渾喆 (已結業)

很久沒有出旺角了，喺廣華醫院對面的小食街，見到一間很生面口的飲品店，應該係新開了不久，店名勁搞笑，叫渾喆，咁我就行去運下吉先。睇餐牌好多款都好似好吸引，仲有幾款已經沽清，最後選擇了奶蓋士多啤梨茉莉綠茶(大)，少甜少冰，多謝$36!杯野好靚，好適合打卡，不過人流太多，想影個靚相都有點難。味道方面，第一淡嚐奶蓋，奶蓋咸咸地味道不錯，不像其他是難飲既奶粉味。再先試飲下面果層，士多啤梨茉莉綠茶的味道係好match，杯野粉粉靚靚睇落好似好甜，但甜味又岩岩好，重點係佢茶味勁出，飲落係舒服既！試完各part就一齊飲啦，奶蓋同茶飮係match既，一淡茶加少少奶蓋一口喝，不失士多啤梨茶味又有微微咸香味，雖然大杯，但我勁快飲晒，今次冇叫錯，下次可以再渾個喆！

今日行過登打士街，忍唔住比渾喆嘅黑糖珍珠鮮奶試飲價吸引住😂😂 問一問收銀職員原來黑糖珍珠系列，細杯一律$18，中杯$24自從上次試過渾喆的奶蓋士多啤梨茉莉綠茶（好好飲），我就好想再試埋佢其他飲品😂🔥黑糖珍珠碳焙烏龍鮮奶茶 ($18)🔥嘢飲一拎上手，可以感受到杯底嘅黑糖部份係暖的。第一啖飲落去有驚喜！冇想像過碳焙烏龍茶的味道係咁明顯♥️ 而且珍珠量好慷慨😂飲極都仲有！就算飲到最尾啲冰融晒，啲珍珠都仲係好Q彈，唔會變硬 🤤

呢日陪中同fd行兆萬買野，行完當然要去登打士街掃街。我fd見呢間台式野飲舖個名咁有新意，所以停左係度望左幾眼。雖然店舖細細，但選擇應有盡有，14蚊起，價錢合理。係我地望下有咩飲同時，店員好nice咁提議我地試飲。有得試飲，真係幾貼心喎。飲完覺得碳焙烏龍茶茶底吾錯，所以我決定叫黑糖珍珠碳焙烏龍茶。我fd見黑糖珍珠鮮奶18蚊咁抵飲，所以就揀左呢款。個杯都有呢個咁特別有舖名，設計簡約得黎又有特色。黑糖珍珠都有得揀少糖，果然夠體貼。飲落果然吾太甜，怕太甜既朋友都可以揀黑糖珍珠。珍珠Q彈吾死實，真係有D台灣飲既感覺。吸幾粒珍珠再啜啖茶，中和一下黑糖既甜度，做飯後甜品，過下口癮，真係吾錯。

最近電話有少少問題，落旺角要睇睇，行得落旺角點少得西洋菜街，咁岩經過見到有間新的手搖飲品店，叫渾喆，差D讀錯個名叫佢做運吉，名都幾搞笑。我們點了一杯原隻芒果茉莉綠茶 (大杯HKD 38)和碳焙烏龍鮮奶茶 (大杯HKD 26)，結帳了後我們才發現原來期間限定買純鮮果就送一杯黑糖珍珠系列，蝕了！可以下次再去飲而且只要你帶自備杯去，就可以減$2啦，支持環保！芒果茉莉綠茶啖啖芒果肉，而且陣陣茉莉茶香，一點都不濟，而且好夠凍！碳焙烏龍鮮奶茶，第一次飲烏龍底既奶茶，仲要$26蚊已經大大杯，真係超級抵飲，味道不會太甜的奶茶，微微茶香，比較清新！

這天滂沱大雨，加上為著牙齒又要再到旺角一趟覆診，心情比天氣更壞，於是冒雨也要走到>>>渾喆<<<，期待以美味飲品帶回好心情。 飲品店在旺角如雨後春筍，品牌之多可謂目不暇給，渾喆能夠突圍而出，大概因為真材實料。店長推介的芝士奶蓋士多啤梨茉莉綠茶，就可體會使用上乘材料有多重要。 店主説，芝士奶蓋用上新鮮芝士製作，味道更加香濃；扭開杯蓋，呷一口芝士奶蓋，便知店主所言非虛，鹹香比內地某風靡全國品牌更加香濃，比起我在廣州買的那一口味道更加突出，一試難忘。 士多啤梨同樣真材實料，啖啖士多啤梨果肉，香甜感覺，幸福滿溢。配上清新茉莉綠茶，比起使用鮮奶，口感更加清純。最驚喜的是士多啤梨果肉、茉莉綠茶及芝士奶蓋，三款看似風馬牛不相及的材料，混和在同一杯飲品中，三款味道不會互搶風頭，出奇地混和，味道層次的豐富，回味無窮，也把當初鬱悶的心情一掃而空。這廿多元還真的值得花哩。 店舖不時提供各式優惠，譬如自備杯具減價，或者買一送一。 如想獲得最新優惠資訊，當然到社交網站官方帳號。

黑糖珍珠碳焙烏龍鮮奶茶！茶味濃！珍珠甜！有咬口！多珍珠！本地薑！超好飲！必推介！😋😋😋試飲左士多啤梨茉莉綠茶，成功吸引士多啤梨控既我，下次一定再買！❤️Staff好有禮貌，最近佢地黑糖珍珠鮮奶做緊試飲價$18炸！仲唔快啲去試下！Definitely have to try the brown sugar bubble tea and strawberry jasmine green tea with milk foam here if you come to Hong Kong 😋They are currently doing a promotion.Brown sugar bubble fresh tea only cost $18!Come and try quickly ❤️❤️

今日等朋友無聊無野做又有事順便去好景商場果邊行果去果陣見到呢間「渾喆」自己又未飲過呢間就trytry然後，呢到既店員超好人，全程面帶笑容又好帶禮貌，櫃台小姊姊也很漂亮啊～～🤭吾知係味新開定有新產品出啊，佢有得試飲下果味道，也太好了吧？呢間選擇算多，我覺得主打係水果茶，因為好多配搭都係水果為主，所以我就決定飲滿杯水果四季春（$34）因為呢項算普及會喝到既款色，就會見真功夫啦！首先，入面既水果應有盡有，橙/西柚、西瓜、菠蘿、熱情果？（因為我食到籽）因為我叫左微冰，忘了叫半糖，但好彩飲落去吾算好甜，我覺得橙味好出！成杯黎講都係合格水準之上！

我呢個台式飲品達人梗係周圍去搵開咗嘅珍珠奶茶試啦！成日嚟旺角今日見到新開嘅鋪頭「渾喆」咁梗係要試吓啦！咁買咗呢個黑糖珍珠碳焙烏龍鮮奶茶仲有就係奶蓋士多啤梨🍓茉莉綠茶！咁首先講吓前邊果杯啦，佢個奶茶就真係冇乜甜味嘅，可能係主張健康咁就好適合少甜嘅人士啦，咁其實台式飲品都比較肥嘅。咁呢個真係少見嘅健康之選啦。如果提醒大家覺得唔夠味嘅就可以其實可以反而見返多啲糖。如果個烏龍茶個茶味可以再突出返少少咁會更加好。咁佢珍珠都好多😍都有咬口。都唔錯既個黑糖味。而士多啤梨個杯就好新鮮士多啤梨啦。成杯都係非常滿足。咁我最欣賞呢杯嘅飲品呢就係佢個奶蓋係做得非常之出色。👍點解呢？好多台式飲品店或者飲品店都會有奶蓋。但係其實都做得質素好參差，原因就係個奶蓋唔夠厚身同埋密度。呢個重點呢，影響成杯飲品嘅質感就會導致唔使一兩分鐘或者幾十秒嘅時間嗰個奶蓋就會溶晒跌晒落去杯飲品嘅。咁其實冇咗奶蓋既意義同埋層次。其實咁根本係飲唔到嘅。呢一度呢就絕對唔會喇，佢個奶佢非常之厚身同埋濃味！即使我擺咗成個幾兩個鐘佢都絲毫不動。飲落去原本質感非常之厚或濃味，而且擺咁耐亦都唔會用落去杯飲品到導致失去兩層嘅口感，同埋芝士奶蓋嘅意義👍！

行過登打士街見到「免費贈你一杯」的廣告令我停下腳步。渾喆這間飲品店你不要誤解為運桔呀！想飲鮮果汁望下水牌，好多選擇例如菠蘿芒果奇異果紅柚芭樂紅火龍果等。點咗個原隻芒果茉莉綠茶及滿杯水果四季春試下！大大杯淺黃色的芒果飲品好吸引，一飲就有好多芒果粒衝入口，香軟清甜，加上淡淡的茉香綠茶很搭配，沒有掩蓋芒果的鮮甜味，一口一口很滿足。 另一款滿杯水果，顏色豐富。很多水果擠在杯子裹，配以四季春的茶味又美味又健康不妨一試。撇除純鮮果茶系列仲可以揀黑糖珍珠，芝士奶蓋及鮮奶茶系列等等。我最欣賞係旋轉杯蓋的設計方便轉開一邊啜飲或一邊吃水果，又可大大啖飲，另外該店支持環保.， 攜杯立減兩蚊！!應該捧場吖！！！

渾喆嚟到旺角呢邊行街 ，天氣今日又好熱， 於是呢就決定咗買杯嘢飲， 經過呢條街見到有間新開嘅 ，之前冇見過嘅 ，鋪面好靚， 好有櫻花嘅感覺 ，象徵著春夏已經嚟到 ，適合飲一杯凍凍嘅飲品！餐牌都係粉粉設計 ，選擇多多，應有盡有，系列分明 ，有大餐牌同小餐牌， 多人嘅時候可以分批睇。擺得咁大嘅poster， 肯定係鎮店之寶， 但又唔可以一次過飲曬四杯！所以我就揀咗一杯配合返主題嘅粉粉飲品，奶蓋士多啤梨茉莉綠茶，好有feel呀！正！一層厚厚嘅奶蓋cover住草莓沙冰與茉莉綠茶， 顏色好靚，粉粉嫩嫩 好有少女感！ 先飲一啖奶蓋， 鹹鹹地 配埋草莓本有嘅酸酸甜甜，正到痺！

神甘早飲完早茶，到左下就緊係有d口渴又餓餓地嘎啦！行開旺角，經過呢間渾喆，見到個明甘特別，個舖面又靚，就想試下距d野飲啦！好多特色野飲啊！黑糖珍珠鮮奶就試得多啦！唔知黑糖珍珠炭焙烏龍鮮奶茶又會唔會有另一番風味呢!呢杯黑糖珍珠炭焙烏龍鮮奶茶，果然無令我失望啊！比起黑糖珍珠鮮奶，呢杯奶茶多左一道我好中意既烏龍茶味，令我覺得驚喜萬分!估唔到烏龍茶同黑糖鮮奶味都可以甘夾啊！渾喆呢度，甜度同冰度都可以自己簡嘎!

經過依間新開嘅渾喆，店員遞上一小杯飲品俾我地試飲，覺得唔錯，於是同朋友一人一杯。飲品有大、中、細之分，可以睇得出店鋪非常貼心。同朋友傾咗一陣計，兩杯飲品就到齊，唔洗五分鐘就整好，好有效率！我叫咗黑糖珍珠碳焙烏龍鮮奶茶(大，$30)，烏龍茶味道非常濃，又唔會蓋住鮮奶嘅味道，絲滑得黎又好香。而珍珠份量亦都非常多，粒粒都非常有口感。朋友叫咗滿杯水果四季春(大，$34)，外觀色彩繽紛，係名符其實嘅滿杯水果，有奇異果、西瓜、橙、檸檬、百香果、草莓等等，鮮味濃郁。而四季春同果味都非常夾，飲完成個人都好清爽利。雖然旺角開咗五花八門嘅台式飲品鋪，但係依家新開嘅，有好多優惠做緊，例如買鮮果茶系列就送黑糖珍珠系列，而且一啲都唔輸俾大型連鎖嘅品牌，大家不妨黎試下啦！

食完小食自然要飲杯手搖飲品，近年周街都係台式飲品店，想突圍而出並唔容易至於點解揀中呢間呢，因為咁岩呀老世派試飲，態度親切有禮試完立馬就買左杯，仲主動問駛唔駛加奶蓋當然仲有其他飲品啦，價錢中等，唔算太貴，但勝在服務態度好等左大概5分鐘左右，終於有得飲啦老世話佢地真係用士多啤梨攪爛而成，唔係用糖醬，所以味道一定會比出面嘅濃，而且可以食到果肉同士多啤梨籽我就鍾意呢杯野唔會太死甜，酸酸地，夏天飲幾正，再配埋幽香嘅茉莉綠茶，的確令唔少途人試飲完就俾錢

今日跟朋友行過，見到呢間店的名子咁得意，就一於買黎試下！主要有生果系列及黑糖系列，當然都有而家時興的奶蓋啦！價錢唔貴，有大中少杯size 揀🥤係飲品準備緊的時候，店員就同我地傾談開，佢地的生果茶係完全無加濃縮汁，味道全部都係來自新鮮生果，（咁咪即係好新鮮！🤗) 而且佢地都嚴格挑選生果，唔會用質量差的生果架。 心郁郁好想試🤗可惜已經買左啦，下次再試生果系列。我揀的是黑糖珍珠碳焙烏龍鮮奶茶，搖曇佢，黑糖味包住成粒珍珠味道好重！ 飲到好香茶味，奶同茶balance 做得好好，兩樣味都飲到😋😋😋 整體黎講同一般過江龍一樣好味， 唔係飲咁甜的你可以揀微甜，岩岩好！正呀！

又有一間新飲品店登陸「登打士街」！店舖名稱好吸睛😂 「渾喆」不是渾吉，鋪面裝修粉白櫻花feel，好配合芝士奶蓋水果茶嘅感覺！研究餐牌一輪後，係招牌飲品入面揀左💥奶蓋士多啤梨茉莉綠茶（大）🍓🍓🍓- 少糖走冰💭 飲落有驚喜！首先大大啖飲下個芝士奶蓋層💥濃厚嘅芝士味滿足味蕾，芝士奶蓋唔算厚實，減低左飽膩感🤤 大杯都唔怕飲到滯💭然後加入飲筒試下士多啤梨茉莉綠茶🍓🍵💥wowowo，一入口係好清新嘅茉莉茶香，食飽飽後飲就好似清走油膩感 🥳 💭攪一攪勻再飲埋士多啤梨層💥貨真假實嘅士多啤梨果肉！完全唔係濃縮液嘅感覺！係等緊野飲嘅時候，店員主動介紹「渾喆」採用新鮮生果，唔係用濃縮液（實飲完果真冇吹水！）。此外，為左提升奶蓋士多啤梨茉莉綠茶嘅味道，落左5cc士多啤梨醬 🥴 5cc其實好少好少，由此可見店家好認真研究點樣maximise杯飲品嘅好味道！APPRECIATE🥇