港澳義順牛奶公司 (已結業)

同朋友係附近食完飯，緊係要食個甜品啦，既然去到佐敦，即刻諗起食義順。見天氣涼涼地，我地叫左一個薑汁燉奶一個雙皮奶，兩個都係熱嘅。薑汁燉奶好滑，而且好香薑味，完全岩哂冬天食🤤🤤🤤，不過因為薑味重，所以奶味唔算好出，但我覺得都係好味嘅。至於雙皮奶就有啲失望，首先係佢係薑汁燉奶咁滑，最重要係奶味都無乜😔😔😔。不過我記得哩到係好飄忽架，有時好味有時唔好味，睇你好唔好彩啦，不過點都好，一定要嗌熱，如果食凍嘅話，都建議唔好食😂😂😂，因為凍嘅永遠都唔夠滑。

雙皮奶老店之一~有晚食完飯全家久違地去食個燉奶帶住爸爸媽媽去間可以他條d既比較好😂就決定黎義順牛奶公司啦4個人叫左4碗分別有細佬既朱古力燉奶$37, 呀爸呀媽既薑汁燉鮮奶$37,同我既雙皮奶$36最普通既雙皮奶先食到原本既味嘛其餘3碗我都無試味, 但屋企人評價都唔錯講返我既雙皮奶先我覺得有點太甜啦 甜到cover左個奶味奶味又唔夠重反而令我覺得某酒樓做既雙皮奶好味過佢不過算係食個回憶~😋 味道：★★★☆☆💰 價錢：$$

食雙皮燉奶無皮  問店員佢話岩岩整起所以無皮 真係當人第一次食 極度惡評 專登黎食雙皮燉奶 店員十問九吾應 落單一人落一個糖水 係咁問你仲有無 仲有無 嚴你食得小咁 真係極度惡評 愈做愈差店員惡評 野食惡評 價錢收得貴

我係個唔挑食既人！但係呢個真係俾錢我都唔會再去！原本我係同男朋友路過，見到另一間原本打算去食的餐廳今天休息，所以打算附近是但搵間食早餐。跟住就見到呢間鋪門口好幾個大陸人排隊，我地諗會唔會係d咩網紅店，所以諗住都排埋一份。結果中曬伏！1.態度超級無敵差！真係俾錢買難受，d阿姐唔知係咪對得d大陸人多，態度超差，我地都未講完，就扔下張單走人。上食物既時候，係用揼嘎！真係好差！2.d食物只係普通的茶餐，無咩特別！！真係唔值得去食！

係度食嘢真係貼錢買難受！真係態度超級無敵差！路過見到有人排隊，以為應該好好食，結果又貴！又食得辛苦！！！！！！！各位千奇唔好去佢食！真係食得好辛苦！！未見過d態度差成咁！

First time to this shop with son, usually visit Causeway Bay shop.Ordered a ham and egg sandwich which son ordered a steamed egg pudding (direct translation - double skin egg).  As we were shopping around earlier, our hands were pretty dusty and dirty so I did not wish to use my hands to hold the sandwich without washing my hands.Asked for a fork. The elderly waiter 1st reply was "we use our hands to eat a sandwich here". After insisting for a fork, which he brought, very unwillingly, he comment

今日去買個三文治做早餐，因為趕時間既開係，我打定電話去叫定外賣先，落單既時候已經聽得出個姐姐唔耐煩，去到簿拎左張二十同一個十蚊銀俾佢，佢收左之後話岩岩好，我明明記得個三文治先二十幾蚊，之後我同佢講話我俾左25蚊佢，佢就大大聲話你俾25蚊我之嘛，哩個時候真係你有你講佢有佢講，我又趕住返工，果5蚊我當跌左，但d姐姐咁蝦人真係......😤😤

同朋友係佐敦行到又熱又攰,, 想坐下食甜品又唔想食西式甜品咁heavy,, 所以去咗義順食雙皮奶~~ ((由細到大都好中意奶類產品😂雙皮奶又濃夠滑又夠凍個friend叫咗個椰汁紅豆涼粉冰嗌ge時候無諗過咁大杯😂😂😂入面有冰 夠凍 消暑一流自己本身中意食""咬口""嘢 ""口""嘢,, 佢d紅豆一粒粒 脆脆地好好咬 ((唔係硬個隻)),, 如果係食ge話一定要啖啖都有紅豆先好味,, 因為椰汁同涼粉都唔甜,, d甜味係嚟自d紅豆ga~~~

冇黎食兩年，行過屎忽痕叫左碗凍雙皮奶已經唔記得以前係咩味道，只係記得幾好食而家食返感覺就係太甜，可能年紀大左唔好太甜既野熱食應該會好d碗野係唔差，夠滑溜奶味重，可能係我口味變左

今日同內地黎既朋友去街,做個少少既香港一日導遊,所以就帶佢去香港d地到地方睇下呀,行到黎油麻地佐敦交界,佢突然問我,香港既牛奶係咪好出名,我百思不得其解,原來佢想試呢個義順牛奶,我當然盡一盡地主之誼,帶佢入去試下燉奶啦,但由於我同佢都行左幾耐,一坐低先發覺原來好肚餓,點知入到甜品鋪😅好彩仲有蛋治！等左一段時間,我已經由少少肚餓坐到幾肚餓,個蛋治未放低果下,我已經係侍應手上搶左件蛋治,心諗：洗唔洗整咁耐！但食落先知整得耐係有原因嫁！唔似得一般茶餐廳,食得出炒蛋同多士都係即叫即整,多士烤既時間剛剛好,炒蛋炒得好滑！唔知係咪加左奶呢?炒蛋好似同個多士溶為一體咁,無誇張！因為相呢份係我第二份叫既蛋溶😆😋

友人叫咗佢個午餐🥣其實我覺得唔算貴，因為都大碗同埋仲有雙蛋真心唔會唔飽呢😛🤤🤤平時嚟親都係食燉蛋燉奶呢啲甜品為主！今次我見對面個朋友食西多咁開心😂我都想叫返份！但我朋友話西多好多地方都有不如試咖咉多😁真心$16 我覺得絕對抵食，因為佢真心勁好味！甜度適中，我決定下次嚟都一定要叫返佢！認住佢牛油咖咉多！最後我仲叫咗杯牛奶！我平時都好鐘意飲牛奶，出面嘅熱牛奶好細杯😩呢間暫時係我見過嘅最大杯，所以絕對抵飲！

好耐冇食中式甜品 記得以前食過義順 好出名雙皮奶 今次同埋朋友一齊去價格同以前一樣雙皮奶（凍）一如既往咁好食上面個層奶皮係雙皮奶既精髓 食完飯再去食個甜品 呢個份量啱啱好我地仲叫左個熱既雙皮奶感覺上熱既冇咁甜 冇凍既咁重味冰凍木瓜鮮奶好真材實料 飲落完全係打碎左既木瓜 加埋鮮奶味道唔會太甜 反而好重木瓜味係一杯好好味既木瓜鮮奶

今午在佐敦吃完午飯，意猶未盡，看到此店招牌，回想已有多年沒有光臨，有點像旅客心態，進店回味一番。可能真的很久沒來，雙皮燉奶要$36，香港這幾年食巿價錢真是升得很多。另外，此店服務「沒有」多變，就是那種愛理不理的服務！我們叫了馳名雙皮燉奶和凍的香濃朱古力燉奶。 雙皮燉奶水準沒有變，朱古力燉奶有點像西餐的panna cotta，朱古力味果然很濃郁，有水準。若不太理會服務，店員態度，價錢，甜品水準是高的。 不明白的是，若然他們只需改善一些服務，價錢略為調低少少，相信一定更受歡迎，不會給人只是旅客的舊店。

由尖沙咀食到佐敦，當男朋友以為可以準備埋單去搭車返屋企既時候，為食女朋友話想去隔離食埋朱古力燉奶，男朋友唯有做埋人肉地圖帶路行過去啦！坐低都唔洗睇餐牌，一早已經被我鎖定既朱古力燉奶，係你喇，出黎啦！一入口，朱古力奶味濃郁，淨係呢份濃郁就已經唔洗再講其他野，雖然價錢都唔平，但食完已經即刻即刻再叫多碗啊！男朋友試完就好hea地表示：係喎，又真係幾濃喎！就用呢個咁濃郁既甜品為我地既第100日畫上句號啦！（如果無心肝既男友睇到呢篇食評，應該而家先會知我當時係慶祝緊100日🤷‍♀️）

去咗佐敦買嘢，順便食個下午茶之返屋企。行過見義順牛奶公司唔太多人，就走咗入去。落完雨，天氣涼涼地，同朋友叫咗一人一個熱辣辣的巧手薑汁燉鮮奶（$37）😋。WOW~ 白雪雪的燉鮮奶，聞落有一陣一陣的奶香和薑味。看似是一道簡品的甜品，但要做到表面光滑幼嫰，無皺皮，係好講求技巧的。將匙羹放在燉鮮奶上面，彈下彈下，張力十足。食落有豐富的牛奶味，甜度適中，中間帶點微辣的薑汁味，美味又養顏，仲有驅寒暖胃的作用。