湘雲軒

營業中

休息中

食早餐叫咗出前一丁，個麵煮到極之淋，淋到爛咁，極難食而個碗湯係水味好重，亦食唔到麻油味本身叫左雞扒，餐廳冇問過我情況下，唔夠雞扒轉左雞翼，而隻雞翼都係超瘦弱雞中翼叫左凍檸茶少甜，但佢比左走甜，叫佢加啲糖水，佢係枱面攞包白糖加熱水加比我，個味勁奇怪有跟塊薯餅，炸到係吉唔到，一篤就爛，啲油多到不得了加左個奶油豬，算係最正常，味道最好，不過都係烘到黑炆炆成個早餐$60 。價錢上正常，個餐都包得多野食，但味道真係差

呢間野咪就係之前勁難食個間回味軒囉。野食巳經唔算係好食過人，服務態度差度無論。。由其是個老板娘，又串又冇品，11：30落單，12點未到，（佢間野離我公司有10分鐘的路程）打去問，佢話一早巳出單，但等到12：30再打去問，佢同我講未到咪等下囉。。。我話我唔要啦，佢老板勁霸氣說。。唔要咪唔好要。。邊有人咁做生意架。。佢之前啲飯巳經成日有啲餸冇咗佢又唔講照出餐比我地。。。我地打去問佢老婆又係串串咁話返我地。。所以呢間野基本上我公司的同都唔會再去食。。因為食物質素參差，服務態度好差。。完全係貼錢買難受。。

今日朋友帶我黎屯門工廠區試雞煲，以$168一位任飲任食嘅雞煲黎講，味道算唔錯，幾惹味幾好食，不過任食配料選擇比較少。兩個人半隻雞夠晒啦，老闆話比夠一隻雞我哋，我哋就叫佢唔好，因為唔想浪費食物。配料方面最好食係鵝腸，少少肥膏fit晒，如果無晒肥膏就會唔好食，如果太多肥膏又會太邪惡，衣家啱啱好。肥牛都ok，因為唔算肥，好怕任食場d肥牛白色脂肪多過紅色肉。佢另外仲有啲即食小食，香辣皮蛋味道最好，我哋encore咗一次，雞腳就比較硬，拍青瓜味道都ok。啤酒有森堡確係正

工廠區晚餐好介紹除咗雞煲放題$168同烤魚之外 重有好多小菜任你揀，可以叫支啤酒啤啤佢又得，真係另有一番風味！湖南小炒肉 $68香噴噴嘅小炒肉，加咗香菇一齊炒均勻，香味十足用埋個汁嚟撈飯真心覺得超正，啖啖肉份量夠晒抵食，再加上入晒味嘅菇類無得彈！豆豉鯪魚油麥菜呢一個配搭夠晒惹味，新鮮嘅油麥菜個芡汁夠濃郁，食落爽口又夠味道，白飯一碗都唔夠，再加埋魚件嘅配搭真係滋味無窮！包白飯一碗 凍飲加三蚊湘雲軒 (屯門)屯門新安街2號富益商業大廈地庫1-5號舖

最近屯門工廠區新開咗吾少餐廳，之前就試過大排檔，今次就試下烤魚放題🤣餐廳地方比較隱蔽，除咗有雞煲、烤魚放題外，仲有川菜食，可能主要客群係工廠區番工嘅人，所以碟碟份量都係地盤佬份量，完全係大碟夾抵食🤭雞煲/烤魚放題 💲168今次叫咗水煮魚煲，半邊鯇魚放係大盤中，盤底有豆卜、蓮藕、芽菜、冬菇，薯粉等，魚肉已經炸過半熟狀態，魚肉極嫩滑而且好厚肉，骨屬於大骨，容易食啲，魚外皮炸得十分香脆，連魚尾都可以成條食。多達50種配菜任食，仲有幾款炸物及小食，兩邊有兩個大雪櫃，放滿晒飲品，有啤酒，汽水，蜜桃茶等等🤤最推介小食係手拍青瓜，雪到凍冰冰，咬落酸爽香麻辣，勁開胃就算食得好飽都可以當來消滯；蝦滑和墨魚滑極出色，好似自家製😍蝦肉爽彈，好似乒乓波🤣墨魚滑咬落鮮爽脆，完全吾hea，每一啖都食到蝦肉或墨魚粒，一大碟都食得晒

呢間餐廳雖在工業區，但屯門站行過去卻十分之近。餐廳的放題選擇多，由雞煲，烤魚，酸菜魚都任可任君選擇。我們點了酸菜魚煲，酸菜的酸度剛好，魚肉嫩湯。湯底加了大量的娃娃菜，清甜微辣，飲落舒服順喉。小食的炸雞翼絕對是必點。雞翼應該是用了南乳去調味，然後生炸到外皮鬆脆，食落入味又多汁。拍青瓜的蒜味濃，十分開胃。配料的肥牛和雲吞都俾得很大方，食落質素都不錯。蔬菜的選選擇也多，粟米爽甜，白菜新鮮爽脆。同場還有氣水啤酒任飲，最後還有冰涼的紅豆沙作總結。呢個價錢和食物質素，真的冇投訴。

上次在屯門工業區吃過大排檔，今次再闖入吃隱世便宜雞煲放題，真是有驚喜。位置：在屯門西鐵站A出口附近，在維記工廠大廈的對面。環境：是一間地牢式餐廳，需下一層樓梯到達。裝潢如同一間普通的茶記，只是面積更大，並提供包厢房間，有兩部掛牆電視，左右兩邊各有飲品雪櫃，放題只包括罐裝汽水和啤酒。服務：上菜很快！晚市：雞煲放題$168，選擇配菜種類多，可惜當日不肚餓，吃得少🥲。🥢半隻麻辣雞煲🍲 (中辣)一打開就是一堆芫茜、芹菜舖在雞件上，撥開是醃製入味的啡色雞肉，形狀大小不一，肉質算嫩滑，辣度足夠，有數條大紅和青椒，愈煮愈入味😋，辣度也升級。其實我們吃完這一份雞煲也差不多飽肚了😆，份量很足。🥢配菜：🐙墨魚滑、🦐蝦滑、🥬娃娃菜、🦑水魷魚最出色是🐙墨魚滑和🦐蝦滑，不同於平常火鍋店給予的條狀，一份就有三條像芋頭的🦐蝦滑和一大團的白色🐙墨魚滑，份量多而真材實料🤩，麵粉比例不多，而且是吃到墨魚粒粒和蝦肉的口感😍，十分彈牙爽滑，暫時是我吃最棒的墨魚滑和蝦滑👍🏻。

💖 湘雲軒 (屯門)✨屯門新安街2號富益商業大廈地庫1-5號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️成日都想試下舖頭附近到底有咩食，早排聽啲客人介紹先知道原來有一間新嘅隱世雞煲餐廳😈，今日嘅晏晝比較free D一於試吓佢嘅少菜先，下次再黎食雞煲🤩因為我今日真係超級肚餓，聽人哋講工廠區嘅餐廳通常都會食到勁飽🤭-梅菜扣肉🐷 $78賣相好吸引，食落超驚喜❣️五花腩大大塊，入口即溶，夠哂肥膩，再配上梅菜鹹甜開胃，係正宗茶記風味😋底下仲有小白菜，吸哂啲汁😝-豆豉鯪魚油麥菜🥬 $58豆豉鯪魚不嬲比我感覺都係一個餸飯嘅菜式😳，我冇諗過原來可以攞嚟炒菜🤣同油麥菜一齊炒更加能夠提鮮，等啲菜冇咁dry🤩-凍檸茶🍋 +$3另外嘢飲只係需要另加$3其實幾抵👍🏻呢度餐廳職員個個都好好人，我哋諗唔到食咩佢哋仲介紹埋佢哋嘅主打菜式俾我哋聽😘想要繼續睇我分享唔同嘅嘢𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

係屯門工業區見完客，客户勁窩心話帶我食平抵正嘢😋😋原來係客戶工業大厦樓下，叫湘雲軒嘅餐廳，嘩！似為係茶餐廳😁原來仲有雞煲同烤魚食“正”💯客戶話佢前兩日食咗雞煲，所以今日食烤魚，仲可以任飲任食打邊爐👍👍嘩！咁抵呀168一位💯唔怪之得客戶話一星期起碼食兩三次啦🤩🤩今晚個烤魚一上台嚇死我😳大盤到呀🤩仲好大條魚和薯粉、木耳金菇冬菇等等。。。超惹味呀😋條魚本身己煎到香噴噴脆卜卜再配麻辣嘅配料一齊食爽呀👍仲有唔使用醬汁巳經好入味“正”呀！條魚真係勁大條，兩個人邊食得晒😅我地仲要咗打邊爐配料，有手打魚滑同墨魚滑、美國肥牛、雲吞、生菜同白菜仔，本來想叫公仔麵。。。不過太飽啦🤣😂，雲吞好大粒裹面勁多料，肥牛好大片份量多，飲品任飲而啤酒就緊係唔小得啦😉仲有茶又有汔水，最正慨汔水緊係沙示同碧泉檸檬茶啦🥰woo d童年回憶返晒泥呀❤！ Yeah！168真係食到飽飽呀💯湘雲軒地址: 屯門新安街2號富益商業大廈地庫1-5號舖 

湘雲軒 (屯門)屯門新安街2號富益商業大廈地庫1-5號舖你點會諗到喺工廈區域會有放題食？放題仲要係雞煲或者水煮魚？佢任食任飲，打邊爐配料任叫唔嬲，如果你食得，真係好抵，因為只係$168 加一咋！！！屯門站A出口行過去唔使5分鐘，好方便！今日我叫咗個水煮魚小辣，然之後再點左手打蝦滑、娃娃菜、麻辣皮蛋。上枱嘅時候你會嘩一聲咁大條嘅，成條魚拎咗去炸，個皮係脆嘅，之後先開慢火煮熟佢，等佢熟嗰時就食住配菜先啦，豆卜、腐竹、雜菌菇、雲耳、蓮藕全部都大大件，好入味。條魚咁樣煮法就梗係鮮嫩啦，絕對唔會有腥味。個蝦滑有¼張A4紙咁大😂彈牙又爽，正呀👍🏻👍🏻👍🏻娃娃菜最索味，煮林咗之後真係好好食。麻辣皮蛋做前菜就夠晒開胃。

食辣食上癮 屯門隱世雞煲送題星期日去屯門搵朋友打牌，由朝打到晚，屯門友帶我地去工廈區一帶食一間隱世麻辣雞煲，戰戰兢兢情況下一試（暫時無任何食評），疑似新店，意想不到食到古早味雞煲的味道（有點像以前的來來），味濃惹味，好多年前未咁流行雞煲時，有港式大排檔雞煲的風格，配料足，有芫荽加芹菜，平衡返雞煲的油膩。雞件也夠入味嫩滑，雞汁夠多，送飯一流，難怪見到唔少街坊買外賣。其實我哋本來想就咁食一個雞煲，但係放題$168，已經包唔少火鍋配料同飲品，價錢差唔多就膽粗粗試埋其他配料，最出色係墨魚滑，溝得唔多粉好彈牙，幾真材實料，加個出前一丁，吸哂汁好邪惡。最後必須一提炸子雞，3人以上會包半隻炸子雞，超級脆皮，香口加上焦鹽，味道竟然好似燒乳鴿，juicy好吃，下次黎就算唔食雞煲都一定會食炸子雞，老實講有驚喜—————————————————湘雲軒 (屯門)屯門新安街2號富益商業大廈地庫1-5號舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodblogger #hkfoodpic #hkfoodstagram #foodie #foodporn #fo

放咗工突然想食下雞煲，所以喺屯門西鐵站落車行5分鐘就搵到依家川菜餐廳！聽聞呢間係新開既餐廳，所以好奇試一試！望到menu諗咗成15分鐘都未諗到order食咩，因為實在太多選擇，有炒菜、炒麵炒麵，亦都有雞煲、酸菜魚，最後店員推介我哋食招牌麻辣雞煲同埋酸菜魚鍋，咁我哋就試吓啦！真的沒有令我地失望，我比較喜歡麻辣雞煲，唔食得辣嘅朋友仔可以好似我咁同店員講小辣，唔食得辣嘅朋友都接受得到！個雞煲嚟到已經香噴噴！食落香口到不得了🍴😍酸菜魚鍋條魚係非常之大條！🐟🐟🐟極之厚肉一路滾住啲骨又唔會鬆開😍飲品亦非常之大杯✌🏼另外，店舖寬敞乾淨整齊，啲枱係大大張坐得非常之舒服！同朋友喺度坐成兩粒鐘傾計都唔會俾人趕住走！因為地方大枱又多，可以同朋友慢慢傾偈都得☺️店員又好有耐性解答我地問題，又唔會食完趕住我地走！喜歡食酸菜魚雞煲嘅朋友可以嚟試吓，啲嘢食大碟到最後食唔晒要打包🙈