影片
付款方式
其他資料
網上訂座
加一服務費
以上資料只供參考, 請與餐廳確認詳情
有關獎賞計劃
唔覺唔覺”湊湊火鍋”喺香港已經有12間分店，今日同媽咪去Yoho Mix分店食lunch，餐廳以中式為設計風格，裝潢古色古香，環境非常優雅地方闊落，好多靠窗卡位透光度高，坐得好舒服半自助式午市套餐有7款選擇免費登記做湊湊會員就可以享用自助吧有前菜、滷肉飯、生果、甜品，任食！！前菜有香辣魚皮同杏鮑菇，辣辣地好惹味～「經典紅顏花膠雞小火鍋」雞件好多，冇骨，肉質唔鞋，雞湯非常濃郁有黏黏感，重點係有好多花膠，好多骨膠原「寶島慢煮番茄牛肉小火鍋」牛肉係牛腩嚟嘅，勁足料，夠晒軟腍，讚蕃茄湯茄味夠濃，似飲緊羅宋湯，配烏冬掛湯食好食~每份小火鍋套餐跟麻辣鴨血、豆腐、半隻雞蛋、肉燥娃娃菜，好豐富超抵食甜品每人有一客紅豆奶凍，清甜動L動L生果有哈密瓜同西瓜，好新鮮！無限任拎，食到超飽！可以用半價order茶飲，叫咗「百香金橙」同「粒粒紅柚茉香茶」，專登揀酸甜口味解渴又解膩，飲唔晒拎走慢慢飲抵😂
繼續閱讀
元朗台式火鍋🍲臨近中秋節約朋友一齊去食 佈置得好靚好多燈籠🏮好有氣氛～首先有自助區自由調醬料 重有水果 地瓜球等台灣小食做前菜任夾😍鴛鴦鍋(清涼椰子雞鍋 拼 臺式麻辣鍋)清涼椰子雞鍋 —— 打邊爐之前可以飲番啖湯 勁清甜 散發住淡淡椰子香 夠晒fresh臺式麻辣鍋 —— 必點之一 夠晒正宗嘅麻辣味😍花好月圓海鮮拼盤入面有成五款海鮮：勁大塊嘅扇貝 基圍跳跳蝦 南非鮑魚 白鱔片 同文蛤 全部都好新鮮 鮮甜 自己最鍾意鮑魚 咬落好爽好彈牙！企鵝賞月呢個用嚟打卡岩晒！企鵝有啲似魚蛋口感肉質彈牙 至於個月亮就係飛魚籽墨魚滑新鮮白鱔片無乜骨之餘又有嚼頭～美國牛肩胛肉油花比較小所以食落口感就扎實啲爽口牛黃喉食落非常脆～油墨菜碌大概1分鐘即刻拎上嚟食就啱啱好 入晒麻辣嗰陣味之餘重好爽口～估唔到佢連茶飲都有😍雙柚愛玉茉莉(冰沙)雙柚愛玉茉香茶加一服務費📍元朗朗樂路1號元點1樓B121-126號舖
繼續閱讀
即將到一年一度嘅月餅節，一於食返啲好意頭，團團圓圓嘅菜式🌕 店員中途送上芒果沙冰解膩，又主動幫手添鴨血落麻辣鍋，服務幾好🐧!✨鴛鴦鍋-酸菜白肉湯底酸味突出，味道貼近台灣風味，酸菜愛好者會好滿意🫶🏻 加咗肉類同蔬菜熬煮一陣，味道更平易近人，個湯鹹鹹酸酸都幾好飲😚-台式招牌麻辣鍋辣度適中，唔洗食一啖飲一杯水，麻麻辣辣幾香口，尤其配搭肉類同牛黃喉一流！✨新鮮白鱔片✨花好月圓海鮮拼盤生猛嘅海鮮拼盤，有海蝦、鮑魚、扇貝、大蜆同魚肉等等。✨企鵝賞月企鵝也賞月🐧？其實係企鵝丸同飛魚籽墨魚滑，企鵝接近白魚蛋嘅味道，多咗份獨有嘅墨魚漿風味。飛魚籽墨魚滑同樣十分彈牙。✨美國牛肩胛肉肉味適中，肉質較薄，快速吸收晒湯底既味道。✨爽口牛黃喉好似魚蛋咁爽口彈牙，好食！
繼續閱讀
依排天氣好似無咁熱又想打邊爐就黎Yoho Mix 湊湊因為有鴨血任食我地點左鴛鴦鍋一邊酸菜白肉，一邊招牌台式麻辣🧡企鵝賞月依個超可愛，點黎打卡用好似幾隻企鵝望住個大月亮咁幾有創意店員仲示範左企鵝跳水企鵝係黑白墨魚漿墨魚味好香濃月亮夾雜蟹籽，口感特別🧡海鮮拼盤有齊大蝦，鮑魚，帶子，大蜆等等鮑魚好大隻又夠彈牙帶子唔好滾太耐都唔會點縮水大蜆幾鮮甜🧡美國特選級牛肩胛梗係唔少得點碟牛牛肩胛脂肪比例較低，無咁肥牛味都幾濃🧡牛黃喉食落好爽！本身無乜味所以擺係麻辣個邊吸味就好夾🧡新鮮白鱔片食落肉質都幾嫩🧡油麥菜新鮮爽脆洗得都幾乾淨🧡自助吧有水果有小食有肉臊飯芋泥波波炸得好脆魚皮夠彈牙🧡雙柚愛玉茉香茶🧡雙柚愛玉茉莉冰沙估唔到佢地自家果茶類都幾出色好解膩又解渴🧡紅豆豆腐布丁最後仲有埋甜品紅豆起哂沙夠甜布丁嫩滑，豆腐紅豆味道好夾
繼續閱讀
見K字頭外賣App買手搖飲品有特價，就叫黎試吓，點知所有同事都覺得中伏。珍珠奶茶嘅珍珠，非常之淋，完全沒有彈性。冬瓜檸檬汁竟然會有奶茶味⋯⋯檸檬汁亦都係非常酸，似濃縮果汁嘅感覺。$20一杯價錢雖然唔貴，但真係唔會再試。
繼續閱讀