清玉 (已搬遷) 新店位置

行行吓旺角中心，想飲杯珍珠奶茶，旺角中心都有幾間台式飲品店，清玉我成日幫襯開，緊係再幫襯佢啦！因為佢d珍珠有保證，試過其他台式飲品店，d珍珠有d又太淋有d又太硬，呢間d珍珠好煙韌，當然又叫返我最愛嘅珍珠奶茶，我叫咗70%糖，唔太甜，好啱我口味！

今日又去登打士街浦😂😂買杯野邊行邊飲是常識吧～去親『清玉』我都必定會飲『益力多綠茶』👍🏼👍🏼👍🏼👍🏼👍🏼真係超中意！多數都會少冰，不過放心，唔好以為益力多本身巳經好甜，少埋冰會更甜，其實少左冰甜度反而岩岩好（純屬個人意見）一入口係益力多的甜味同香味，然後綠茶味慢慢走出黎，吞左之後喉嚨會感覺到少少濃茶澀澀地咁，兩者味道配合得好好👍🏼👍🏼唔會俾益力多啲甜味蓋過綠茶味，飲落好清新好解渴。如果想飲杯野又唔想咁飽肚，可以選擇『益力多綠茶』喔！

今日同男朋友講起喺台灣飲過清玉個鐵觀音奶茶好好飲，所以就決定試下香港既。今次叫左杯珍珠鐵觀音奶茶，微糖走冰，$24。珍珠係細珍珠，但我地都鍾意大珍珠多啲，不過細珍珠黎講都黎有咬口，但有咬口到feel到佢應該落左好多添加劑，不過飲得呢啲都預左啦…但我無預到佢個茶味同台灣飲差咁遠，第一啖飲落去都ok，但之後覺得有陣苦味，而且都無左台灣飲嗰隻茶香，有啲失望。不過廿幾蚊咁大杯又唔算好差既，只係有期望落差，以為佢會做得好啲。如果再飲我覺得叫鐵觀音鮮奶茶可能會好啲，但有咁多其他選擇黎講我應該短期內都唔會再試架啦。

咁今次就講吓，啲人成日批評為難飲最難飲之一嘅台飲店清玉啦⁣。😟⁣熱相思紅豆珍珠鮮奶茶 （$32）⁣呢杯堅好飲啊！😂 佢呢個茶底係我飲過咁多間珍珠奶茶入面，最濃嗰個，所以飲落去 係真係有茶果種微微苦澀味，飲出嚟甚至有啲似港式奶茶嘅味，我覺得咁樣整嘅奶茶係超好飲嘅。😋 而且因為係鮮奶嘅關係，雖然比較貴啲，但係都係值嘅因為，個奶味會真好多， 冇咁重奶精味。😍 甜嘅方面嚟講呢，清玉嘅嘢飲真係好甜，但係因為佢係用蔗糖嘅關係，咁我覺得佢就算整到好甜，都唔會太過份，唔會好膩，所以飲落去都好接受到。😚 另外，好鍾意入面有好多好多紅豆同珍珠喺入面，食完真係可以好飽㗎。😜 珍珠都夠q彈，紅豆呢都好食，合格。👍 唯一要挑剔嘅地方就係，因為我揀熱嘢都係因為冬天想取暖嘅，但係結果佢最底啲珍珠就凍凍哋嘅，成杯都唔夠熱，呢個係扣分位。😤 但總括而言，我覺得清玉都真係不失為一間好飲嘅鋪頭，只不過有啲舖頭嘅質素真係參差咗啲啦。😓 另外，我真係好鍾意清玉啲嘢飲夠曬大杯！🤩⁣⁣其他評分⁣⁣靚靚度（7/10）⁣⁣性價比（8/10）⁣⁣回頭度（10/10）⁣⁣

今日同男友行街，見到旺角呢間清玉做優惠,20蚊有一杯黑糖珍珠鮮奶或者鐵觀音黑糖珍珠奶茶！我見到仲係正常份量咖，所以緊係買番杯飲下！我點左鐵觀音珍珠奶茶，因為好少見，我又未試過，甘就一於試下啦。雖然吾算好多人排隊買，大概4個人左右，但都等左15分鐘左右先拎到飲品。一飲落去，好香鐵觀音既茶香味！可能我點左少甜，所以我覺得岩岩好，一啲都吾甜。而且珍珠本身有黑糖味，同都煮都好q彈，吾會咬到成粒粉！估吾到同鐵觀音茶係甘夾既。。我見優惠只限旺角店，行過可以試下！

行到家樂商場，見到清玉里間茶飲舖，朋友說茶飲冲得不錯，我最喜歡試黑糖類野飲，有黑糖珍珠鮮奶及黑糖鐵觀音珍珠奶茶，朋友說黑糖鐵觀音珍珠奶茶就點了杯。飲到最尾個啖都甘好飲，充滿黑糖香味奶茶，珍珠煙韌適中亦粒粒黑糖味，系我飲過最好飲的，出面牌子D人成日排長龍我一D都吾覺好飲。里間清玉真心真，想日日有得飲

呢期珍珠奶茶嘅鋪頭真係多到試唔晒呀。經過清玉買左杯鐵觀音奶茶。 排隊買嘢嘅人唔算多， 收銀服務態度都ok。我平時中意飲濃嘅茶味，所以每次都會少冰，免得溝淡左啲茶味或者飲得出冰水同茶分開嘅感覺。平日下晝去，等候時間唔長。呢杯鐵觀音奶茶都唔錯，有我想要嘅茶味，好清楚飲得出茶嘅種類。茶濃但唔苦都係加分點呀。奶味適中，唔會搶走茶味但令緩和左茶味。珍珠就普普通通，冇令人一食再想食嘅感覺。另外個杯嘅設計就慳皮咗啲。。好薄。。拎上手唔太方便

如果講飲珍珠奶茶既茶味,一係就飲天仁茗茶,一係就飲清玉,而我自己就偏好清玉多d既！因為清玉一聽個名,就知係中國風既茶喇！如果果日口痕,但又想飲d啖味既,就會飲清玉既鐵觀音珍珠奶茶喇,微糖是必須的🙈旺角既珍珠奶茶就間間都要排隊喇,但係其實清玉開左咁耐,仲要係呢個旺位,都有好多人黎買,都知佢有番咁上下實力😆如果飲茶既人,一定鍾意飲,同埋鐵觀音話晒都係中國茶,我自己覺得中國茶既茶味係濃過日本茶既,可能d色深色d掛,又可以揀細珍珠,口痕之選😁😍😋

我們一直掃咗三站都係食嘢之後，嚟到第四站我們揀咗飲啲嘢，我們亦都係揀咗喺旺角登打士街嘅「清玉」買嘢飲！喺諗緊飲啲咩嗰陣，見到餐牌上蘋果冰醋嘅賣相都幾吸引，所以我們就買咗嚟飲，但出到嚟嘅賣相就同圖片影嘅有好大嘅分別，因圖片有幾片蘋果片做裝飾，但而家就無咗，祇係得啲蘆薈果肉，味道飲落都幾清甜，酸酸甜甜都算幾醒胃清新，但蘋果味唔算太過濃郁！

每次行經旺角，都有好多美食揀飲呢間係個唔錯既選擇。而飲料之中，我獨愛清玉的「401珍珠奶茶+珍珠」，清玉的珍珠體積較小，但是十分有咬口，而且有淡淡的甜味。茶味香濃兩者配合埋一齊天衣無縫一飲就愛上甜度通常會揀半糖因為味道比較偏甜如果選擇原味

近排注重健康飲食，野飲無糖就最好。而且聽聞鐵觀音可以解毒美顏抗衰老，於是就寧可信其有咁多左選擇食鐵觀音或者清茶。清玉ge鐵觀音普普通通，有d甘苦，凍熱都試過，熱比凍好飲，凍ge鐵觀音會更加苦澀。另外，如果想飲無糖，記得記得落單時要講！試果有一次無講，居然default幫我加左糖。甜ge鐵觀音實在太唔match，味道奇怪唔好飲。

食完兆萬樓下嗰間撈面，發現有好濃郁嘅蒜味，自己都頂唔順，所以行過對面買杯野飲，望咗一陣，決定揀青玉，之前都有幫襯過，今次由於想飲啲清啲嘅嘢所以揀咗蜜香冰茶。蜜香冰茶 $18其實即是蜂蜜加綠茶再加冰~oh…一飲落口勁甜，即時醒起自己漏左叫最重要的事：少甜。有蜂蜜味嘅，反而茶味比較遜色，啲冰係搞碎唔係一大舊果種，呢樣比較好，冇咁呃秤。由於真係好甜，要冰融化再飲會比較好~不過飲完解到蒜味算達到目的。18蚊都係基本價錢啦，亦都唔期望有太大驚喜，但起碼好過貢茶之流，切記要少甜，唔係飲完都驚糖尿。另外好似有做學生優惠，平3蚊，不過對我嚟講太遙遠喇…

食完餐晚飯 臨去花墟花市前🌸🌺💐🌻 當然就要買返杯野飲 拎住邊行邊走飲😬沿登打士街 有一整條街都係賣台式飲品🍹🍹見之前我地冇飲過清玉哩間 又聽人講哩間既茶係幾好飲同夠茶味🤔 所以就一試💁🏻因爲自己唔飲奶茶 又唔想飲檸檬類既飲品🍋 所以就簡咗哩款👆🏻益力多綠茶 怕太甜就簡埋少糖少冰($22) 價錢比其他台式飲品店略高 不過我覺得咁多人買 應該唔會太差😂 大杯裝🤤🤤 夠哂凍同夠哂味 應該落足一支益力多 無偷工減料👍🏻 綠茶茶味算濃 不過茶唔會帶澀味 算係幾清爽既口感🤓 當益力多與綠茶遇上既時候 味道算係幾好幾夾💃🏻 值得一試 朋友飲既朱古力珍珠奶茶味道都唔錯🍫 朱古力味夠滿足 珍珠有咬口 奶茶茶味香濃 佢話飲完都覺得唔錯😬 質素幾好💦

約咗朋友係旺角見面，人未到，仍有時間，搵下野食；上次試做茶湯會，今日就試下隔離個間#清玉好茶 ，依家已有4間分店，應該就唔差嘅～今次決定挑戰下新野：翡翠檸檬茶！其實我唔太知咩黎嘅，不過天氣咁悶熱，一於就試下啲爽涼嘅飲品；個人喜好，蘋果乾我就要咗少冰走糖。人流都唔算多，大約5分鐘到就有野飲啦！第一啖飲落去，真係xxxxx！好酸呀，口腔黏膜好似即刻皺晒咁😂問咗店員翡翠係茶，所以杯野飲就係檸檬茶～😂😂可能係因為我走糖所以個啲酸真係勁；一試難忘🙈店家採取天然庶糖配上屏東新鮮檸檬（每日都係新鮮榨出）夠晒天然健康，茶味反而飲唔太到，可能啲檸檬太勁啦；但飲到後來，口中係會有啲澀味。當然，我覺得咁酸好有可能係因為我走糖嘅緣故（所以大家唔好走糖呀🙈）如果有番甜味杯野飲係會好飲好多嘅！新鮮榨嘅檸檬汁，咁多維他命C，對皮膚好，為咗靚，酸啲都飲！（P.S：店鋪每日優惠有不同優惠，唔同日子亦有特定飲品優惠）

出旺角少不免會被小食檔所吸引，食正餐前總會受不住誘惑，人又多，買返杯野飲涼爽下，永遠逃不出珍珠奶茶既魔掌，之前無飲過，係依度買左杯試下同平常飲到既杯裝一樣大杯，飲落幾濃茶味，標榜用左鐵觀音茶葉沖，茶香味比奶味重，珍珠比平時食到既細粒，口感比較軟腍，唔洗咀嚼好耐先呑到又唔會覺得濟，的確比其他連鎖加盟店好飲同有誠意