港佬車仔麵

營業中

休息中

荔枝角終於有一間晚飯時間都會開既車仔麵店, 位置仲好近地鐵站好方便。港佬車仔麵既外賣係將湯同麵分開, 上層既麵兜仲好細心咁留有兩個手指位方便客人拎起。我嗌左咖哩魷魚, 鹵水牛脷同蘿白河粉。老公就嗌招牌牛腩, 麻辣金錢肚同頁丸幼麵。我地一致認為佢地既湯底味道很不錯, 頗鮮甜濃郁而所有餸亦都煮得好味入味, 魷魚爽口彈牙, 牛脷就薄左少少, 蘿白都大件, 招牌牛腩偏瘦不過都容易咬開既, 金錢肚略嫌切得幼左少少。 整體黎講, 港佬車仔麵好味但份量偏少, 我好少食3餸車仔麵係可以連D麵都全部食曬。一定會再幫襯不過下次要嗌4個餸。但如果店家想吸引多D客人, 就要考慮增加每個餸既份量。