影片
港鐵尖沙咀/尖東站 L6 出口
繼續閱讀
電話號碼
22687819
開飯介紹
位於尖沙咀的酒店西式餐廳，環境舒適，提供自助沙律吧、漢堡包、意粉、扒餐等各式各樣的選擇，餐廳更會定時推出不同主題的主菜，無論傾公事或朋友聚會也適合。
繼續閱讀
營業時間
今日營業
12:00 - 21:00
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
以上資料只供參考, 請與餐廳確認詳情
有關獎賞計劃
是日太太休假，跟她出外走走，但下午時段的尖沙咀簡直是一個火爐，二話不說就拉了入YMCA的 Mall Cafe。上幾個月前同朋友來過食下午茶，當時覺得餐廳的泰國菜有水準，而且變化又多，如果下午茶可以用泰國菜色作主題，未嘗可以帶點新意。平日的下午時段人流不多，大多是酒店住客，氣氛寧靜舒適，最緊要係冷氣夠凍。下午茶大概分為兩類，一是三層架的泰式下午茶，而另一款是粉麵或小食為主，選擇都多。［泰滋味］下午茶HK$348（另一服務費兩位用）（星期一至五、公眾假期除外）HK$368（另一服務費兩位用）（星期六、日及公眾假期）泰式炸蝦餅很常見的泰式小食，炸得熱辣辣上檯，外酥內彈，沒得挑剔。泰式咖哩豬肉酥盒賣相不錯，酥盒亦鬆化，咖哩豬肉粒好香口，如果配啤酒更正。雞肉沙嗲串又是一道自己由細到大都鍾意食的小食，尤其是回想起學生時代企係街邊食的光景，家陣可以舒舒服服嘆住冷氣食，雞肉醃得好入味，又有沙嗲醬加埋，惹味到極。泰式蝦沙律開面治原隻蝦仁加上甘筍絲、青瓜及生菜，放在多士上，口感清新怡人。泰青檸香茅芝士餅既有青檸的清香，又有香茅獨特的氣味，再加上芝士的幽香，三者截然不同風格，卻又可以共存，幾有趣。泰式奶茶布甸真的好香奶茶味，質感亦覺滑溜，加上置面的珍珠，好明顯是一杯食得既珍珠奶茶。紫番薯卷蛋質地鬆軟，紫番薯慕絲好重手，但食落又不覺膩。南瓜椰汁糕很有亞熱帶風味，口感煙韌，甜度啱啱好。榴槤波波炸得外層色澤金黃，咬落香脆，內裡的榴槤陣陣幽香又軟熟，水準之作。Cranberry scone很喜歡撕開兩半，各自塗上 clotted cream 及果醬，可以同時享受兩種風味，正。椰香冰咖啡下午茶可以配上的特飲，椰奶下得重手，而且偏甜，大概亞熱帶的飲品都多數甜度較高，但咖啡與椰奶很匹配。意猶未盡下，再係精選下午茶中追加一份“越式牛油雞翼”。一份足足有六隻，仲要比平日見既大隻好多，都係賣緊$78，蘸上脆漿去炸，上檯時仍帶熱氣，好味。飲品就建議來一杯凍青檸蜜糖梳打，天氣太熱，正好令人透心涼。
繼續閱讀
天寒地凍一個人嚟呢度食晚餐，環境旺中帶靜，而且服務態度好好，友善而且有禮，進入時有職員帶位，期間主動協助添水，亦好體貼地加暖水點咗一個素食之選，紅燒菇菌竹笙豆腐煲配白飯，等待咗約十五分鐘上菜～ 職員好好地提醒小心鍋邊好熱份量剛剛好，適合一個女士嘅份量～ 而且仲要係啱啱煮好嘅，冬天食一個清清淡淡嘅晚餐真係令人好滿足，而且感覺冇負擔。餐廳價錢適中，適合同三兩朋友嚟度聚餐，靜靜地傾下偈～我諗我再經過呢頭會再嚟食飯！而且就係正地鐵站出口外面
繼續閱讀
惹味的東南亞美食也不一定是重口味的啊﹗越來越多人注重健康飲食，這裡的菜式多以香料香草等代替醬料來醃製烹調，不減美味程度，讓菜式變得健康之外，吃後也不會感到口乾﹗懷舊沙律吧 $38經典重現，想不到這裡會有沙律吧呢﹗有多款新鮮蔬菜、配料及醬汁，給你一個碗，就看你能疊得幾多幾高啦﹗肉骨茶$78/$128先來碗馬來西亞肉骨茶，散發著淡淡藥材味，喝時可隨喜好加入脆脆油炸鬼。泰式青咖喱雞配烤飯糰 $168健康少鹽少醬，以天然香料、芫荽、薑、蔥等調味製成青咖哩，清新微辣，香烤珍珠米飯糰外脆內軟，既可沾滿青咖喱又不會像普通白飯般濕透散開，有創意﹗十三味吉列豬扒配麻辣冷麵 $148豬扒香脆肉爽嫩，但最吸引我的是麻辣拌麵，辣度恰恰好帶微酸，好開胃。薄荷香茅椰子水 $42薄荷及香茅味略為清淡，但不失為解辣解渴之選，也配合這東南亞主題的美食。XO醬海鮮炒米形粉 $158驟眼看以為是意大利飯呢，這米形粉口感爽滑，XO醬調味份量剛好，醬香濃郁，搭配新鮮爽甜海鮮，好惹味﹗泰式香燒三文魚扒 $198三文魚去皮後，在其上塗滿泰式天然香料後烹調，魚肉香滑肉嫩好惹味，還配有白飯與菜蔬，健康美味之選。泰辣馬卡龍$92賣相好靚，味道也有驚喜，這個桑莓馬卡龍，最特別之處是加入泰國辣椒，整件吃光後，就開始感到有像吃完胡椒後的微辣，但又帶點香甜，不錯啊﹗流心咸蛋心太軟$92流心效果非常出色，咸香而不甜漏，但我怕膽固醇超標，淺嘗一下好了。咖央西多士伴鮮果 $88麵包內及西多士中都塗上了咖央，香口美味，同朋友分享這個就最適合不過了﹗冰凍椰香咖啡 $55最後，要推薦這杯冰凍椰香咖啡，椰奶的creamy口感與椰香味，跟濃郁的咖啡好搭配，兩者味道好平均﹗Mall Cafe 地點方便，坐得舒適，下次可以約埋朋友來下午茶呢﹗
繼續閱讀
尖沙咀要坐得舒服、唔限時，我會揀Mall Cafe。今日午飯時間嚟到全場滿座，有興趣最好book定位先。見隔離枱啲漢堡賣相ok，本身想點，但無包飲品，決定放棄。午餐是唯一會包飯品、餐包、餐湯的餐，選擇偏少，絕大部份都要加錢點咗蔬菜燴羊肉配薯蓉。羊肉唔香濃無乜肉味，麻麻地。薯蓉唔係走幼滑路線，有粒粒口感，有濃郁薯仔味，好食過啲羊肉😆嚟Mall cafe 對服務、環境都會滿意，侍應唔係機械式服務，有禮貌有溫度，但個價錢+食物質素真係麻麻地。如果主要目的係傾偈就ok，如果想搵美食就最好另尋他選。
繼續閱讀
剛於中環同鴨仔講拜拜，再坐船到尖沙咀親親黃鴨仔！完成後就專程來到青年會 high tea；雖然很久沒有來，但環境都係一般的寧靜舒適；當然在炎熱嘅夏天之下，這裏更成一個很好嘅避暑勝地！我哋兩位就點選了餐廳供應的high tea和兩杯飲品；即凍咖啡和凍檸茶；好快靚靚嘅high tea架放滿不同嘅食物就擺放喺我哋嘅枱面；服務員還叮囑我哋最好首先品嚐那個鬆餅，因為是剛剛焗起的，比較香脆！當我們一口咬落鬆餅時，實在有啲失望，因為佢真係唔夠鬆脆，感覺好像是一件比較實嘅蛋糕，反而個豬肉炸雞蛋，食落更加惹味！燉蛋有啲特色但係都唔算太香滑，朱古力士多啤梨，算新鮮，三文魚沙律不過不失，香橙吉士撻個皮有少少淋，綠茶mousse還可以，油封鴨漢堡就真係普普通通，炸魚柳條都尚算可以！感覺上環境氣氛比食物質素好很多！
繼續閱讀