溫+飽 (已搬遷) 新店位置

插嘴先！今次試咗間有種細火慢燉嘅溫暖感覺嘅店。佢哋啲重慶雲吞，小蝦米都泳得咁開心，湯底一啖入口，辣得嚟又香，幾個辣椒仿佛係講緊故事咁，夠晒刺激😮‍💨！啲皮嘅Q彈，同餡料嘅鮮甜，真係正中下懷！跟住，啲芝士餡餅真係打動我嘅心，即叫即炸，邊食邊感覺到心頭一暖，啲脆脆嘅外皮包住滾熱嘅鹹香豚肉，啖啖芝士牽絲，啲味真係得嚟又實在！食完呢啲，成個人都暖笠笠嘅。這家店不止食物好食，關鍵係有種家嘅feel，街坊味濃厚到爆炸！下次一定仲要嚟過，試吓其他（又好食嘅）嘢！🥟🍴🍲

大食妹突然間好口痕, 好想食小食, 突然發現近排好多小食店都結業, 冇咩選擇決定行遠少少, 去呢間溫+飽買啲嘢<紅油抄手>好耐無食紅油抄手, 見到有當然要買返份可惜屋人唔係咁好紅油抄手, 大食妹就只買左細份其實都唔係好細份, 有成12粒紅油抄手嘅温呑皮好薄好滑, 肉餡比較少, 但紅油醬汁做到幾到位汁怪一定鍾意<韓國紫菜飯卷>肚餓嘅朋友就可以嗌呢份韓國紫菜飯卷料多飯實, 居家肚餓之選, 大食妹周不時都會買黎做晏btw如果你係好講究紫菜脆度嘅朋友就唔建議食呢間, 因為佢哋係預先整定嘅

話說近排天口熱，真係冇乜胃口食嘢今日去香港大學做嘢嘅時候，走嗰陣咁啱見到有條巷仔，有間小店有啲外賣嘢食賣，就諗住買啲外賣返屋企食呢間叫做溫飽嘅小店買嘅嘢食都幾多元化有韓式飯卷，中式醃製食物好似豬手同埋雞翼等等見到佢雪櫃有泡椒豬手賣，好似幾吸引，就買咗盒返屋企試吓<泡椒豬手$27>凍冰冰嘅泡椒豬手，一打開，成陣泡椒味就湧出來，超正泡椒真係超級辣，如果唔算好食得辣嘅朋友，最好就避開啲泡椒，淨係食豬手豬手梁浸浸，份量都算幾多，咬落去超級爽，麻麻哋嘅感覺好解暑

竟然在香港吃到了如此好吃的螺狮粉！甚至比我在深圳吃到的还要好吃，因为粉好，油好，材料好！实实在在为邻里做好一顿饭的良心餐厅，甜品一流，饭卷一流，泡椒鸡爪一流，吃得我泪流满面。一定会常常去帮衬的！之前吃的是鸡爪，饭卷，甜品已经觉得很不错，这次吃的是螺狮粉就重点讲讲它吧辣度：非常适合香港人，但同时又让你感觉到辣度很舒服很好吃酸笋：香臭味（乡愁味）十分正宗牛肉：新鲜劲道粉：我觉得比我买的好味螺的粉新鲜好吃多了才35元，真的太良心到你必须要再买点别的，重度推荐！

細細間舖主要係做外賣街坊生意賣嘅嘢都幾多元化有韓式飯卷 餡餅 京川粉麵.青瓜涼麵(大) $24.其實成個麵係得幾條青瓜仔🥒🥒同一個麵餅 加啲醬油但佢個醬汁較得好好味鹹鹹甜甜 我重加咗中辣幾濃味 好過癮🤪大份嘅涼麵份量真係幾多我都算大食 但都唔係好食得曬🙊$24淨麵 睇你自己覺得抵唔抵啦😶我就覺得還可以...⭐️多謝你睇到最尾🧚🏼‍♀️希望大家可以關注我嘅ac “thegrainyspace “咁就可以留意我最新嘅食評🤩📜✏️

經過香港大學站附近，記得有個friend講過哩度有間好正噶水煮牛肉，水煮魚好好味噶小店，然後就去食食啦。原來哩間點專做外賣噶，我就點左個水煮牛肉粉，整好拿出來果時已經聞到超級香了，食落牛肉嫩滑，滴粉都好好味，份量都幾足下噶，不過食吾到辣噶朋友就儘量吾好挑戰啦，真系有滴辣。

是噉的，最近因為經常都要做功課所以晚晚都搞到好夜先有得走。呢個情況已經經歷咗一段好長嘅時間，我都開始有啲受唔到喇。但每晚最開心嘅時候就係，走嘅時候，因為可以，周圍去行周圍去搵好味嘅食店。由於今次個情況比較特別所以要買咗晚飯先至可以返去繼續拼搏努力工作。去到一家很好得意嘅外賣店。個店名好似有特別嘅意思。睇完目錄之後看看菜單再睇下佢哋嘅圖文並茂嘅圖片。大大張食物嘅相片擺咗出嚟好容易就可以睇到所以如果你未試過你都可以見下個實上會係點樣，唔需要擔心。睇完餐牌之後其實都已經好多人來排隊所以我都要快快向店長落單。我就叫咗個冷麵同埋芝士餡餅。仲有炒手佢哋好得意有分大碗細碗其實即係睇返個數量係有幾多粒。冷麵其實有少少辣的但係佢哋可以幫你安排分開上辣椒，等你食嘅時候可以因應返自己嘅食辣程度而去決定。所有嘢都好新鮮好彈牙香味十足。喺香港島嚟講呢個價錢買到好味嘅外賣真係難得，如果我有時間我都會再返去一次。😄😄😄

晏就諗唔到食啲乜嘢, 但係到咗三點幾, 唯有求其食下。經過小店 - 溫+飽, 買左個飯卷醫肚仔。店面唔係好大, 主要係做外賣嘅, 唔為意嘅話可能會搵唔到。<韓國紫菜飯卷$22> (好味: 3/5) (抵食: 3.5/5)韓式飯卷米飯粒粒分明, 裏面包住芝士、火腿、蘿蔔、青瓜同酸瓜, 材料正正常常。但係由於唔係新鮮製造, 所以紫菜有啲淋。但係用22蚊食到呢個質素, 算係相當唔錯。

今日要返香港大學上堂，睇吓附近有乜嘢食👍🏼結果原來喺地鐵站附近有一間食川菜嘅小食，咁真係要去試吓啦👍🏼👍🏼😂門面真係細，不過就好多款式可以揀！老板娘又好好招呼👍🏼👍🏼今日就試咗酸菜魚土豆粉，同泡椒雞翼❤️❤️👍🏼土豆粉好似煮林左，冇咗個種煙銀嘅感覺。不過雞翼亦都好好食，好入味！個皮好脆！不過鋪頭淨係可以做外賣，所以去咗附近公園度開餐啦😂😂😂下次想試埋佢個蓮藕BB，見到個樣都好得意🤩🤩🤩

［酸辣土豆粉］$20價錢好平，但湯底缺乏層次，稍微發苦.［泡椒藕尖］$15超細盒，但真係好好味，超級好味！應該係包裝食品拆袋，唔係自家製淘寶上袋裝泡椒藕尖好平，一大袋$10都唔洗麻煩在於淘寶唔對香港售賣，中意食可以係深圳買多啲返黎

同男朋友行經香港大學附近記得有朋友介紹過呢頭有一間水煮牛和魚都好岀色既小店所以就決定去一試。去到先知原來小店只做外賣所以我地係門外求其搵左個位開餐。我地共哎左兩個面：1)水煮牛肉土豆粉 $35一開頭已經聞到好香，食落牛肉嫩滑，土豆粉煙韌，但注意湯既辣度係固定既中辣，加上土豆粉吸湯，所以食落辣度同譚仔中辣差唔多。2) 水煮魚肉麵 $35由於揀左麵底，所以相對地無咁掛湯，無食豆粉咁辣❤️ 會似係譚仔麻辣小辣，對於無咁食得辣既朋友，揀麵會穩陣啲。魚肉係魚柳，稍為覺得普通左少少，但口感亦嫩滑。overall黎講呢兩碗麵性價比好高，好抵食！係香港可以食到咁既質素覺得好值❤️美中不足係餐廳內無位堂食。另外食完仲可以係隔離舖買碗綠豆沙下火，perfect;)

呢間小店响橫巷，平常人行過路過真係會好易錯過，只做外賣但點解會咁受歡迎？原因好簡單，以平靚正取勝，食品種類唔算多，小食為主，有部份仲帶點辣，所以都幾迎合香港人口味。青瓜涼麵(小) $15我口多叫咗小辣，嚟到見到辣椒有d驚，即刻撥走少少辣椒粒，再將青瓜同特製醬料撈埋一齊，入口有少少辣但麻味非常之香，唔需要入何配料，只有青瓜已經好好食，推介小辣程度比唔食辣既人！泡椒鷄翼 $26/6隻食到有花雕酒味道但帶點酸，繼而係椒既麻辣，我bb辣level既人真係食唔到，辣到條脷震震下……紅油抄手 $20/12隻抄手叫咗小辣，相對鷄翼易入口，辣既程度可以接受，辣味非常香，抄手一口一隻非常易食，呢隻價錢都相當親民。芝士豚肉餡餅 $20見圖賣相好靚，所以叫咗一件試，餅口感好得意帶少少脆，而餡料非常膨拜，蔥味蓋過豚肉但又食得出芝士質感同味道，總之一句到尾＂必試＂！德國煙肉薯仔沙律 $20因為阿sir唔夠飽，所以叫個沙律頂肚，沙律面有香脆煙肉碎，而薯仔則帶點酸幾開胃，但份量幾大，最終食唔晒。二人共消費: $101

有好多唔同嘅小食選擇！真係樣樣都想叫！價錢都好經濟揀咗三款小食：雞翼、麻醬粉皮、炒年糕好驚喜個年糕竟然拍得上尖沙咀百幾蚊一份既炒年糕！

知道朋友成日黎呢到買土豆粉食，搞到我都心思思想試下。上次終於趕到係佢個營業時間黎買土豆粉！個人黎講第一次食土豆粉，我叫佐佢個牛肉土豆粉。湯底係幾夠味同夠辣，牛肉都算夠林。唯一係土豆粉唔土豆😂

沒有時間食lunch，來這裡填一下肚星期六10時半來到，不用排隊來之前已經想好要選紅油抄手，我的最愛小店準備食物需時，雖然沒有人等但也等了約5分鐘不過小食十分新鮮出爐，熱辣辣，冬天食一流$20/12粒 雖然細細粒但幾鍾意，一啖啪落口方便食用，不用擔心飩皮滴污糟，而且比大大粒但得6粒那種來得襟食味道是真的紅油辣味，紅油剛好浸住餛飩，加上少許配料，十分香口等食物時看到其他小食也十分吸引，重慶涼麵，芝士餡餅，韓式包飯和粉絲，還有芝士蛋糕，有機會要再買來過過口癮！