港島粥記海鮮火鍋 (已結業)

跟住朋友去搵食,真係次次有驚喜。是次為左同朋友慶祝生日,於是訂左新開既港島粥記海鮮火鍋。位置非常方便遲放工既我，座落銅鑼灣黃金廣場，由中環放工過去，20分鐘就到。由於遲放工，所以去到大家已經坐低晒，睇定野食，我先發現原來係套餐黎喎。198試食價。再睇下個套餐入面，有A4和牛，鮑魚，手掌咁大隻既元貝，隻隻都識跳既海蝦同肉蟹，仲有好多蜆，五花腩片…初時都以為可能唔夠食，真係食下食下又食唔晒，加上加上啲小食同埋叫多左半隻雞，差啲連最重要個粥底都食唔落！原本諗住打邊爐,叫啲小食,雞軟骨呀,冷盤木耳呀咁黎餸下酒，點知又真係又有意外收獲喎，個蝦餅係非一般蝦餅，平日既蝦餅通常係較薄片多香茜，唔太岩我口味，點知呢個蝦餅一上到黎，厚身架喎，賣相已經好唔錯，咁厚肉既蝦膠諗住可能會好實啦，點知喜上加喜，入面原來加左馬蹄，佢多汁不在講，口感係紮實得黎又有馬蹄既脆甜可口味，餸酒餸飯一流，佢香茜味唔重，啱晒呢啲唔食芫茜人士，比十個讚！食完呢啲足料又大隻既海鮮,再又食埋啲A4和牛,仲有五花腩片……之後隻無添加雞就上左黎, 無縫接軌配埋個沙薑,一流。食到去娃娃菜,根本就已經係吸晒海鮮既甜味,已經飽都仲食左1大棵,真係

之前比我見到街上呢間新開既粥底海鮮火鍋居然$198咁抵,問朋友有冇興趣試!個個都話抵,即刻約左朋友去銅鑼灣試試佢究竟係伏定係筍野!睇張宣傳單張,$198 包位人頭加一，套餐包左 鮮鮑魚、鮮元貝、海蝦、肉蟹、白蜆、沙白、蜂巢豆腐、豬腩肉、豬梅肉、粟米、本菇、芝士腸、手打牛肉餅)連埋個粥底， $198仲要送每位A4和牛2片!!!咦咦咦???!!!咪住先~~係咪要10pm後定5pm前先??冇限喎!!!平時我去元朗食都要$258仲要限時同等閒日早鳥時段或者宵夜時段先有~難得銅鑼灣區有呢個價錢唔洗等到夜一夜特價時段先有得食，所有朋友都拍手叫好!!位置係黃金廣場，人流唔多，可能係新開張既關係唔係好多人知~完全唔洗排隊就食得!! 入面原來仲有獨立房，如果一班朋友想靜少少/嘈少少既可以揀坐房添~!裝修都光猛企理一坐低，服務員態度都幾好，拎左D調味料比我地,唔似得出面好多款，只係簡單4款: 蔥、蒜、指天椒、沙薑霧哂水氣，店員解釋原來全部調味料都放入雪櫃既~比較少見到有沙薑提供!店員話點海鮮一流，所以我都落左!!點知一試愛上! 我真係未試過打邊爐點沙薑!原來係咁好食既!!真係勁正!!以後我識食喇，之後仲叫

話說早排放工經過見到依間餐廳傳單幾吸引，而且我又係1個邊爐控，所以就約埋朋友上去試１試啦！1行5人上到去就被安排到1個房間，坐得幾舒服下，應該係6人圓枱關係所以先有個咁既感覺啦！而且側邊係有空間放袋同其他食物既， 好抵讚！場外裝修簡潔不俗氣 相當正路，由於係新開張既關係，人可能比較小1點。好啦！入正題講下食物先~叫左個198套餐包左好幾款海鮮，如圖！本人係比較鍾情扇貝 非常新鮮厚肉 大滿足！仲有新鮮活蝦，白蜆同沙白（其實我真係唔識分 係有個服務員講解先識分囉！）第１次食沙白感覺比較濃味，而白蜆比較鮮甜。套餐仲包埋A4和牛，脂肪均勻，重牛味 豬梅肉及豬腩肉！另外再加左個走地文昌雞 因為招牌，所以都試下，唔知係咪滾得太耐呢？係有D (鞋) 不過不失。個粥底除左吸收哂所以海鮮既味道，仲加左香芋，南瓜粒，粥米同少量冬菜混合，味道1絕~ 真係忍唔住口飲左好幾碗，好飽呀！

其實本身我地都無諗過食呢間，純粹因爲本身嗰間餐廳已經滿晒Booking，所以我哋喺銅鑼灣附近見到有人派傳單，覺得好似幾好食就上咗去試啦.點知真係有驚喜，佢嘅湯底係粥底嚟嘅，海鮮配合足底真係會帶出海鮮嘅鮮味，再加上佢哋嘅海鮮都好新鮮，服務態度仲好好幫我地整埋，佢哋話係因為小人所以先幫我地整埋.同埋佢哋嘅配料都好唔同出邊嘅例如佢哋有豆腐唔係普通果隻豆腐嚟嘅，另外有牛肉餅都係好特別，仲有最滋味和牛都好正.我平時好少出post為咗呢間都出下，因為好嘢係真係要分享，我仲諗住會帶埋屋企人去食㗎，因為佢又唔算太貴真係值得一試

其實我好鐘意食粥底火窩，因為慶祝朋友在公司工作37個年頭，於是我再約朋友去食，今次唔同咗，上次比較少選擇，追加和飲品牌都好少野，今次去多咗食好多野，所以我們都點了一些追加食物，如肥鵝腸，文昌雞，試咗小食蝦餅，口水雞，雞軟骨，價錢合理

鲍魚，扇貝，蟹都非常新鲜，尤其喜愛新鮮鹅腸，鹅腸脂肪看似很肥，但入口甘香無比，值得一試，和牛也是令人回味無窮，一再翻點，雞也是值得一試的，雞味濃郁，最後吃的就是充滿海鲜精華的粥，這餐非常满足，價格合理，會再光顧的

遲啲準備考車，襯今日星期六，特登捉埋我米飯班主陪我考察考試路線，行完咁就順便喺銅鑼灣搵食，咁啱見到呢間好似新開張，所以就沖左入去試啦。餐廳fix左要每人嗌一set, $198一位。除咗固定套餐之外，仲可以後家其他嘢。落完單之後，就細心睇其他嘢，發現枱面有寫清楚步驟交食客點樣食。仲好清楚寫明每款海鮮需要淥嘅時間。我就跟足佢寫嘅時間去煮，仲用電話計時添。打頭炮，梗係食晒啲海鮮先啦！全部海鮮都好新鮮，啲蜆好鮮甜，食過返尋味！食完海鮮，下一個步驟就係食肉類啦！五花腩肥膏位有少少軟骨咁嘅感覺，好好味啲A4牛，超級超級騷！我最鍾意就係食騷味！所以勁勁勁好味！再之後就多食蔬菜啦！個手打牛肉餅幾出色，好彈牙好爽！都食完蔬菜，店員就會上個粥膽，同埋其他配料，先將南瓜同芋頭粒加咗落個粥水度先，可以等啲南瓜同芋頭用咗少少再落個粥膽，一滾起就可以食啦！總括來講，雖然所有嘢份量都唔係好多，但係其實食完就覺得啱啱好。唯一有少少值得改善嘅係，如果可以提供茶水比食客就更加好啦，因為而家一定要叫嘢飲先有得飲，包括蒸溜水。

今日上完堂，成班講左打邊爐好耐，決定黎試新菜，呢間新開不久，一入黎地方乾淨企理，睇左餐牌開業試食套餐，超足料有蝦、蜆、元貝、鮑魚、蟹、A4和牛、五花腩……大家見到咁多款海鮮，會唔會以為俾d死蝦死蟹或者係雪藏既，我可以好負責講唔係，D蝦出到黎就識跳架，元貝同蟹都好鮮甜，鮑魚好爽口彈牙，以咁既價錢咁既質素完全係超值，唯一不足係新開業未有太多另外食品選擇，(問左d服務員話遲d會有)呢間絕對近期值得推介打邊爐好去處!

上星期五我約咗朋友去銅鑼灣食飯相信大家在等人嘅時候都會周圍望下有咩食啦當我接到一位姐姐派發的宣傳單張一睇發現宣傳單張上的『每位送A4和牛2片』字眼吸引跟住當然睇埋個內容啦😎港島粥記海鮮火鍋每位$198😋跟住再睇下有咩食☺️有大大隻大元貝，鮮鮑魚，沙白，白蜆，肉蟹，A4和牛，豬腩片，本菇，蜂巢豆腐，芝士腸，粟米。。。到最尾係落南瓜碎，芋頭碎煲粥，煮陣放埋東菜熄火便可😉於是我約了幾位朋友今日去試新野😁點知去到有新驚喜，由於$198係定食，後加的食物都只係$20/碟起😋相當超值，簡直可以用平。靚。正👍來形容😊下次有機會要再試，因為相當便宜