清真惠記

營業中

休息中

係附近番工，見到同事食咖哩燒鴨飯 ($40) 就問係邊到買，真係超級好味，皮脆肉嫩加大舊，舊舊都係肉，唔會係似餸頭餸尾。比起係大X樂個啲燒鴨瀨，簡直冇得比，大X樂個啲燒鴨騷味，真係似食緊臭孤瀨粉，清真鴨皮個層脂肪係香嫁！！不過唔食羊嘅朋友仔，記得嗌飯個時一定要嗌雞汁 (咖哩雞汁) ！！！ 如果唔係佢會自動幫你揀左羊汁！！！ 可以試埋個柚皮 ($40)，個樣似白蘿蔔，都幾清新，啲湯汁幾好飲，完全冇苦澀味，食完唔口渴，不過口感似食緊”煙銀”嘅白蘿蔔。

其實想返黎食清真惠記好耐，不過天氣太熱就令我遲遲無過黎食，今日下晝肚餓就約朋友過黎醫肚，佢清真惠記既咖喱燒鴨飯真係無得輸。清真惠記位於鵝頸橋街市熟食中心入面，所以當然會迫啲，但係我地係下午茶時間黎，無乜人，坐得舒服好多。食佢地既燒鴨飯一定要記住加咖哩汁，好正架。我叫左燒鴨肶飯，啲肉會多啲，而且又滑啲，貴幾蚊係值得架。個咖喱汁超香濃，唔辣，係香，甘香，用黎送飯，或者點個燒鴨肶，都係無得彈。呢度下午好早收工，要食就要趁早呀!

下午茶時段，上到去已經有差不多一半枱收起，幸好，一個人左攝右攝，易搵到位！梗係點叫心頭好 - 咖喱羊腩飯，多汁 ＄49等待了差不多十五分鐘才有得食，（奇怪）一望就知唔對版，羊腩，冇平時食開的獨特羊羶味，溫吞吞的，腩全瘦，無帶骨，幾靱，咖喱汁幾油膩，白飯卻似隔夜飯，唔熱兼一舊舊！求求其其，食過，便算過「心癮」呢！水準驟降，很失望！

口碑不錯的這店絶對老字號，因為上餐快，又可以搭枱，雖然在繁忙的午飯時間來到，我們兩人也立即有位。在鵝頸街市上面的熟食中心絕對旺場，可以坐電梯上一層。不經不覺，出名的咖喱牛腩飯、咖喱羊腩飯現售$49一碟，不算平，但味道才最重要。我們二人，分別點了咖喱牛、羊腩各一碟，另加一碟有懷舊感的蝦子柚皮。雖然熟食中心人來人往，但坐得不算擠逼，室內又其實有冷氣，絶對OK。例湯$8一碗則較為失色，內有冬瓜件，是「滾湯」不是期待的老火湯，但總括而言，絶對推介這店，再加價還是會繼續幫襯！

這間清真惠記就是一間真正的老字號，就由我爺爺當年就開始，吃到我第三代都仍然在繼續吃，的確可以說是有點情意結，但情意結還情意結，事實就要歸於事實。 咖哩羊腩飯 : 我因為要減肥嘅關係，特別叮囑要少飯，但給我的仍然是一大碟飯，我又可以怎樣呢 ; 咖哩汁依然香濃夠味， 油份都太多，可見咖哩膽煮得好夠功力，幾十年來依然都係做得好有水準！ 不過今次個羊腩就煮得不太好，當然是夠入味，但就是非常乾硬嚡口，而且骨頭多過肉，食落啖啖都是骨，就是不爽。

🇭🇰#香港捐窿捐罅記 instagram: foodkiller_dk之前介紹左咁多比較離地既食物 今日就介紹一d好貼地既食物 碟頭飯🤤 我先唔理我既post靚唔靚 最緊要好食🤨 今日介紹既係一間拎左清真認證既食店 所以有好多穆斯林人去食 雖然刀咖哩羊腩最出名但係牛腩係最快賣晒 所以果日試左牛腩😌-🐮咖哩牛腩飯🐮（$48）咖哩好香 唔太油 撈飯一流 不過可能為左香港人口味 反而唔太辣 不過對去過重慶既我 真係好少野食可以辣到我😂 牛腩浸得好入味 而且好淋身 好正 薯仔亦係一大賣點 係炸完 有客叫先淋上咖哩汁 唔會淋晒 好食 下次試埋更好食既羊腩先🤤 仲有燒鴨🤤🤤🤤總結來說 物超所值 銅鑼灣 灣仔返工既人必試👍-🎈灣仔寶靈頓道21號鵝頸街市1樓鵝頸熟食中心5號舖平均傷害：$48好味值：6.5/10...

今天到鵝頸橋熟食中心的清真惠記午膳。這裡的咖喱非常有名，我就要了咖喱羊飯 (含骨) 、掛爐燒鴨飯 及 古法蝦子柚皮。咖喱羊飯 ($49)，有別於一般港式與日式咖喱，較接近印巴風味， 比較香濃，羊肉炆得夠腍，非常滋味。掛爐燒鴨飯 ($40) - 味道普通，燒鴨夠腍、都夠入味，不過個豉油汁鹹左少少。另外仲試多一款小食，古法蝦子柚皮($20)，夠軟腍，唔會有柚皮嘅青澀味，味道不俗，大大碟好抵食。熟食市場環境當然比較擠逼，也没有甚麽服務可言，不過若想嚐試美味咖喱，這裡絕對值得一試。

聽聞鵝頸橋熟食中心嘅清真惠記D咖喱好得，今日就專誠嚟試吓。食晏時間真係人山人海，不過嚟呢度係食味道，唔係食環境同服務，最緊要好食。咖喱羊飯（含骨）$48，有別於一般港式同日式咖喱，呢度係印巴style，比較香濃，辣得嚟好惹味，羊肉炆得夠腍，非常滋味，難怪大部份人都有叫。另外仲試多兩款小食，古法蝦子柚皮$20，味道不俗，大大碟好抵食。另外鮮甜蘿蔔$12，份量十足，夠腍夠入味。今時今日，咁嘅價錢食到有番咁上下質素嘅食品，性價比相當高。下次嚟一定要叫碟燒鴨試吓！

第一次入來這個街市熟食，場面熱鬧，簡直旺過上環街市熟食中心，值得一來肥美多肉燒鴨，皮不太脆，但肉嫩好味，沒有問姐姐取酸梅醬就差少少40元有至少7件肉，超抵食羊腩飯好多人食，下次可以試試

一星期總會有2-3天來這裡解決，價錢便宜，味道佳，基本上一定有位！當初是偶然經過鵝頸橋街市發現既，座落於街市熟食中心一角，最出色既係羊腩飯，同層雖然都有類似既選擇，但愛上了這間就沒有去別的了！今天和朋友來到，叫了一碟咖哩羊腩，一份小燒鴨，小咖哩牛腩，還有滷水掌翼！雖然客人比較多，堂食仲有等外賣既，但只係幾分鐘就可以將食物送到枱上，岩哂趕時間既香港人！！咖哩羊腩有Ｄ膻味，非常正！果種咖哩味道係印巴地區那種！跟平常港式﹠日式咖哩有很大不同！香料味明顯濃烈，外面較難食到這重口味！燒鴨都很出色，肉質雖然不算滑，但勝在有口感！不太咸，咬落亦有汁！可以講係我食過既燒鴨中最好味既！咖哩牛腩就未有羊腩出色！

呢間位於鵝頸橋街市, 名叩清真惠記既咖喱羊腩係我的愛我經常自己一個都會黎食飯~呢間餐廳唔可以太晏去架, 佢地d食物賣完就無架所以我通常食lunch行過黎食~其實佢地有好多都好好食, 招牌燒鴨, 咖哩雞/牛/羊.但我次次都只係食咖哩羊, 再加碟蘿白~咖哩嘅味道唔算太辣, 啖啖都充滿咖喱香料和羊肉味, 但羊肉不羶, 肥瘦適中~最後汁都撈埋, 加埋蘿白清甜~呢個set一流呀!

久經朋友的推介，這天終於願意動身前去位於在灣仔與銅鑼灣交界的鵝頸橋，這邊有座熟食中心入面有間常常坐無虛席的食肆，就是這天要去「清真惠記」！清真惠記顧名思義當然是食清真食品，這裡的客人也有很多穆斯林的人來光顧，這已足夠說明這間店所賣的也算是正宗的清真食品。這裡食的清真食品是咖哩，這裡的咖哩分別有雞、羊腩（有骨）、牛腩這三款，為了迎合香港人這裡也有燒味出售，有馳名的燒鴨。而這邊的燒鴨是現場燒製的。而這次時間距離午市時間已有段距離，差不多算是接近下午茶時間，所以比較容易找到位置坐下，坐下後，已經有個熟手的員工衝過來幫忙寫單，幸好的是，來之前已經聽朋友的介紹應該要試這裡的咖哩，所以我就點了一道咖哩牛腩，但可惜的是可能我來得比較晚了，牛腩經已賣光，只好點了羊腩 。（值得一提這邊的咖哩沒有分辣度的）在點菜不久的時候，我已遠遠看到前陣子幫我寫單的員工已經手持一客咖哩羊腩飯前來，正正真的是我所點的，這裡的咖哩真的很香，個人來說不算是太辣的，但比較油，望著這碗咖哩汁！我心想憑著這個咖哩汁應該已經足夠令我可以好輕鬆解決多碟白飯。

雖然我係環保份子提倡唔食紅肉但係羊肉始終係我至愛 真係 有啲 心理上 對衡anyways如果你身驕肉貴唔好過嚟全場多數都係 男人見到有嬌滴滴嘅女人都望住你心諗點解你會嚟嘅呢不過實在太好味雖然有啲部位係咬唔爛但係個咖哩汁簡直係一流雖然我平時唔鍾意食飯但係咖哩羊腩飯 我覺得真係全店最好食拌麵始終係差少少當白飯遇上完美咖哩嘅法學作用真係要體驗咗先至可以知道同埋真係要超級讚佢嘅柚皮其他地方做嘅柚皮唔會好似佢咁仲有柚子味道真係勁特別全場勁多人喺度排隊如果你想坐得舒服呢個唔係最佳地方但係我真係好鍾意食佢嘅食物 坐得唔舒服都要坐低食下嘢諗起都流口水

午飯時間要喺銅鑼灣搵飯食真係好難，到到都人山人海 如果想食惠記 就要特登早去排隊佢架呢牛腩飯有少少重八角嘅味道 ，食落口就知道佢已經等煲左好耐唔會好似連鎖餐廳咁牛肉完全冇咖喱味，你可以食得出每件牛腩已經入晒味 當然佢嘅薯仔煎左之後再攞去咖喱汁入邊煲 就唔會有一種好粉嘅感覺同事就叫咗咖喱牛腩麵，不過份量就好細，完全嗰一個男仔食嘅份量 湯方面用咗咖喱汁，令到佢既麵條入晒咖哩味我覺得佢係值得推介嘅熟食市場小店，要提早去排隊等位

由我愛吃懂食之後，我認為熟食中心是搵食好地方，不論出唔出名的店，伏味機率相對比外面細，材料的來源同價錢的比例，熟食中心內的「店s」都給你合理的回報。如果在灣仔區熟食中心，我會首推鵝頸橋。鵝頸橋的小炒/粉麵/燒味「店s」都不少，但呢間真是不簡單，來一次鵝頸橋都想試其咖哩羊腩/招牌燒鴨。今次來得太遲（下午2點），最愛的咖哩羊腩已賣光光，只剩下咖哩雞/牛，咁我決定轉投燒鴨的懷抱中。雖然我沒特別叫燒鴨脾飯，但它位置絕對不差的！絕不會是頭頭尾尾，有近脾位的，有厚厚的鴨胸肉，滋味無窮！食一口已知美味，肉厚但不粗糙，有肉香但不乾身，充滿肉汁，鴨皮上的油脂伴飯絕對是美味極致！你話點樣唔愛上佢