湊湊火鍋‧茶憩 (MONTEREY Place)

營業中

休息中

生日晚飯第一次來食，明知食兩個鐘，但叫了碟牛肉遲遲未上，到上得來已經時間無多，訂了6:00pm，第一次來吾熟地方遲了15分鐘，6:15pm到，個小姐叫我哋8:00pm準時交枱才知道不是到達才起鐘計，兩個鐘頭吾夠食餐生日飯，仲趕過食放題…最後當然準時催埋單，比了信用卡侍應未來收，個黑面女侍應(其他落order及執枱的員工係有禮貌的), 第二次催我們走，我同佢講你地未收我錢我點走…總結食飯質數環境其實係可以的，但整體体驗確係不愉快，服務不人性化，部分員工態度趕客，其實催促埋單有禮貌點已經兩回事，明白你要做多轉生意的需要⋯⋯橫叠都係兩小時，食放題無咁嬲。

呢間火鍋可以翻炒,所以第二次食湊湊火鍋 ,湯底夠濃郁 ,特別是胡椒豬肚湯底 ,侍應再三強調叫我哋飲咗啖湯先至落食物； 果然淡湯夠濃郁；毛肚又夠爽 ；仲有一些食物任取 e.g麻辣魚皮, 任食生果,凍飲大大杯 ,款式又多,冰香梅綠茶值得一試 ,食過兩次, 試過番茄湯底, 豬肚湯底 酸菜魚湯底，麻辣湯底值得一試 .食到火鍋最尾 .每人有一杯沙冰贈送 ,真係好細心 .每一台座位都有獨立空間 .三五知己傾計好方便, 火力又夠猛 ，店員 補充上湯有夠快 ，醬料款式很多 ，麻醬花生醬 蔥花 樣樣齊備有很多選擇。

打邊爐🍲已經成為香港人周不時都會食嘅嘢！所以好多餐廳都會有五花八門嘅打邊爐🍲款式！今日同大家介紹湊湊火鍋店新推出嘅椰子🥥🌴雞火鍋，湯底清涼又清甜啱晒喺熱辣辣嘅夏天☀️，食完有種透心涼嘅感覺🥶！呢個套餐係配有唔同嘅食材，首先係美國牛後胸🐮，肉味香濃！小章魚🐙福袋喺豆皮福袋印有湊字，入邊放入小章魚肉！珊瑚蚌🐚新鮮嘅珊瑚蚌放入熱辣辣嘅椰子湯底入邊大約40秒就可以食得，配合返個湯底完全提升到珊瑚蚌嘅鮮味！奶油生菜🥬呢一款生菜食菜唔會有泥味同接近無渣，識落口仲有少少甜味！日本雞肉🐔椰子湯底點可以無雞肉，配上雞肉鮮嫩可口同滑流！

真唔明點解香港的飲食業變成這樣無質素？不是食物質素, 也不是環境問題, 而係員工似趕客一樣？雖然明知是限時兩小時,我哋都盡快食, 但最後才發現漏咗個蔬菜盆未上, 我哋是叫套餐, 所以不能取消, 結果我哋快手快腳放埋落去, 但粟米南瓜果D真係要時間才熟。仲有五分鐘, 收銀的小姐仲兇惡過收數佬走來命令我哋：說你哋已夠鐘, 要立即走, 外面很多人等。。我哋有同她解釋漏了單, 但佢話外面好多人等, 你哋都一定要埋單走。。雖然我哋未食完, 但我哋都照埋單走, 真係怕咗果位小姐, 費事同佢嘈但之後出到去見唔到有人等位呢！其實我哋係嚟消費享受, 而唔係嚟乞食受氣！！麻煩老闆正視下你D員工, 雖然知現今很難請人, 但請這位小姐, 真係同你趕客！！你幾用心經營都無用。同埋兩小時打邊爐係咪真係夠晒時間？係咪全餐飯唔傾偈？要不停食？另外, 係咪可以確保唔漏單, 唔出錯？

正正台灣火鍋🍲一直都好中意食麻辣！但朋友也不食，但今次發現左有個羅宋湯味既牛湯底朋友中意咁可以簡這2個味既湯底！之前食過幾次都唔知麻辣湯底可再添鴨血豆腐！今次吃過夠！宵晚又有優惠！

湊湊是其中一間我特別喜歡的火鍋餐廳，每次都有賓至如歸的感覺。餐廳裝修有氣氛，像置身於古代餐廳，空間感大，而且與其他食客有一定的距離，非常適合朋友聚會。🔔餐後送一小杯沙冰解辣同茶味果凍已經是餐廳傳統清涼椰子雜(單鍋) ($198)日本無骨雞肉，加入椰子水、椰肉、檸檬葉、珍珠馬蹄等製作成香甜清新的湯底，每口淡淡的椰子清香，夏日火鍋必選。仲係新加坡及香港門店限定！美國特選級牛後胸($118)牛後胸香口嫩滑，火鍋食用最佳小章魚福袋($49)福袋係餐廳特製，上面印有個湊字，福袋入面仲有小章魚，幾特別深海珊瑚蚌($198)珊瑚蚌用冰鎮送上，只需要淥45秒，超爽口又唔韌，就算大大件都唔鞋奶油生菜($38)水耕種植的蔬菜，含豐富營養價值。奶油白菜的葉子厚實多汁少渣，帶有微妙的甜味香，而且砌成花嘅形狀，打卡一流企鵝丸🐧($59)精緻可愛嘅企鵝丸，又好食又好玩，充滿墨汁味道生椰大紅袍($29)椰乳醇厚，配搭茶香濃郁的大紅袍茶，口感潤滑，後味鮮甜，椰乳同大紅袍味道非常夾。外帶鹵鴨血豆腐店員仲為客人免費提供外帶鴨血豆腐，超正👍優惠自助($19)包括醬料、水果、小食、炸地瓜球、滷肉飯

食咗個二人晚市套餐，食物新鮮，湯底足料唔咸，就算個半鐘，上菜時間算快，唔算好趕。食到八個字度，我問沙冰可唔可以上，長面又高嘅男侍應一句話我地啱啱食，遲啲先上。啱啱？？？？人地無_鍋好早上，仲可以添飲。結果去到差唔多個零鐘，我再問，佢就一下將兩杯嘢挫落枱度，唔講以為得罪咗佢啲咩。因為個套餐有外帶豆腐鴨血，佢上嘅時候，連埋張單。我地見仲有少少時間，咪坐一陣，點知佢行埋黎催我地埋單！頭先叫佢上沙冰又唔見咁快手 😡😡😡😡 我地每位近四舊㗎！我算黑仔，成場最燥係佢，就偏偏係佢serve 🤦‍♀️🤦‍♀️

雖則一年四季都是食火鍋的好日子 但夏日炎炎好需要口感清爽的湯底和食材 去減低油膩感湊湊火鍋·茶憩 @coucouhotpothk 推出新品夏日限定🍲清涼椰子雞鍋及生椰系列臺式茶飲今次去了將軍澳分店 好靚！座位舒適 空間感大·🐓清涼椰子雞鍋原來係新加坡及香港門店限定的清涼椰子雞鍋用了椰子水 椰肉 珍珠馬蹄 檸檬葉🍃香甜清新湯底有著椰子清香 加入滑嫩無骨的日本雞肉充滿東南亞的風味 再以粟米 紅棗帶出鮮甜味·🥤生椰大紅袍新登場的生椰系列包括生椰大紅袍&椰咖大紅袍試了生椰大紅袍 感覺比平常的奶茶口感更潤滑醇厚椰乳遇上了茶香濃郁的大紅袍茶 後味鮮甜·🪸深海珊瑚蚌全部配料的擺盤都有心思 橙紅色的深海珊瑚蚌輕輕一灼 建議40-60秒 已鮮味十足 爽口彈牙·🥩美國特選級牛後胸肉後胸腹肉油花非常豐富 肉味濃郁 口感超嫩滑火鍋控/牛魔王大愛 基本上每枱都會點 很推介·🐙小章魚福袋福袋造型超可愛 外層印有凑字 一咬開就是驚喜裏面有小章魚和爆汁的湯水 吃起來很鮮美可口·🧆丸類拼盤CP值高 有精製牛筋丸 精製蝦丸 精製台式貢丸每款丸都好彈牙 特別係牛筋丸 重牛味 好好食·🥬奶油白菜香港少見的火鍋配料 特別選用水

湊湊火鍋是一間我好喜歡的台灣火鍋店！價錢合理，選料新鮮，台式飲品好味道！絕對是五星星推介！所以我也經常光顧！但第一次食這裡的午餐，同樣有驚喜！好味道之外，價錢亦好親民，看來我又多一間飯堂了！

放假想食多d 野又想瘦，方法就係早點食到 ，早前見湊湊鍋有早鳥優惠，下午6時前埋單及離座可享85折。決定搵埋友人黎品嘗。呢度空間感大、燈飾和裝飾品富有藝術，座位舒適、，以新東方設計風格，時尚又情調，打卡正！自助服務有正山紅茶、鴨血豆腐無限添加、魚皮生果供應。清涼椰子雞鍋湯底清甜，夏日火鍋好選擇，選雞肉滑嫩鮮甜，原來選用日本雞，加入椰子水、椰肉、檸檬葉、珍珠馬蹄等製作成香甜清新之湯底，品嚐東南亞的味道，每口淡淡的椰子清香。特別係有檸檬葉，令湯味更清香，感覺不會太重。只有新加坡及香港門店限定。小章魚福袋咬開福袋，可以品嘗章魚🐙深海珊瑚蚌爽口彈牙，健康又好味奶油白菜第一次點奶油白菜，好大完整一棵。可能因為係水耕，菜葉嫩綠又少渣，口感一流，有清新的感覺。橘子果凍橘子果凍內有果肉，食落有茶味，微甜。打完邊爐食埋呢個甜品，好滿足。生椰大紅袍茶椰乳醇厚，配搭茶香濃郁的大紅袍茶，誘發出特有的岩韻風味，口感潤滑，後味鮮甜，口感清爽。大紅袍珍珠奶茶口感潤滑，奶和茶濃度剛好，珍珠韌韌地。原來除了早鳥優惠，宵夜都有優惠，晚上9時入座可享8折，加入湊湊社交平台附送沙冰同甜品！

細妹推介將軍澳一間高質火鍋話好正，點都要帶我去試吓，「湊湊火鍋‧茶憩」裝修以深色為主，好有格調，昏暗燈光十分有氣氛，全部獨立卡座，枱與枱之間特別間開，私隱度高，可以同朋友盡情嘆美食。自助吧枱有成十多款醬料選擇，有啲仲係比較冷門嘅醬料，餐廳提供咗唔同嘅醬汁配方俾客人可以跟住混醬。我就跟咗古典調味：菇菌醬、醋、香蔥末、香油。仲有滷肉飯、生果、中華沙律，一定要攞香辣魚皮，切得幼條，煙靭彈牙，辣辣地充滿麻油香，好惹味，encore之選。呢度杯茶好香，店員話出面無得賣，喺餐廳自己調配，叫淨山紅茶。Menu排版似飲食雜誌，鍋底名改得過癮，我哋想試一款辣一款唔辣，所以叫咗鴛鴦鍋。➰勵志鍋~臺式麻辣鍋 (鴛鴦鍋) $138材料十足，有紅棗、枸杞，無得揀大小辣，麻辣得嚟唔會辣到食唔到，鴨血彈嫩多汁，豆腐入味，最正係無限追加，非常滿足。➰食妝鍋~紅顏花膠雞鍋 (鴛鴦鍋) $138湯底勁熱，濃郁稠身，直頭成個湯羹，足料煲，有鮑魚、花菇、雞肉、野米、仲有大大件花膠。打邊爐前先飲啖靚湯，啖啖雞精華，滿滿膠質，直頭覺得漿住個嘴，勁正！飲完都感覺美顏咗。➰荔枝蝦球 $68造形吸引但完全無荔枝成份，咬開紅色皮見到白色

今晚成9點半先黎食🤣有8折，但因為咁啱做緊優惠 - 身分證有3個7，所以送一個湯底🤭好開心吖🥰我已經食過3次，每次都食得好滿足😌今次無叫套餐，都係散叫。湯底本身想揀胡椒豬肚，但無哂所以揀花膠雞湯🙈呢度嘅配料好多，有小食、仲有滷肉飯食(男朋友至愛，每次食2大碗lol)！🤭麻辣魚皮(唔係次次有)、中華沙律、蕃茄仔、西瓜哈密瓜都係任食👍🏻今次無揀牛肉食，叫左豬頸肉都好彈好爽😋最愛係菜，所以叫左一大個拼盤。特別係娃娃菜吸晒啲湯，好好味🤤每張枱都會有冰沙送，今次係菠蘿口味，勁清新開胃🥰

我哋一同六人去慶祝生日，佢哋會幫我地上蛋糕，啲食物都唔錯，有個女仔好好建議我地叫個四人餐，唔夠再另外加野，因為我哋又飲酒又食小食，結果真係食唔曬個餐入面啲嘢，因為佢有好幾款餐前小食，兩款生果，又有肉燥飯，如果你真係餓，食呢啲都填緊啲個👍🏻☺️之後再打邊爐又飲酒，又有珍珠奶茶🧋👍🏻 正，聚會好開心

💡高質台式火鍋今日係同朋友係將軍澳做完運動，就當然要搵下有咩好野食，呢間主打台式火鍋，就係湊湊火鍋.茶憩呢度嘅環境好大，座位舒適，裝修仲有好古危古香的味道。而且自助Bar有好多野食，食物又高質。🍽金湯酸菜魚鍋 🐠呢個用豬骨、胡蘿蔔素和海南黃燈籠椒調色，再加埋四川傳統自然發酵的泡青菜熬製成香濃湯頭，所以飲落感覺到味道好濃郁，酸辣中帶鮮甜的味道。再加入大量嘅嫩滑魚片，令到湯底更鮮香，不知不覺已飲幾碗。🍽深海珊瑚蚌 珊瑚蚌真係第一次食，只要灼1分鐘就食得，非常爽口鮮甜，好彈牙。🍽美國特選級牛後胸肉🐂 肉香十足，油花均勻，肉質鮮嫩，牛味濃郁嘅牛後胸肉。輕輕灼一灼就食得。🍽小章魚福袋🐙份量都幾多，出邊用豆皮包裏入面爆滿既章魚餡料，章魚夠彈牙，加埋豆皮容易將湯汁索曬入去，所以食個陣要小心熱。🍽奶油生菜🥬特別選用水耕種植的蔬菜，含有豐富的營養價值，而且食落仲好多汁，帶點奶油甘香，所以咁就當沙灘菜食都得。🍹椰咖大紅袍味道好特別，估唔到咖啡的濃郁加埋大紅袍茶的香氣係可以咁夾。另外再加入椰乳的香甜，令到口感更加豐富。🍹生椰大紅袍清新的椰乳加上香醇既大紅袍，口感潤滑，後味鮮甜。而家仲要係生椰系列第二杯重有半

尋日同屋企人4個大人1個小朋友去食 嗌咗個鴛鴦鍋胡椒豬肚湯底加酸菜白肉湯底個湯底都好惹味叫咗一大盤牛肉、貢丸、墨魚滑、蓮藕、魚腐、蔬菜、芝士丸、企鵝丸、烏冬、響鈴、午餐肉、冬菇咁上下 全部食物都高質 同埋份量都幾多～有free flow滷肉飯 小朋友食咗3碗中間發生咗啲小插曲但職員處理得出乎意料咁好 整體非常滿意 大家都可以試吓 我哋book 6:30 枱拎枱時前面有人想walk in ~ 但職員話冇位喇 所以建議大家要book 枱呀 ～