影片
港鐵葵芳站 C 出口, 步行約5分鐘
繼續閱讀
特色
適合大夥人
營業時間
星期一至日
07:00 - 23:30
以上資料只供參考, 請與餐廳確認詳情
這晚路過葵芳地鐵站， 想起近葵青劇院有一間吃四川湖南菜。 近日天氣潮濕多雨，偶然都會想吃一頓四川菜菜醒醒胃辣过痛快， 今晚決定一試"湘川滬"。 這裏除了四川菜湖南菜竟然也有上海菜，似乎也迎合一些不嗜辣的朋友。 茗茶也有些講究有幾款精選的茶葉可供選擇。打開餐牌決定要一個水煮 。。什麼都可以。 又想吃雙色魚頭但只得兩個人且要慢慢嘆食吓骨， 最後還是選了水煮魚片。一大盆水煮魚片紅噹噹的非常搶眼!賣相超吸引 ，即時食指大動。 看見表面灑上一些生蒜， 把它和湯底隨隨混合， 味道又提升了。魚片很厚肉，問了部長是什麼魚片，原來是龍脷柳， 怪不得肥厚肉多且不容易夾散。 這個水煮魚應有的味道都齊， 麻辣得來有鮮香帶辛辣， 那些花椒辣椒油燙燙的包著的魚塊會令你越吃越想吃。 以為兩個人會太多吃不完， 估唔到是最快K.O.的一道菜， 怪不得每檯也點了這款。 水煮魚內裏還有墊底的四川粉， 有驚喜之餘簡直豐富了成個菜!另外我們叫了"小籠包", "韭黃炒鱔糊" 和"火腿奶油津白"。 小籠包皮很薄 ，內裏超多湯汁 ，餡料肥瘦肉適中。 韭黃炒鱔糊: 鱔肉嘅分量也頗多, 但炒得比較濕和腍， 不知是否因為這道菜上檯時有一些坐熱的設備， 會愈熱愈腍。 整體來說味道也調教得不錯。金華火腿奶油津白也配合得很好， 因為金華火腿並不是得個鹹字， 有鹹香的火腿味配上奶油汁以及 肥厚多汁的津白。整體來說晚飯水準不錯， 以平日來說，七點多鐘已經座無虛席相信也很受街坊歡迎。
繼續閱讀
其實一向都好喜歡食上海菜今日lunch同朋友黎到葵芳呢間中菜飲茶茶款都有幾款 ，除左平時叫開果d之外，仲有碧螺春，人參烏龍，我地選左荔枝紅茶，淡淡荔枝味好，清香。推介呢度嘅醉雞，好入味，重酒味雞肉好嫩滑！其他嘅點心好似咸水角都好正，好脆又唔油，另外叫左個黃金枝豆，係用旦黃漿炸枝豆，想食炸野心理上健康D嘅蔬菜😂呢度嘅staff好主動，秒速加茶，讚一下！
繼續閱讀
同同事Farewell lunch, 揀左公司附近既湘川滬。呢度有多款傳統既中式點心外, 仲有北京菜、上海菜等中式美食小炒。 午市茶位每人$7, 茶芥可以接受。 我地叫左幾個點心、一個羹同埋幾款上海菜食。 每次order點心定必叫既蝦餃、燒賣、鳳爪同埋咖哩土魷所有點心都熱辣辣上檯蝦餃都幾大粒, 脹卜卜, 皮薄, 而且入面既蝦都幾爽, 很鮮甜燒賣亦很大粒, 入面既豬肉亦很鮮甜鳳爪很入味, 而且都幾多, 都有六隻咖哩土魷 魷魚幾爽, 底下有好多蘿白吸味, 不過咖哩味唔太出, 同埋個汁有d稀, 但唔食得辣既朋友都食到 【花膠四寶羹】HK$78例牌有6碗左右。湯比較杰身, 味道類似平時去飲既紅燒翅湯底, 不過花膠被切成一條條絲, 失去左花膠本身既膠質口感, 反而用左大量既爽脆筍絲增加口感, 但湯料算幾豐富, 呢個價錢, 有呢個份量同質素, 算係咁~ 包類之中, 最有特色一定係呢個野菌包,【素菌蘑菇包】HK$32包點賣相同東菇外表一模一樣, 麵包鬆軟, 一咬開, 入面有大量既菇菌、煤菜, 淡淡既菇菌味慢慢飄出, 就算唔係食素既朋友, 都會喜歡! 【灌湯小籠包】HK$36 (4隻)呢度既小籠包都有幾款, 感覺上覺得” 灌湯”應該最為JUICY, 所以就點左呢個雖然皮唔算好薄, 但至少摺口位亦唔會有硬既口感, 一咬開, 入面鮮甜湯汁很澎湃地湧出, 豬肉鮮甜味更加十足。 【花鵰醉雞】HK$62 (例)外皮色澤金黃, 而且沒什麼肥油層, 每件雞都有香純既酒香味, 肉質鮮嫩 【紅油抄手】HK$36 (6粒)一碟已經有半打, 皮薄, 而且豬肉餡豐富, 配上甜豉油同大量既蒜蓉, 食落口更加香口, 味道更為突出 【香滑雙皮奶】(大點)熱食, 口應好滑, 微微既甜味, 不過奶味較淡【高力豆沙】表面唔會油林林, 糖粉另外分開上, 可以自行調教甜度, 入面有一小片香蕉同埋少少紅豆蓉, 整體都唔會太甜。
繼續閱讀
番工平時都係帶飯多, 難得出街食一次飯, 梗係要飲下茶啦~今次揀哩度係因為茶芥唔貴, 都係7蚊一位~黎到先知原來除左點心哩度lunch time都仲小菜食!今次揀左以下既野黎食蟹子燒賣皇去親飲茶都一定會叫! 間間酒樓都差唔多, 但唔知點解近年食啲燒賣愈黎愈細粒! 但哩間仍然係大大粒, 入面仲有我最愛既冬菇粒!!素菌蘑菇包第二張係個包既底部, 真係好似粒菇嫁 !! 仿菇度極高!!! 入面有粒粒蘑菇做餡, 睇得又食得!豉椒蒸鳳爪都係例牌去飲茶會叫, 但哩間酒樓同出面唔同, 啲鳳爪唔會蒸到爛哂咁, 啲皮仲保留到爽口感覺蝦餃皇足料之選!! 同燒賣一樣都係大大粒嫁!!咖喱蒸土魷啲土魷大大塊嫁, 無偷工減料!紅油抄手哩個一定要叫!!!! 估唔到咁好食, 佢個汁入口係甜甜地, 一開頭仲以為唔辣, 點知去到喉嚨先開始辣上黎, 但都無阻我要食第二粒!!加埋啲蒜蓉黎食又有唔同感覺!! 佢辣既程度係食唔到辣既人都會食到!三鮮鍋貼皮有點厚, 又無肉汁, 不過!!! 有蝦粒做餡, 不過不失啦~!小籠包皮都係有點厚, 但有個好處, 就係唔會咁易夾穿, 食小籠包因為夾穿而無哂湯汁真係會好沮喪! 雖然皮有點厚!!但入面有滿滿湯汁! 好味!瑤柱賽螃蟹今餐唯一一個小菜~ 蛋白粒粒分明, 唔會炒到過老, 份量都足, 加啲醋一齊食好開胃, 唯一美中不足係中間無左隻生蛋黃呀!!!!高力豆沙香蕉作為今餐既甜品, 糖霜係另上嫁! 食到勁飽以為會食唔落, 好彩都仲食得落一粒, 入面有少少豆沙同一粒香蕉做餡, 唔太甜, 剛好!望落好大粒, 其實係唔佔胃既甜品!
繼續閱讀
事源我一個月前打去訂位，到左今日去到。佢話冇冇我紀錄之後話全店得一張大枱但已俾人book左叫我不如改食第二日或者分枱坐而家問題出自你地公司，點解係我要就返你地？之後佢地話一係迫埋一張12枱啦。我話如坐到ok啦，因唔想老人家失望。個位職員就話實迫到咖，不過上菜就可能會撞到你地d頭，成枱骨又冇辦法換碟囉。你地又唔肯分枱坐係咁⋯⋯今次真係令我好失望。每年黎做生日都好開心，從未試過會咁。今年反而令大家都唔開心
繼續閱讀