港暉茶餐廳 (已結業)

香港人都係中意食常餐，但好食嘅常餐真係唔多，次次都叫食左就算。今日同男朋友忽然常餐癮起，於是是但搵左間茶記，點知有驚喜！我通常都會叫雪菜肉絲米，有啲餐廳嗰啲雪菜肉絲少得可憐，而且係用水開米粉，難食到不得了，但係依家係用福字米粉，仲落埋包味精，健康就唔健康但至少有味。雪菜肉絲都見到好足料，唔係乾爭爭，非常好食！好耐冇食過叫得上好食嘅雪菜肉絲米！腸仔煎蛋多士，嗰塊多士都算係全塊烘，而且啲牛油全塊都有，唔似其他茶餐廳求其得一個，心滿意足。其實香港人對常餐嘅要求都唔係好高姐，點解啲茶餐廳唔可以好似呢間咁做足啲呢？

去太子，行下行下唔覺意來了這間茶餐廳，叫左幾個菜一齊食，仕應先送來例湯，湯夠清甜又唔油！好味。海味雜菜煲，也是好大煲呀！有好多不同海鮮，日式魚片，青口，魷魚，粉絲，西蘭花，生菜，菜心。好清甜。中式牛柳，好淋好好味，份量夠多，有好多洋蔥，夠晒甜。梅菜蒸鯇魚，好大碟呀，梅菜夠甜，好甜又唔腥，用來送飯好正！

本來想食餃子，但附近幾間餃子店都迫滿人，行過見這間茶餐廳比較少人就試下。入去後坐在正中間圓枱，睇餐牌選好食咩後諗住叫侍應落單，有兩三個侍應喺廚房前面忙緊，有個阿姐走過幾次，但我叫左幾次都唔理我……係直情聽到我叫都唔望我，叫左十分鐘仍無人理我，已經有d嬲，打算再叫多次都無人就直接走，然後先有一位哥仔過來幫我落單。食左咖哩牛腩飯，味道普通，成碟牛腩配菜各佔一半。如此水準，應該不會幫襯了…… （太子有不少選擇）

星期六放假去屋企附近茶餐廳食早餐，附近太多選擇，所以港暉都係第一次黎😂早餐供應到11點30分，我11點08分左右叫左個麥皮餐，🥚🐮蛋牛治烘底走油，熱奶茶男朋友叫左個🍅蕃茄蛋牛通，熱奶茶蛋牛治好快就整好左上枱，牛肉餡份量都充足奶茶就一般，茶味唔夠濃目測男朋友個蛋牛通都多蕃茄，入面有隻太陽蛋，牛肉好似3塊左右，用無坑紋既通粉但呢碗通粉就等都好耐，等左差不多20分鐘先到🤔到11點半左右我碗麥皮仲未到，於是就問餐廳姐姐整左未！原來佢落漏單！😰😰😰之後佢問廚房，廚房話麥皮賣哂！🤯🤯🤯然後呀姐返黎話佢聽唔到我落左麥皮就走左，唔好意思都無一句🤬食物上得慢唔緊要，放假有時間可以慢慢等👌🏻但等咁耐原來係因為落漏單，仲要基本禮貌都唔夠！🤯🤯😤😤真係諗唔到有咩原因令我再黎多次🤔🤔🤔😤😤

餐具地下污糟都可以算，最差係侍應唔老實，落單後 菜式不符仲要貴左，問佢地俾杯好似攞佢命咁。咁惡劣嘅服務態度真係影衰香港茶記，以後都唔會再幫襯呢間垃垃其他食客要小心呢間野，落任何單前要問清楚佢咩價錢，真係好古惑

可能因為是用了第二個應用程式去拍照，因此照片遺失了。有天運動之後，到來這一間茶餐廳，吃了一個乾炒牛肉公仔麵。公仔麵不算太大，可能因為是下午茶的關係，份量，就下午茶來說，剛剛好吧。牛肉也不算太少，亦都不太老。炒公仔麵之中，有點兒芽菜、韭菜、洋蔥，味道還算豐盛，也有點鑊氣。凍檸茶，味道普普通通，茶味不算非常濃郁，而且檸檬不太新鮮。老闆尚且算好人，因為有些客人，例如我也一樣，只吃一個下午茶，但是慢慢攤長吃，然後在觀看運動賽事，其他店員也沒有立即前來收碟，將食客趕走。

因為我個仔要出到太子上補習班，所以我就同個女一齊陪佢，3個人就搭車出去，順便行街食野囉。 ^_^ 去到太子， 簡了這個小店食午餐。這店似乎是新開的，裝修都好新，員工姐姐都好招呼，服務都好。 我叫了午餐包湯包熱飲： 干炒牛河好好鑊氣，估唔到咁好食，好食過好多其他店舖，而我個女叫了常餐： 沙爹牛肉米+腸蛋， 佢話都好食，另外我個仔就叫了西餐： 豬扒餐肉飯佢都話好食。員工姐姐好好人，仲送多了一個湯比我地飲，真好。其實價錢真係好抵食架，下次會再黎食架。