湯鮮生 (莊士敦道) (已結業)

今晚屋企沒買餸煮飯，於是去左依間新開沒耐的餐廳食。結果等到一肚氣。我叫左個芝士肉醬飯，記得係8：30落單，等極都唔黎，最鬼異係我老婆見到本來個肉醬飯出左黎準備送出的時候，又好似 d 單唔啱，又送番入去，之後我出去催佢張單的時候，見到個飯沒左一半!？ 究竟依個係未本來我的飯，以為沒落單，結果比員工食左！？真係唔知咩原因。 堅係，等到花兒也謝了，期間催過二次，結果9：10先黎到，等左8個字。其實等的時候，我都覺得佢哋落單好亂，隔離台有叫左湯又係沒黎。先唔講好唔好食和份量，剩係等都已經一肚氣

呢間嘢真係唔知有無心做，可以差到難以想像！有日中午經過打算試下新嘢！又見到有飯賣，就入左去食！同友人分別叫左泡菜豆腐飯，同青咖哩雞柳飯，一嚟到！唉！心知不妙！個泡菜飯我都廢事影相，d泡菜同白蘿蔔豆腐好似用滾水烚熟咁，無味無顏色無汁！減肥一流！另外，個所謂青咖哩雞柳飯，我想問，知唔知咩叫青咖哩？定佢地對青咖哩嘅定義有唔同？青咖哩味我就一d都食唔出！d味好似煲完湯薯仔雞肉咁，乜味都無！真係食到一肚氣！頂唔順過隔離君户食餃子，擔擔麵補數！！勁伏！

頭先lunch time同同事去食飯，叫左個套餐西洋菜湯+家常豆腐飯，飯餸唔夠熱，味道普通到不能更普通，湯又太過咸。56蚊喺灣仔區搵食絕對可以食得更好更豐富...

午飯時間經過，湯鮮生 (個名幾得意) 見到有不少人排隊，但見到店內都多座位，於是試一試收銀時見到職員有點忙亂，估計應該是午飯人多時新開未熟手，拎左號碼牌自行入座，大約7,8 分鐘左右職員提供送餐服務，職員細心提醒湯比較熱及味道偏淡，有需要可加鹽我叫左一湯一飯，總數：$63 (不同湯款/飯款，價錢不一，印象由$28-$58 都有)西洋菜排骨湯 味道很有驚喜，湯清甜，有鮮味，有湯料 (適中) ，感覺沒有想像中淡，清甜鮮味 柚子蜜汁雞翼飯 :雞翼3隻，份量較少，飯上附有少量蔬菜，飯量適中柚子雞翼味道不錯總結：第一次食完覺得個湯係好鮮味，值得再試 平時比較出名湯飯專門店 , 反而湯也比下去了

收銀員工生手，order要講兩次！冇問題！叫了二份湯一個飯，上枱先試個湯，淡而無味，一d都唔鮮，似飲水，個燉牛肉飯仲利害，成盒加埋唔唔夠三舊牛肉，我出去問佢哋員工盒飯係咪正常係咁，佢問返我係咪覺得份量少，我話＂妳認為呢＂，講真飛機餐嘅分量都比你哋合理多！一間以湯為賣點的店，但湯是完全唔掂，可以講有些茶餐廳的例湯都比這裡好，有時唔係平與貴的問題，而係水準及品質，冇人要你做到米之蓮水平，但始終唔好要人食到受罪嘅感覺，我絕不會再來光顧！