影片
港鐵尖沙咀/尖東站 N3 出口, 步行約2分鐘
繼續閱讀
電話號碼
35648993
營業時間
今日營業
12:00 - 22:30
星期一至日
12:00 - 22:30
以上資料只供參考, 請與餐廳確認詳情
琴晚去尖沙咀渡邊屋食日本嘢，店內環境舒適，裝修帶日式風格。中拖羅同大拖羅壽司 ，大拖羅厚切到誇張，油花勁均勻，入口即溶，超級鮮香。而中拖羅平衡啲，拖羅脂香夾住醋飯酸，兩款一齊食簡直係油脂狂歡。松葉蟹腳壽司，蟹肉嫩，食落鮮甜彈牙，連蟹腳邊位都爽口👍🏻炙燒赤蝦壽司好有特色，呢個必點🫶🏻上面加咗燒過嘅蝦膏，帶出陣燒香味，蝦膏融咗喺上面，鹹香得黎蝦鮮味更加濃郁，口感豐富。芥末八爪魚軍艦 芥末唔會太辣，八爪魚爽口，蔥粒吞拿魚腩軍艦，蔥香提鮮，兩款軍艦都唔錯。原隻北海道活紫海膽壽司 ，海膽新鮮到好似剛從海裡撈上嚟，綿密香甜到爆炸，仲鋪咗大量三文魚籽係面，魚籽卜卜脆，同海膽軟滑夾埋一齊，口感層次勁豐富，正👍🏻日本活赤貝刺身，厚身爽脆，勁鮮甜。鍾意刺身嘅朋友一定要食。海膽北海道帆立貝手卷 ，手卷脆卜卜，海膽同帆立貝鮮味夾攻，食落成個口感好有層次。渡邊屋食材新鮮，師傅手藝又細膩，連蝦膏、海膽、魚籽呢啲細節都處理得好好，絕對係高質日式料理體驗！
繼續閱讀
渡邊屋終於殺到尖沙咀！同九龍城分店比，呢度環境寬敞又高檔，menu仲多咗好多熱食選擇，感覺係升級版！😎 ✨️一入到餐廳，氣氛已經畀到你一個好印象！全場都係高椅，仲要係軟熟皮質cushion，好舒服！有8個左右板前位，可以望住師傅一手一腳整壽司。店員服務真心唔錯，超殷勤，不斷主動幫你添茶，我其實只係食左幾隻蝦，前後都主動換左2次碟！服務好到有驚喜❣️👍仲有位高級經理Ming，滿面笑容，仲會好細心同你解釋每款食材，專業得來唔會太硬繃繃，超親切！ 食物方面，刺身新鮮到爆，質素有保證！🥢 刺身盛合2百幾蚊，有齊真鯛、油甘魚、𩶘魚、三文魚、甜蝦、帶子、海膽魷魚卷，樣樣都超新鮮！片片厚切！帶子尤其鮮甜，食完真心想再encore！海膽魷魚卷都好好食！唔使點醬油都已經好有層次！🤤 🍣 大拖羅同鵝肝壽司係必試！大拖羅入口即溶，油脂香到飛起！鵝肝煎得啱啱好，軟滑又濃香，呢款係九龍城分店好似無的，必食！😋 渡邊屋尖沙咀店真心俾到驚喜！食物質素高，刺身壽司新鮮到不得了，服務又貼心。尖沙咀想嘆高級壽司，以呢個價錢嚟講，性價比真心高！
繼續閱讀
身邊總有一個朋友好鐘意食海膽魚生😌今次男友有福啦！🥰🥰唔食生野嘅我都有高質熟食選擇架！呢間餐廳整體感覺不錯👍午市套餐係幾扺食～奉送前菜，沙律，麵豉湯，白飯，甜品日本馬糞海膽丼 $298呢個好抵食！又有飯又有烏冬～重點係海膽份量多！刺身盛合 $288個人試左蝦！推薦的😆好彈牙～ 其他都不錯 柚子檸檬帶子係最fresh~火灸神戶牛手卷 $78大約3成熟的牛 份量唔算多 但油脂重 好濃牛味！軟殼蟹壽司 $38海鹽天婦羅海老壽司 $18灸燒明太子芝味熟蝦壽司 $28灸燒左口魚邊壽司 $18灸燒明太子蟹棒壽司 $15原條海鰻壽司 $48以上熟食壽司每件都好食😋尤其係軟殼蟹同灸燒左口魚😍間八魚刺身 $78加一服務費渡邊屋 (尖沙咀)尖沙咀棉登徑13-15號地舖
繼續閱讀
上個禮拜同朋友去咗尖沙咀渡邊屋食晚飯，呢間舖頭唔算好大，開放式設計，見到食材都好新鮮，師傳即場手握壽司，可以互動🙌🏻而呢次最令我難忘嘅，就係呢道北海道原隻活紫海膽 。見到個碟擺盤，真係要讚下師傅嘅心思。海膽殼內，金黃色嘅海膽肉擺放得整整齊齊，上面鋪滿晶瑩剔透嘅三文魚籽，仲灑上咗一絲絲嘅食用金箔，旁邊襯托住粉嫩嘅小花同成個視覺效果一流，好似一件藝術品咁。海膽嘅綿密同柔軟瞬間佔據味蕾，甜甜哋嘅味道慢慢散開，真係新鮮到不得了。咬落三文魚籽嗰陣，卜卜脆嘅口感為呢道料理增添咗唔少層次，同海膽嘅軟滑形成鮮明對比，每一口都充滿住驚喜。除咗海膽，其他菜式都冇令人失望。中拖羅同大拖羅壽司 ，大拖羅厚切，油花分佈均勻，入口即溶，脂香四溢；中拖羅就相對清爽啲，但都一樣鮮甜，壽司飯嘅醋香同拖羅嘅味道配合得恰到好處。炙燒赤蝦壽司，上面嘅燒蝦膏簡直係靈魂所在，蝦膏炙燒後香氣撲鼻，融化後嘅鹹香滲入蝦肉入面，咬落仲有肉汁爆出嚟，味道香濃到不得了。日本活赤貝刺身，厚身爽脆，充滿住海洋嘅鮮味芥末八爪魚軍艦，嘅芥末味唔會太嗆，八爪魚口感彈牙；蔥粒吞拿魚腩軍艦 蔥香提鮮，魚腩肥美，炙燒左口魚裙邊手卷，手卷外層脆卜卜，裡面嘅左口魚邊經過炙燒，表面帶微微焦香，魚肉嫩滑做到入口即溶，焦香同魚肉鮮味搭配壽司飯，層次豐富到不行。海膽北海道帆立貝手卷 ，海膽同帆立貝超級新鮮，食落成個口感好鮮甜豐富
繼續閱讀
同朋友慶祝紀念日，特登揀咗我哋最鍾意嘅壽司店🫶🏻平日嚟唔算好多人，有得坐喺bar枱撐枱腳，睇住師傅握壽司🤩聽講餐廳嘅海鮮係每朝五點由日本直運到港，食落真係非常新鮮🙂↔️牛油果芝士三文魚卷 ($98)舖頭嘅招牌菜！食落去嘅時候果然冇介紹錯！牛油果同三文魚本身就係一個絕佳嘅配搭，再加上芝士嗰一陣入口即溶嘅感覺，食落去成個卷好Juicy好圓滿嘅感覺！🤤🤤三文魚壽司盛合 ($108)有五款三文魚壽司，包括三文魚、三文魚腩、火炙三文魚、辣味三文魚、三文魚小卷，魚油香非常出，食得出啲三文魚好新鮮，鮮得嚟帶微微甜味！三文魚腩特別驚艷！北海道刺身丼 ($198)入邊有三文魚、吞拿魚、油甘魚、三文魚籽，仲有海膽！超足料！係超豪華組合！每一件魚生都勁厚身勁鮮甜，海膽creamy無苦味！辣味三文魚手卷 ($28)本身都鍾意食辣味三文魚，見到呢度咁啱有，就嗌咗嚟試吓！食落個辣味三文魚感覺就好似唔太辣，不過佢嘅味道適中，最緊要啲飯都用足咗好多醋去搓，食落都好惹味！鰹魚醬油蕎麥麵（冷） ($48)蕎麥麵好彈牙，鰹魚湯汁鹹中帶鮮香，不過入邊冇配料，有啲單調
繼續閱讀