源記車仔麵

營業中

休息中

愛蝶灣附近餐廳選擇一直不多🤦‍♀️只有3-4間食店 sad but true平時食都係叫外賣 今日屎忽癢 就落左街食源記車仔麵價錢不貴 都係做街坊生意揀左2餸（$27) 油麵+炸燒賣+回味豬頸肉湯底揀左腩汁，有小小蝦乾，但湯底味道都是不過不失炸過既燒賣，應是外脆內軟，用上魚肉燒賣 應加分👍🏼但一早放於湯底， 淰曬😖建議另上回味豬頸肉都頗惹味， 切成條狀亦易於入口，不過太散太小整體不過不失， 係醫肚既選擇😂😂

一拎反黎，一夾，啲面少到我以為自己叫淨餸，差到一個點！！！本來都好鐘意食呢間，但有乜可能少面成咁！！！要葱就得一粒，蝦毛就得幾條，離哂大譜，應該之後唔會再想外賣反黎食。

今食「食神」里面嘅「刻骨銘心初戀金銀情侶套餐」，實際上只係車仔面。車仔麵係非常之平民化嘅食物。一般可以自行挑選喜歡的食材，甚至連麵底。呢間位於筲箕灣嘅車仔麵，食完真係有一種令人刻骨銘心嘅感覺。佢個湯底好濃，有陣陣咸香，仲會添加咗蝦毛，令鮮味提升咗唔止一個檔次。另加麵底有薯粉可以揀，幾令人驚喜。牛腩味道濃郁，有好香滷汁同香料味。肉片鮮嫩又爽滑。仲有魷魚添。而且價格非常實惠，見附近好多打工仔都係呢度開餐，有時仲多人到要排隊。

係附近有d野做完，之後就離左呢間源記車仔麵，位於筲箕灣愛蝶灣近海滂，食肆不算多，所以見肚餓就揀左呢間，星期天也是多人 熱鬧 所以我便想試試它家的米線腩汁、牛腩、鹵水雞中翼(連蔥和乾蝦)乾蝦好少得到架，唔係間間車仔麵都有，幾有咬口幾香，味道不錯！米線太林了，爽一點會較好。牛腩夠林，好味道，份量唔少，有D係皮位食唔到，肉感微鞋，口口都係肉，delicious！令我失望的是鹵水雞中翼，唔大隻，無咩肉可言。鹵水味極重，醃製時間頗長，不錯！！可惜D肉太難口，肉與骨很容易分離，失去平時食到滑溜溜的感覺。呢間的車仔麵餸菜豐富，但雞翼真係好差唔好揀。

呢間車仔面店係屋苑樓下，住係呢度落去食超方便，可惜我唔係，我黎探朋友，去到樓下肚餓又有排未到晚飯時間，佢介紹我黎呢度食。價錢同外面的車仔面店差不多，但勝在佢都算足料，味道又唔錯，菜底都好多菜架。D 餸都好入味，唔會似有d 白灼d 餸無味靠面淋個汁。魷魚翼同魚蛋爽口，豬紅un un 地，係我鐘意食既質感。湯有蝦仔乾好有心思。柚子蜜好夠味，唔會慳住唔夠柚子味。睇佢地點整d 餸就知佢地好有心搞好間車仔面檔。我仲有其他餸都想食，搵日又去探朋友食番碗先。