溫+飽 (已搬遷) 新店位置

晏就諗唔到食啲乜嘢, 但係到咗三點幾, 唯有求其食下。經過小店 - 溫+飽, 買左個飯卷醫肚仔。店面唔係好大, 主要係做外賣嘅, 唔為意嘅話可能會搵唔到。<韓國紫菜飯卷$22> (好味: 3/5) (抵食: 3.5/5)韓式飯卷米飯粒粒分明, 裏面包住芝士、火腿、蘿蔔、青瓜同酸瓜, 材料正正常常。但係由於唔係新鮮製造, 所以紫菜有啲淋。但係用22蚊食到呢個質素, 算係相當唔錯。