清真牛肉館 (龍崗道) (已結業)

19/2/2021(五)係疫情下限聚放寬的第二天，約左好友一齊去食下午茶，我之前已知厘間餐廳曾上個電視，一直都好想試，終於今日可以試吓喇！因冇得上網或打電話訂座，只好walkin，大約2:30pm左右到達，掃左'安心出行'後先入餐廳，幸好厘段時間唔太多人，唔需要等位，叫左:清真牛肉餅- 咬入饀內多汁，餅皮厚道適中，食落都有少許油膩，但都可接受牛肉鍋貼-中size, 鍋貼底煎得剛好，唔太濃嫩雞煨麵- 麵條幼滑，雞絲同菜都切得細小豆漿-只有凍或微波爐加熱環境方面:大約有6張圓木枱，茶餐格局餐牌:

老公話嚟開九龍城不如食牛肉餅，好耐冇食過😋入到去，叫咗牛肉餅之後，諗吓仲有咩想食，記得上次好似有啲嘢係唔好食嘅，但係個時諗唔到後來睇返啲相先知係蔥爆羊肉，應該叫油爆羊肉，要將成碗油到走先食到🤨牛肉餅$40兩件，啲牛肉餅ok既，不過冇以前咁多汁今次就試吓最多人推介嘅酸辣湯，點知真係伏到冇朋友，生粉水唔知溝啲乜嘢，好似以前家x牌胡椒味酸辣湯咁，得胡椒粉味，個湯係透明色嘅🤔，啲麵係介乎烏冬同米線中間，我諗住都照食啦，老公食咗兩啖之後就話太難食要退，啲侍應話唔得喎有最低消費每人$40喎（餐牌係有寫嘅），點都要叫多樣野，但係我地已經唔想/唔敢再食其他嘢啦，我哋放低$40頭也不回

今日放假落咗九龍城食清真牛肉館，佢哋個咖喱牛腩飯好好味，個咖喱唔同港式或者泰式啲咖喱，甜甜地唔算太辣幾好食。最主要推介過清真牛肉包，牛肉包外脆內軟，仲要一啖咬落去啲汁熱辣辣，好彩今日早咗少少去等咗5分就有啲位。Ps. 如果平時星期六日一定等好耐

講起九龍城,可能會諗起泰國菜,但其實有一家餐館同樣出名 - 就係開業超過五十年嘅清真牛肉館🇵🇰位於九龍城龍崗道呢間老字號,認住呢間傳統白底綠字嘅招牌先係總店正宗👍🏻😼.雖然係清真菜館,但其實都有好多中式/上海菜式以迎合街坊口味,但要數招牌,一定係佢嘅清真牛肉餅👍🏻🌟($20/個)上碟時已經好香,皮煎至金黃色,一咬開,不得了,裡面啲牛肉汁爆哂出嚟,仲相當燙口💥😳好彩經友人提醒,用碗接住一定要😬皮薄而牛肉餡非常豐富,牛肉伴著香蔥同充滿著非常惹味🤭呢家嘅牛肉餅可謂九龍城名物也不為過,好多人專程過嚟一嘗或外賣帶走,絕對要試！.($39/10隻)一場嚟到試埋佢其他具清真特色嘅小食,水餃細細粒,容易食👌🏻,味道不會好似牛肉餅咁濃味,但皮相當滑,牛肉餡亦實在唔會散,都算唔錯..($32/2條)如果想過下香口氣癮,不妨叫埋呢個,包住羊肉,雖然我就食唔出,但值得一讚嘅係嘅皮炸得好脆同夠薄,唔同平時你係啲酒樓食到嘅炸到成塊餅乾咁厚嘅春卷😹同埋唔算好油,作為下午茶小食一流👍🏻一攞上手就知係好有年代嘅menu,以阿拉伯文砌成嘅傳統伊斯蘭教日月符號,並且以象徵著神聖嘅綠色為主色👍🏻,店內亦尊重回教禁忌,寫明不得

話說最近早上都特別凍冰冰, 特別想食飽暖身先開工, 九龍城有名嘅餐廳多數12點左右先開門, 係清真牛肉館特別早, 11點就開門, 因為對上次食嘅時候都已經十幾年前, 所以今次特登過去懷緬下, 我就11點左右佢一開門就過去食個早午餐, 當時就冇咩人嘅, 所以直接入到位餐牌好多, 所以特別影幾張叫左一個牛肉餅 (20蚊)同一個咖喱牛腩飯(56蚊), 印象中我當時一個牛肉餅係12蚊......物價騰飛牛肉餅外型似生煎包但係扁身嘅, 都ok 乾身, 隻碟都冇咩油細細咬一口就見到餅皮有幾薄, 餡料有幾多, 餅皮煎到好脆口, 不過睇相都見到, 底部係比較厚身, 所以咬落比較硬, 牛肉餡料油分充足, 食落都幾肥膩, 不過口感結實, 味道濃郁, 係真材實料個牛肉餅有咁多汁, 所以食嘅時候要小心辣口咖喱牛腩飯, 咖喱同飯係分開上檯, 白飯份量睇見都好多, 但個份量係唔夠撈果碗咖喱如相所見, 成碗咖喱得一舊薯仔, 薯仔好粉唔硬, 但煮得唔夠耐所以唔太入味, 牛腩大小剛好, 好多位係連埋筋膜, 所以咬起來特別煙韌有牛味, 而咖喱汁睇落好油, 但食落又唔滯, 而且質感水水的, 但味道好夠呢塊係油脂, 雖然好肥

此店出名的牛肉餅，一定要叫來吃現煎得外脆肉軟，皮薄餡多。餅內仍然充滿肉汁，咬下便爆汁，食唔切熱辣辣牛肉餅，那肉汁都流到碟上了。咖喱牛腩飯，咖喱汁畧辣，但不嗆喉。牛腩炆得鬆軟入味有膠質，撈飯吃一流。見有很多汁，便叫了薄餅來蘸汁吃，可是餅有些厚，吃到濃濃的麵粉味，且有些漿口。如果薄些會更好味。雞肉水餃，因為無湯的，所以放一陣餃子面便很快乾硬了，而且餃子皮相當厚硬，吃到一堆粉後才吃到餡料，而且味道亦一般。

眾所周知，九龍城美食云集，今次就喺云云餐廳中，揀咗「清真牛肉館」初嚐清真菜式。門面望落比較樸實，但仔細一看都可以睇到好多報章報導同名人合照，睇嚟真係值得一試！我們一行四個人，所以可以嗌嘅菜式都比較多，可以試多d唔同嘅美食。1. 招牌牛肉餅本來覺得20蚊一個其實係有d貴，但食落去發現佢餅皮薄餡鮮，酥香而煙韌。而牛肉內餡超juicy，餡料都好足，絕對物有所值，難怪平均每日賣出超過1,000個！溫提食嘅時候小心熱，同埋小心漏汗喔2. 蔥油餅呢個係我由細到大都鐘意食嘅嘢，所以嚟到呢度我更加要試試！蔥油餅上面d蔥分布好均勻，而且香蔥味濃，皮薄脆口。3. 咖哩牛腩比起椰汁味較重嘅泰式咖哩，呢度嘅咖哩更香濃，更添一份辣味。牛肉燉得好入味，加上不可欠缺嘅薯仔，加埋一齊非常好送飯。同時可以將蔥油餅沾d咖哩汁，就試到不一樣嘅風味。4. 高力豆沙頂層灑滿糖霜，入口鬆軟有彈性，有綿綿嘅口感。豆沙都唔算好甜，而且唔膩，食咗成個都冇咩罪惡感

清真牛肉館🤩嘅清真牛肉餅🤤出晒名就係人都知，不過我之前通常都係堂食。雖然依家用 app 叫外賣🥡十分方便，但有啲食物🍱送到來🛵風味又會打個折扣，今次就試咗清真牛肉餅外賣送餐！送到來仲係暖☺️嘅，有用膠盒裝住，底有吸油紙👍。雖然盒內有少少倒汗水，但🐂牛肉餅面都見仲乾身，而且一開盒就聞到好香嘅牛肉餅味道！夾上來😍個皮依然結實💪冇流汁，咬落去皮有微微焦香，入面嘅🐂牛肉餡料鮮嫩，味道有少少🤏偏鹹，但依然肉汁豐富！整體來講外賣🥡質素依然唔錯，重點係方便快捷，唔使塞車🚘入去九龍城😂！

All the way to Kowloon City for this. Had the 牛肉餅, 咖喱羊腩and 雞絲海蜇.. Came here before and it was pretty good but Kinda disappointed this time😟 the curry is good👍牛肉餅 is very juicy but it would be better if the portion is smaller 😂 雞絲海蜇is so salty this time, it used to be good. Ard $100-200 pp

好耐冇去九龍城食清真牛肉餅, 今晚就嚟這間搵食先😅 七時多到達, 見門外多人等候, 原來大部分人都是等外賣(外賣自取有九折). 大約等了十分鐘 便可入座(人齊才可入座).清真牛肉餅 必食之選😋外皮薄薄 外表煎得有小烘(如圖) 內裡多餡 多湯汁. 食時必謹記 細細口咬開 以免大口咬開湯汁噴射出嚟!!! 雞肉水餃&🌶️ 辣子炒牛肉雞肉水餃: 餃子size細細粒, 一口一粒. 味道淡淡的, 要點黑醋＆豆瓣醬同食, 味道即刻提升🌶️辣子炒牛肉: 食物外貌與我想像中有點不同😅 原先想像辣子炒以為是乾身餸菜, 結果是濕炒. 味道濃都, 牛肉&筍都炒得好入味, 牛肉淋 筍好爽. 如果加碗白飯, 我相信只靠汁都可以食到一碗飯

九龍城美食林立，是次由朋友帶路一嘗遠近馳名的清真牛肉餅。「清真牛肉館」屹立於九龍城超過三十載，店內食材全獲清真認證，菜式以牛、羊為主。整體菜式的味道都不俗，樸實中帶點不平凡。有人說店裡的「名物-牛肉餅」美味程度已經比當年遜色，但我覺得還不錯。薄薄的外皮煎得焦香，裹着已醃製的牛肉餡和大量熱騰騰的湯汁，進食時請小心燙口。【Pan fried beef bun清真牛肉餅 $40/2 pcs】 【Scallion pancake蔥油餅 $36/2 pcs】【Pan fried beef dumpling牛肉鍋貼 $42】【Beef slice with dried bean curd & cabbage in chili sauce回鍋牛肉 $72】 【Hot & sour soup酸辣湯 $57/中】 【Shredded chicken with bean sheet in sesame sauce雞絲拉皮 $64】

牛肉餅最好味的，我初吃時$8-1個，現在已經$19-1個，每一次經過九龍城也要買3個拿走回家，總感覺他的店舖坐得不舒服，所以在多年前在店內吃過兩次後，每一次都是選擇外賣，還有只選擇牛肉餅一種，小朋友自己也可以吃2個，多汁在別處找不到這種味道！這個川辣擔擔麵，味道真的很奇特⋯如果在店舖食，我一定向他反映⋯味道是酸的！真不明白擔擔麵為何會酸呢？有需要下這麼多醋嗎？這個湯還杰撻撻的，像撈麵，下次不會點！只計牛肉餅我會給好評👍但加了這個擔擔面，一般的水準都達不到了…👎🏿

以前讀書嘅時候成日嚟九龍城食嘢，清真牛肉館係其中一間指定飯堂。牛肉餅 $40(2件)酥香而煙韌嘅餅皮，餡料豐富，滿滿湯汁嘅充滿香濃牛肉味。食嘅時候記得要小心，熱辣辣上枱，好容易被湯汁燙親。事隔10年仍然保持水準，雖然價錢已經提升咗好多😆但係牛肉餅嘅口感同味道冇變。

平時去九龍城 唔係泰菜就係火鍋原來仲有呢間清真牛肉館千祈唔好走寶一定一定要食牛肉餅！一試難忘牛肉餅..............................$40/2pcs熱辣辣上枱一咬即爆汁記得要搵個匙羹裝著啲湯牛肉汁香甜 溫馨提示🤫小心燙親嘴喔.回鍋牛肉客飯............................$47好怕食好油既嘅回鍋肉但呢碟一啲都冇呢種感覺辣味甜道都足夠火喉炒得剛好唔會好韌👍🏻👍🏻👍🏻

2020.08.29好耐都冇嚟過九龍城食嘢。第一時間就係想食牛肉餅。因為唔知食店會幾點截單，就趕晚上八時前入坐。疫情關係，大家坐得比以前舒服好多。兩排枱靠牆、一排枱置中，兩邊走廊，唔再擔心要閃避傳菜店員啦。一份牛肉餅有兩個。味道維持水準，熱辣辣、充滿湯汁⋯正呀！皮如果再薄啲就⋯哈哈。可惜胃就得一個！再來一個炸醬撈麵。傳統老煑法唔係到到食得到啦！肉醬同麵嘅份量剛剛好。青瓜絲可以再多啲就好啦！叫埋咖哩牛腩粉絲湯。牛腩冇咩肥膏，薯仔炆夠入味，有粉絲索埋啲湯汁，辣味剛剛好。好彩冇叫蔥油餅，唔係一定食唔晒。心急掛住食，冇影相。影餐牌補數⋯⋯相片與實物超相符！