湯品小棧 (已結業)

坐落於大角咀的街坊小店，能夠連續兩年蟬聯米之蓮推介街頭推介小食，當中大抵有其過人之處！這裏的燉湯標榜無味精，而且湯料用上菇菌，打著養生的旗號。菜單亦有圖文並茂介紹各樣的菇菌，及它們的營養價值，真是長知識了。首先先選燉湯，再選主食（不一定要全選，不過一場來到我當然是樣樣都試），之後可以將燉湯加入主食變成多一個食法。左邊的特色配菜款式甚多，價錢只是由十蚊起，絲毫沒有米芝蓮的架子。我選瑪卡濃燉湯，功效是消除疲勞，感覺得很厲害。不過瑪卡燉湯後味道清淡，倒是飲到靈芝味道。湯料之中還有木耳和紅蘿蔔，相當清潤。配菜是海蜇醉雞翼，兩樣都好好味，比酒樓做得更好（$18）。海蜇爽脆，酸得剛好，非常開胃。醉雞翼相當入味，但肉質不會過硬。至於溏心蛋就好順滑可口。大塊如豆腐扒，不乾身。主食是新竹米粉，味道不錯。相當養生的一餐，推介！

依間係有米芝蓮推介 ge 小店好食但平民化 無論係湯品定小食都好高水準呢~店內空間不大, 餐牌同餐具都掛 o左上牆慳位得 o黎又好睇, 好聰明 ge 做法我今日係食黑松露之夜, haha揀 o左黑松露 ge 清燉湯, 湯料好豐富~愈飲愈清甜 主食就揀 o左黑松露油拌米線超級多黑松露 ar!每一條米線都沾到黑松露玫瑰露雞翼同涼拌芥末豬肘好入味特別係個芥末豬肘!好惹味但係 d 芥末味唔係嗆鼻 o個種 後面 o個個係花雕醉雞蛋個蛋黃好流心, 又係好好食原本以為依度主要係湯品好味點知 d "小菜" 都好好食, 不愧係米芝蓮推介 ge 餐廳!而且價錢仲好平

食開大角咀店，食物質素好，服務都ok. 見上環開左去試下。 未食已經感受到店員的黑面。(openrice 未有上環店）可能人手唔夠，地下果層12個客對一個店員，但我唔明點解女店員對住廚房同事就有講有笑，對住客即刻一秒黑面。唔係淨係對住我，係對所有客。 亦都唔係因為d 客麻煩，因為基本上一有客行入黎未坐低，店員已經黑面。我知，香港做野壓力大，唔係要求咩熱情服務，但係唔黑面係好基本姐。啱啱有個男士行入黎，店員好似喝犯人咁，指一指個位，黑面hea 講左句，"坐低等等啦". d 野係好食的。湯無味精，食物健康。

新居入伙在即，放工後頻頻到場打點，折騰一輪後都到附近搵食，竟發現區內有不少小店，頗合心意！湯品小棧店面細少主打燉湯，成功引起未婚妻的興趣。燉湯多以菌類為主，有松茸、黑虎掌、蟲草花等，更有介紹各種菌類的好處，助你揀選最合適自己的燉湯。點菜以燉湯為主，再選擇要哪種配菜和主食。黑虎掌燉湯呈上的燉湯非常熱，記得小心了。湯清甜鮮味，蟲草花味道甚香，嫌味道太清可用店家準備好的鹽自行調味，適合家中無湯水一族。一啖湯一啖米粉，不知不覺便吃了一大碗。花鵰醉雞蛋酒味香，蛋半熟滑溜溜的，醃料味道充分滲入了雞蛋，只嚐外層會覺得稍微過鹹，但放口一咬味道則是恰到好處，剩下的醉雞汁撈麵亦是一流。紅棗黑蒜香菇雞腿雞腿煮得肉已離骨，香菇汁帶點台式風情，添上黑蒜的蒜味混合雞油帶出甘香，紅棗也加了一分甜味，又是撈麵好拍檔。天啊！多少碗麵才夠 LoL黃牛肝炆牛尾開始時以為「牛肝」，原來「黃牛肝」是菌類，有清熱解毒幫助消化之效。牛尾手掌般大，上面再放了一件已拆肉牛尾。牛尾肉質軟稔，本身的牛味配上菌類亦夠惹味。全餐兩人$150左右，比起幾十蚊食垃圾食物，小弟認為是物超所值。

一向好少係屋企煮飯食，因為懶得洗碗！之前有朋友話食過呢一間米線有別於出邊嘅米線舖，所以就特登揸車入嚟大角咀試！蟲草花燉湯好清新嘅燉湯，湯面又唔會太多油，真係飲多幾玩都唔會滯！好足料嘅住家湯口感花雕醉雞蛋酒浸過嘅烚蛋真係好得意，淡淡的酒香，無用刀切開，實而不華，好有媽媽嘅味道牛肝菌醬撈米線果然同出邊油淋淋嘅米線好唔同，呢度嘅味道真係唔知點樣形容！一啲味精嘅味都冇，但係就有淡淡的肉香味，果然係好特別而且好健康嘅感覺涼拌海蜇頭嘅醬汁偏酸，好啱一啲鍾意食酸味嘅朋友

好似小弟呢類無屋企飯食既人經常無湯水飲,早幾日係openrice見到呢間有米芝蓮推介既湯品小棧,係專飲湯既餐廳,就捉埋小胖女黎試下啦,咁話黎得米芝蓮推介食店,預左要洗錢同排長龍,但黎到又見唔算太多人等位,價錢亦都唔係貴,平民級數由於座位有限,坐位唔算多,同比較迫,所以好多人都係買外賣食,叫左兩個湯,幾款小食,一個菜,小弟就叫左牛肝菌炖湯,而小胖女就叫左松茸炖湯叫湯+5蚊會有主食配,我地就叫左米線同紅米飯,所有湯品即叫即整,黎到超熱,先講小弟個,一打開個蓋就有一陣好濃既牛肝菌味,飲落比較清淡,但個鼻會有好濃既味谷返出黎送飯食一流,一d油膩感都無,再試小胖女既松茸炖湯,味道會比牛肝菌重d,小弟會比較喜歡淨飲好過送米線食,其中小食黎講最突出應該係蕃茄濃湯豬軟骨,煮得好淋,好入味,送飯必食打工一族成日出街食開炸野肥野,間唔中整返餐養生湯都唔錯

大角咀呢一個夾雜着新舊建築物嘅舊區，真係好多美食！上網見到呢間好特別嘅平民米之蓮餐廳，因為減肥嘅緣故，成日都想出街食一啲比較清淡嘅食物，我相信你一定會幫到我減肥之餘同時間亦都可以比我享受一餐美味又有營養嘅晚餐。松茸燉湯 +米線燉湯上枱嘅時候熱辣辣，餐廳選用窄口陶瓷湯壼，湯料十足！飲落完全冇味精，而且好清淡，唔會話面頭有一層油脂咁肥淋淋秘制鹵 排骨同樣地一口一啲都唔肥，有啲似住家餸，而且味道適中！上湯水餃勁有媽咪包嘅水餃嘅感覺！無晒多餘味精嘅感覺，食完都唔會頸渴。成日覺得越簡單嘅嘢，越難整得好食！而呢一度嘅清淡，味道好+價錢一啲都唔貴，完全令我一定會返嚟再食！

憑著滋養的燉湯而連續兩年取得 ⟪米芝蓮推介⟫，所選用的主要燉湯材料皆是雲南野生健康食材，價值如此矜貴但價格只售 $ 50 以下，很難相信 😨 可是事實確是如此 !連電視台也有來採訪。售價已經便宜但亦有特惠推介，平日下午茶時段 及 每個晚上的九時後都會有減價促銷。點餐使用點餐紙，午市設有燉湯套餐，一律贈送特選的時令飲品。其餘時間是跟上圖的餐牌，可散叫亦可拼成套餐。 《湯品小棧》有六款燉湯出售，三款清湯、三款濃湯，清湯的售價是較濃湯為貴，相差十元吧。 清湯 特備一款素湯底，是「舞茸冬瓜」，另外的兩款清湯均是以雞骨熬煮，分別配搭「松茸」及「黑松露 / 黑虎掌」；濃湯 是採用豬骨及雞骨熬煮，所配搭的野菌有「特惠推介 ( 當天的是 牛肝菌 )」、「蟲草花」及「瑪卡」。燉湯 以外可有配菜、主食 及 飲品，各款逐樣加錢拼上來配搭成餐，當然也是歡迎散叫，各款配菜、主食如不跟湯便要每款的售價再額外加 $5。牛肝菌濃湯 (特惠推介) $33 根據小棧內的牛肝菌介紹，牛肝菌具有清熱解煩、舒筋和血、補虛提神的功效，也是適合女性的婦科良藥，可治婦女白帶症及不孕症。 燉湯料有牛肝菌也有紅蘿蔔絲及木耳絲，燉出來的

一間唔起眼既小店，但很有住家既感覺，簡簡單單的擺設，主要係以養生湯為主打，菌類別既湯係市面上甚少，這店就介紹左多款不同飲法，當然亦有不同小菜可配搭，叫左店主推介，娒茸既湯品，清甜甘香，用鮮瘦肉煲，健痺益胃，正再叫左個海哲醉雞翼，呢個要出力推介，有小小辣架，雞翼酒味夠濃，海哲夠爽口，真係好好味店主再推介左個牛尾骨，呢個又係非常之夠美味，忟到夠晒入味，有小小肥糕，甘香美味，但不會覺得因為肥而黏口，反而更香更易入口最後叫左個牛肝菌醬撈米線，呢個都好有特色，醬料係肉碎加特制醬汁，加入紅蘿蔔絲，清清地，而又夠味，

雖則話香港係美食既天堂 世界各地既食物都應有盡有 但有時食得西餐,韓燒,日本野多 都會想食返d無味精既住家菜 如果有得飲埋啖靚湯就更係最好不過就係小妹既呢席話 同事就介紹左呢間米芝蓮推介位於大角咀既湯品小棧起初聽到米芝蓮 仲擔心緊價錢會唔會好貴 但一睇菜單 價錢原來相當經濟實惠我同小胖男友心大心細下 揀左牛肝菌炖湯同平日好少機會飲到,矜貴既松茸炖湯炖湯超級足料 牛肝菌既香氣芬香撲鼻松茸則帶有藥材香味 正合小妹既口味除左好幾款有益養生既菌類滋補靚湯 仲有好多款小食選擇 款款都好抵好吸引其中一款蕃茄濃湯豬軟骨就最好味非常入味軟滑所有炖湯都可以加$5就配米線或紅米飯 所以一定食飽飽

平時都好小嚟大角咀，總覺得好遠咁。今次揀左一間唔起眼嘅小店，但內涵卻很豐富的餐廳是開放式的，可以見到店員在住麵。而剛巧在裡面的是一位伯伯，望住佢好用心將炖湯慢慢拎上嚟時，真係好感動，好期待。店內有好多關於每樣食材對身體嘅好處簡介，而每款都會介紹係適合邊類人食用為最佳，感覺店是非常注重健康的。先點了一個素食嘅炖湯。非常有特色，用一隻好似咖啡杯來做湯碗，既可以耐熱，亦不會太傳統。裡面真係數唔到有幾多種嘅材料，只知道有菇、有冬蟲草等。味道一定係無味精的，而且非常淡味，但飲得出係經過時間慢慢煲成的。點了兩款配菜，一是溏心鹵蛋。鹵蛋是需要時間才會入味的，而溏心蛋亦需要技巧，雖然不是流心類，但卻未至於是熟透了，撈麵一流！還有另一款小菜是蕃茄湯豬軟骨。想像以為是有蕃茄醬，紅色的。原來是有少少蕃茄味道但不重的豬軟骨。豬軟骨非常入味，有口感，撈麵也是一流的。

呢間我一個月起碼要黎食一次。主打係唔同特色既湯，有濃有淡，濃有牛肝菌、碼卡，淡又有蟲草，全部湯都列明唔同既材料同功效，鍾意菇菌類既湯既真係必試。是日叫咗牛肝菌湯套餐，當中有紅米飯、玫瑰露雞翼、另外再叫咗杯玫瑰茶。牛肝菌湯： 鮮甜濃而甘香，足料誠意之作，上檯個陣仲係熱辣辣玫瑰露雞翼： 有好香嘅酒味，雖然得兩件，但加埋個湯同飯其實都幾飽。(當然你唔夠可以叫多啲餸。有幾款都非常好味，就好似蒸蛋、牛尾、豆腐干等等。就咁食個飯可能好寡，所以佢都會叫你加埋少少湯變成湯飯或者湯麵。）玫瑰花茶： 甘香清新，非常refreshing。環境唔算話好好畢竟佢只係一間小店地方淺窄但有Wifi提供加分！食完成個人感覺健康晒煩惱都冇晒

三八婦女節，提醒自己要多一點關顧身體，身心健康，才可做好一個女兒、女友的角色。所以就趁這天走到大角咀的>>>湯品小棧<<<補一補。 湯品小棧絕對是間小店：非連鎖集團，店內座位不足二十，是要得坐得親密的格局。 餐廳house rule簡潔的寫在牆上，wifi密碼則在大門上，速度不錯的哦。 把想吃的寫在點餐紙就可，只有中文版。 不過餐牌則中英俱備，無需自行翻譯給看不懂中文的同伴哩。 當刻不是很餓，就只點兩客小食、一碗米粉和一碗湯。店員先送上他們稱之為「黑掹掹」的合桃花豆卜香菇。此道素菜賣相一定不是走引發食欲的路線，然而其清淡口味彷如在吃住家小菜，平淡卻實在。 若想給味蕾一些刺激的組合，應該一試海蜇醉雞翼。雞翼非常入味，雞肉滲著濃濃酒香；海蜇是純粹的辣，倒也醒神。大概這份刺激不能過多，海蜇就只小小的一份，貴精不貴多吧。 主食台灣新竹米粉極為幼細，口感尤見綿密。內裡沒有放湯，可按個人喜好加入，很適合冰這種只愛放小量湯的口味。 主角當然是湯水，餐廳提供濃湯與清湯兩類選擇。冰見濃湯有非常罕見的瑪卡，二話不說即時剔選了！平日喝的補充劑，成分含有瑪卡，

回味那種味道，回憶那份憶念湯品小棧，材料足湯味清香的。平時講開速食文化的香港人，就算飲湯食飯都只會去鴻X堂、原味X作個D起正港鐵站既地方!!!今次就黎到奧運站附近，一試居家味十足的湯品小棧，帶大家發掘一下當區美食。首先，揀好左要清燉湯定濃燉湯！中間部份就係配菜，若不夠飽，更可點主食健康紅米飯、台灣鹽水意面、台灣新竹米粉。豪華D更可以點黑松露油胖米線、牛肝菌醬干撈米線最後，更可點返個自家製健康飲品全部都係平時出去食飯好少見到的唷！我就點左個清燉湯—松茸材料有數塊松茸，雞件、蟲草等！豐富的材料，湯非常清、非常的甜。一點味精都無，飲完不會覺得口渴!!望著服務生由一個滾熱的燉爐打上一碗熱騰騰得燙口的湯，倍感住家feel般的叫左好多小食蕃茄濃湯豬軟骨、溏水蛋連個杯都寫住招牌名架，幾有心思台灣新竹米粉，清得黎同埋個滾熱靚湯一齊落肚，好滿足!豬軟骨超淋身，一咬鬆化平時好討厭食蛋黃的我，覺得溏心蛋真的甜！那未熟到成蛋黃的蛋醬真的化在口中直接見到佢地打湯場面地方雖細，但坐得幾舒服

大角咀經常都會發現特色小鋪今次行經過呢一間以燉湯出名嘅小店 小店係名副其實嘅小，入面嘅座位並唔多，好彩到嘅時候咁啱有位 牛肝菌濃燉湯 雖然牛肝菌屬於濃燉湯，但其實味道唔會太過濃，唔係果種濃到飲多幾啖，就開始喪失味覺佢所講既濃，只係比清淡既湯水更濃郁，大家千奇唔好誤會 而味道相當之容易入口，並無帶有重藥材苦澀味而望圖就知有幾足料台灣新竹米粉 舖頭雖小，但主食嘅選擇一D都唔少除咗有米線、紅米飯，台灣鹽水意麵，仲有新竹米線 水分瀝乾後既新竹米線，只要伴隨湯水入口 ，就唔會覺得好乾秘製滷排骨 + 糖心鹵雞蛋 貪心嘅我又點會唔叫配菜 滷排骨滷得非常之入味，而且仲滲出淡淡甜味，係令人懷念嘅老味道是日甜品 綠茶芝士餅 綠茶芝士餅 有淡淡嘅綠茶香 ，(畢竟係中式餐館，要求不能太高質感就偏向日式芝士蛋糕，質感並唔膩，所以好快就KO左佢