源發潮州粉麵 (已搬遷) 新店位置

人身在淘大, 因為lunch食得好漏, 夜晚想食得清清地, 同伴提議來這裡吃碗粉。在門口見到招牌, 講明唔賣牛肉, 感覺幾有特色。入到去, 睇餐牌, 選擇有馳名豬雜, 首創蝴蝶腩, 以及其他較普遍的豬手, 魚皮等等廿多款菜配粉麵; 單拼$15, 雙拼$19, 看牌面是有夠便宜的。還有煲仔飯以及其他小食等, 選擇頗多。本人心大心細後, 同伴作主叫了蝴蝶腩米, 豬雜河及風沙豬手一碟。以$15來講, 份量算得上大堆頭。碗底墊滿芽菜, 喜歡芽菜的我就正好。蝴蝶腩煮得很硬, 膜的位置感覺也不特別, 還吃到一陣不太討好的味道。豬雜份量不多, 我試了粉腸及膶, 味道只是一般, 更沒有我最愛的豬腸。這兩款招牌食物, 作為招牌, 只不過是馬馬虎虎。風沙豬手$24/碟有四件, 以蝦片墊底。豬手賣相燶燶黑黑, 應是翻炸之成果。味道? 有幾何吃過翻炸的食物會好吃的?最值得一題的是老闆娘的服務態度。當我一入到去坐都未坐定就已經迫我叫野食, 坐低後同伴去左洗手間時又問我食乜, 佢返來未坐定又問我地食乜, 第四次我頂唔順同佢講"我真係未諗好", 之後呢位女士竟然大發脾氣, 之後同伴有乜要求都掂行掂過。估唔到亞姐一把

琴日約左朋友仔o係九龍灣記得呢度好有特色不賣牛食品捉埋朋友仔試下有幾得手叫左豬什拼魚皮銀針粉走腸($19)同首創蝴蝶腩河($15)另每人加7蚊要凍檸茶講真豬什有d乜我真係唔多食得出但較明顯既有潤同心全部切得薄薄所以一d都唔韌同埋因為新鮮同洗得乾淨關係無"壓"味但最impressive既唔係豬什而係較少地方有得食湯銀針粉叫做幾有特色啦魚皮有三片大大既脆口唔腥都唔錯朋友仔既蝴蝶腩炆得夠淋唔韌ok啦不過服務真係唔多得阿姐講野大聲又無乜禮貌最初落單己經叫左兩拼要埋魚皮點知最後又唔記得俾問佢兩次轉頭又無左件事仲要唔係得我一個係咁有油菜出又唔記得邊檯要要大大聲問成間舖既人

是日與太太專程到新店幫襯，為要試新、舊店有冇分別。新舖闊落好多，食物款式亦多好多。尤其係炸物：炸大腸、豬軟骨等等。飲品方面加各種冷熱飲品，唔再剩係得豆漿同汽水。我兩個人叫：蝴蝶腩河、豬什河、油菜、炸大腸、奶茶同豆漿。蝴蝶腩河保持水準，仍然好味，夠份量同價錢平。而且外面確實唔多食到好味蝴蝶腩。豬什河味道亦唔錯，但係豬粉腸略帶有苦味。油菜一般。炸大腸幾乾淨同幾脆，但份量較少，而且配(類似)泰式甜酸醬，唔係幾夾。奶茶唔掂！冇茶味、奶亦唔夠。豆漿都唔掂！仲有少少酸味，唔知係咪壞？！總括以言，地方大舒服。舊款食物保持，新款食品ok，飲品唔得。

試過同同事0係度食晏,覺得佢d豬什米好好食呀.d 豬什洗得乾淨,豬心又煮得好爽口,唔會韌,豬腸夠香糯,湯都ok好飲,15蚊一碗,有咁0既水準,環境又光猛企理,我覺得抵食加好食呢~

蝴蝶腩就是兩塊牛坑腩，即牛胸部相連而在肺部氣管兩旁以上的一塊肉，因為給白色的筋膜包著，又成蝴蝶型，故此叫做蝴蝶腩，肉質甚韌，只可以煲湯或炆淋來吃，如果加以適當的烹調，是很好吃的，因為筋膜爽滑，肉身淋滑，但火侯不佳的話，便很難吃，因為筋膜韌，肉的纖維又長，不足火侯的話，便難以下嚥了ｏ假如太淋的話，肉與筋膜分開，失了配搭的話，又會變成很難吃ｏ所以如果覺得不好吃的話，除了調味欠佳之外，應該是這緣故ｏ

到底咩叫蝴蝶腩？食完都唔知唔明。唔係特別好食，咁牛腩麵呢種咁簡單的野如果唔「好食」，就即係「唔好食」喎。算啦…真係唔好食的。