為街坊既我，喜歡此處夠地度。是日中午時分，點了炸両、豬肚艇仔粥和奶茶。炸両失敗 以前通常早上光顧，炸両外滑內香脆，本來是本人最愛食品之一。非常失望，今次吃的，腸粉皮依然滑溜，但是炸両不新鮮，太淋，鼓油太多太咸，本人當然沒有把它全部吃光，不愛浪費，但太差的也不能強迫自己。豬肚艇仔粥彈牙 以前通常會叫牛肉粥或皮蛋瘦肉粥。新嚐試要了碗豬肚艇仔粥，大大碗，好多料，粥軟綿有米香有腐竹香。豬肚夠淋，魷魚、豬皮彈牙，加上香脆花生，有咬口！奶茶一般 奶茶第一口感覺茶味太多，奶和茶比例不夠對稱。茶香較重帶點滑，總體上還可接受。侍應、環境及服務就一般，不能抱任何期望。

近年到九龍城吃早餐，不是街市上的樂園，便是那些點心店，龍城晨光第一粥，不嚐此味久矣。每到周末日，添財記的門外，聚集上大多等候的食客，平日則完全是兩個世界，我曾在多年前的食評上，說其油條是即炸，熱辣辣入口，不能不說一聲：爽！多年以來，添財記還是不斷地炸油條，任何時間都吃到一口新鮮熱辣的油條，即整的貨色，沒可能差，這個道理，小學生都會明白。看見牆上的餐牌，見到有一味三料粥，原來是自選三種配料，如皮蛋，魷魚，豬紅之類。這個粥底沒有整色整水，只是簡簡單單，入口軟綿，帶點米香，爽滑的豬紅並未完全染紅此粥底，皮蛋還未夠入味，整個粥底差不多全是魷魚味道。開放式廚房前的一大窩豉油王炒麵，是該店熱賣之一。炒得均勻，乾身，香氣十足，不油膩，非常好吃。差不多是全個九龍城，早上吃粥品的唯一選擇，難怪一到周末日，門外大排長龍。

平時人山人海嘅添財記，今日行過見唔駛等位，就入去試下。食左個艇牛粥，$16嘅艇牛粥，大大碗，料都好多，粥底好味，唔錯唔錯，抵佢平時要排哂隊嘅今時今日依d 咁舊式既粥檔買小見小, 真係要好好珍惜及懷念下

曾幾何時, 好喜歡去添財記, 不是這區居民但每個月總會專程來幾次, 可能因為此類家庭式經營的店子買少見少的緣故, 總覺得有點意思, 加上有粥有麵有水餃有糉吃, 有茶有啡有炸豬排福麵, 有炸兩牛腸有多士如此種種各式各樣; 大夥兒坐埋一檯你叫你的我叫我的梗有合意的, 況且, 店舖大座位多, 即使爆場, 等一會都好快有位; 還有還有, 於我而言最重要的是......它的凍鴛鴦好合我口味, 總之...慣性腳步令我隔一輪就來打個轉........年復一年都十年有多了, 形容這麼仔細, 因為以上這一切終於已成為我美好回憶的其中一部份, 自此以後, 不相往來, 可免則免. 有網友都寫過, 此類老店有它的'特色'就是明明一隻大油鑊在店前, 油器肯定是自炸而非交來, 或者...可能....是計盡算盡開一次鑊成本是幾多幾多的關係, 不是嗎? 它的炸兩十次有九次都是來了'淋'的油炸鬼, 總之怪只怪我們太懶太晏, 十點後又偏要叫炸兩, 心甘情願, 次次來都要叫, 這只是自作自受不是嗎? 近年我已忍了好幾次除了那十年如一日的隔夜油炸鬼外, 連面頭的腸粉也出了問題, 甩甩漏漏又有, 好似"翻蒸"蒸爛晒又上桌我

我地兩人叫左3樣野, 一杯大奶茶, 豬扒出前一丁, 紅腸旦福麵! ! 先黎左豬扒一丁, 個侍應係我地張單由22蚊改24蚊話豬扒出丁係24蚊,都無咩野, 但個麵一食落去係福麵味道而唔係出丁,梗係同佢理論啦!!比錯野仲咩仲要加番我錢!! 跟住黎埋個福麵之後先知有分別,但跟手就4-5個侍應黎一齊睇仲大聲夾惡話果碗係丁麵唔係福麵!!完全覺得係我地扼佢個2蚊囉仲要個煮麵師傅都出埋黎講個一丁麵同福麵係一齊煮所以係福麵味,係咪一齊煮關我鬼事咩....我只想食到一個丁麵味道嘅丁麵同一個福麵啫 我地都係2碗麵黎到先知道2碗麵底有分別, 但2碗食落去都係福麵味粉囉,原來分別在一碗福麵味道但出丁麵!!!豬扒黎到仲要得2舊大骨,得一截仔有肉食.已經火到黎,!!!!!!!!!!!!! 好啦食完埋單果位收銀得3個數啫 ($13+$24+$17 ), 仲要計鬼死咁耐.....原來佢懷疑緊我地仲扼埋佢隻蛋, 事原係我分左半隻蛋比我另一半, 當時佢地黎圍觀時見到我2碗麵都有蛋!!!咁都得!!!真係彩佢都傻,轉身走人!! 唔會再去呢間野!!原本一個早餐食完火氣十足!! 呢間野原本已經食左十幾廿年,係舊式粥粉麵檔,以前係食

自從觀塘個間粥店結業之後,我想找翻間好吃D 粥店都唔容易,不過最近有一次老婆好介紹,介紹我去左呢間添財記,我吃左幾次,就鐘意左,有時心痕痕早上開車完送個女上完學,回程之時,就靜雞雞走左去買碗粥吃下。我最喜歡吃的,就係豬紅牛肉粥,D牛肉要係牛肉碎加D炸左米粉混埋一起先好吃,而家有D粥店入左商場,唔係好多地方有豬紅或雞紅吃,可能怕唔衛生啦,不過我就唔多怕,最怕無得吃。除左買粥之外,我就多數會都叫炸兩,炒面,同埋油炸鬼,朝頭早去買,夠熱夠新鮮,D油炸鬼都幾脆幾香口。其它食物,只試下豬扒公仔面,一般般啦,豬扒同公仔面分開上,等D 豬扒唔會食食下淋左。環境及服務就一般,以九龍城來說,唔可以要求太高,我個人認為都可接受!

每隔一陣子便會走到龍城內差不多是唯一做早市粥品的"添財記"光顧。老實說，這兒的食物味道可說是不甚了了，但有時候吃東西就是有這一個習慣 ---- 過了一會兒，便心思思想去吃某一間食檔的出品的，莫論它的食品是否好吃。這可能是"吃開有感情"的一個最明顯的例子了....七時許抵達，人還不多。再坐多一會，轉眼間便坐滿客人。"獨市"經營的吸引力，由此可見一班....要了下火(皮蛋瘦肉粥)加炸両。炸両的份量好像縮了水，油條則像從前一般不大夠脆。始終不明何解有好些粥店硬是要用上擱置了好一輪的油條來做炸両。我想一般粥舖內客人點吃炸両的數目，總會比淨吃油條的多吧 (以小弟多年到粥店覓食的經驗所得)；豉油仍是有一大咲"師傅"味....粥底跟豉油如同的充滿人工化味，很不討好；瘦肉是碎濕濕之餘又很嚡口；皮蛋好一點，起碼沒有澀臭味....一切依舊的不濟，但人客依舊的絡繹不絕。而小弟由於在惰性的驅使底下，亦不敢排除不再來的可能性。始終要既就腳又開得早的粥店，可選擇的地方是越來越少....

這日來到九龍城，見有點肚餓，於是就在這間港式粉麵茶餐廳吃個廉價下午茶。想不到這間典型街坊港式茶餐廳的食物的確十分抵食，正！叫了一客「沙嗲牛肉三文治」（$10）、一件「油占醬多士」（$6）和一支「樽裝細可樂」（$6），和老婆仔分吃，埋單都只不過是$22，平均每人只是$11 ，雖然不算十分飽，但自己早已決定下一場到附近的「蘭英印尼小食」吃美味的串燒，所以都無所謂啦！雖然這裡的食品收費廉宜，不過質素也不錯。「樽裝細可樂」：夠解渴。「沙嗲牛肉三文治」：麵包軟熟，沙嗲牛肉好味，唯一要彈的只是不甚夠熱，美中不足。「油占醬多士」：只售$6 的多士已可有牛油、果占和花生醬三溝，實在便宜，味道也特別。不過$22 的價錢，吃罷一個半飽的下午茶，又再上路，再到「蘭英印尼小食」踩場，來幾串美味好吃的印尼串燒。

週末下班前考慮很多個玩樂地點,最後選了已一段日子沒踏足的九龍城,為的是芭菲杯! 先吃鹹後吃甜仍是個人習慣,首先要填飽鹹胃再向目標出發,腸粉一碟突然在腦海閃過, 在九龍城區就選了名字意頭很好又有腸粉吃的添財記。一般茶餐廳的裝潢沒太特別,可是發現拉腸粉廚房後方,竟有一角以膠簾間開的疑似VIP房的地方,難道為一些特別客人而設?? 幾位阿哥阿姐身手靈活的照顧每個客人, 坐下不久已有阿姐站在旁邊等候指示,勁!最想吃的炸兩已售罄,退而求其次點叉燒腸。腸粉表面閃亮亮的,肥大的兩條腸粉顏色米白不透明,絕對是老式腸粉的樣子, 師傅拉得其厚薄剛好,尚算軟糯不過硬,不過未算很軟滑,米香在豉油影響下也不會明顯,而且個人對腸粉軟滑度要求更甚; 全瘦叉燒切成指甲片, 每粒切得細小肉質也很鬆軟,當然沒有用上什麼蜜味叉燒啦,乾乾的叉燒為腸粉加了肉香及味道; 另一主角豉油顏色夠深但味道卻不如想像中濃味,不太濃甜的伴腸粉也相當ok。簡稱餃肚米的水餃牛肚米,吃了是不會搞肚的! (爛gag! ) 米粉比一般麵店的幼細,但又不如新竹米粉般幼如粉絲,處理得爽口不軟的非常好吃! 牛肚是全金錢肚沒有別的選擇, 牛肚煮得不韌爽口有嚼勁

不時在大魚大肉後想找一份清淡的早餐食下.要清,最好還是食療米湯~白粥一碗.但要在街上找一碗好米王難度真的很高.以往的屋村多有冬菇亭而冬菇陣中定有多於一間的粥店,那時候好歹也找到碗似樣少少的白粥.但城市格式化後,領滙好像沒有把粥店放進其藍圖...粥店式微了. 有天,家父說一家白粥做得可以,就在九龍城...於是這日來了要一個白粥多碟炸兩.先說...這個㷛到見米花但面層是米漿及米水的白粥. 夠熱,有米香有米甜.不要加鹽,加了等於強姦了碗粥. 這是最好的狀態. 人係矛盾得可以的生物...這邊箱說無添加;那邊箱欲來一個混醬的炸兩,油炸鬼現場炸腸粉同場拉;不代表什麼...不代表一定滑,但代表一定的老味道.這裡不算滑的腸粉.米味夠,加上醬油甜醬等炸麵有咬口也吃個不亦樂乎. 就這樣只廿十元不夠,同場要食個早餐a真的要多十元八塊.今天買不起錢是大罪....難怪,有中學生用錢去買聲 食友們,聽說九龍城不久的未來會城規....有食好食.

星期六的九點未夠客人是串流不息, 一個起身接著便會有人坐下, 絕無誇張相信同中國人喜歡早餐食粥同腸粉等食物不無關係 食過兩次也對胃 兩次也是腸粉加熱咖啡 $15 腸粉有米香又夠滑溜, 混醬後更好味 因為各醬料也唔會溝到稀溜溜 如果有埋芝麻供應就一定perfect了 熱咖啡沒有苦澀, 咖啡香濃十足, 奶份量亦恰到好處 感覺很提神, 幾時都認為港產出品絕對比老外的優勝

零九年九月七時許當合發仍在準備開檔時，因要等一盒「一小時又一小時」的魚蛋，橫豎要打發時間，就問老闆那裡有粥好吃，他道添財記吧，沿舊機場方向走到後面街南角道，八時許當街的兩邊泰國餐館打烊後，人來人往的街坊粥麵店就變得特別起眼。相機未擺定，粥同炸兩已擺在檯面，效率超高，炸兩皮薄得透光，熱吃滑溜但稍欠米香，反而油條雖脆，但麵糰卻不夠通透，入口還是偏實的，來招金禪脫殼，將腸粉吃個清碟，放涼了才覺有米香，這時看看身邊老街坊那碟劃上三色線的炸兩，跟他閒了兩句，一碟簡單的炸兩似乎可說的故事也真太多。更多三色炸兩分享＠http://foodxfile.blogspot.com/2009/09/chef-table-17.html

聽朋友推介九龍城添財記Ｄ粥好綿，同埋牛肚河好腍好入味，所以隔無耐我就會特登搭車去食！其實除左粥之外，佢地嘅鮮油多同埋雞翼都係超班之作！星期日我就一支公走去食，冇辦法，實在太掛住啦！　雞翼一丁我叫左碗炸雞翼一丁，佢地係分開上嘅，一丁唔駛多講，Ｄ雞翼外脆內熱，仲好入味添，無論散嗌或跟麵都唔錯！　凍鴛鴦我呢個茶餐廳粉絲，食ＴＥＡ又點可以少左杯咖啡或茶呢！不過我大儒俠特別鍾情鴛鴦，因為可以飲晒咖啡同奶茶嘛，哈哈！講番添財記嘅凍鴛鴦，就算加左冰都唔會令本身味道變淡左，大家可以試下！

雖然係由細食到大但係人應該不斷進步,添財記就永遠原地踏步小時候不曉得何謂'睇人面色',有得食就滿足今時今日...見住佢地全店員工個個玄壇咁既面口,呼來喝去的嘴臉,真係唔開胃!!無奈在九龍城呢十幾條街,呢類食店只此一間,焗住要幫襯佢...唔通晨早行去土瓜灣咩佢地既早市生意亦因此真係多人到'唔休做'.....食物方面....唔知係咪人愈黎愈大,對味精愈黎愈敏感...總覺得佢地味精愈落愈既重手...粥:如果味精可以輕手少少......佢地 d 粥係非常之好既..好綿,用料亦不孤寒...好過 d 連鎖粥店好多..炸両:hot item,但如果想食脆既...請於約九點前黎...因為油炸鬼流量大...一路炸一路卷...到忙完早餐之後,至下午六點收工,都多數係存貨...淋哂豬腸粉:芝麻醬等等醬汁任你落...好似好好咁...但無芝麻供應...食味立刻打個七折(芝麻好鬼平之麻)呢間店唯一好處係"雜"....粥品咖啡奶茶牛腩水餃三文治沙爹牛麵乜鬼都有....(攪到無樣精,樣樣都唔太差,但真係無樣精)粥好........但真係太多味精!!!