温野菜 (2000年廣場)

營業中

休息中

大除夕既午餐，去左温野菜打邊爐。之前黎過兩次都係食晚市放題，今日中午12：25到達，先用App等左位，所以一黎到就有位。午市原來係做套餐，套餐有3款，價錢分別係$98，$128，同$148，另加一，包唔同數量同種類嘅肉類。我地當然揀左$148啦，包3款肉類，不可重複，可以揀美國牛胸腹肉，美國牛肋肉，新潟雞爽肉，鹿兒島茶美豚梅肉，鹿兒島茶美豚腩肉，鹿兒島茶美豚肉眼，丹麥雞，丹麥豚。湯底係北海道昆布湯，可以加錢升級湯底。仲包是日鍋肴2款，溫野菜盛合，蕎麥麵/寛條麵/中華麵/白飯/烏冬，同飲品。可加錢升級肉類，可追加鍋肴，海鮮，同甜品。要用手機落單，個人覺得好浪費時間，最後叫左服務員落單，但係服務員又唔清楚個餐包既野，最後落左餐唔包既野。美國牛胸腹肉美國牛胸腹肉一客4大塊。雖然食放題係食開日本和牛，不過原來美國牛胸腹肉都唔差，可能因爲我肚餓。不過都幾肥，定量就無所謂啦。美國牛肋肉美國牛肋肉就一客多塊，不過就唔夠嫩。新潟雞爽肉新潟雞爽肉一客4件，超爽嫩，雞味好濃。鹿兒島茶美豚梅肉鹿兒島茶美豚梅肉一客4塊，豬肉味濃又算嫩。湯底方面，加左錢升級湯底。黑松露湯 加$20黑松露湯聞落有淡淡黑松露味道，

天氣轉冷，打邊爐就最好。掙扎左好耐，最後都係決定返黎温野菜。上次食宮崎黑毛和牛肩脊肉放題，今次揀左平少少既鹿兒島產和牛，茶美豚放題， 星期一至四正價$558另加一。價錢包湯底任選1款$29以下。湯底一共有12款，唔少都要加錢。鰹魚湯鰹魚湯係以江户時代傳統製法(手火山式)煙燻鰹魚。味道都唔錯，不過冇乜特別。藥膳湯 加$10藥膳湯有百合，南北杏，沙參，玉竹，京蔥，蒜頭，薑片，白芝麻粒等。服務員拎左個九宮格，上面有九種藥材，問我哋有冇咩藥材唔食，仲可以加多啲想要嘅藥材如杞子。不過之後再想加料就要俾錢。服務員將一個迷你藥材包放入湯。個湯味道幾好，不過個人覺得藥材味唔夠。特別嘅地方係個湯加左豆豉。上次食秘傳月見壽喜鍋就越食越口渴，今次就完全唔覺。先黎每人一件胡麻豆腐，同一兜蟹柳梛菜絲沙律。胡麻豆腐質素正常，蟹柳梛菜絲沙律我地直接話唔要。先黎3盒肉類。鹿兒島黑毛和牛肩脊肉一盒3塊，油花都靚，不過明顯見到肥膏，切得唔會太薄。食落勁嫩口，而且牛味都唔錯，我地食到停唔到口。質素比美上次食貴d嘅宮崎黑毛和牛肩脊肉。不過鹿兒島黑毛和牛肩脊肉後期嘅牛就較多肥膏。鹿兒島茶美豚肉眼就較韌，豬味都可以，不過我地已經

食物質數幾好，和牛入口鬆軟好吃，蔬菜類選擇多，細細碟，可以試多種，120分鐘剛剛好，放題只有飲品沒有甜品，用手機點菜，快捷方便，上菜速度超快，服務員也很好，一位六百幾蚊連加一可以任吃日本和牛，推介！

今日黎到同事口中食過最高級既打邊爐—溫菜野，裝潢都幾日式，木系風。由於一行十人，所以等位等左勁耐，等左成1.5小時先入到去，當下已經餓到暈。一入到去有得坐低，就即叫野食，佢地有好多款肉類揀，平至200幾，貴至800幾一位都有，睇你地想食咩肉同咩類型既牛啦。我地今次叫左季節限定既「宮崎牛」，價位都叫高，盛惠728$一位，但放心，呢個價錢係「任食」架！！！所以我地瘋狂咁叫「宮崎牛」（全名：宮崎黑毛和牛牛肩口）黎食！我地分開左兩枱黎坐，我地果圍既湯底就叫左昆布、蟲草、檀本&壽喜燒。個人覺得宮崎牛配壽喜燒湯底最夾，稍為將Ｄ和牛焯熟左，就即刻擺入口食，真係好嫩滑好香好易入口！一口氣食左10幾20塊！！！！不過完食宮崎牛，再試食其他款既牛，例如美國安格斯、鹿兒島牛呢。。就真係好明顯食得出個分別，唔係話唔好食，只能說更好食既係宮崎牛囉。我地仲有叫左其他既食材黎食，但就唔係話特別出色，基本野啦，所以我諗黎大家要黎食呢間野都係食肉肉為主啦！

友人講左想食温野菜放題好耐，我就怕肥，不過今次都捨命陪君子，多謝友人請客，哈哈！我第一次食温野菜係因爲想試試壽喜燒，個次食過好多貴價肉，感覺肉類質素係高嘅，可惜全部超薄切，毫無質感，又貴又唔夠喉。所以今次友人話要試試放題。今次既放題係宮崎黑毛和牛肩脊肉放題，每位由$678起，另收加一。我地今次係星期一晚黎，只要7:30前離座，就收$678加一，正價係$728加一。１.　前菜先黎每人一件胡麻豆腐，同蟹柳梛菜絲沙律。胡麻豆腐質素正常，蟹柳梛菜絲沙律就普普通通，可唔可以唔好送？普通到我連相都無影！２.　肉類宮崎牛係連續兩屆榮獲「全國和牛能力共進會」既「全國和牛之首”日本一”」美譽。宮崎牛一份一盒，一盒3塊，油花好靚，切得唔會太薄。食落勁嫩口，而且牛味都唔錯，我地食到停唔到口。值得一提既係後期既肉類質素唔會差左。除左宮崎牛，另外仲有15款肉類任食：美國和牛肩胛眼，鹿兒島茶美豚腩肉，鹿兒島茶美豚肉眼，鹿兒島茶美豚梅肉，鹿兒島黑毛和牛肩脊肉，澳洲M9和牛肩脊肉，英國安格斯牛肋肉，美國牛肋肉，美國牛胸腹肉，美國上級牛肋肉，丹麥豚梅肉，丹麥豚肉眼，丹麥豚腩肉，新潟雞爽肉，丹麥雞腿肉。好老實，我地只係試

價錢貴d，當然牛肉質素靚d，試左招牌壽喜燒湯底，偏淡味，冇壽喜燒個個清甜味，但牛肉就真係得，叫的其他配菜，味道也好食，座位私隱度高，隔開，不會看到其他客人食野，所以座位會相對少d，多人的時候，要等好耐

由於是kabu集團的金會員 所以偶爾也會約朋友來吃溫野菜銅鑼灣是可以吃放題的試過好幾次訂晚上都訂不到都是透過app來取票的 每次上次都會有很多人在電梯口等位我一般都選擇C-D餐牛肉素質不錯 都很新鮮上菜速度算快清酒放題的選擇也算多元化經理的服務態度非常友善 不過廁所的清潔度有待改善會推薦朋友去

溫野菜🤤Set B $128 可以選兩款牛/豚，有一盒野菜併盤，入面有菜、菇同蟹柳等等，仲包埋烏冬/飯同飲品😝我地加左$10要壽喜燒湯底，用呢個湯底淥牛肉係絕配！lunch set真係好抵食！🌟美國牛肋肉🌟美國牛胸腹肉

一行4人，食咗共34盤和牛。今次係星期六晚上去，都係果句啦！記得訂位訂位訂位。一坐低佢會送上前菜沙律，及麻醬豆腐，豆腐非常非常滑，麻醬味十分出非常美味，為味蕾作開幕，友人叫咗北海道昆布湯，而我就叫咗和牛湯底，因為上次叫咗秘傳月見壽喜湯。（個人覺得昆布湯，和牛湯會比較優勝，因為壽喜湯shabu shabu到最後時非常非常甜，太甜了，昆布湯可自己加大蔥或其他蔬菜作湯底）一開始佢會送上兩盤和牛加其他牛肉及豬肉各一，但個人嚟講今次係嚟食限定熊本和牛放題，所以之後一路都係叫熊本同鹿兒島和牛，個人喜歡熊本多d（因為佢會再滑過鹿兒島和牛（其實鹿兒島和牛已經非常好味）喜歡佢嘅柔嫩和滑滑口感。total叫咗34盤和牛,一路都保持水準，非常贊，和牛牛花平均，但記得有啲日本蔬菜，一坐低記得要即刻叫咗先，因為可能到中段已經售罄，注意。總括嚟講和牛放題好正，可以唔使就住食🤣

溫野菜🐮🤤全港最高質既連鎖放題邊爐～溫野菜其實佢係敍福樓集團旗下既餐廳主打高質日式牛肉同野菜入去之前可以揀唔同嘅plan啲牛勁靚食落勁有牛味！仲可以叫埋紫菜同泡菜整個韓式紫菜泡菜牛肉卷仲可以加芝士片變芝士牛肉不過最好食都係就咁食間唔中仲有期間限定和牛食不過價錢都相對地靚🤣湯底方面最推介係壽喜燒湯底真係最好食既湯底黎無論落牛定落菜都好夾壽喜燒個甜味融入曬啲食物其他試過和牛湯底就比教清淡而黑松露同咖喱就會Cover左個牛味加錢叫埋個啤酒放題就Perfect最愛溫野菜😍😍😍⭐️⭐️⭐️⭐️⭐️⭐️⭐️味道：👍🏻👍🏻👍🏻👍🏻👍🏻打卡：🦚🦚🦚🦚🦚推薦：🐽🐽🐽🐽🐽⭐️⭐️⭐️⭐️⭐️⭐️⭐️

自知1930先會去到，拎飛都費事太早拎定啦。7點先係app 拎飛，點知上到去等個陣，十個就十個都補飛既，即係一早拎飛，之後遲到，但仍然可以早過我地入場！成件事係錯晒，walk in 既， app 準時先拎飛既都唔駛指意可以入🤯完全唔合理既安排！

大大話話以前都成日都呢間溫野菜，但係最近幾次黎負責帶位嘅男職員對於帶位呢件事完全有問題。簡而言之，就係𨋢口有十萬人等緊位，佢店裏面有空位，但佢控制帶位可以慢到5點幾開始等位嘅人到結果10點前都入唔到坐。（因為10點要關門）重點係間鋪裏面有勁多位，但係佢唔知點解唔識得安排人客入座。亦都因為佢唔叫啲人客入座，遲到左幾個鐘嘅客人，又可以補飛，跟住下一個就可以入座，對於喺出面排隊等咗勁耐嘅客人超級唔公平。唔好以為見到有人走，已經執好晒枱，下一張係你，可以好快入座。經過觀察，冇15-20分鐘你都冇可能入到去。完全唔明係乜嘢道理。除咗佢喺度倒公司米，令到公司一晚都轉唔到枱之外。對於坐喺度乖乖地等嘅客人完全唔公平，因為一有人上黎補飛，你就唔該等多半個至一個鐘以上啦。除咗係店員嘅問題，我覺得佢地公司嘅安排都有問題。

新春團拜，約好姊妹午餐。到處滿座，唯是火鍋還好有兩點半時段。呢間火鍋店價錢並不平宜，食好少少都要三百多元，新年期間，豪啲啲啦。AUS/美國產牛肉，茶美豚，丹麥雞放題一人一鍋，我的是鰹魚清湯，清清地可原汁原味食到材料的鮮味。牛肉叫了幾款，澳洲M9和牛，美國和牛....各有各特色。澳洲呢款油花均稱，美國和牛味道濃郁。每人至少食了五至六盆，回本。菜蔬稍為少，跟餐只得一盆不可追加。蔬菜新鮮甜美。環境坐得舒服，整體不錯。

温野菜忠實fans表示fav combo: 月見湯🌙松葉蟹腳🦀黑豆🖤和牛🐮冇乜野好解釋因為真係好好食🥺 不服來辯😝住係日本既時候都成日温野菜係日本係平民cheap野，所以正常quality係黎到香港先貴左高級左又好食左🤣Corona生意唔好先有放題架炸(☝︎ ՞ਊ ՞)☝︎ 以前除左銅鑼灣分店之外剩係有得散叫不過我都係鍾意散叫多啲放題要回本好大壓力我又會化身金魚控制唔到自己食量然後飽死嘔一餐x_x做到gold member仲有20%off大家記得down kabu app儲分!! 然後全香港最有禮貌分店goes to causeway bay👏🏻成間啲staff都好有禮貌真係會食得開心好多(๑>◡<๑)

銅鑼灣溫野菜第一次食溫野菜嘅放題，價錢來講當然比叫set或者單叫貴，但如果你想食到好飽好飽好滿足咁樣走嘅話呢，係一個好嘅選擇。環境方面，我比100分，主要都係卡位，私隱度較高，而且裝修十分日系呀！ 放題除咗牛肉之外，亦可以叫其他配菜，雖然選擇唔多，但質素都高！