港南湘蜀食堂

營業中

休息中

呢度嘅早餐有好多款式 同埋麵底可以揀其他款 米粉米線不再話 仲有水晶粉🤣我揀咗豬扒麵 豬扒好大塊都醃得好入味好淋湯底就好似你見到相咁 都好清唔太鹹呢個早餐對我來講都已經好夠 起碼佢豬扒都算大件先 有啲早餐嘅豬扒麵先得一兩舊豬扒奶茶茶底夠香濃 奶夠滑冇乜特別苦澀味

今晚唔知食乜好，食過餐廳的2人小菜套餐 二百幾元包括3個小菜1個小食及2個老火湯2個白飯清水任飲之前食過啫啫雞煲、農家小炒，湖南腊肉﹐次次啖啖肉食餐飽﹐有時食唔哂打包第二日用來加餸。今晚試下清清地聲，因太多選擇，選擇困難症發作下決定點了椒絲腐乳通菜、紅燒豆腐煲、芥末牛柳粒。

媽媽今晚吾想煮飯屋企樓下都係得幾間茶餐廳幾間得一、兩間叫做好食D今晚諗住近近地買2碟炒野番去算呢到做緊6點後抗疫價有個餐牌做緊$40碟干炒牛河熱辣辣個陣食係吾錯食到涼左個陣感覺有點油揚州炒飯有點同平時食的大不同

其實啓德真係無乜好食,嚟嚟去去都係嗰幾間茶記,重要係無一間好食,有時真係唔想搭車出去食個tea又搭返返嚟,通常都會是但係度叫個豬排包就算說真的以前嘅豬排包真係唔錯,夠厚同埋juice 嘅, 而家就越嚟越薄同埋無咁多汁,不過一向價錢都叫平,以前一個豬排包餐都係26,27蚊左右,而家已經加到33蚊,雖然比起出面可能仲叫平,但睇住佢係咁加價就唔多想食啦仲要質數越嚟越差,不過都仲係好大size 嘅, 包都係keep住脆嘅,但真心佢其他嘢係難食嘅,行過經開真係要食佢嘅,可以試下豬排包同西多士嘅,不過西多士要35蚊仲貴過豬排包囉

係咪我誤解辣子雞？定辣子雞誤會我？阿姐仲要用力踩多一下：「辣子雞係咁，係雞柳黎ga喇」雖然唔期望45蚊有好野食，但都唔係咁難食，一d都唔香，又勁鹹。最重要係！無炸過ge雞憑咩叫自己辣子雞，是9爛旦切d雞柳片係咪唔知「丁」字點解？fine 下次記住野媽媽無野食，就算去7仔淥個杯麵都唔好黎呢間野度食。以此為鑑

今日去啟德站，喺啟晴邨發掘左一間幾多嘢食嘅茶餐廳，我地仲講得切喺11:30之前食左一個平價早餐。呢度嘅早餐幾特別，可以揀水晶粉。因為會當埋午餐食，所以我揀咗三個餸「沙嗲牛肉豬扒腸仔水晶粉」$43，豬扒好大塊，好入味好淋，湯底都好清，唔太鹹，好啱我。平時冇乜機會食水晶粉，所以依個早餐對我來說係一個驚喜。而我屋企人揀咗「沙嗲牛肉雞扒午餐肉水晶粉」$43，我訪問咗佢，佢都話好OK。餐飲我揀咗熱奶茶，茶味中上，下次可以再嚟。

叫三個菜，全部都係好似水咁，唔係鹹就係難吃，好似白水煮魚咁，大佬啊，收得$188，唔係比我尼d水準拿出來丫嘛，趕著收工？，賣得出手，唔該拿翻d水準出來啦，老顧客都被你趕走啦！成班垃圾廚房佬亂咁黎，唉真係好失望，控制都有來開尼間，估吾到係咁質素， 以後都唔想再來了，叫三個菜，沒一個都到落口，白飯都好吃過d菜啦，烤魚又腥，毛血旺又好似白水咁，時菜又難吃，自己屋企煮都好吃啦，咩餐廳來架！ 大失所望！希望好好檢討！

非常差的体验，系咪临收工d菜式都系敷衍下d客，根本做唔到应有价钱的水准，价钱又贵，都算系老顾客，有d失望，明知道夜晚十点没堂食啦，预算好时间，唔好让客入来吃，临10点就叫人快d吃，d菜又难吃，点快d吃啊

垃圾,成碗都係油又無味,重夠胆收49元碗,食到成口油咁都比得人食,点解重可以生存咁多年,以前食都唔係咁,叫佢比D汁我,D汁面成層都係油,食咗一半都頂唔順,以後都唔嚟食

d frd好鍾意叫酸辣粉 從第一次開始到依家係可以好明顯見到d份量越黎越少，但是價錢越黎越貴。一樣時候真係好慢。所以真係無奈。有一次d同學話點解咁少，佢地都知道好少，迫於無奈比多一碗我地。

今日返啟德，一早就起身，附近六點半咁早，好似只有呢間港南餐廳，所以就入去試下啲早餐。一般早餐都係沙嗲牛麵之類，所以今次試下西式，見佢个雞扒都幾吸引所以試下。果然無令我失望，幾好食，多士夠厚，炒蛋嫩滑，話曬早上第一批客，食頭啖湯啲出品都新鮮啲。喜歡他送兩片青瓜同蕃茄，健康早餐。

因爲假日，大家都瞓晏咗所以喺屋企附近港南茶餐廳度食下午茶，我覺得呢間餐廳最出名的就是厚切豬扒，我叫咗一個魔鬼醬汁豬扒包，冇想到個豬扒大大塊，有成個手掌咁大，個醬汁係沙律醬酸酸地非常醒胃，吾辣，個包又脆又厚，而我伴侶叫了一個炸雞髀配有味的薯條也不錯，啖啖肉，而我經常去這間餐廳飲係主要提供嬰兒椅，有玻璃窗景，可以畀我仔出面望車車，而我經常叫佢嘅熱咖啡，非常濃香，當然可以加幾蚊轉紅豆冰，都好抵飲！仔仔至愛！

一開始先俾個名吸引到。豬扒果然夠晒厚，兩面煎得好香脆，裡面依然非常軟滑，非常好送飯。酸菜甜酸味剛剛好，唔會太搶。我個人鍾意將酸菜夾埋普通雜菜一齊食，令雜菜味道唔會咁悶。

我好喜歡去這間餐廳度午餐。因為呢度有嬰兒椅，有玻璃窗景，我仔仔可以望下街上的車。位置寬敞，唔會好似其他茶餐廳咁迫，侍應又有禮貌會主動拎膠嬰兒椅及膠碗給我兒子。我最喜歡吃厚切的豬扒, 份量好足,而且好鬆軟。連我兒子也吃到，所以我爸爸也跟我一起吃豬扒飯。佢跟餐送的老火中湯都唔錯，不會太重味精，我好喜歡飲佢嘅熱咖啡，佢嘅豬扒比其他連鎖豬扒更加好食。我想講佢薯條都好好食，即使不沾茄汁也夠味道，至於蒸餸分量比較少所以好少會叫。

麗晶啟德啟晴啟朗這幾個地方，一向都無咩好食，抱住平常心試左這間茶餐廳，又發現ok。入左去發現好多枱都食緊麻辣野，友人話這間餐廳食辣野唔錯，所以哎左個水煮牛，味道起屋村餐廳水準來講都幾好，重點係唔洗二百蚊有個二人餐，我們4個人3百幾蚊埋單，哎倒4個送有飯有湯，都幾抵食。好大碟的金銀蛋時菜，水煮牛唔夠辣同入味，但都不錯，送飯幾好，友人話炒辣野好食D， 下次試。蒜泥白肉切得太厚，個醬料都一般唔太夾。蓮藕餅幾好食。總括來講還可以，不過不會専程來吃。