源記餐廳 (已結業)

講真，呢間連鎖茶記嘅出品係ok嘅，但真係太多烏蠅，一邊食一邊嬲住你，好討厭，望能改善🙏還有，唔明典解管理人員會安排清潔姐姐在午市，即13:30掃地，這樣會讓地上的灰塵四散，而我在進食中呀！食物質素是絕對OK，尤其芙蓉蛋飯，蛋煎得香脆，材料豐富，而且蛋的咬感好軟棉，所以，每次想食芙蓉蛋飯都會先考慮到源記，我認為源記的芙蓉蛋飯絕對值4星

今日因趕時間所以嚟食個快餐。 去得茶餐廳當然知道不可要求什麼服務，但落單嗰位哥哥全程木口木面只一路聽一路寫全無反應又無眼神交流就走開感覺總是不好受，就怪我唔化吧😓叫咗個常餐 - 火腿奄列蛋皮又薄又乾又老，多士只可說好普通........ 千祈唔好俾佢個餐牌啲相𠱓到👿义燒通粉 - 义燒當然唔係靚嘢，梅梅哋。 通粉硬而有部分幾粒黐埋一舊，湯底更加唔駛有期望。 一路食一路好掛住華星冰室😭⋯⋯好彩餐飲熱奶茶夠晒熱算執到✔️下次如果真係要嚟食都係食返佢嘅牛雜粉麵算囉😒

補完習，同女朋友起大圍食lunch。After giving tuition in Tai Wai, I had lunch with my girlfriend.味道 Taste：7.5環境 Environment：7服務 Service：7我地叫咗同一個餐：焗白汁石班蜆肉飯/意粉，配熱奶茶。We ordered the same set: Baked Rice/Spaghetti with Grouper and Clam in Cream Sauce, with Hot Milk Tea.焗飯/意粉：味道唔錯，份量大啲更好。奶茶：女朋友話茶味夠，但口感唔夠細滑。Baked Rice/Spaghetti: Taste was quite good, larger portion size would be better.Hot Milk Tea: Tea taste was good, but it was not smooth enough.

通常泡飯係中式湯水，這茶記有西式湯泡飯忌廉龍蝦海鲜泡飯嘩！外表好靚，海鲜有蟹柳，鱿魚，蝦，魚肉(魚肉细细片，以為無魚骨……差點吞食，p.s.魚塊內有幼细魚骨,要小心食)，湯好淡淡的龍蝦味(雖然唔濃郁，但湯有忌廉的滑，整個湯好鲜甜，個飯好好味)熱奶茶茶好香濃，奶好滑(無加糖)好好飲！朋友的牛腩麵麵好彈牙，牛腩好入味，油菜新鲜

呢個芝士葡汁焗豬扒飯加餐飲$60，炒飯底不油膩，葡汁夠香，大片炸豬扒已切開細，刀都唔使用，幾爽，已經黎吃過幾次啦，所以推介大家試試！家人點選「有得揀」晚餐，選擇：炸蝦、豬扒、煙肉、意大利粉、咖喱汁，份量都幾多，但碟上的咖喱汁.....弄到碟邊周邊都係，太太太太唔似樣了！連餐飲$58，家人吃得津好味添！

我真係好奇怪，點解一間新開餐廳，可以有咁嘅服務態度，樓面員工對客人直頭仇人一樣，句句都串爆你。見早餐未到，咪問下: "唔該，我杯熱央未嚟!" 換來四眼小姐黑口黑面答: "小姐！師父拉近茶，等下啦! (語氣係極無禮)食住包等下啦!" 我繼續有禮貌回應:"好呀！唔該你!"隔離食客都忍唔住出聲，話洗唔洗咁串！至搞笑，某幾個員工都係一樣，每枱客人都比激到有D著火！晨早嚟食個早餐姐！無端端要受氣?! 對公司有幾不滿，都唔應該發洩喺客人身上，服務性行業最基本要求都做唔到，叫客人仲有冇下次光臨？

這源記對我來說的第一印象便是近年蘋果報導的「彩色餐牌」事件。其尖沙咀分店在招待內地客人時拿出截然不同的精美彩色餐牌，菜式一樣但價錢昂貴近倍。此印象牢牢銘記在心，每次走過尖沙咀的分店也會回想一次。近日源記卻在大圍開設分店，雖然形象欠佳，但在大圍這荒地，每逢開新餐廳，總要一試。餐牌座位狹窄，相當擠擁，坐也坐得不舒服。豆腐火腩飯配凍飲售五十多塊，與半條街之隔的三洋餐廳差不多。火腩偏鹹但份量不多，件飯吃還算可以，醬汁不會過淡但不夠惹味。整體無甚麼可評之處，味道、賣相等等與一般餐廳差不多。

在家吃過晚飯，出了旺角拿東西，再和朋友回大圍吃宵夜。不知去那裡的情況下，知道這裡開業不久，便來試試。曾經在尖沙咀分店吃過，每次也是吃牛什河；印象中沒有套餐，但大圍店卻有，所以和朋友各叫了一個。今次試試 雲吞河+熱柚子茶，我推介朋友這裡的牛什是招牌，他便叫了 牛什河(走腸)+熱奶茶。為何每次也叫河粉？因為真的很滑，相比其他粉麵店不同；但雲吞就遜色一點了，肉太多、蝦太少。普通一餐，要求也不要太多吧！

喺大圍火車站對出嘅一間茶餐廳，一直都係大圍街坊嘅聚腳，點心燒味，泊架單車係門口就食得。但幾個月前原本嘅茶餐廳結束營業，裝修左段時間後，最近終於重開，開嘅係連鎖店源記餐廳。新人事新作風，源記餐廳都算係一間連鎖店茶記，簡單嘅茶餐廳裝修，感覺衛生光猛，冷氣仲好涼，門口有燒味部和麵檔，透明度極高。食品選擇都較多，源記自稱為牛什專家！好！就試試看。牛腩雲吞河牛腩好香，腩很瘦，但很林很入味。牛腩湯底係做得唔錯，夠濃，唔太咸。自稱上為牛什專家，我下次要試埋牛什再下個肯定分數。雲吞三小粒，不過不失，沒有特別驚喜，下次唔需要再點。順帶一提，份量偏細。以牛腩河$34雙拼+$6價錢來說，在大圍並不吸引，大圍大大話話好食的粉麵選擇都幾多。