源記餐廳 (已結業)

我真係好奇怪，點解一間新開餐廳，可以有咁嘅服務態度，樓面員工對客人直頭仇人一樣，句句都串爆你。見早餐未到，咪問下: "唔該，我杯熱央未嚟!" 換來四眼小姐黑口黑面答: "小姐！師父拉近茶，等下啦! (語氣係極無禮)食住包等下啦!" 我繼續有禮貌回應:"好呀！唔該你!"隔離食客都忍唔住出聲，話洗唔洗咁串！至搞笑，某幾個員工都係一樣，每枱客人都比激到有D著火！晨早嚟食個早餐姐！無端端要受氣?! 對公司有幾不滿，都唔應該發洩喺客人身上，服務性行業最基本要求都做唔到，叫客人仲有冇下次光臨？