港囍餐室

營業中

休息中

依幾年好多野都瘋狂加價，中午食個飯閒閒地都要60~70蚊。今日經過銅鑼灣，一於就親身感受下依加既物價如何。中午個餐牌都幾多選揀，起碼有6款，而每款都包左餐湯餐飲，60蚊已經包曬算係好抵食。叫左個白汁海鮮焗飯，大概10分鐘左右就上菜，算快了。味道黎講都幾好，白汁幾香但唔太膩，面頭有芝士可以做到好靚既拉絲。配料有一大塊魚柳，下面仲有青口，元貝粒等，用料好豐富，好有誠意。重要既係依個焗飯係炒飯底！好香，60蚊做到甘真係已經爆分了！餐湯紅湯幾多料，唔錯。

今日黎到鵝頸橋做野，中午放lunch 周圍都好多人，搵左一間比較少人既餐廳坐低食個快飯，估唔到都幾好。lunch menu 都算多選擇，附送餐湯飲品，成為$60埋單都係60蚊，銅鑼灣黎講算好抵。叫左個焗豬扒飯，估唔到都好高質。首先個飯係炒飯底！好有誠意，軟硬適中，唔錯。豬扒唔算好厚，但睇得出有用蛋漿炸過，表面係好靚既金黃色，加分。份量都唔少，有成6~7大塊，可以見到滿滿既誠意！要數唯一唔夠好既可能係個汁，唔夠酸，可能係蕃茄汁未夠濃。整體黎講幾滿意，估唔到60蚊吃到甘有誠意既焗豬！會再黎的👍

早餐火腿通粉/粉冇問題。不過菜肉絲米就只有幾條肉絲好多雪菜。份量可接受，不過冇對面九龍冰室有新鮮包食。啲茶唔得，水流流重奶味冇乜茶味。侍應嘅態度非常唔友善，人客唔需要特別服侍，但都希望最少尊重下客人。可以接受九龍冰室比較一般嘅話，去九龍食算。

差差差 －千個差 ！ 唔明點解重會有人去食嘢 ！ 以為一個差 第二個高級d都係咁差！我complain 嗰個士仔兩次不秋不睬咁行走咗 完全冇反應 重要落錯單 ！ 點知第二行埋嚟重衰 ，我講梗第一個點差 佢竟然叫我冷靜先同我落單，我話而家咪落囉，佢拒絕幫我落 因為我未冷靜！ 真好笑， I m making a complain , he asked me to shut up , otherwise don’t take my order ! What the hell !!! I said ok , I leave then , n he said never mind !!!! I have never been to a restaurant with this kind of super worst attitudes!! Can’t believe this happened in a restaurant in a big city like hk !!

今天放工由銅鑼灣行去灣仔途中揾餐廳晚餐，見到佢仲有下午茶食，即刻入去，店員好好人，點咗干炒牛河同凍檸茶走甜，好快嚟到上枱，見到好大碟又好有鑊氣，真心好味😋，下次再會幫襯佢哋食物類別非常多選擇👍

都唔知係好事定壞事，依家香港十度以下日子唔過十日，兒時十度以下日子最少兩個月，聖誕一定凍到得六~七度，穿兩條衭著棉衲，當時只想係被入面唔想出街.今日天文台話得六度，女友小熊話爭取時間打邊爐，依家香港十度以下日子好寶貴要好好珍惜，都唔知好事定壞事....小熊話想一邊食羊腩煲一邊打邊爐，打去西環楚撚記訂位一時又話七點有位一時又話無位，被佢玩死! 於是轉去公司隔離港囍餐室茶檔食羊腩煲.夾自己中意口味嘅羊腩煲唔易，首先唔喜歡大大舊實泵泵果D什麼抵食大件羊腩煲，帶少少肥膏同骨肉質先嫩口，又要有冬菇又要馬蹄又要竹筍又要支竹，羊腩汁又要惹味，當然..... 羊腩唔要騷味啦! 同埋唔會幫襯D天價羊腩啦! 成千銀邊食得起啫! 窮嘛!港囍嘅羊腩煲達標! 首先有雙冬加支竹加馬蹄咁多配料唔係間間餐廳有，另外我食D比較肥嘅羊腩，通常D肥羊腩騷味特別重，但今次D羊腩騷味唔算強，滿意.另加火鍋配料響鈴同鮮牛肉，唔需要點其他醬汁，點羊腩汁已經好惹味.羊腩煲有分大同細 size，好彩點咗細 size，份量比預期多，足料!時為一月份未到農曆新年但氣溫開始回暖，睇怕哩次係2024年初最後一次食羊腩煲了，睇怕要去到年尾冬季再

身為打工仔！Lunch Time得1小時通常也趕,但我只係去叫個午餐c,等了20分鐘仍末有得食,結果遲到回公司！問了2次也叫我等多2分鐘~如果下次幫襯真係要閒人先可等到！而且服務真係差！再講食物個牛扒真係好咸而且好韌,唔好食！個湯又冇味飲品叫了少冰,仍好多冰(而且冰平卦)差不得人流少,0h今日午餐,叫襯午餐通常快但真係等了又等！

經過比出面啲麵包吸引住 入去試吓 叫左干牛河 「我走左洋蔥芝麻」凍檸茶 菠蘿油，干牛河好得 好有鑊氣，牛肉都多仲要幾靚，凍檸茶就真係幾唔掂 ☹️菠蘿油唔係勁脆皮個種，但我好中意，冇咁介口又唔太甜 ，鮮牛油好大方，實物好大好厚👍🏻👍🏻👍🏻👏🏻👏🏻👏🏻呢樣真係好好好加分！！☺️☺️伙記們開頭落單以為好惡，其實個人好nice架😉過2日再打去想外賣菠蘿油，聽電話哥哥又係好似好串咁，其實好搞笑😂😆下次再去試其他野 同再食菠蘿油☺️見到人地個常餐都好吸引😚最衰唔係住附近我同日買埋對面九x餐室個菠蘿油, 又貴d又凍又硬 輸哂……

今日接個好姊妹收工，等到既時候都已經10點啦😵‍💫，兩個都未食晚飯，一打完卡即刻衝去附近茶餐廳醫肚😋😋係港島區黎講，呢間餐廳性價比都算高，$60-$70一個宵夜，重有送特色飲品（紅豆冰/涼粉冰）🧋🍹🧋🍹餃子皮薄餡靚，外皮香脆，肉餡有肉汁👍🏻瑞士雞翼都好入味，咸咸甜甜的，係下飯好材料🤤🤤烏冬都俾足料，有紫菜、木魚花、粟米、鳴門卷🍥、蟹柳，係非常豐富既套餐🤩炒蛋半生熟狀態，口感濕潤香滑，有濃濃蛋香☺️☺️多士係厚切+烘底，微微焦香脆口，夾埋滑蛋食一流👍🏻酸辣粉湯底都真係幾辣，開胃又惹味，肥牛半肥瘦，充滿牛油脂既香味🐮🐮冰冰涼涼既椰汁🥥超解渴，甜度適中，加埋切成小方塊既涼粉，消暑止渴，適合夏天既一款飲品☀️🔥

入去叫外賣 個四眼收銀係正你面前都掛住聽錄音 嬲嬲地即刻走 仲要眼超超 睇佢應該唔憂做 啲野幾好食都冇用 食完只會成肚氣 平時下午茶都會揀佢 從此black listed 依間垃圾 仲話talking to us 笑死

琴日本來林住去銅鑼灣飲茶嘅，甘見可能要等位所以搵間茶記叫件tart 飲抔野打定低先…甘落車對正呢間同錫蘭，甘本住試下吾同茶記d 凍央啦，夠膽收$2x蚊抔凍飲應該有保證卦，因為之前試過好多次錫蘭同九龍，之前經驗向錫蘭同九龍都幾好，所以林住試埋呢間，點知就出事…服務：入到去坐底，有個男嘅西面走埋梨，問幾多位，問完又眼超超甘行開…再等多陣，終於有個女人落單，叫左抔奶茶&凍央同個蛋tart 試下,,,凍央同奶茶一致評價，淡某某，茶膽真係吾掂！好似飲緊奶粉即溶咖啡粉沖出黎個d …. 飲左兩啖飲吾落去當跌錢…. 甘都可以向cwb做茶記..勇氣可嘉…..

腳仔有点軟軟，不想多走走，又差不多到了吃晚飯時候，於是乎入去這間港式茶餐廳吃個飯：看過餐牌，点了一客蟹籽瑤柱炒飯，一上桌前看過份量剛好足一人量，不會浪費罷。瑤柱及蟹籽量剛好（不多不少），跟餐還有個熱鴛鴦，夠晒熱，好味。

是日係外賣唔堂食因為公司有啲野做所以早左買外賣12點左右未到peak hour唔係好使等以外賣黎講個樣係算靚仔醬還醬肉係中間飯係一邊算乾濕分離另外要左紅湯跟杯野飲

係港囍餐室門口賣嘅麵包，幫襯過幾次，雞批質素唔錯，但未入過去幫襯，質素又點呢? 今次睇吓咩料先.是日午餐，只有牛尾叫做啱口味，於是點咗一客.一隻牛噤多部位，最有信心係牛尾，無論邊間餐廳，咩煮法，甚至我自己煮，都無點失望.所以港囍餐廳嘅紅酒燴牛尾，同樣無失望，無紅酒香就預期之內，牛尾肉質鬆軟而且牛肉味濃郁.最大問題係，我一個麻甩佬食牛尾就無所謂，女仔食就麻煩D，要儀態嘛....所以成日話女友小熊，出街要儀態嘛! 唔係點帶佢去上流社會呀!點知佢話唔要上流社會，要下流社會......(PS:係餐廳想話用大眾點評定位，開咗 GPS 定唔到位，算! 離開時係露天嘅門口再定位，又話位置不正確，又算! 放工經過再定位! 都係定唔到! 攪咩呀!)

港囍餐室既早餐有好多唔同既配搭，今次我就揀咗紫薯麥皮再加菠蘿油。佢既紫薯麥皮好大碗，表面有花奶拉花，用匙羹攪拌既時候奶會湧出來佔據哂整碗麥皮。麥皮入面有足料紫薯，食落啖啖紫薯肉，配合麥皮，份外美味。菠蘿油是著名既冰火菠蘿油，牛油薄薄的放於冰上，首先要用牛油刀把牛油置入於菠蘿包內。接著，把菠蘿油拿起整個放入口，菠蘿皮香甜又脆，牛油轉迅間入口即溶，配合埋鬆軟既麵包，味道很驚艷，難怪此菠蘿油是此店名物之一。除咗菠蘿油外，我都試過佢既雞尾包同墨西哥包。雞尾包好香牛油味，麵包好鬆軟，佢既椰絲超香，整體唔錯。墨西哥包好大個，麵包一如既往咁鬆軟，墨西哥皮咸香的，不錯。飲品方面，我覺得佢既奶茶有啲太濃，如果可以無咁濃會更加好。#港囍餐室 #紫薯麥皮 #紫薯 #麥皮 #冰火菠蘿油 #菠蘿油 #雞尾包 #麥西哥包