湯加 (V Walk)

營業中

休息中

野食ok服務不知知所謂，每次都錯，做經理黑衫女人更無禮貌，唔識同客人道歉又唔答人，每次打電話去叫外賣，講真叫得外賣梗係慳時間，每次去到出錯有企喺嗰度等 ，又曬三個字時間，第一次落錯單，叫完外賣企係咽度等，第二次叫外賣，又漏野飲，又要特登返返去擁，啲人有冇禮貌sorry 都冇講聲，第三次打去叫外賣，叫佢覆一次單，岩，之後落單又落錯，叫完外賣我去到同佢講你哋每次都出錯嘅，即係又要我 企喺嗰度等，咱我唔那洗叫外賣啦，最離譜係一句道歉都冇，嬲到我我話唔要取消，咁大間分店啲員工咁冇質素，以後唔會食不知所謂

今日去V Walk新商場睇戲，因為第一次黎， 都想知道個商場有啲咩行，所以就決定響呢度行下同食飯，呢度大部分食肆都係連鎖餐廳，咁都係因為箍牙關係啦，我就揀咗呢湯家食。我叫咗個魚肚鯪魚滑淮山麵+熱檸水set， 賣相唔差，鯪魚水準麻麻，魚肚就越食越覺得有豬皮味，淮山麵好爽，食到一半已經覺得好飽頂唔順，最後未食曬就放棄咗！另外，杯熱檸水畀我嘅時候已經有隻昆蟲屍體黐實咗！亦都見到檯附近有烏蠅飛，衛生認真麻麻！呢間舖頭唯一覺得好嘅係啲上年紀嘅侍應熱情好客！

今日經過新商場發現左呢一間新餐廳，專食diy自製湯飯，首先揀2款餸加一款蔬菜，湯底可以揀魚湯/番茄湯或者清湯，仲可以揀要飯既款式添，特色地方有埋三色飯燕麥飯同藜麥飯揀，健康又好味！雞肉+豆腐+腐皮魚捲+西蘭花魚湯三色飯餸方面揀左雞肉，豆腐，西蘭花，魚湯三色飯，另外加多左款腐皮魚捲，豐富到呢！第一啖就梗係試魚湯湯底啦！魚湯味道略嫌鹹左小小，但係個人比較鍾意食濃味嘢，所以其實我覺得幾好味！西蘭花浸得有小小內，所以好快就散，但就吸曬魚湯味！另外雞肉同豆腐都ok啦，正常！腐皮魚捲就有d失望，主要外層無炸過，所以與期望有小小出入，算係健康既，但建議如果有做多一個步驟，炸過會好味好多！不過抵讚之處係，呢個diy湯飯款式選擇多多，價錢黎講都好抵，十分推薦黎試下！

V walk新開張，想去湊下熱鬧，但實在度度都多人，見哩間有人出，就排左，都好快有位。猪肚魚腐生菜湯飯單上面寫1/4生菜，確實真係幾多菜既我覺得中規中矩，因為算幾平，料都算ok，湯都係清清地，合格既街坊之選。想食清淡d既係好適合。魚皮腐竹蕃菇湯 藜麥飯蕃茄係開胃好多，同埋有得揀藜麥飯，感覺係好健康既。整體來講，我覺得合格有餘既，快靚正既一餐。

又到晚飯既時間，行經湯加見到有湯飲，價錢又幾划算，就不妨一試先來試試個小食先，椒鹽排骨粒佢比較特別在係將排骨切成粒，更細粒，進食就更方便椒鹽好惹味，排骨完全食唔到雪味，分量都好足主餐叫左蟲草花花膠魚肚燉雞呢到有幾種飯、麵可供選擇，我就選配左三色飯湯既顏色呈淡黃，飲落蟲草花味都好充足花膠魚肚都係較滋補既選擇，日日咁辛勤返工真係要補一補燉雞雞肉都幾滑，亦可將飯直接加入湯當湯飯，有兩種食法夏日炎炎，再加返埋凍檸茶就爽YY拉

湯加餐廳進駐深水埗vwalk商場，今天剛巧行此商場差不多中午時份不過仍未太餓，所以食吓小食。椒鹽豆腐~貪其香口易入口，一粒一粒放入口唔駛點啃，豆腐面上的椒鹽為較平淡嘅豆腐增添味道，亦係佐酒小食，如果喺屋企當宵夜食連埋飲口啤酒仲一流。瑞士雞中翼~以前以為瑞士雞中翼喺源於瑞士，睇番網絡資訊原來發生喺一家餐廳，當時外國遊客問老闆呢個雞翼叫什麼菜名，老闆話sweet wings，點知外國遊客聽錯是Swiss wings，演變成大家所講嘅瑞士雞翼，此雞翼幾入味，甜甜地而不太甜，又是另一道送酒小食。食完再行下，到再夜啲再食過。

南昌VWALK商場開咗一陣冇耐， 入面嘅舖頭陸續開業，其中呢間有幾家分店嘅餐廳亦於此商場開店，有食過覺得ok，今次咁有緣遇見，所以再幫襯下。 外貌不掦不過又炸脆得香口，配上包裝甜酸醬又幾衛生，美中不足係得四嚿唔夠喉，整體係不錯。 欣賞這道套飯清清地夠健康，黃花魚肉嫩清甜，唔嫌骨幼細係幾好食，奶白魚湯，呷一口幾清甜，食埋燕麥飯整體食得健康。此頓飯與其他分店提供嘅質素相若，感覺不錯。

今日去左南昌新商場到食個晏就飯，第一次黎食就叫三樣野啦。我叫左香蔥薄餅、蟲草花花膠魚肚燉雞三色飯同瑞士雞中翼。蟲草花花膠魚肚燉雞三色飯起初都擔心會好多雞油同好肥好油膩咁，但食落口都唔覺，始終雞湯點都會有少少油。個湯嘅湯味好濃，真係會飲到花膠果種膠質有少少漿住個水嘅感覺。三色飯係白米紅米同糙米，食落好有咬口👍🏻👍🏻👍🏻👍🏻👍🏻👍🏻👍🏻👍🏻瑞士雞中翼簡直係我最愛，肉質嫩滑又甜甜地，唔係死實實嘅雞中翼，好味好味😋😋😋香蔥薄餅嘅蔥味好香仲要係熱辣辣上，攤一攤就脆卜卜啦!!!

平民之選，以前食過好多次，但都無為佢寫食評，難得一班人黎食，所以多啲菜式影到比大家睇。店鋪主打飲得又食得既湯品，除此之外亦提供不同類型嘅小食。一班人可以點自己鐘意食既野主菜今次叫左兩款，蟲草花雞湯同黃花魚湯，兩款都有跟營養飯（紅米/糙米）黃花湯煲完湯後魚肉亦鮮甜、色水呈奶白，很滑身。雞湯金黃色，表面肥油唔多，配有魚肚吸汁，相當正。小食叫左瑞士雞翼、泰式雞鎚、椒鹽排骨粒、腐皮墨魚卷。值得一讚泰式雞鎚，起左骨仲有啖啖香矛味道。瑞士雞翼有翼尖可以食，瑞士味都ok。

健健康康去湯加~!湯加大部份野食都好健康！主要有湯飯、小食、淮山麵類，而佢地啲飯就可以揀藜麥、三色米、燕麥飯，仲有烏冬、米粉、米線揀~！叫咗份蟲草花花膠魚肚燉雞 ，再配埋個燕麥飯！燉雞好大碗！啲湯好甜，燉雞好入味，整得入夠淋！花膠都有成4舊！！另外仲叫咗2個小食，椒鹽豆腐同香蔥薄餅～椒鹽豆腐個表面好脆，加咗啲椒鹽咸咸地都幾香。另外份香蔥薄餅有4塊，真係有蔥香味，整體唔會好油，表面煎到脆脆地，好食～～

附近都有好幾間食店，但呢度啲位既數量都多唔洗排好耐就有位。嗌左幾樣小食做下午茶，有椒鹽排骨粒、椒鹽豆腐、泰色雞鎚同瑞士雞翼。中後加左個蔥油餅，哈哈。首先講左個最值得推介既椒鹽排骨粒先啦，佢個排骨粒炸得黎又唔un又唔會好乾，有幾舊中有啲軟骨夾住， 中意食軟骨既朋友唔可以錯過。瑞士雞翼同蔥油餅都好好食，椒鹽豆腐就一般啦，反而泰色雞鎚有小小香矛味，我自己本身唔太喜歡香矛但整體黎講佢啲炸物係唔錯既。臨離開果陣見到隔離枱嗌左個燉雞，勁大碗中有埋飯。下次經過開試下先

上班之前好鬼餓，就即入左廣場搵下有咩食，跟住我同家人在廣場搵左一陣，見到廣場有很多唔同嘅野食啦，見到湯加嘅價錢都幾抵做，於是我地就揀左湯加。湯加嘅環境好乾淨，早午餐時段人比較少，唔洗點等就可入座。 早午餐都算好划做，最平只要幾十幾元，而且加小小錢仲有野飲。而且份量都夠粉麵湯㡳夠味，啲料又夠,麵底夠又彈牙，炸雞脾仔又夠惹味，呢啲質素係呢邊真係認真無得輸喇跟住飲品選擇又夠多。兩人埋單唔洗一舊水，真係相當抵做，不過下次想再試一下其他野。

星期六放工當然要搵一啲好野食喇，最後係新商場揀左一陣最後就去咗食湯加！湯加而家真係好多選擇，除左有飯有麵, 仲有好多好多小食食下！飯嘅選擇有例如紅米、燕麥飯、藜麥飯！而我就選擇咗燕麥飯啦！餐廳呢個燕麥飯煮得岩岩好，唔會入口淋晒，而且黃花魚嘅份量都夠，同行嘅朋友都話正！而朋友叫咗幾個小食！湯加真係有好多小食, 價錢平又好足料！啲炸豆腐都一樣好嫩，好滑！啲雞翼亦都好好味！我都係第一次見連鎖店見到啲炸豆腐炸得咁好！下次黎呢度都要再試下!

咁岩黎到Vwalk商場，南昌新地標，一定要黎行下，食小食醫下肚仔。點左椒鹽豆腐，椒鹽排骨粒，泰式雞鎚；香蔥薄餅，蟲草花膠魚肚燉雞。我覺得必食既係蟲草花膠魚肚燉雞，超好味，好少可燉得咁入味，而且又足料。另外，椒鹽排骨粒又好多調味份，份量很多，適合很多人一起食。重點是味道很重，配飯一流。而椒鹽豆腐就炸得很香脆，味道又偏淡一點，如果可以配醬就更好了。而且座位都不少，不可大排長龍。住附近的人也可以很方便上來吃飯，又很地鐵站，要搵飯食，這是不錯的選擇。

隨著Vwalk開幕 係南昌站都多左好多食肆 其中一間就係"湯加"店鋪面積大 都有好多座位 而且環境乾淨餐廳主打健康無味精湯飯 有多種唔同既飯可以選擇白飯 三色飯 桂格燕麥飯 有機藜麥飯 (其中白飯同三色飯堂食係可以無限添飯)🍜另外仲有粉麵選擇米線 米粉 公仔麵 刀削烏冬 ⭐淮山麵🌮仲可以轉做香蔥薄餅 同菠菜薄餅106 清燉陳皮鴨腿 $49(好味指數: 😋😋😋)湯好重陳皮味好香 整體不過不失 三色飯紅米同糙米比例上比較少 飯比較乾身偏硬502 薑絲豬潤牛肉烏冬配瑞士雞翼伴班戟 $53(好味指數: 😋😋)豬潤牛肉湯好清甜 豬潤味好出但一d都唔腥 雞翼都入味 班戟就另配一包糖漿 但班戟一d都唔似班戟係鬆餅既感覺但好乾 班戟同雞翼放埋一齊 班戟沾到瑞士汁味道好怪(為最高)整體食物質素: 性價比: 推薦指數: