湯•米 (已易手) 新餐廳

秋風起，又到了打邊爐的季節；平時一人一鍋都只想起連鎖快餐店，今日經過鼓油街，發現一家新的餐廳，有一人一鍋食。更提供台式飲品*日式味噌鍋 ($98)味噌味不會太濃，淡淡的，不會太咸；除了有豚肉之外，和一般的一人鍋都一樣，有大量的菜。火鍋會配上一個飯或者粉絲；基本上粉絲一落湯就已經熟了，再等一會吸一吸湯味就可以食！*沙茶牛肉鍋 ($108)朋友點的*酥炸花枝墨魚丸 ($36)新鮮炸起的花枝墨魚丸超熱，很燙口；花枝墨魚丸的口感是很彈牙的。*鹽酥雞扒 ($28)雞扒香脆，雞肉都好嫩滑多汁。*芝士莓莓 ($39)芝士味不太濃，莓味較重；半糖的甜度對我來說剛好。*芝士桃桃 ($39)朋友點的

肥膏放假, 約了他來到旺角行一行。當天中午一時左右, 我們來到了這間「湯。米」, 它的位置也算是偏離了中心位置, 而且也不起眼。不過附近也有不少食店, 人流也OK。餐廳內食客並不多, 好多都是兩人坐四人座, 環境OK, 而且又乾淨。Lunch set 的選擇不多, 但幸好有湯飯, 這是意料之外的。濃香番茄牛肉熱湯配飯 HKD 49.00 算是幾濃幾好飲, 而且好多蔬菜, 夠晒健康!牛肉是火鍋用的肥牛, 是有點兒過肥, 但是牛味可以, 而且份量也OK, 不少。不過, 蔬菜有點點不入味, 有點像是湯還湯, 菜還菜。另外, 給我的湯匙很細隻, 我相信係俾錯我, 因為我見別的食評家的照片是黑色長一點的。這短短的一隻湯匙, 說真的很難喝湯。飯是珍珠米, 幾有咬口。本來想說要加錢試一試他們家的季節限定, 但是店員說已經沒有了, 而且連黑糖珍珠鮮奶也沒有了。最後, 我也只好喝跟餐加HKD 8.00 的芝士金鳳茶王( 額外加4元) 芝士說明是低脂, 吃得也比較放心。而且好香芝士味, 又有點輕盈, 不錯。茶的甜度也適中。套餐小食追加 台灣小香腸 HKD 15.00台灣的香腸一向都好味, 這個小香腸也很不

天氣涼返下就要去打下邊爐啦一人一鍋最滋味沙茶牛肉鍋可以自己揀配飯定係粉絲一上枱都幾大鍋分量十足有好多唔同既配菜例如丸呀菇呀菜呀炸魚皮都有湯底都夠沙茶味，配牛肉食又唔錯嫌唔夠沙茶味仲可以加沙茶醬唔想食咁濃味既可以食下日式味噌鍋呢款鍋係配豚肉而唔係牛肉豚肉味都夠濃配菜仲有蛋蟹柳椰菜娃娃菜同蜆等等最期待既係飲品因為呢度有芝士奶蓋飲呢度既芝士奶蓋好夠芝士味 而且唔會好稀溶哂落d茶度值得推介另外仲叫左水果茶入面既水果分量好足飲落味道岩岩好又唔會太甜

旺角原來新開了一家台式小火鍋店。為什麼是小火鍋？其實就是一人一鍋。店內氣氛新派，打破一般火鍋店的想像。看起來像是一家年輕人愛去的咖啡店。後來才知道我這一個感受，也有點說得對，就留待後面的篇幅再告訴大家原因吧。我們點了一個招牌的臭臭鍋。吃台灣火鍋，個人覺得最有代表性的當然是麻辣火鍋和臭臭鍋。麻辣的吃得比較多，今天就來嚐一嚐她的臭臭鍋吧。臭臭鍋其實不臭，反而加上辣味的豆腐，更加好味，非常過癮。火鍋內已包含肥牛，豆腐，蔬菜等火鍋材料，即使自己一人來吃，也會感到滿足。更重要的是火鍋可配飯或粉絲，貪心一點的話，更可以加$12配滷肉飯。所以說，肯定可以吃得滿足。巴蜀烤魚鍋也很有風味，建議湯底選辣一點更好吃。今晚來這家店吃的火鍋雖然水準不錯，不過要說驚喜，就肯定是她的台式水果飲料。我們點的是紅柚子和水果綠妍，一杯主打柚子，一杯主打雜果汁，也非常清新。新鮮材料豐富以外，也調得比大部分坊間的水果茶店出色。難怪剛剛坐下來已經聽到隣座食客急切的等待水果茶的上桌。所以說，這家店雖然不是咖啡店，卻也是年輕人喜愛的水果茶店。這是驚喜的發現。

天氣終於開始轉涼，記起第一次來這裡沒有吃到招牌臭臭鍋幾款一人鍋選擇可配飯/粉絲/公仔醬料這晚就直接過來試試看招牌臭臭鍋中辣$108鍋裡材料豐富，有肥牛片、一細舊米血糕、鴨血、台灣貢丸、椰菜、豆角、粟米、薯仔、枝竹、、雲耳、金菇、冬菇鵪鶉蛋、蜆等等，還有最愛台灣臭豆腐炸魚皮好脆口中辣都蠻有辣度，湯底沙茶味濃，配飯食一流豬血糕口感不錯，但真係太細了台灣夜市小香腸如果有得配埋蒜片食就更滋味炸花枝丸炸得香口，不錯百香果綠妍，酸酸甜甜非常解喝

嚟到門口已經有好多人排隊，入去拎咗飛要等仲未有檯，係附近行咗個15分鐘再返去就啱啱好，差唔多有位我叫咗個豚肉嘅日式味噌鍋配粉絲，好快就上咗嚟，而且下面嘅火種keep住燒成個火鍋嘅配料塞得滿滿，驟眼睇落有魚皮，豆腐，有菜有肉，係巨型嘅一人份量鍋嘢飲呢杯叫做滿杯菠蘿，飲落菠蘿味道幾出，幾香又唔會太甜，少少酸度幾開胃朋友叫嘅呢個沙茶牛肉鍋好香濃，湯底嘅沙茶味好稠密，配上牛肉片同芝麻，成個感覺好惹味配搭亦都好夾，係重口味人士之選滷肉飯都好邪惡，香噴噴嘅滷肉醬汁拌飯食好好餸，加上個汁唔會太稀，食落又有白飯嘅米香芝士莓莓好好飲下面有好天然嘅莓果味，仲有清新嘅茶香上面係濃厚嘅芝士奶泡，成杯飲品可以用四個字嚟形容：甜而不膩，係一種小清新嘅感覺味噌鍋嘅味道相對較淡，豚肉片切得好薄，好快就煮熟加上雞蛋同蟹柳一齊食，都係香港人打邊爐常見嘅菜式食落發現入面仲有蜆肉，真係包羅萬有鹽酥雞排亦係十分推介嘅外層炸得酥脆又夠薄，入面嘅雞腿肉十分滑嫩整體嚟講，師傅處理得好好，簡直有台灣地道嘅水準夜市小香腸食落都帶有點甜，比一般台灣腸更帶多一點鹹味，味道香，腸肉彈牙

係我太耐無行波鞋街，還是我掛住睇波鞋，無留意d食肆，依條街竟然開左好多食肆。我依個台灣控再加老公依個火鍋控一見到依間中正我地喜愛既，梗係立即入去試～我未試過食臭臭鍋，梗係試下啦～好香香辣味招牌臭臭鍋，材料有：牛肉：薄切肥牛，吸收左臭臭鍋既味道，好好味。娃娃菜：食火鍋時，我最鐘意食娃娃菜，因為佢可以吸收湯底精華👍🏻花甲： 好滑、好鮮甜臭豆腐：臭臭地，同港式臭豆腐味道差不多，但滑d~仲有菇菇、木耳、鴨血、栗米～再配公仔麵老公依排病病地，所以叫左個日式味增鍋好濃郁既味噌味,甜甜地～材料有：豬肉配味噌湯底，好甜呀😘腐竹：吸收左臭臭鍋既味道，好好味。其仔材料包括雞蛋、栗米、椰菜、蟹柳、花甲、木耳、豆腐、菇菇、薯仔～再配粉粉絲其實因為湯底好味，所以所有材料吸收晒湯底既味道，再加佢本身既味道都好好味😋另外我地再叫左個台灣夜市小香腸甜甜地，有陣好似八角既味道，好香，有自己既特色；而且個皮好脆😘我點左芝士桃桃好香芝士同桃味呀！超級重桃味，因為佢地真係用左桃肉打，真材實料，正呀！老公點左芝士莓莓同樣好香芝士同莓味呀！

旺角向來美食雲集～前幾日就同朋友食左一間台式嘅火鍋店🤤店內裝修簡潔時尚，坐落都十分舒適唔會好似其他店好逼嘅感覺～我同朋友都熱愛台灣小食～特別係夜市食物！所以我地豪不猶豫就幾乎叫哂所有款式嘅台式小食😆當然唔少得一個火鍋～火鍋係一人一鍋嘅份量，但係因為我同朋友都係細食嘅人，加上叫左好多小食，所以最後就決定叫一個鍋share～👭第一個到嘅就係酥炸花枝丸～本身好怕會太油，但係炸出黎竟然恰到好處～有脆炸嘅外皮唔會太油膩之餘，入面d肉都十分彈牙👅重口味d嘅朋友不妨點下d椒鹽或者酸辣醬！👍🏻台式小香腸都係不容錯過！食落同台灣夜市嘅味道幾乎一樣～但相比起其他香港嘅餐廳，呢度就相對抵食好多！🤤初初黎到見到雞排嘅賣相好似一般，都有少少失望😢但係點知食落就知道唔可以以貌取人！雞肉炸完都仲嫩口，而且絕對唔係粉多過肉！加上價錢實在係超值～冇辦法唔食過番尋味xd👅雞翼因為有d麻辣嘅粉係上面，所以未必適合唔食得辣嘅朋友仔🙊但係總括黎講都係值得一試嘅～因為炸得又香口又抵食嘅雞翼唔係度度都有得食🤣食左甘多小食，我地叫嘅一人一鍋終於到左🙌🏻一望就知小辣都有番甘上下辣度👅第一眼望就覺得好足料～絕對夠哂飽👍🏻而且湯底越煮越濃

下課後趕約了剛剛下班的朋友一起聚舊，因為我們太肚餓，所以先點了小食。台式小香腸26皮脆肉香就是這種，不得不點的台地道懷愐好味，腸肉炸後切片入口不油。香辣牛肉鍋108牛肉塊鳴門卷椰菜紹菜🌽香菇豆角金菇豆腐豆角炸魚皮鵪鶉蛋木耳枝竹🥔香菜等，樣樣都有些許，品種豐富，選了公仔面及要了中辣🌶度剛好好，麻辣香充斥整個鍋，湯底味足，肉味夠濃，刺激辣更滋味，超起食慾，不用沾醬汁已很足味道。加8雞旦打邊邊打隻旦，令牛肉更滑溜。加32花枝墨魚丸丸丸軟綿綿，墨魚粒十分有口感，有彈性，也很好索湯底辣汁。加36牛肉片牛肉一碟份量不算少，厚薄適中，肉質鬆化，打邊爐必是加追項目。芝士莓莓39加6加多芝士大愛芝士層，其他地方並無加錢有加芝的，這兒竟然有，大大杯莓汁很解渴，酸甜消濟，唯面層芝士嫌不夠多，因為我太愛芝士了。口感芝味挺濃的😋咸度夠，很正斗。珍珠奶茶26珠有嚼勁，冰凍奶茶有少許茶香，不過就甜左d，如果珍珠煮久一點就更好。食後感：三兩知己打邊爐的鍋底用料選擇也多，鍋底有驚喜，坐得也方便舒適，十分寬落，店員殷勤有禮，感覺不錯😛

最近好掛住台灣美食但又未有時間溜走去旅行 朋友就帶左我去呢間食台式鍋物既餐廳 店外店內裝修都好簡約 燈光足夠環境乾淨餐牌上有9款鍋物供應有辣/唔辣  辣度可按個人喜好揀小辣、中辣、大辣、特辣同極辣而每個鍋都會跟飯/粉絲/公仔麵/+$12升級滷肉飯可以追加各款火鍋配料  而小食就有6款選擇醬料有豆瓣醬 蒜蓉 沙茶醬 醬油自由配搭人氣第一位 招牌臭臭鍋$108 必食之選鍋內有臭豆腐、牛肉片、米血糕、鴨血、滷大腸、台灣貢丸、鵪鶉蛋、娃娃菜、椰菜、雲耳、金針菇、鮮冬菇、豆腐、豆角、栗米、炸薯仔、炸枝竹、炸魚皮、蛤蜊、鳴門卷非常足料  湯底以沙茶醬 豆瓣醬加豬骨湯而成好濃郁惹味主角臭豆腐聞起黎真係幾臭但入口好香幾嫰滑  米血糕好煙韌  咖哩奶蓋鍋$108 配料有牛肉、魚蛋、奶蓋、鵪鶉蛋、娃娃菜、椰菜、雲耳、金針菇、鮮冬菇、豆腐、豆角、栗米、炸薯仔、炸枝竹、炸魚皮、鳴門卷湯底不辣有淡淡咖哩香配上奶蓋無得彈鹽酥雞排$28 炸得外層好香脆 肉質嫰滑多汁鹹味剛好 唔會太油膩台灣夜市小香腸$26 入口好香脆甜甜的好好食超級水果綠妍$37 有橙 西柚 青檸  西瓜同士多啤梨都好甜 飲入口好清新甜度適中 打邊

去年在尖沙咀吃過台式火鍋，覺得不錯，最近知道旺角開了一間，朋友推薦這裡的芝士奶蓋，奶蓋是我的最愛，當然要試試啦。這裡裝修比較新派，燈光光猛又樓底高。招牌臭臭煱$108，材料有19種，蔬菜、肉類、丸類、豆腐類都有，湯底味道香甜，味道正宗。這個臭臭鍋和我之前在尖沙咀吃過的味道差不多，不過那時未興芝士奶蓋，今晚有芝士奶蓋配合，就覺得這裡好少少。巴蜀烤魚煱$112，香辣味濃，辣度適中，不過沒有麻味。大大件的黑鯇魚，吸收了辣湯味道，提升魚的味道。還有很多配菜可以一起吃。我比較愛吃辣，所以每個鍋附送公仔麵和粉絲放在辣鍋中，吸收了辣湯味，就更加好味。芝士桃桃$39。芝士莓莓$39。這兩個芝士奶蓋，芝士味道十足，配合生果的味道，就成了一杯好味的芝士飲品。而且價錢比東X茶平一點。我覺得值得推薦。👍👍👍👍👍

經過旺角鬧市，寧寧舍舍見到呢間簡約風格裝修嘅餐廳，原來係台式臭臭鍋加台式飲品店招牌臭臭鍋少辣$108主角當然係臭豆腐，配以充滿雪花嘅牛肉片、台式配料有：米血糕、鴨血、台灣貢丸、椰菜、娃娃菜，好地道，好有風味！仲有大腸、雲耳、金菇、冬菇、豆腐、豆角、粟米、炸薯仔、枝竹、鵪鶉蛋、蜆、嗚門卷。呢個咁惹味嘅辣湯底配飯就最啱！值得一提呢個鍋嘅菜都幾多，感覺健康d～藥膳豚肉鍋$108藥膳湯底夠晒香，配上紅棗、枸杞，夠晒滋補，絕無欺場～配上薄片嫩滑豚肉、娃娃菜、椰菜、雲耳、金菇、冬菇、豆腐、豆角、粟米、炸魚皮、炸薯仔、枝竹、鵪鶉蛋、蜆、嗚門卷。呢款湯底相對較清同唔油膩，所以配粉絲索湯食就啱啱好～台灣夜市小香腸$26超脆皮！好掛住台灣嘅夜市呀到飲品啦～我地叫左：超級杯水果綠妍$37（左）嘩，超級大杯！茶底好清香，配上多種新鮮生果，有橙、西柚，百香果，好香甜呢！芝士桃桃$39（右）估唔到連芝士奶蓋都有呀！芝士充滿咸香味，呢排桃當造，用新鮮桃整嘅唔洗講都知正～就算唔堂食鍋，都可以淨買飲品外賣～

今次係黑洞第二次食台式臭臭鍋不過呢間第一次食 位置方便近油麻地星期六晚市都好多顧客 大概等左10分鐘先至可以安排入座睇返餐牌 除咗臭臭鍋仲有不同款芝士奶蓋飲品 好吸引黑洞同朋友仔叫咗泰式海鮮鍋同藥膳豚肉鍋泰式個款可以揀辣度 我哋揀咗微辣黑洞吾太食得辣 不過都接受到而且湯底好香冬陰公味 夠晒開胃至於海鮮份量都唔少喎有大蝦青口 仲有其他不同海鮮 真材實料至於藥膳湯底 有好多杞子 明目養身餡料有好多款蔬菜 夠晒健康跟餐可配粉絲加錢轉滷肉飯小食方面酥炸墨魚丸香脆可口至於芝士奶蓋飲品 有驚喜芝士桃桃 桃香味中帶點茶味奶蓋好厚 飲到底都仲飲到至於芝士茶茶八號平時吾飲甜味茶既黑洞又覺得接受到要盛讚奶蓋夠杰身 攤係到耐左都吾會溶晒落底整體cp值幾高 平平地都有好西食

性價比不高, 味道一般朋友喜歡呢一間一人一鍋, 佢食過幾次, 今次佢帶埋我黎食, 一行入店內, 一陣麻辣香味撲鼻而來, 好令人期待! # 巴蜀烤魚鍋 # ******* 6/10 ($112)烤魚選用左鯇魚, 比較多骨,而且一大舊, 比較難入味, 要自己切開等佢慢慢入味。巴蜀烤魚鍋，只有辣，完全食唔到花椒既麻，比較失望… 配料, 簡單黎講, 一般啦…# 咖喱奶蓋(肥牛)鍋 # **** 4/10 ($120)我同我朋友都唔太鍾意呢鍋, 好淡, 完全食唔到有咖喱味… 成鍋, 可以話係難食 … 不願置評。# 滷肉飯 # *** 3/10 $12 (跟餐既飯/粉絲, 加$12轉滷肉飯)可以話係我食過最差既滷肉飯, 完全唔係台灣食到甜甜幸福感覺既滷肉飯, 只有鼓油味, 沒有其他…. 唔係甜甜的…# 微糖芝士凍頂烏龍茶 加珍珠 # ******** 7/10 ($36)不錯, 芝士味很濃很好味, 珍珠有咬口, 但當然唔可以同 「乜乜堂」果啲比啦, 但有呢杯野飲, 今餐增色不少。# 酥炸花枝墨魚丸 # ********** 10/10 ($36/6粒)我要比滿分

今日同朋友經過MK，見到開左間食一人臭臭鍋既餐廳，又見好似好耐冇食過臭臭鍋，所以就入去試下!我地大概下午6點左右入到去，只有3、4枱客人!到我地7點幾走果陣都係未坐滿的，可能真係太早了!睇過餐牌後，3個人有2個都係叫臭臭鍋，另1個就叫左巴蜀烤魚鍋!佢呢到都有飲品叫既，都係類似芝士奶蓋果D，所以我地就冇叫啦!大概都等左15分鐘左右野食就黎啦!招牌臭臭鍋，黎到既時間聞落好香，料都好足既，不過湯底既味道就唔似係我平時係出面食開既果種!偷聽到隔離枱叫先知原來今日係冇臭臭鍋既湯底，侍應可以俾佢地揀其他湯底....而我地竟然冇得揀...食食下覺得個湯底應該係沙嗲湯底，有D失望!巴蜀烤魚鍋，呢個鍋反而有D驚喜，D魚都幾滑，料都好足，個湯底出其地好食!有少少辣，而且湯底都唔淡口，用黎撈飯個人覺得可以再試多一次既，但係如果係落單既時候可以講明已經冇臭臭鍋既湯底會更好!