清玉 (已搬遷) 新店位置

之前試過葵廣嘅清玉，今次同朋友出到旺角呢一帶，就決定再次一試，睇埋其他口味。其實呢一帶已經有唔少台式飲品店坐陣，但見到清玉能夠喺度佔一席已經客人唔少都已經覺得佢幾勁。今次叫左翡翠拿鐵，拿鐵我本來以為係咖啡latte，但其實唔係，只係奶綠。飲起黎都唔錯架，有一陣清新嘅味道，但一樣都係唔會好甜，所以甜度算是適中嘅。但相對價錢上係22蚊，我有少少嫌佢貴，但其實佢已經係平左。不過畢竟味道唔係伏已經幾唔錯，我都唔會想浪費左杯野飲，而且佢嘅味道同我嘅口味都比較接近，所以近日我都多左到呢一間度買。清玉我就飲過兩間，感覺都唔錯。

天氣酷熱 經過旺角 決定飲返杯珍珠奶茶。好多選擇 見到呢間清玉有鐵觀音珍珠奶茶 幾得意 未試過。即管試下。微糖 少冰。茶味幾香濃 好滑 茶和奶的比例調較得唔錯。微糖 係清淡的朋友 好像我 先喜歡 建議大家可揀半糖。大讚珍珠 細細粒 真是做到QQ的效果 而且份量好多 好好食。P.S. 成間店都是年輕學生咁既樣 但服務態度好好。抵讚

個人幾中意飲茶 所以平時都比較多飲茶類飲品 旺角已經成為香港人常去掃街既熱點 經過登打士街見到哩間以茶為賣點既台式飲品店又見到做緊優惠就吸引我買杯黎試下買左杯翡翠檸檬茶 做緊優惠每杯$25 都幾抵大大杯 叫左少甜少冰 相信好多香港人都幾中意咁叫檸檬既酸味非常醒胃消暑 特別喺旺角街角行多陣都好熱 茶味唔算好濃 如果以茶做賣點就仍需要改進 但係喺炎炎夏日都算係一個唔錯既飲品選擇

有次見到有blogger post台灣當地清玉飲品，亦見到她大讃淸玉,原本以為香港冇凊玉,有日和朋友行旺角見到清玉 ,我立即買1杯來試下,我揀了蜂蜜綠茶，我覺得比貢X好飲好多，蜂蜜綠茶有好重蜂蜜，亦有甘香綠茶味道，亦不會太甜，我覺得好飲,亦好大杯 ，我同朋友共飲一杯分甘同味味道蜂蜜綠茶，我覺得蜂蜜綠茶回味甘香，蜂蜜和綠茶十分平衡價錢:20元 。亦不是太貴

依到的始創人係前台中春水堂的師傅仔，依家就創立就創立左清玉啦。 佢個珍珠奶茶的茶底係用鐵觀音黎做的，所以飲落去有好濃茶味。而珍珠就係用小珍珠為主，有別於一般珍奶。不過我叫左半糖都覺得有少少甜，同埋太甜反而遮掩左茶味，所以我覺得叫3分甜或冇糖應該會仲好飲。