湯•米 (已易手) 新餐廳

久違的旺角Post 今次一試新餐廳黎到主打臭臭鍋同台式飲品嘅湯·米我同豬仔一人要左個鍋分別係招牌臭臭鍋 ($108)同埋 泰式海鮮鍋 ($112)招牌臭臭鍋 唔太臭但略嫌每樣配料份量較少而泰式海鮮鍋 我個人比較推薦味道較濃郁 配料都足夠🦐至於小食要左酥炸花枝墨魚丸 ($34)都係酥脆 值得一試嘅🤤飲品我要左芝士莓莓 ($35)莓味幾夠 相反芝士味唔重😅________________________裝修環境：✨✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

成日都好掛住台灣既野食今日行過旺角見到呢間餐廳 湯•米 主打台式飲品同火鍋見佢落地玻璃 入面坐位裝修舒服仲有我至愛既臭臭鍋😍一於試試叫左杯超級杯水果茶🍓🍊充滿熱情果既味道 好岩我😋然後再點左必試既臭臭鍋，藥膳鍋，臭豆腐同鹽酥雞扒食物好快就上枱 聞到d味已經超懷念🤤兩個鍋都好足料 一個牛肉一個豬肉我最滿意系臭臭鍋既鴨血同米糕❤到小食都好有驚喜！臭豆腐雖然吾系炸既但發酵得好「臭」😆👍正個鹽酥雞真系要讚！炸得好食仲要先$28咋🙈最後食完仲吾會有陣味系身 都系抵讚之一👏🏻值得大家一試👍

自從上次響尖沙咀食過臭臭鍋都念念不忘，有一個響旺角返工的朋友話lunch hour 見到有新開嘅類似產品嘅食店，約左我試。 起初我跟住Openrice 地址去，一路行經過左都唔知， 返轉頭見到一間“光鮮”/“光猛”嘅店，原來就係依度，一啲都唔似😂(店不可以貌相). 一入去，店員都好熱情同有禮貌咁招待，分别有兩位店員介紹點叫同有咩要注意,例如辣度，邊款受歡迎啲等等…他們共有9款湯底，中式的藥膳豚肉鍋，川式巴蜀烤魚，泰式海鮮鍋，韓國泡菜鍋等等， 我要試的當然是招牌臭臭鍋，朋友試的是巴蜀烤魚鍋！ 我的招牌臭臭鍋有臭豆腐，牛肉片,米血糕，鴨血， 滷大腸,台灣貢丸，娃娃菜，椰菜, 雲耳， 金針菇， 鮮冬菇，豆腐，豆角, 粟米，炸薯仔， 炸枝竹， 鵪鶉蛋，蛤蜊，鳴門卷, 一鍋都係$108,十分抵食！ 臭豆腐唔太臭， 個鍋越食越好味，豆腐嘅香味越食越出！ 滷大腸好薄身,一啲都唔肥， 鴨血夠滑， 貢丸爽口， 材料新鮮，好豐富！ 巴蜀烤魚 ($112) 芝士綠妍 ($27) 芝士茶茶八號 ($29) 朋友點的巴蜀烤魚有點兒辣，不得不叫杯嘢飲中和吓！我點左芝士茶茶八號，原

今晚約咗男朋友去食依排好hit既臭臭鍋，餐廳裝飾得好企理，燈火通明，座位都幾舒服，鍋既種類都好多，一人一鍋唔洗爭就最好巴蜀烤魚鍋 $112烤魚嘅份量唔多不過魚肉嫩滑魚骨唔算好多全部都係大大條，配料豐富，好多菜、冬菇等等，湯底越食越辣泰式海鮮鍋 $112依個鍋湯底係喇沙湯，味道唔算太濃，不過香氣撲鼻，海鮮份量唔多 兩隻大蝦* 兩隻青口* 一隻蜆* 不過配料就好足，另外每個鍋都配米粉/粉絲/公仔面，唔夠飽又可以加配料~雖然冇叫最出名既臭臭鍋，不過都加左臭豆腐＆牛肉片牛肉片嫩滑有口感，臭豆腐果然係招牌菜，豆腐好入味，放係枱上面不時傳出陣陣臭味，放入鍋內味道就更濃烈，本身湯底既味完全(姐)唔到個「臭味」好好味呀!!!牛肉片 $36臭豆腐 $36爆檸四季春 & 荔枝紅玉另外叫多咗兩杯台式嘢飲，味道啱啱好唔會太甜 大大杯好抵飲

近來旺角新開左一間一人一鍋既台式火鍋店, 高樓底, 白色為主調既裝修令人感覺好舒服, 食得都開懷D添火鍋價錢大約一百蚊就已經大交易, 份量仲好大份添, 配料好多, 有牛肉, 牛丸, 娃娃菜, 雲耳, 金針菇, 冬菇, 豆角, 粟米, 蛤蜊, 包羅萬有, 價錢咁平, 牛肉畀落足唔會差喎, 大大塊肥牛, 配合配沙茶醬既湯底, 夠入味除左台式火鍋之外, 仲有近期好HIT既台式特飲, 唔使排長龍就己經有得飲, 勁方便喎! 芝芝莓莓, 大大杯, 酸甜美味的草莓味十足 感覺濃淡相宜,  芝士的味道配合的剛剛好, 甜香濃郁，口感細膩到彷彿草莓在我舌尖化開

係豉油街行入去就搵到好HIT嘅「湯·米」喇，店面有 Counter 做飲品外帶，入面就有座位比客人食台式小鍋，成間餐廳設計好似cafe咁舒服小清新🌱 飲品 Menu 有好多野飲揀，每款都好吸引😝有水果茶、芝士奶蓋、珍珠奶茶等等，仲有季節限定嘅芝芝莓莓同芝芝桃桃，一場黎到當然要試下啦。朋友揀左芝芝莓莓🍓粉紅色好夢幻！草莓果茶酸酸甜甜，底下有果肉，草莓味十足，炎炎夏日好啱飲我就揀左芝士金鳳茶王，先呷一口濃郁咸香的芝士奶蓋，再大口喝下混合醇厚芝士加香濃的金鳳茶王，每一口都是幸福嗌左一款小食麻辣臭豆腐刺激一下味蕾先～真係童叟無欺有臭架，好正，加左少少麻辣好香，豆腐幾滑幾入味正餐到啦，一人一鍋～點了一個沙茶牛肉鍋和巴蜀烤魚鍋沙茶牛肉鍋上面D牛肉仲係生GE，小鍋個火夠猛，輕輕在湯底燙一燙就食得喇，唔會一早已經熟晒煮到老晒所以牛肉保持到嫩滑嘅肉質另一鍋嘅麻辣烤鯇魚～細嫩魚肉靠湯汁煨熟，吸收晒麻香的精華，味道好濃郁，食嘅時候要小心拆骨鍋入面有豐富配料，有菜有丸有豆腐有菇，飲食均衡亦都每個鍋都附粉絲/白飯，可以再加$12升級做滷肉飯。賣相係正宗古早味，五花肉肥瘦適中，滷汁入味綿綿的珍珠米飯粒粒分明，誠意

在旺角行街經過這間＂湯．米＂望到Menu 先知道原來係食臭臭鍋,他們的裝修比較文青不像一般的臭臭鍋格調，一於入去試一試先招牌臭臭鍋（小辣）＄108首先這間不是用酒精火爐，可以一路食到尾個心超級爽😆臭臭鍋材料豐富，當然少不了臭豆腐，還有鴨血，滷大腸，米血糕，牛肉，茹和菜等小小辣最後還將公仔麵吸晒湯的精華沙茶牛肉鍋（小辣）＄108沙茶湯底又香又濃，湯底微微辣好惹味除了臭豆腐內臟外，其他材料每個湯底也差不多，但這裡的丸都幾高質，牛丸幾彈牙花枝墨魚丸＄32真材實料的墨魚丸又爽又彈牙，鮮味十足還可以配公仔麵，粉絲和飯麻辣臭豆腐＄38只是微微的麻辣，臭豆腐獨特的氣味不是人人能接受，但我個人來說就非常受落，覺得美味可口鹽酥雞扒＄28鹽酥雞扒外層炸得卜卜趣很香口，雞扒保持肉汁嫩滑無比爆檸四季春＄35用了檸檬和青檸所以味道特別濃，是食火鍋最佳拍檔檸檬紅玉＄18原來檸檬紅玉就係普通檸檬茶🤣個名真係好好聽

見下午茶時間餓餓哋，又想搵個靜啲嘅地方坐下輕鬆下，反而去到旺角選擇真係唔多，誤打誤撞入咗呢間台式餐廳...點咗個台灣小香腸熱狗，以鬧市旺區嚟計，28蚊一個茶餐算抵，份量亦唔算細，醫下肚算夠。兩條台灣小腸皮夠脆，肉味有蜜糖同少少胡椒，香口而且味道幾好，可惜落得太多調味醬，茄汁同黃芥辣蓋過咗香腸本身嘅味道，而最敗筆係個包，完全無烘過，整體感覺凍冰冰又唔鬆軟，影響哂成隻熱狗嘅味道。另外加咗8蚊，飲台式珍珠奶茶。味道不過不失啦，無論茶味同珍珠都比傳統台式奶茶店遜色，唔會推介。餐廳環境方面，算係乾淨企理，星期日下晝都唔多人，坐得幾舒服、服務亦都唔錯，就當38蚊喺旺角買餐安樂茶餐囉。

喜歡吃火鍋的我就算夏天也不怕熱，今次來試試這間既有台式一人一鍋、又有芝士茶的餐廳！餐廳位置寬躺，是新派的格調，一洗台式風格，再配上周杰倫的背景音樂🎵，別有一番風味餐牌上有八個火鍋選擇，當然要試試藥膳鍋啦！飲品也有多種選擇，令人聯想起喜茶！沙茶牛肉鍋上菜時已感受到濃烈的沙茶味！果然湯底非常濃郁，不用點醬汁味道已經足夠！而且有多種配料，包括牛肉、牛丸、蔬菜、豆腐、粟米等，非常豐富，而且我點了粉絲，粉絲吸收了濃湯的精華，非常可口惹味！藥膳豚肉鍋上菜時藥膳的味道已經香味撲鼻，而且不正只是嗅覺的享受，味道也十分不錯！每一口配料都有藥材的味道，感覺很「養生」！同樣地這個鍋也有很多配料，臀肉口感不錯，不會太韌，配菜十分新鮮，而且份量非常多！台灣夜市香腸十分精巧的碟子！香腸是有被煎過的，雖然口感不及台灣吃到的，但這個在香港的質素已經十分不錯了！香腸外脆內軟，而且有煎過的油香，一咬肉汁流出來！我最期待的芝士茶來了！芝士茶茶八號我當然點了全脂芝士芝士味夠濃郁，再配上清清的茶底，十分搭配，不會太膩，令人一飲再飲！超級水果綠妍這是綠茶版的水果茶！同樣地水果食料新鮮，配上清澈的綠茶味及甜味，味道條配得剛好，很r

往日想食一人一鍋，都要係尖沙咀先食到，而家係旺角都有得食一人一鍋啦，仲有而家好出名嘅台灣飲品，真係一次過滿足哂兩個願望！分別叫左兩個鍋，日式味噌鍋同藥膳雞鍋，日式味噌鍋係味噌湯底啦，配料有豚肉、雞蛋、娃娃菜、椰菜、雲耳、金針菇、冬菇、豆腐、豆角、粟米、蟹柳、薯仔、枝竹、鳴門卷，而藥膳豚肉鍋就似藥材湯味，配料有豚肉、紅棗、枸杞、娃娃菜、椰菜、雲耳、金針菇、冬菇、豆腐、粟米、炸魚皮、枝竹、鳴門卷，其實都幾大煲幾多料幾抵食，之後仲追加左 2 份牛肉，都係 $38，質素都幾高質，係靚牛，另外亦叫左一杯超級杯水果綠妍，其實即係一杯水果杯，有西瓜、紅柚、士多啤梨等等加綠茶而成，飲落都唔錯幾清新，呢間餐廳仲好貼身比叉你食埋水果添！

本來去黑布街食野，行完都唔知食咩剛行過坐門口玻璃位上菜，好似唔錯好吸引入面又有位唔洗等日頭有定食餐都幾低50至60蚊，夜晚只有打邊爐，款式8至9個左右，每一款既餸就基本一樣，價錢$98至$138，如果野食跟餐有得平就好低啦，兩個人一人份打邊爐，再叫埋野飲$330左右份量係夠既，好多菜，湯都夠味既，但食到尾個半個公仔麵超咸，食左一半(1/4)頂唔到要放棄，好飽咯……男友叫左臭臭鍋，唔係東北菜果d, 個湯係喇沙，得d豆腐係台灣臭豆腐，都有2舊豬紅同2舊血米糕，都算貼題我叫左藥膳鍋，豬肉片好多，菜都超級多，杯西柚特飲都唔錯總結好過去標榜一人一鍋套餐果間，間野叫咩名唔記得，係旺角中旅對面

今日約左朋友買衫, 去旺角行到差唔多食飯時間, 於是停低搵野食~我地揀左呢間食台式既小店~一坐低睇MENU, 都幾多野想食WORRR!! 同朋友一人揀左一個鍋, 我揀左藥膳豚肉鍋, 而朋友揀左沙茶牛肉鍋 ~ 不過我地係SHARE 食!!沙茶牛肉鍋賣相好得，入面有肥牛、蜆肉、菜、豆腐、栗米，冬菇等配料 ～而藥膳豚肉鍋都係冇得輸，入面有豬肉、菜、豆腐、栗米，蜆肉 ETC～我想講我個藥膳湯底好好飲，濃得黎感覺好補身又唔會苦，好正！另外我地仲點左花枝丸同柚子蜜雞翼，呢２款小食黎到係熱辣辣，好香口!最後當然要一人一杯野飲啦, 我叫左個芝士莓莓，好香芝士味，草莓汁又唔會話好甜，撞得岩岩好～而朋友既水果菜都好清新，岩哂夏天飲！OVERALL 下次會再黎!

今日放假約左朋友去旺角行下街～成日去旺角都諗唔到有咩好食……行過見到有間新開張既台式火鍋！本身鍾意食臭臭鍋既我當然要試一試我叫左招牌臭臭鍋 特辣！份量好足個湯底夠濃夠辣正正係我鍾意既口味我朋友唔食得辣叫左個藥膳湯底～試左啖令我諗返起台灣薑母鴨既味道飲品就叫左芝士奶蓋同水果茶水果茶味道好fresh好開胃總括而言呢間係香港食過湯底最正既台式火鍋，值得再去

路過此地，透過偌大的玻璃看到餐廳裡面人頭湧湧，又有一人一鍋。鍾情於邊爐的我，便瞬間打消了本來想吃米線的念頭。鍋物共有九種款式，我們點了沙茶牛肉鍋和藥膳豚肉鍋。沙茶牛肉鍋配料豐富，有齊牛肉，牛丸，冬菇，粟米，豆角，炸枝竹，鳴門卷等等。湯底沙茶味道香濃，蔬菜和粉絲吸收了湯底之後變得很惹味。湯底會愈煮愈濃，吃到最後會偏咸一些，適合重口味人士。對比沙茶湯底，藥膳豚肉湯底就清淡得多。湯底加了紅棗和枸杞。海鮮味道新鮮，沒有沙粒，洗得夠乾淨。粉絲爽口彈牙。炸雞扒香脆可口。宇治鮮奶抺茶，抺茶和鮮奶比例剛剛好。特別推薦芝士莓莓，芝士味濃郁，帶點酸甜。

旺角又有新餐廳呀所以我都第一時間試吓我鍾意食熱辣辣嘅嘢而且可以坐得好舒服所以就嚟咗試吓啦因為有我最鍾意嘅奶蓋芝士在家有韓式同埋港式嘅嘢食就覺得非試不可俾大家望吓個環境先主要係以火鍋嘅形式款式咁亦都有唔同國家特色湯底調味料都唔使出去外面拎每一台都有調味料韓國泡菜鍋 $$112見到超多肉其實份量就一啲都唔細有泡菜有豆腐有亦都有年糕就會包公仔麵或者粉絲或者飯都可以加＄12轉滷肉飯公仔麵都係有彈性咬口嘅當中都有啲健康嘅木耳喺度藥膳豚肉鍋 $$108呢一個湯比較清淡肉嘅份量依然係好多而且仲有我最鍾意嘅炸魚皮當在都會有娃娃菜木耳冬菇都係好好食我會建議大家去煲熟啲肉之前試下個湯我飲到好香好好飲嘅湯芝士桃桃 $$35芝士莓莓 $$35呢個真係必須要提下因為奶蓋個味道同喺出邊飲嘅一模一樣甚至更加好飲而且🍑🍑味道比較清淡莓莓就會酸一啲係兩個都係超好飲一邊打邊爐一邊飲我最鍾意嘅嘢😍😍😍麻辣臭豆腐 $$38好想好喎而且辛辣度可以調節