湊湊火鍋‧茶憩 (MONTEREY Place)

營業中

休息中

湊湊火鍋‧茶憩 (MONTEREY Place) (將軍澳).佢開左咁耐我都無食過！ 星期六晚果然好墟冚，急不可待🤭💜一坐底店員會好貼心比圍裙你，用QR Code落單，醬料同埋小食水果等就係出面任拎。非常驚喜佢嘅小食，竟然有中華沙律同埋涼拌魚皮，個魚皮係我哋平時喺粥粉麵店常叫嘅小食！(⁎⁍̴̛ᴗ⁍̴̛⁎)正呀！.▪️ 白貝海鮮鍋鴛鴦台式麻辣鍋 ▪️.呢到係湯應該算係價錢較高，我地衝住呢個新出嘅白貝海鮮鍋黎，奶白色嘅湯入面有融入海參、乾貝、蚵偉等好鮮甜🥰我男朋友飲左五六碗！.叫埋鴛鴦，其實個價錢唔係差好遠，另一邊就緊係叫個辣，仲有鴨血同埋豆腐無限添加！.▪️企鵝🐧丸▪️.算係呢度嘅招牌配料之一，黑白色嘅企鵝造型我愛不在話下，而且味道都好正！係墨魚漿製成，入口微彈牙又香墨魚味.▪️比利時五花肉▪️.平時我十分之討厭食啲咁肥膩嘅豬肉，不過男朋友喜歡就叫一份嚟試吓，估唔到出乎意料地好食！因為佢切得非常之薄，完全冇嗰種豬油膩感.▪️鵝腸▪️.一份入邊有三小鑼，全部都係淥一陣就食得，爽口而且洗得夠乾淨先係重點.▪️脆吳郭魚片 ▪️.呢個價錢平又抵食，擺盤精緻，檸檬片喺底劈腥，一份仔有成四片魚片，即係呢到有成十六片，魚肉又爽口

天氣有點涼最好打邊爐今日食湊湊台式火鍋, 將軍澳店好大空間感, 坐得舒服, 裝修型格有特色！先點小食, 台灣香腸 口感嫩滑微甜。鹽酥雞 外酥內軟好香脆！白貝海鮮鍋/ 番茄牛膝骨鍋 (鴛鴦鍋)白貝海鮮鍋底融入海參、乾貝、金耳鮮蚵等料熬製而成, 湯底味道濃厚, 滾起先飲入口綿化。美國特選級牛肉雙拼美國牛小排 油花均勻，口感鮮嫩。牛肩胛肉眼 牛味濃郁, 滾十秒就啱啱好！筆管魷魚原條上碟好新鮮, 爽口彈牙有嚼勁！脆吳郭魚片口感嫩滑, 充滿鮮味！企鵝丸企鵝墨魚丸選用魚糜、墨魚肉、及少量豬肉打造而成, 口感Q彈, 可愛造型打卡就啱曬！燕麥奶茶採用Oatly燕麥植物奶口感細緻, 加入臺灣直送燕麥粒, 粒粒分明飲落好有層次！素食及乳糖不耐症的人都啱飲。+19/位 自助小料台 有齊前菜、滷肉飯同水果, 又幾豐富。鴨血豆腐仲無限添加！最後餐後甜品, 附送菠蘿味沙冰同酸梅茶凍, 雖然好飽, 都要試下！而家至11月30日 (全日供應), 凡點新鍋底「白貝海鮮鍋」, 仲可以用優惠價加購(比利時豬肉或美國牛肉雙拼) 早鳥優惠: 下午6時前埋單及離座可享85折宵夜優惠: 晚上9時半後入座可享8折茶飲

最近湊湊🥘出咗新鍋 -「白貝海鮮鍋」餐廳座位舒適 空間感大埋單仲附送菠蘿味沙冰同酸梅茶凍已經係二訪嘅火鍋店 🔸臺式麻辣鍋(鴛窵鍋）$138🔸白貝海鮮鍋（鴛鴦鍋）$168🔸美國特選級牛肉雙拼 $248🔸筆管魷魚 $78🔸手工蝦滑 $68🔸脆吳郭魚片 $68🔸烏冬 $28🔸蛋餃 $38🔸大紅袍燕麥奶茶 $35白貝海鮮鍋底融入海參、乾貝、金耳鮮蚵等料熬製而成，湯底濃縮各種材料的精華，味道濃厚，入口綿化，將食材原有的鮮味發揮到極致。臺式麻辣鍋仲可無限refill豆腐及鴨血，麻辣湯底好惹味。湯滾後仲可以先飲一啖，好鮮甜。美國🥩牛小排及牛肩胛肉眼，美國牛小排油花非常均勻，口感鮮嫩。手工蝦滑爽口彈牙。筆管魷魚🦑新鮮彈牙，有嚼勁。脆吳郭魚片口感嫩滑，仲好爽口。大紅袍燕麥奶茶採用Oatly燕麥調配嘅奶茶，飲出淡淡原茶清香，有純滑嘅植物奶口感。入面仲有由臺灣直送嘅燕麥粒，口感粒粒分明， 咬勁中帶有絲絲甜味。最適合素食及乳糖不耐症嘅人 ，避免飲用牛奶後不適。🔸優惠დ由即日起至11月30日，凡點購新鍋底「白貝海鮮鍋」，可以用優惠價加購指定新產品一客(比利時豬肉或美國牛肉雙拼)დ早鳥優惠:下午6時前埋單及離座可

第一次食湊湊鍋，見有朋友話好好食又抵食，咁我又去試下先，食完嘅感覺係好貴🤪性價比低😅🫕鴛鴦鍋揀左台式麻辣鍋同珍鮮菌菇鍋，一邊湯都要百幾蚊，再加人頭費$38，包自助前菜、飯、醬料、甜品咁，即係一入場已經要300蚊😵‍💫仲未計野食🥩美國特選級牛肩胛🦑飛魚籽墨魚滑🥬黑木耳🥬皇帝菜🦐黑虎蝦蝦卷🍺香梅綠茶🍮自助區拎嘅啫喱、沙冰、芋頭丸打邊爐嘅材料都幾好食同大份，質素都幾好，牛肉大塊同好淋，墨魚滑好彈牙，蝦卷好特別可以就咁食，香梅綠茶又大杯又好飲，總結係湯底同人頭費令到價錢比較高另一樣覺得麻麻嘅係啲茶杯好污糟，用紙巾抹完，張紙巾係啡色嘅😵‍💫😵‍💫換左幾隻都係咁，應該係洗杯求其洗，根本冇洗得甩茶漬，所以搞到我唔敢飲茶😫

🥢打邊爐既季節緊係唔好俾佢停，最緊湊湊出左新湯底，自在鍋- 「白貝海鮮鍋」，仲要係期間限定，唔食得辣既人岩哂🥰🔸 白貝海鮮鍋白貝海鮮鍋底融入花膠、海參、乾貝、金耳、鮮蚵等料熬製而成，湯底濃縮各種材料的精華，味道濃厚，入口綿化，將食材原有的鮮味發揮到極致。可以襯湯滾先飲湯試下個原味*湯底入面有雞子，唔食雞子既我都唔會抗拒，因為細細粉同食唔出陣味* 🔸 比利時五花肉油脂層次分明，口感油唔會膩，味道濃郁，肉質軟腍🔸脆吳郭魚片見個名幾得意就嗌左，魚肉肉質嫩滑，爽口，鮮甜帶魚味🔸筆管魷魚洗得好乾淨同新鮮，口感彈牙有嚼勁🔸企鵝丸打卡必備，企鵝墨魚丸選用魚糜、墨魚肉、及少量豬肉打造而成，口感O彈，睇得又食得🔸蟹味菇份量好多，索哂啲湯，好好食🔸文蛤每隻都打開左殼去完，好乾淨完全無沙，淥一淥就食得，味道鮮甜🔸燕麥奶茶自己揀左3分甜，飲品採用Oatly燕麥奶調配，淡淡的原茶清香，有純滑的燕麥奶口感，加埋臺灣直送既燕麥粒，口感粒粒分明， 純滑中帶點咬口🔸 大紅袍珍珠奶茶招牌茶飲點可以唔試，特選的大紅袍茶葉香氣醇厚，珍珠係細細粒，晶瑩剔透，煙韌彈牙🔸菠蘿沙冰食到一半店員送上，菠蘿味清香，帶有果肉，食到熱辣辣降

👍🏻 白貝海鮮鍋打邊爐嘅成敗好大部份決定於湯底 今次呢款白貝海鮮鍋淨係做到11月30日 全日供應 所以食午市嘅我哋當然要試試🥢海鮮鍋由海參、乾貝、金耳鮮蚵等熬製而成 係滾起之前建議大家都飲啖湯先 味道超級濃厚！海鮮嘅鮮味全被濃縮係湯底中💕打邊爐材料選擇都頗多 我哋特別推介嘅有👨🏻‍🍳✅ 比利時豬肉： 叫白貝海鮮鍋湯底可以優惠價加購指定新產品一客🐖比利時豬肉/美國牛肉雙拼 超級抵食 脂肪分明 肉味濃 唔會膩✅ 筆管魷魚🦑：表面有光澤 新鮮 入口彈牙有嚼勁✅ 脆吳郭魚片：魚肉嫩滑 帶有少許爽口感！✅ 企鵝丸🐧：人氣必點 企鵝丸用咗魚糜墨魚肉 同少少豬肉製成 煮熟後十分Q彈 造型可愛🥰✅ 鵝腸： 擺盤精美 口感爽口又嫩滑 湯滾 淥10秒就可以食喇👏🏻👍🏻 冷燕麥奶茶燕麥奶因為較健康的因素 近年多咗好多人飲用😉見佢佢哋出咗呢個系列 當然要試下！奶茶飲落好順滑 透出淡淡嘅原茶清香🍃 其中佢哋用左臺灣直送嘅燕麥粒 食落甜甜地 粒粒分明 雙重口感 好味🙌🏻素食/乳糖不耐症嘅人又多一個選擇喇😺 注意事項⚠️-最後仲有菠蘿沙冰🍍同梅子果凍送 食完透心涼🆒-其實全程體驗都好好 入座有正出紅茶/任食鴨血豆腐

經過見到呢間#湊湊火鍋‧茶憩 ，裝修格局精緻高級，於是就book定位星期日晚食。進入環境感覺很有空間感，裝修很有格調，打卡一流，座位很寬闊，坐得很舒適舒服😌。鋪坐下店員便送上～正山紅茶。門口位置有自助吧，每位只需$19，就有齊20多種醬料供選擇，前菜、水果🍉同滷肉飯。點左#白貝海鮮鍋，湯底是白雪雪的，湯料非常之豐富，有海參、乾貝、金耳、鮮蚵等等熬製而成，等湯滾起就第一時間盛來喝，嘩☺️好好飲啊，所有材料的精華都己融入湯內，飲落味道濃厚帶黏口感骨，海參、金耳入口綿化，將食材原有的鮮味發揮到極致，飲完即刻再盛多碗先開始打邊爐😊。現凡點購新鍋底「白貝海鮮鍋」，就可以用優惠價$248，加購比利時豬肉或美國牛肉雙拼，我哋喜歡食牛故點左後者。💓溫馨提示: 優惠期由即日起至11月30日 (全日供應)。🐮美國牛小排及牛肩胛肉眼
牛小排，色澤鮮艷，脂肪比例均勻，肉質彈牙口感鮮嫩，有入口即溶感，很yummy ☺️。🐂特選牛肩胛肉眼，牛肉質素十分唔錯，新鮮柔軟嫩滑，輕灼十秒即可食用😋。🦀️深海紅蟹，餐廳己經將殼處理妥當，我哋很容易就可以將佢剝殼，咬開便知佢很新鮮，肉質鮮甜柔嫩，食到蟹嘅原汁原味😉。飲品點了大紅袍燕

將軍澳海濱公園附近真係幾多野食，今晚同朋友去左Monterey Place既湊湊火鍋🍲•茶憩🍵打邊爐。湊湊火鍋。茶憩係主打臺式火鍋再結合正宗臺式手搖茶。餐廳裝橫好別緻，好有藝術氣息，坐得好舒適。鍋底揀新鍋白貝海鮮鍋，再鴛鴦鍋配蕃茄🍅牛膝骨鍋。由而家到11月30日，點呢個新鍋白貝海鮮鍋，可以以優惠價加購比利時豬肉🐷或美國牛肉🐮雙拼其中一客，咁抵咁我地就加購比利時豬肉。白貝海鮮鍋底超正，係用左海參、乾貝、金耳鮮蚵等料熬製，個湯味道好濃，吸哂各材料既精華，打邊爐之前，一定要飲返幾碗。蕃茄牛膝骨鍋，濃濃蕃茄鮮味，啲牛膝骨都比我啜埋。而花鍋配料樣樣都好新鮮，擺盤又精緻。比利時五花肉，油脂層次分明，口感juicy不會膩，肉味濃郁。企鵝墨魚丸用左魚糜、墨魚肉及少量豬肉打造而成，口感Q彈，企鵝賣相好可愛呀。筆管魷魚，彈牙有嚼勁。脆吳郭魚片🐟，口感嫩滑，夠爽口，我好鐘意❤️。小食我叫左個荔枝蝦球，蝦球好彈牙，望落真係好似粒荔枝。每位只要加$19，就可以自助吧任食，有醬料、仼食滷肉白飯 、水果🍉、涼拌同芋泥波波，抵。除左自助吧外，仲有正山紅茶、鴨血豆腐無限添加，再附送菠蘿味沙冰。大紅袍燕麥奶茶大紅袍茶香，配

今日個fd 突然想打邊爐，我即刻提議湊湊，因為對個蟹粉黃魚湯底念念不忘😂今次試將軍澳分店，去到吾算太多人，所以待應俾我地4個人可以坐張6人枱，好舒服。環境幾好，夠舒適😀。我地4個人叫左個4人餐，再加多幾款野食，埋單人頭around 500零，但已經食到超飽🤪下次一定要再戰☺️今次都係食左個蟹粉黃魚湯底，另外拼左個台式麻辣湯底。雖然吾係好辣，但都夠晒香，不過下次可以一戰四川麻辣湯底😂四人餐本身已經有三款肉，全部都好好味，4個人食份量已經夠晒😀另外有鮑魚，好新鮮、有蝦，不過就麻麻地，感覺吾夠爽。有個墨魚滑，好味道、企鵝丸就個樣特別但味道就一般，下次單叫就未必會再嗌。另外熟食有個荔枝蝦球，呢個值得一讚😋。最後仲有個蔬菜籃，好新鮮、響玲，好脆😊同埋有油條，浸一浸先食好特別😊我地另外仲叫左餐肉，呢個一般無咩特別下次吾會翻食，毛肚一流😇仲每人叫左一杯野飲，30蚊都吾洗但超大杯，絕對夠飲到食晒成餐😊

原本一班師奶諗住係去另外一間，但要收切餅費$180所以我哋轉陣⋯行去海邊睇吓有咩食😆喊到湊湊鍋係俾佢啲香味吸引咗入去😂😂好似迷暈黨咁🤣入到去環境都好好，又唔使收我哋切餅費😍（師奶梗係貪呢啲啦）叫咗好多嘢食有啲都冇影到🫠我哋叫嘅珍珠奶茶實在太大杯😂😂😂仲大過個頭，一定要打咭😂😂鴛鴦鍋底有辣有唔辣，任師奶選擇🤣食到一半竟然有侍應攞菠蘿冰沙嚟俾我哋飲😍😍😍😍雖然細細杯但係非常好飲，後尾發現仲可以添飲🤣🤣加落啲啤酒變咗菠蘿啤😋😋服務非常之好👍🏻我哋個個都好滿意

好耐冇約朋友出去食晚餐，依家門口睇落去基本上就唔會知道入面係咁大。枱與枱之間都隔得好開。基本上服務好好，俾到我地好多私人空間。四個朋友吹水吹到佢地收舖先走。前菜中華沙律冇出邊嗰啲咁，呢度呢啲任食。魚皮都好正，夠晒爽口，添食咗兩次。叫咗鴨血豆腐煲，話明可以無限添食。嗰日人不多基本上都係得兩個侍應負責我哋附近嗰幾枱，一個好好禮貌，另外一個十問九唔應。企鵝仔好彈牙，期間侍應仲送咗佢哋嘅芒果沙冰，等我哋清一清味㵢。最後仲有一個梅子果凍。美味！黎到台式餐廳，成日覺得都要飲珍珠奶茶，叫咗杯大紅袍珍珠奶茶，甜甜地又唔覺得好飽肚，但係就好大杯。

經常都要排隊 記得book位湯底好重要 鴛鴦湯底夠特別麻辣 配 蕃茄湯底 適合每個人掃QR code落單 好方便鴨血無限添加 湯底辣度啱啱好茄湯配料十足 湯料仲可以食用美國特選牛肩甲 雪花分明 油脂分布好好第一次配酸菜湯 原來係咁好味道墨魚仔有六件 大大份好新鮮企鵝形狀墨魚丸 可愛又濃墨魚味仲有呢度每人都可以享用自助區佢哋嘅自助區有水果🍉前菜，最重要嘅係佢哋哈密瓜同埋西瓜都好甜唔係出邊嗰啲是但求其沖😂有個專門嘅area仲可以做埋外賣，食到一半嘅時候仲送上免費嘅菠蘿沙冰😂食完之後仲送上梅子甜品，好啦點解咁多嘢送嘅🤣套圈圈遊戲都可以玩！

食物質素唔差，環境好好，舒服的。但0服務，叫極冇人應。食完之後去隔離飲品部買杯台式飲品，女廍員服務其差，好似爭佢錢咁！已叫少冰，但大半杯都係冰，飲幾啖飲完！完全搵老襯！絕不再幫襯！

裝修格局環境空間感一流,有高級台式東方感,想舒舒服服,優雅地打邊爐不二之選🤩呢間湊湊火鍋除咗食材新鮮🎈, 有二十多種不同醬料選擇,但當我叫咗兩個鍋後(老四川風味麻辣鍋)&(紅顏花膠雞鍋)由於火鍋湯底太美味又入味,我自己竟然完全冇掂過D醬料🤪🍲老四川風味麻辣鴛鴦鍋：據說湯底由雞骨及牛骨多種中藥材製成,食得出真材實料,四川辣味香濃惹味而不膩,啱曬我想食辣又受唔到好難嘅人,更有鴨血及豆腐可供無限添加👏🤤紅顏花膠雞鴛鴦鍋呢個大量膠原補充真不得了,膠原雞味非常濃郁,湯底除咗雞仲有鮑魚仔花菇等足料熬製,成個湯底都想飲晒佢😂🐂美國特選牛肩胛肉眼牛肉質素高, 新鮮嫩滑,口感一流, 真係輕輕白灼幾下食最正🐽伊比利亞黑豬肉脂肪比例分佈均勻入口即溶,肉質彈口🐧企鵝肉(墨魚漿)墨魚味香濃,造型可愛, 打卡必點📸🦐黑虎蝦蝦卷食得出都係新鮮蝦制， 調味剛剛好， 令人食完又想再食。有得食之餘仲有得玩，店內有湊湊夜市 — 主題店有套圈圈遊戲，消費每滿$500 就有一次機會🧡會, 大獎是$1200 的現金券 18：00 或後埋單方可憑收據獲得一次遊戲機會。🌛過咗 9:30PM後仲有宵夜 8 折優惠， 下次約friend

Coucou Hot Pot♨️ Fun time🥳..諗起台灣。。當然唔少得吃個台式火鍋♨️。今次到左附近既湊湊圍爐打邊爐，餐廳暗黑設計，座位舒適且空間感大，亦私穩度高，入座有貴妃烏龍茶🍵，靜靜吃個火鍋感覺不錯！最近有新搞作❤️ 湊湊夜市 — 主題店有套圈圈遊戲，消費每滿 $500 就有一次機會, 大獎是$1200 的現金券 (每晚 6:00pm 後開始喔🥳！）來自台灣既台式火鍋：清涼椰子雞 & 蟹黃魚鍋，前者清甜 後者味道濃郁，各有特色。配料方面：美國特選級牛小排、伊比利亞黑豬肉、基圍蝦(活)、企鵝丸(墨魚漿製）肉質亦新鮮可口。小食方面：香滷豬蹄🐽 膠原滿滿😍！茶飲方面，試左翡翠檸檬茶，大大杯🍹，消暑效果佳。自助吧優惠 $19/位時令前菜、米飯、秘製調料、時令水果，餐後亦附送沙冰 & 梅子茶凍，下火一流喔！..原來餐廳而家9:30pm 後仲有宵夜 8 折優惠😍，下次夜晚再約 friend 嚟打邊爐都唔錯🥳！..