清亭．燕萍 (已結業)

這裡的waitress幾有禮貌，每道菜都會先跟你說有甚麽特別！我們叫了烤豬肉撈檬，酸酸地，幾開胃，豬肉又幾稔!粉卷好清，一ｄ都唔膩。扎肉有數片，味道不錯。

合併後，第一次黎，估唔到比以前未合併時差咁多，我同朋友都係撈檬怪，order左三絲撈檬＆扎肉撈檬，和炸春卷，配料少，扎肉無味都算，但撈檬最基本的汁都無味就好差囉，好明顯溝水溝到好淡，好失望！只有炸春卷合格！唔會再去！但阿姐服務有禮貌！

星期日專登去食, 上到去食客都比佢迫哂一邊既地方. 其餘地方熄左燈!d人仲要係坐到密密麻麻咁. 2個人叫左2個湯河, (生熟牛肉 (好淡)& 沙爹牛腩(幾好味)) , 唔記得果個係咩雞亦(推介果個呢....) 一般 唔係真係咁好食! 牛肉串都ok! 仲有果杯咩...越南特濃奶茶...好淡, 完全唔係果回事.唔知點解覺得呢間野好似唔休做咁~ 試一次就夠. 無下次啦!

要在銅鑼灣吃越菜, 清亭．燕萍算是不錯的選擇.這店非常之大,人多的時候就像街市般嘈雜. 在某處放有長椅長桌,彷彿置身中學內的飯堂. 惠顧了幾次,試過不同的食物,評語是:不是特別好味,但可以一試. 豬肉撈檬豬肉味道普通,略帶甜味. 檬粉黏著一起,難以分離,份量也不太多. 咖哩雞麵包一煲咖哩雞,六十多元算是合理. 味道一般,沒有驚喜.反而很喜歡它的法包,整條上,感覺新鮮. 熱騰騰吃更好味! 春卷檬春卷又熱又脆,餡料足. 雞扒飯燒雞扒,味道一般,沒有驚喜.多款飲品選擇. 試過薄荷亞嗒子冰,亞嗒子很難吃,太稔,沒有椰果的韌. 雖然薄荷多,很甜又難吃,試過一次就怕怕.

1/11/2008店內環境寬敞, 光線充足!!下午2點幾先吃lunch...2個人...叫左3樣野: 紅毛"單"冰: 我無飲,,,男友點的...佢話一般~炒烤豬肉金邊粉: 呢個我們特別order的, menu上無ga... 店員好好, 好耐心理解我們需要再作出配合, 態度良好, 抵讚!! 而且味道不錯, 帶小小甜, 好吃!蒜容牛油雞翼 (6只): wa...等左好耐...成半個中先來......不過店員都好有禮貌話雞翼要耐d...請我們等一等...... oh....等左咁耐...來了....好香好熱ar!!!! 好大隻ar!!真係要攤一攤先食...因為真係好熱氣ga... 不過, 食落好香牛油味, 又夠多蒜, 好大隻, 正!!! ,不枉係呢度個招牌菜!! 不過加埋一...超過60元一碟...稔稔下都幾貴ar......可能我去呢個時間比較少人, 相對地服務員大部分都好好ar!! 令人另眼相看!!希望佢地任何時間都keep住好service!!加油!!

佢d牛油雞翼真係冇得頂呀 ! 仲有佢d咖哩都好正 ! 串燒就一般 , 而佢ge蟹肉湯濛就一定要熱食 , 因為如果凍左食就會有陣腥味 !

放學同bf去食左個tea佢話哩到出名食雞翼咁我當然要試下啦因為佢係陪我食，所以佢order 左一杯菠蘿特飲 $25個到無tea set，我叫左雞絲湯檬同埋兩隻雞翼。雞絲湯檬係一般貨，但個兩隻雞翼真係超香超好味一定要食!!!!!!!!!三樣野加一 around 110tea黎講都唔算平

只能叫媽陪我了.瞓到12點, 兩人又不想飲茶, 食乜好呢?自從搬了後, 都冇吃過; 今日上來啦.地方好大, 坐得舒適, 裝修也不差呢.星期日, 都係1/4 滿. 可能平日會多d人上o黎食晏吧...媽叫了生牛河, 我叫豬扒湯河.生牛河係大的, 好快上, 勁熱.媽話牛肉好像比以前少了, 但湯底好味, 河也不錯.都幾大碗o架. 媽好吃力才食晒呢.我的豬扒幾韌, 好像係炸既多d, 都幾硬架.河粉又真的好味呢.服務很好.

一間一定食得飽你的越南茶餐廳．．．Lunch － $120（兩位）生熟牛肉湯河(細）[ 實則，不算太細，一定食得飽，河粉->薄身，可惜我喜歡吃厚身；熟腩->算淋，可加分；湯->劣，淡得很，沒牛味，好似不斷加水加水加水加水 ]番茄牛腩飯　〔同樣牛腩夠淋可加分．．Expect有番茄，原來是沒有的，番茄sauce的味不夠濃，好稀!　飯->好多，同樣一定食得飽！]蝦醬炒通菜　〔大碟，份量=裝滿一個外賣飯盒，蝦醬好鹹 ]確實好失望，落到店鋪樓下，我真的覺得對面的「翠華」係好味D...

朋友介紹下上左黎呢間清亭雖然經常出沒銅鑼灣但係呢條街既食店就幾乎未接觸過所以心理所用下再上埋樓見到環境不免有少少期待先說飲品選了海底椰什麼什麼冰呢個好好飲,椰子味夠重而且有唔少大大件海底椰咬下見到馬拉盞通菜就要食既朋友在場,所以,通菜味淡了點...就是不像馬拉盞失敗兩碗咖哩黃鱔粉以及一碗火車頭火車頭朋友說OK黃鱔粉超杰,咖哩味過濃,油份勁多而出奇地黃鱔在咖哩味下亦能感覺到腥味吃了一半便吃不下蟹肉炒粉絲一上枱已是暖而非熱雖然蟹肉份量足但卻和粉絲完全分離以至粉絲只沾上少許味道吃了兩口就整碟由暖變冷...本身不想吃煎炸物的..但在朋友催谷下叫了4隻牛油雞翼雞翼炸得脆口無比肉亦非常的滑,咸度剛好諷刺地成為全晚最出色

因為老公話想食呢間,佢帶我去食,先知道原來我早幾年在景隆街做野都幫襯過佢!我地叫左椰青焗飯,牛油雞翼同咖喱牛腩,牛腩有種一試難忘既感覺!味道超好,仲有牛腩好夠林,而服務員好好人,本來我地叫2杯野飲,但佢提我地,焗飯有杯椰青水,所以慳返杯野飲錢,我諗好多其他食肆唔會咁主動啦!抵讚!等位方面,我地只係等左5-8分鐘,在星期六黎講算幾快,而且上菜效率又係超高,埋單不用2分鐘就遞到面前,整個DINNER用了不到9個字可以走人,但係有滿載而歸的感覺!值得推介比朋友!

好耐都無食過呢間越南菜啦。而家開到周街都係，但係呢間就好少人提起；佢係十幾年前已經好出名架啦，係總統戲院個頭，成日都要排長龍，而家搬左黎呢間大間ｄ既，就唔駛等位啦。我地大食３人組今次係食左：番茄牛腩湯河、蒜蓉西蘭花、粉卷、雞肉沙嗲、牛油雞亦同埋咖哩鴨肉檬，原來佢地揼完骨係可以食咁多野架。番茄牛腩河好濃味，好多番茄，個湯好杰身。我就好鐘意食粉卷，因為好清，一ｄ都唔膩。雞肉沙嗲無尖沙咀個ｄ咁嫩，人地個汁就仲香ｄ。牛油雞亦係最出名架，不過又好肥，只可以同朋友分享而不能個人獨吞。咖哩鴨就咖哩搶晒ｄ鴨味，有ｄ可惜。其實佢都係算多菜式既越南舖頭，不過就舊式左少少，又唔似rice paper咁，其實佢ｄ野食真係幾得架，應該多ｄ去支持下佢～

自清亭搬來環球後﹐第一次來呢度食。想不到這麼大簡鋪﹐裡面好多位坐﹐正﹗不過他的受歡迎程度真係厲害﹐全都坐滿人。想唔到礦大後多左感多位都依然滿得甘厲害。點了兩碗﹐一碗牛肉湯河﹐哇D料多到嚇親啊﹐味道保持到原來的美味﹐good .另外點了一碗雞絲湯河﹐好大件雞肉﹐配埋D配料真係一流。湯底雖說係味精﹐不過真係好美味。

今晚去睇維園既花燈會, o係銅鑼灣搵野食唔想食日本野, 唔想食麵.... 諗左好耐之後決定黎食越南野(雖然唔太應節﹐哈) ^ ^ 以前都黎過, 但係係舊鋪果陣呢間鋪大好多, 仲播埋音樂, 環境比以前好左D D 叫左一個生牛肉河(大), 香茅豬扒撈檬, 牛油雞翼(4隻)生牛肉河幾大碗, 上檯果陣半生熟, 唔會太老, 好鮮好淋湯底幾濃味下, 河粉好滑, 好味香茅豬扒味道一般, 有D都幾鞋。撈檬有唔少, 但 d 香茅汁既味好淡下加左好多, 浸住湯咁都仲係好淡好淡, 麻麻地牛油雞翼好香好脆, 好大隻下, 舊雞槌仲有D肉汁係入面, 又唔太油, 好味!不過價錢都唔算抵!總括黎講味道真係唔錯, 不過撈檬就真係唔多得男友之後覺得個口乾﹐應該係碗生牛肉河有味精!p.s. 好開心男友陪我過中秋節! 祝大家中秋節快樂 ^ ^

同朋友去完電腦展,朋友建議吃越南菜,我之前未吃過,好奇心之下但去了這店入店時約1900,店鋪半滿,員工未見好趕我們點了 越式炒飯,烤牛肉撈檬粉,越式炸春卷,沙嗲豬柳,辣椒腐乳炒通菜越式炒飯, 一些扎肉,豬肉粒,生菜絲為配料的蛋炒飯,賣相我覺得好港式不過炒得有鑊氣,唔油膩,而且又幾香,乾爽,幾好食烤牛肉撈檬粉,我們落左些越式醋去拌,越式醋似潮州打冷果d汁....不過撈埋d粉之後又幾好味,酸酸地開胃,青瓜絲,甘筍絲,烤牛肉也唔錯,牛肉有牛味(相信冇用腌肉粉而令牛肉失去肉味),又唔算好"un"越式炸春卷,一碟6件,春卷有豬肉,菇等作餡,生菜新鮮,整體味道挺好食法是包生菜吃,春卷新鮮炸好,熱辣辣包生菜,外涼內熱,而咬下時,外層生菜的爽加入面春卷的脆 所產生的質感很好,我很喜歡沙嗲豬柳,個沙嗲幾香,但豬柳卻冇肉味,我覺得普通辣椒腐乳炒通菜,簡單的炒菜,經過餐廳廚房的大鑊炒過,的確比在家炒的更好味,腐乳的香味令通菜更香,但同時又幾辣的......因為是辣椒腐乳炒通菜服務,由於不是在Peak hour入場,服務態度不錯,至少冇黑口黑面,上菜,收菜速度快,埋單仲快,都好,速戰速決,不用阻著外面等待中的