湖畔美食

營業中

休息中

應該唔係好多人知道4月至6月有個Special promotion ，逢星期五，六晚有Chill Out Night。是夜專誠與友人入黎海洋公園，就係想聽Live Band 同飲佢做緊promotion 既$20生啤！😂已有十多年無黎過海洋公園，變左好多吖😮😮！7:15pm去到，已好多人坐正對台既靚位，我地都拿拿臨搵返個靚位先，友人去買左兩個生啤，再點左個豬手串燒set，剛好Live Band便開始了😍 女歌手唱得幾好，後面幾個樂手都型，可惜只係唱左15分鐘便停，下個session 竟然係要等到8:45pm😱一場入到黎，唯有等多節啦睇咪先走。我同友人都覺得食物有驚喜，並不是Canteen貨式！抵讚👍🏻👍🏻👍🏻 到8pm，突然熄晒燈，原來係有「雙龍出海」projection 睇😲，意外驚喜！ 仲有煙火效果🎆🎇，全長大概十分鐘左右。未有live band時都有DJ播下歌。到8:45pm，終於又到Live Band時間🎤🎤🎤，d歌全部我都識，好盡興😌！對住個湖境，加咪少少風吹住，真係好chilled 😎😎😎 可惜，又係得十五分鐘！😩😩😩 聽完，決定唔再等下一節，便搭返MTR走了。

這間海洋公園食店竟然未有人寫過食評，實在相當驚訝。 真不知是我看漏了還是海洋公園的食店少人寫食評。 主題樂園內進食比較貴是在所難免的了，但這食店的價錢還可以。 而且環境好好可以欣賞夢幻水都的湖畔美景，境觀好有度假feel!最後order了烤春雞 $88，牛肉腸熱狗 $60 烤春雞肉質嫩滑，而且口感軟滑，都烹調得有火喉。 熱狗都質素合格，看起來平平無奇，但原來麵包是炸得很香脆的，我和小女友share吃，很容易便能撕開了。 這餐很美味，欣賞住景色吃又別有一番風味，為本次的海園公園之旅增色不少。