湯加 (V Walk)

營業中

休息中

平時無咩自己在家煲湯, 所以都幾喜歡此間"湯加" 店, 首先, 價錢非常合理, 份量又足, 我order 陳皮鴨腿跟飯, 只需hk$49, 鴨腿多肉, 冬瓜都有四大片, 片片大大片, 又入晒湯味, 還有幾隻大冬菇。老公的淮山花膠雞腳排骨湯, hk$65  足料到呢 ! 成大片花膠好似手掌咁大, 他比了我, 入口好滑, 質料不似是平價花膠的口感, 而且同樣有幾隻大冬菇, 真係好豐富,  而且見餐牌上話堂食可以加飯,  真係低啊!

原本上星期已經想試下呢間嘢,不過勁多人啲職員又唔係幾理等位，所以就冇食到。今個星期行過見到唔算好多，有位就試一試，價錢唔貴三十幾至四十幾一個下午茶，以ED啲大商場嚟講直情係平。叫咗份西多雞髀同埋蕃茄魚腐米粉;西多得半份味道還可以, 雞髀就有啲細隻同埋有啲乾, 薯條就好似少咗啲，呢個餐係食唔飽人嘅。另外嗰個魚腐米粉就湯底比較淡,但係都食到有蕃茄味嘅, 米粉份量真係幾多,完全係食得飽一個人, 反而係湯唔係好夠，食到最尾係一啲湯都冇 ，魚腐就得兩片比較有啲失望。整體嚟講係可以接受嘅

我食飯鍾意飲湯，一啖熱湯真係好緊要，今次揀這間純粹 takeaway apps 相吸引收到唔算太熱，個湯比想像中細碗，米線另外裝，我叫了個「皮蛋芫茜豆腐香茅豬肉片湯飯」，味道都ok , 冇多大驚喜，米線太脹，食唔晒！另外小食香茅雞翼一般啦，一個人食見唔特別吸到，冇特別影相

首先，我唔明呢個餐要等廿分鐘先可以到我面前，仲要係所有既食物溫度係微熱既問題係邊?!用餐時已經係下午五點幾，我唔知當下佢有冇外賣啦，只見計埋自己都係有兩枱未上菜....所以真係唔明點解要等咁耐？！服務既同快餐店差唔多，我本身都唔要求要咩服務，人手有兩個負責樓面同收銀。總之，冇下次

跟魚米同一集團的湯加，主打湯餸配飯或米線🍜，有多款配搭選擇。今次點了豬軟骨魚蛋米線、拼多春魚薯條🍟豬軟骨入味夠捻，魚湯米線沒半點味精，啖啖鮮味下午茶$43，食左個晚餐份量！性價比高

間食店聽過好耐都冇食過，今日經過終於有機會試吓，下午茶時間叫咗一碗雪菜肉絲豬扒湯米粉加一杯咖啡，雖然係特價下午茶時段，但份量都絕對唔少，豬扒軟霖不諧口，啲湯飲咗大半都唔覺得口渴，應該係冇加味精，而且佢哋有多款湯底任君選擇

Service was really poor here, don’t expect you can get any service in this restaurant. I have order one noodles with my mother, but the fish is not cook for well done i think this is really a basic quality to service for any customer. I really hope that they can do it better , as they still have a lot of branch

一坐低落單，過左10分鍾拎單拎餐具黎 ，跟住等左30分鐘都未有得食，冇下次。食物價錢都親民，款式都特別，但服務真係唔得，問佢食物幾時出，出左放係你台就係你的。呢間永不回頭。

湯加有不少分店，今天我就來到南昌這間分店試一試它的午餐。首先說一說環境方面，雖然限聚令已經放寬，但欣賞店舖依然沒有鬆懈，入店前，店員首先會為客人量度體溫，才安排入座，而每組餐枱都會有個塑膠屏風，減低飛沫傳播的風險，保障食客安全。今天，我叫了一客窩蛋鮮茄豬潤牛肉飯。味道還可以，豬膶和牛肉肉質都好柔嫩滑溜，但蕃茄湯味比較淡，不夠鮮甜。另外，我選配上藜麥飯，就有一點失望，飯不夠乾身，比較濕，不過勝在夠健康🤣🤣🤣

湯加這店其實平時行開其他地方也見過，本人又好鍾意飲湯又鍾意食麵，一直想試吓，今日終於有機會試，睇了餐牌，見到有個二人餐，$168幾抵食（外賣仲抵$148），雖然個餐係配飯無得配麵，但有個湯，又有魚好似幾正咁，個湯選了蟲草花膠魚肚燉雞湯、蒸比目魚、果醋豬扒，加了$13要個魚湯時菜，飯仲有三款揀，揀了三式飯，健康啲，個湯用料豐富，有四份一隻雞，有大大塊花膠，味道不錯，個豬扒好大份，而且唔太硬，味道ok，條魚就腥味比較重，落了好多薑、豉汁也僻唔到，但肉質ok，這個餐加個菜，三個人都夠食，不用加一，埋單都係百幾蚊，確係抵食👍🏻

今日行過見佢有早餐。就入嚟試一試。點知伏咗。叫咗個雞扒餐同蔥油餅 雞扒太多油。太黑 太鹹 雞蛋太老。班戟煎過火 蔥油餅太鹹 食落去有怪味 麥皮太希 個餐係大份 味道太差 一定吾會再有下次

只叫了生菜鮮蝦滑清湯藜麥飯，雖只47元，蝦滑🦐都頗大塊，數量也多，幾抵。蝦滑有蝦味的，少許鹹，不太彈牙，和生菜很夾的，不錯的。藜麥數量ok, 加我本人喜歡多些。

就嚟過新年成日都食團年飯，公司又有，屋企又有，朋友又有，搞到都膩哂。。所以今日去左間食湯飯的餐廳，呢間湯飯早餐就食得多夜晚就都未食過，叫咗個牛肉，雞肉米線再有得加個菜。叫左個豬肚湯底個湯底都食得出真係有足料的，另外試埋個魚湯底都唔錯啊！

V Walk呢個商場新開張 今日就同兩老嚟咗食早餐 其實冇乜選擇 所以見到呢間有早餐食就同門口個店員講三位 原來係隔離自己禁飛嘅 但真係隱閉到見唔到😥 後尾佢安排咗我地坐係主店嘅對面 因為間舖係分咗兩邊 中間有條商場嘅走廊 所以嗌野食係非常之唔方便 餐牌都算多選擇嘅 我地嗌咗個豬肉腸 漢堡扒 炒蛋 蔥油餅配蛋白麥片嘅餐 雪菜肉絲豬扒米粉 同埋番茄湯腐皮魚角煎蛋通粉 我就轉咗公仔麵同太陽蛋😺豬肉腸 漢堡扒 炒蛋 蔥油餅配蛋白麥片嘅餐 淨係睇個名已經知有咩食 豬肉腸都幾長 漢堡扒都係嗰啲味啦 炒蛋都算滑 唔係太熟 蔥油餅煎得幾香脆 蛋白麥片 真係有蛋白喺入面 而且份量都唔少😮雪菜肉絲豬扒米粉 唔知點解呢碗勁耐都唔嚟 落單後成25分鐘先嚟 隔離嗰個人食完碗米粉都未嚟🤮 雪菜唔會太鹹 豬扒又煎得夠乾身 味道都okay番茄湯腐皮魚角太陽蛋公仔麵 番茄湯都幾濃郁既 腐皮魚角幾特別 係好大塊嘅腐皮包住薄薄嘅魚肉👍🏻 飲品方面都有啲較特別嘅選擇 金桔蜜 銀菊蜜 冬瓜茶同水蜜桃汁 我地有嗌金桔蜜 味道似鹹金桔 反而少咗蜜味

第一次到VWALK行行，看见早餐有别不同想试食，但剛過11：30沒有早餐，兄好選擇午餐。套餐以湯為主，有飯，粉，米線，價錢由$40～$80,我選擇了$75的花膠蟲草花燉雞湯配米線，這個湯沒有味精，看出是長時間燉，但雞油多 D。$65的花膠肉片湯飯，湯入口鮮味有湯味，食材新鮮，1人份量剛好。還有特別小食蠔仔春卷， 外脆內蠔鮮味。因為這店現在收現金所以沒有商場的泊車優惠。這店好旺場中午12點已坐滿，很多是附近的職員用餐。