港佬車仔麵

營業中

休息中

荔枝角終於有一間晚飯時間都會開既車仔麵店, 位置仲好近地鐵站好方便。港佬車仔麵既外賣係將湯同麵分開, 上層既麵兜仲好細心咁留有兩個手指位方便客人拎起。我嗌左咖哩魷魚, 鹵水牛脷同蘿白河粉。老公就嗌招牌牛腩, 麻辣金錢肚同頁丸幼麵。我地一致認為佢地既湯底味道很不錯, 頗鮮甜濃郁而所有餸亦都煮得好味入味, 魷魚爽口彈牙, 牛脷就薄左少少, 蘿白都大件, 招牌牛腩偏瘦不過都容易咬開既, 金錢肚略嫌切得幼左少少。 整體黎講, 港佬車仔麵好味但份量偏少, 我好少食3餸車仔麵係可以連D麵都全部食曬。一定會再幫襯不過下次要嗌4個餸。但如果店家想吸引多D客人, 就要考慮增加每個餸既份量。

好少出食評，但今次要發表少少，依排在家工作，食到無乜野想食就去試下，見佢新開業，一試就出事，有好幾個問題，希望老闆睇到同改善下，基本上車仔麵都由細食到大，但依間啲配料相當唔掂，牛腩唔淋，水魷無味，所謂沙嗲湯底同清湯無分別，可能清湯仲有味啲..麵分量較少，可能女士會夠，總括來說，無下次！

同朋友去左D2 附近 發現新開左間車仔麵 叫左好多餸 就無叫麵 個墨魚頭 同 豬肉豆卜 比想像中好味豬腸 咖喱魚蛋都值得一試叫左小辣味道都唔錯 飲完啲湯都唔口渴係工廠區又多一間值得一試的小店

最近晚晚留家食飯，小不免要外賣，呢間野鋪頭細細，估唔到有啲心機，湯底夠味，多選擇，最重要牛腩自己整，夠晒味，再加埋竟然有墨魚頭同埋魚肉釀豆腐，有住家感覺之餘口感一流，直得下次再去試

行完D2 place,見到附近有間新開的車仔麵店，中意食車仔麵的我就決定要試下😍順道支持一下本土生意！💪🏻💪🏻同朋友一齊叫左外賣自取，唔洗排隊😂我叫左個蕃茄湯豬肉豆卜+豬紅+瑞士汁雞翼米線，好食到癲😱 最重點係蕃茄湯好出色🎉 好濃 同埋個種入口清甜的感覺 令到碗米線都係超水準！其他個d米線/車仔麵舖頭一定唔會食到咁正的湯底。同埋要一讚的係個豬肉豆卜係佢地自家製，好香口，又入味！瑞士汁雞翼唔洗講一定好食😍 又係好入味！食得出呢間舖頭的廚師個廚藝非常了得！香港地要食到一間好食的車仔麵真係唔易，但港佬做到了！我朋友都係大讚好好食，所以我地以後經開都會幫襯！食完隔2日仲會有種再想食的感覺❤️