港澳義順牛奶公司 (已結業)

晚上6點到因為約左朋友未夠鐘食晚飯，但有少少肚餓，經過見到義順朋友話想食就入去食，呢個時候食甜品係唔需要等位，太好！馳名雙皮燉奶 $36已經好耐冇食過雙皮奶，今次叫左個凍既食，味道係保持到，都仲係好滑同夠香，好重奶味，最緊要係唔太甜，完全岩哂我口味，不過價錢就真係越嚟越貴，份量亦細。巧手薑汁燉鮮奶 $37同雙皮奶其實好似，係多左薑汁既味道，薑汁略嫌過辣，好彩陣味都可以接受到，燉奶係滑既，不過就唔算出色。

如果唔係台灣朋友黎香港, 我都唔知義順貴到呢個地步。佐敦義順, 就係澳洲牛奶隔一條街,澳洲多人, D人咪過黎呢邊gam 又係既, 旅遊書賣到成行成市, 個個遊客都爭住入去,旅遊書又唔會唔介紹,gam 所以義順咪越黎越招積。36蚊一碗燉雙皮奶, 我叫碗熱的,上到黎時皮已縮水, 成碗野個面又一大片水, 36蚊唔係賣D gam 既野比人呀嘛?總括來講, 入面所有侍應都對客人呼呼喝喝又聲大大,我都唔明點解要比錢買難受,所以我下次黎應該會係 係100年後

|| #sss_佐敦 ||澳牛大家聽得多 唔知呢間義順算唔算出名 但啲燉奶幾滑 而薑汁燉奶就比較濃 反而會掩蓋左奶味。🤔建議食普通會好啲 或者 可以叫晒再mix一半會balance返 因為我試過🙋🏻‍♀️望落似冰室咁 而且佢每樣野食都包括牛奶🥛☺️

食完返，經過佐敦，想搵甜品食。義順牛奶，都已經係優質選擇！之前喺銅鑼灣，已經成日食。但係因為男朋怕變肥仔，所以有一段時間停咗今日唔理啦，再食。入到生，叔叔就叫我地坐低，佢一睇就知道我未食過，好快解答左佢雙皮奶同埋燉奶嘅分別。叫咗一個薑汁燉奶，呢個紅豆雙皮奶。薑汁驅寒保暖、熱燉牛奶養顏食薑汁燉奶，放入跑之後，唔好即刻咬或者吞，要喺口浪下浪下，感受一下啲燉奶有幾咁滑，以及薑汁味道。一啖又一啖，好快就食晒啦另一個，紅豆雙皮奶，都係熱嘅。因為燉奶燉蛋，其實熱辣辣嘅先係最好味。紅豆，好甜，應該都有啲肥肥地，一個男朋友唔理啦，照食。紅豆配雙皮奶，真係好夾，雙皮奶牛奶味好重，不過唔甜，就咁食可能會有啲寡，加埋紅豆，就啱啱好！

豬排質素完全不可接受。完全食之無味，棄之可惜。服務員質素亦不好。落錯單還推捨責任。木瓜奶淡而無味。收35元一坏，但20元也不值，只此一次，絕無下次。只適宜食甜品。

紅豆雙皮奶好似好多人叫，因為有層紅豆喺面食落冇咁單調，個人認為食中式甜品一定要點熱先夠香，今次都唔例外，叫左個熱既紅豆雙皮奶，雖然賣相一般，個樣有啲似明將紅豆壽司，但係味道唔錯，唔會太甜膩，甜度剛剛好，個燉奶真係好滑夠香甜，抵讚。秋天食碗熱燉奶真係啱啱好，有好潤既感覺。如果唔係特別中意食雙皮奶的話，可能會覺得38蚊食碗甜品有啲唔抵，不過除左黎呢度食甜品之外，感受下果份懷舊情懷都唔錯，店內都係上年紀既店員，加上舊式既格局，瞬間覺得自己好似退左休、黎呢度懷舊下午茶咁啊。

冒名而來食雙皮奶，去到落單無人同我講無，來左碗無皮的，先問待應有冇來錯，佢先話今日買曬，咁點算叫雙皮？不過我見已經搞左碗野，算！照食，比完錢臨走同老板娘講，佢話我唔即時講？！話我可以唔要格！這是甚麼態度？你無個樣食品但騙我及不即時指出，來一個不是雙皮奶嘅燉奶，我其實可以去消委會投訴！總之好差！

今日一早醒左😅，唔知發咩神經，我同我老公突然都好想去義順食早餐，所以一早就出去😱，其實佢每間鋪既裝修都差唔多，我地叫左一個雞亦牛肉通粉同豬扒牛肉面，雞亦同豬扒其實唔太差，但冇咩特別，我反而覺得牛肉都幾好，好冧都有牛肉味，但質素真係冇以前咁好😅，價格偏貴，因我是單點的，一餐早餐承為$138🤦🏻‍♀️🤦🏻‍♀️，如果想試下既話，提議下午先去，因為平d

一家人係佐敦食完飯，想食甜品經過義順，諗起佢地燉奶好似幾出名 自己又未食過，所以同佢地入左去食入到去發現原來每人一定要消費一款食物，否則會每人收費$10老豆話佢淨係黎陪我地，佢吾食跟住就比媽咪叫左佢出去等我地我覺得佢好慘。。。之後見到每款都勁貴囉其實我無預期一碗雙皮奶要三十幾蚊，但既然出名就試下啦馳名雙皮燉奶 $34食落口感似豆腐花 真係好順滑 奶衣好香奶味 燉奶奶味都夠濃 但質感太水好似飲緊鮮奶咁 依碗用奶味既豆腐花黎形容會貼切啲！真係吾知點解勁多水？仲要淨層油上面可能咁滑係因為落有油感覺好細碗呢 真係吾值咁貴試過一次就夠

係附近食完野，心思思想食甜品😋就search吓有咩好食😛題外話，search既時候見到有澳牛，家姐話幾出名，就諗住去食啦，點知佢咁岩係星期四休息🤦🏻‍♀️已經期待緊食燉奶。。。 再search!見到義順😍都幾易揾，有大大個招牌係到，記得之前澳門食過，可以填補番岩岩冇得食燉奶既失落🤣我地大概9點幾到，岩岩好夠我地入，佢啲枱坐唔到多人😢我地六個人要分開，四個坐卡位，另外兩個同人搭枱😢同埋人流去得好快，一點野食，好快就到，因為佢整好曬，就咁擺過黎，基本上食完就會收走你啲野，所以想坐得耐嘅呢到就唔岩你啦😛好講番野食啦！Menu有埋飲品，同啲特別味既燉奶等等，不過今次想試啲招牌野先，我地對其他野食無乜興趣😂我就叫左個熱馳名雙皮燉奶$34 黎到既時候熱辣辣，睇相都見到有多一層皮喺面👻真係好好味😆超滑超鍾意 好快就ko曬😭男朋友就叫左巧手薑汁燉鮮奶$35 我試左少少就冇食，可能係因為我唔太鍾意太重既薑味，蓋住曬奶味咁😢但男朋友都幾鍾意，佢話夠曬薑味😂所以都係睇大家鍾意咩

早幾日係一間連鎖甜品店外賣左碗椰皇燉雪蛤，俾我見到佢地用微波爐番熱，又唔係幾好食心思思想食番碗正宗燉奶……咁就特登係佐敦食完晚飯，同老公慢游嚟食飯後甜品……我朝思暮想左幾日嘅雙皮奶老公就食燉蛋🐣雖然頭先晚餐有食甜品，但雙皮奶先係我今晚嘅主角 👑因為好耐冇食，所以覺得特別好味……yummy咁多年質素都keep得到，同樣地，咁多年啲卡位都係咁窄😖如果我再食多幾碗嘅話，我就坐唔入㗎喇……😂😂😂

相信唔會有香港人唔識義順咁多年嚟，呀媽教落都係食熱雙皮奶，所以一直都無試過其他款🤔呢日食完lunch唔係幾夠飽，食個燉奶滿足下最經典嘅門面，一碗碗燉奶、燉蛋排哂喺雪櫃記得以前食燉奶係$20左右，宜家大概都係3字頭一碗其實好鍾意雙皮奶塊皮，不過都係試下其他味啦凍咖啡燉奶，好夠凍，雖然我唔知佢用咩咖啡，不過特別之處係有咖啡嗰種香味但有少少少少薑味？而又少少奶酥味，味道真係好有趣質地方面，非常淋身，唔係幾凝固，所以入口嘅質地有少少似飲奶唔知係唔係咖啡有影響，食過原味燉奶係實淨少少不過味道咁得意，都可以一試嘅

我對澳牛無咩負面印象, 從細食到大, 茶餐還可以, 但講起食燉鮮奶, 絕對唔會去澳牛, 隔離街就有間義順, 無理由唔去吧..., 在義順, 連員工都比較優閒, 食都食得舒暢好多.自從搬離此區, 都好耐無嚟幫襯了, 一看餐牌, 嘜依家既燉蛋同燉奶貴咗咁多, 成$33一碗.... 哈哈...雙皮燉奶有凍有熱, 梗係熱比較好味, 但天氣實在太熱, 食唔到熱了, 要了一碗凍的, 應該放了太耐, 表面的一層奶皮, 已經變色和變硬.近鏡更清楚, 無法, 無得食雙皮奶, 唯有食單皮奶吧..., 想換?? 你未死過頂喇! 哈哈哈...見還未飽, 要多件鮮油多 $14, 講明要燶D...上檯時, 果然夠燶.打開裡面, 原來係超懶惰廚房, 一件厚面包, 烘完後, 切開中間, 放件牛油算數, 唔使咁懶呀?!?!?

這裏的雙皮奶要$32，到底有幾好呢？ 剛好在佐敦經過這間便入去試試。 雙皮奶是預先已經做好，所以一點就很快上枱。外觀有點粗糙，但一入口奶味十分香濃，口感很幼滑，超級好味。另外還點了薑汁撞奶，看上去很光滑，吃下去薑味不是十分強勁，一入口的奶味沒有雙皮奶那麼重，口感比雙皮奶紮實，即是不愛薑味的也可一試。

食完晚飯時間尚早，就行去義順食個飯后甜品，我們7點去都已經好多人，好彩有位，呢度雙皮奶好重奶味，好滑，，食完好想再食過，佢比xx公司的好食，更滑，我鐘意義順多d