滋味軒

營業中

休息中

海之戀有唔少新商舖進駐，是晚就同朋友嚟咗三樓嘅滋味軒試下，見佢餐牌唔貴，店員有熱情招呼，就進店試試吧。先看看餐牌，有唔少小菜選擇，仲有海鮮同滋味推介，另外又有點心即叫即蒸。見我哋攞唔定主意，店家推薦咗幾樣小菜，感覺啱食，就點呢三樣啦😋⭐乾炒胡椒粉絲大蝦先上嘅係大蝦粉絲煲，一開蓋已經聞到好香嘅胡椒味，蝦肉咬落爽甜，粉絲吸了大蝦的鮮味同胡椒香，好好食喎。⭐老壇酸菜魚第二樣係自己私心想點嘅酸菜魚，但朋友唔係好食得辣，所以我哋淨係揀咗小辣口味，湯頭酸酸鹹鹹帶微微微辣，魚片非常嫩滑，配料仲有萵筍、大豆芽、雜菌等，食到底發覺仲有粉絲添，吸咗酸菜魚嘅湯汁啲粉絲好正喎。⭐脆三寶呢碟係店家推薦嘅脆三寶，有椒鹽鮑魚、百花釀蟹鉗、同炸素春卷。鮑魚十分爽口，鹹鹹脆脆幾正呀，另外兩樣炸得香口唔油膩，係好食喎。⭐白飯開頭諗住叫餸就梗係要送飯啦，點知原來啲餸好多粉絲，然後啲粉絲吸咗醬汁又好好食，搞到碗飯都食唔曬添，哈哈，早知叫一碗兩個人分啦😆埋單嗰陣點家推介佢哋嘅午餐同下午茶，嘩，真係好平好抵喎，午餐68蚊咋，第二份只係需要加多廿蚊，仲有下午茶係29蚊咋，仲平過北上啦，哈哈。

今天在荃灣海之戀商場3樓的新餐館用餐，體驗非常愉快。這裡的裝修簡潔而雅致，讓人感到舒適，營造出一個輕鬆愉快的用餐環境。餐館專注於粵菜和川菜，菜單選擇多樣，適合各種口味，無論是喜歡清淡的粵菜還是重口味的川菜，這裡都能滿足😚。今天我點了三道菜，每一道都讓我驚喜：乾炒胡椒粉絲大蝦🍤這道菜的粉絲經過大廚特別的烹調，十分入味，再加上大蝦🍤的鮮味，讓人一試成主顧。搭配適量的胡椒粉，增添了一絲香辣感，讓整道菜的風味更加出眾，令人回味無窮😋。👏🏻鮑魚麻婆豆腐這道菜的辣度適中，鮑魚的鮮美與麻婆豆腐的濃郁醬汁相結合，讓人不停地想要再來一口，頗具開胃效果，十分滿意。😊生啫田雞這道菜是我的最愛！田雞肉質鮮嫩，清爽可口，讓人感受到食材的新鮮，特別適合與家人和朋友分享，讓每個人都能享受到美味。😘這家餐館的服務也非常周到，讓人感到賓至如歸。老闆熱情地來和我們聊天，介紹不同的菜式，這份親切感讓用餐體驗更加難忘。此外，他們現在還推出午餐優惠，只需$68一個午餐，另加$20🥳就可以多選一個菜式下午茶也只需$29，真是一間良心食店。我已經迫不及待想要再來品嚐更多美味😍了！最後，經老闆介紹，我還得知他們有一間包廂房，可以以私

星期六日下晝多客人上嚟，我諗忙少少都係正常嘅，不過啲樓面態度略為趕客，問多兩句語氣好似得罪佢咁，仲滾水淥老人家隻手😔我相信係忙中有錯，無心之失啫😔但使唔使連道歉都冇句呢？🫨好彩隻手冇起水泡咋！仲有你水餃講明係鮮蝦水餃，落咗單，到上菜先發覺係豬肉！大佬，你唔符合商品說明條例喎，我可以報海關拉你！但係你仲要推三推四，一嚟樓面話唔係自己落單，又搵藉口話自己啲蝦唔靚，所以冇俾到，諸多狡辯，講到自己無錯咁，其實係樓面同廚房根本冇溝通！咁無賴嘅餐廳都係第一次見！食餐飯都咁委屈，下次唔會再買難受！咁差劣嘅餐廳，簡直顛覆我三觀🥹😥👋🏻👋🏻👋🏻

本身私心加偷懶不想寫食評，怕寫完人山人海到我想食時食唔到。但係新開小店真係有質素又好抵食，唔分享驚佢冇人識去而執笠冇得食！已經去過幾次，同行家人都覺得好味！佢最好係小菜有得揀例牌或小份，岩晒心多但又食唔多既人士。暫時未有一個餸我覺得唔好味，但有一個小問題佢地即叫即整，等上菜等得較慢，可能8點入座，半個鐘後先上菜。如果呢個小問題都解決，咁就Perfect！我最近一次去係為左做冬，成餐飯好豐富，同行屋企人都覺得好滿意！

同兩個閨密出街晚飯女仔胃口唔會好大老闆好細心咁建議我哋兩樣兩樣咁叫👍🏿餸菜份量適中 唔會太多或太少點咗糯米飯、羊腩煲小炒皇、香煎豉油蝦、乳鴿仲有新出嘅雪花啤酒🍻小炒皇同香煎蝦好開胃送酒一流絶配乳鴿可以有進步空間糯米飯好香口 d飯粒粒分別會忍唔住不停食😂羊腩煲好足料 味道控制得好好個汁唔會太”蘇”所以我哋叫咗好多枝竹再食老闆同員工都好nice有求必應 餐具同環境都好乾淨上菜又快 就算我哋過咗last order都唔會趕收工咁 反而繼續有傾有講下次會再幫襯👍🏿👍🏿👍🏿

海之戀商場內有很多食肆，由地下一路選擇，去到三樓，就立即見到間日本餐廳，不過今日想食中餐，咁就見到，俾門口大大個餐牌～有點心，小炒介紹吸引左，最特別係有例牌同小份選擇，啱晒我哋兩口子👍服務員態度一般，上菜速度適中，小份的份量剛好，味道鑊氣十足，只係”幹煸鮑魚鷄”d鷄只係骨，仲要碎骨，冇乜鷄肉，有點不合理😣老闆在我們結帳時有咨詢意見，我們亦即時說出有待改善地方，期待下次見到他們的進步，香港飲食業加油💪埋單先知道，只收茶錢及加一服務費，前菜（沒有拍照）免費的。

荃灣西上蓋的海之戀商場有不少餐廳，今天到訪這間滋味軒，又真係好滋味😋晚市餐牌有不少選擇，除餐牌外還可以按客人心水做菜，好私房菜的感覺。我和朋友叫了三個小菜。可以選例牌和小份由幾好，咁樣無論多人聚餐或兩個人撐枱腳份量都岩👍🏻🩷奉送前菜：酸酸辣辣幾開胃😄🫖玫瑰雲南普淖（每位$10）🐟粟米龍躉斑腩：唔係普通粟米斑腩😂😂係龍躉呀，四大件，肥美好食👍🏻🥙小炒王：勁多配料：腰果、蝦乾、魷魚、彩椒等，好嚼口😍😍🍤砂窩大蝦粉絲：個胡椒味好香，六隻大蝦新鮮爽口，粉絲索晒啲汁好入味😋😋我們叫了小份但都幾大份～埋單約$300，有咁多靚嘢食，抵呀！見全場滿座，可見都幾受歡迎👏🏻Crazy discovery‼️‼️嚟緊會做早、午市點心，多一個飲茶選擇👏🏻‼️佢嘅午市套餐超抵，一個餐$68，+$20有第二個餐，朋友反應：點唯返本呀？超平！😱‼️下午菜$29又邊度搵呀🤗

✅香煎黑椒牛仔骨牛仔骨煎到外層微微焦脆，牛肉本身鮮嫩多汁，入口時黑椒的香氣即刻衝出來，好有層次感。黑椒既唔會太搶戲，又令牛肉味更突出✅酥炸桶蠔真係外酥內嫩，炸漿薄而且香脆，裏面的蠔保留住海洋的鮮味，咬開時仲有少少汁流出黎，真係好鮮甜，冇絲毫腥味✅椒鹽九肚魚炸得金黃酥脆，魚肉嫩滑得嚟唔腥，炸漿唔會太厚，食落唔會覺得油膩午市套餐真係抵食選擇多樣，份量又足夠。每一款都有自己獨特的味道，性價比高下午茶更加係抵到爛唔使$30就有一份主食，真係好難搵到咁抵食的選擇

放工同好姊妹去食晚餐，佢想食川菜，但係我又唔係食得好辣，我哋就去咗海之戀間新開嘅川菜館，性價比好高，試咗樣樣餸都好好食☺️☺️酸菜魚我哋叫咗小份，但係份量一啲都唔少🤣🤣兩個人食都足夠，魚肉好新鮮，亦都好多配菜，粉絲同埋冬粉都好足料，加金菇好鮮甜😋椒絲腐乳炒通菜通菜炒得好入味，送飯一流，椒絲腐乳好香口，呢個一定要嗌！😆乾炒胡椒粉絲大蝦胡椒味好足，有大大隻蝦，炆得好腍，我連啲殼都食埋🤣🤣粉絲亦都好香口😆！

滋味軒嘅川菜之旅今次我哋嚟到荃灣西嘅滋味軒，呢間以川菜為主嘅餐廳，真係好適合鍾意食辣嘅朋友！餐廳環境簡單舒服，坐落得幾靜，令人好放鬆。菜單上唔單止有各式川菜，仲有好多茶葉可以選擇，幾有韻味。1. 小炒王第一道菜我哋叫咗小炒王，呢道菜色彩繽紛，裡面有啲鮮嫩嘅肉片同埋新鮮嘅蔬菜，炒出嚟嘅香味真係好吸引。辣味適中，配合獨特嘅調味料，每一口都好食到唔想停！呢道菜口感層次豐富，真係好啱搭白飯，食完真係想再嚟一碗。2. 重慶水煮牛肉接住就係重慶水煮牛肉，呢道菜以麻辣聞名。牛肉煮到啱啱好，保持住嫩滑嘅口感，搭配香辣嘅湯底，味道真係好正！湯裡面有啲紅辣椒同香料，感受到好濃嘅川味。對於鍾意挑戰味蕾嘅朋友，呢道真係必點！3. 啫啫花菜啫啫花菜亦都好驚喜！花菜炒得啱啱好，保留咗脆嫩嘅口感，配上特製嘅醬汁，味道香濃。雖然呢道菜嘅辣味比較輕，但係可以好好平衡其他菜品嘅濃烈口味，成為一個完美嘅搭配。4. 麻婆豆腐最後，我哋叫咗麻婆豆腐。豆腐滑嫩，配上香辣嘅醬汁，真係一食就愛上！呢道菜嘅麻味同辣味都啱啱好，食完有種意猶未盡嘅感覺。搭配米飯，真係絕配！滋味軒嘅川菜真係好好食，無論係口味定擺盤都表現唔錯！餐廳服務都好周

荃灣地膽朋友帶路往海之戀新開的中菜館，食物質素不錯，價格相宜，當然不會錯過！海之戀可謂荃灣的貴價地段，餐廳地方卻極為寛闊，確實意想不到；環境佈置十分舒適。跟店長閒聊間得知餐廳更設有VIP房，又一聚會好去處。先來一壺熱茶，茶味清香，玻璃杯雙層隔熱設計頗貼心。前菜兩款，醃得入味甚開胃。避風塘海蝦；小份的$128；二人份量剛剛好。大大隻新鮮海蝦十分鮮甜，口感彈牙；最令人欲罷不能的，卻是那避風塘炸蒜！極其香口，伴飯一流！生啫田雞；小份$88。一般餐館比較少做的田雞菜式；田雞大隻之餘鮮甜結實，生啫做法十分惹味。蕃茄蛋川味牛肉；小份$78。蕃茄蛋酸甜度調得恰到好處，牛肉鬆軟爽滑，瞬間整盤清得乾乾淨淨。再來一人一罐冰凍可樂，格外圓滿。

最後悔既晚餐選擇 食小菜要好似法國大餐咁等6點幾過去 無乜人 唔需要等落單叫寫野，老闆叫我地等等 轉頭過黎，點知佢帶個客入坐 直頭唔記得左，要叫幾次先有人黎落單。叫左個黃金脆皮豆腐 食左無咸味肯定無落椒鹽 表面淨係得炸蒜，同老闆講，佢即刻反駁話落左好多（淨係得炸蒜嘛！） ，講多幾次先話拎入廚房落鹽 出黎同我講落左好多架喇收碟見到我地食晒豆腐 又係到暗串我地食晒😒 我唔食你係咪會退錢先？ 食完酸菜魚、豆腐都仲未有炒勝瓜… 就咁觀察左一陣樓面，發覺淨係得個着制服既姨姨係知自己做緊乜，老闆同另一個女都「迷惘地」忙如果你有法國時間慢慢食、兼且唔介意會漏單 ，都建議你黎試下既 btw 記得有菜品唔滿意都唔好同老細講 佢第一時間一定死撐無問題菜色唔係特別 價錢同份量未必成正比 自行考慮啦，茶位每人10，早知一人叫一壺

呢日約咗好耐冇見嘅朋友食飯，我哋揀咗喺荃灣海之戀呢間中餐廳，餐廳嘅環境都好好。打開餐牌，見到佢有好多唔同嘅選擇，午市同下午茶套餐都好抵食，晚市就有好多唔同嘅鑊氣小炒，連點心都有啊。首先，有四款涼菜。我哋點左重慶水煮牛肉，水煮牛肉配搭咗多款香辣椒，辣辣地，食落去好暖身。另外仲有避風塘海蝦，海蝦炸到好香脆，連埋啲香蒜一齊炒，就係一道好惹味既菜。最後點左牛啫黄鳝，啲鱔好新鮮，口感彈牙。啲鑊氣小菜配埋白飯一齊食好正。

係openrice見到依間新開既餐廳好多好評於是約咗屋企人去食晚飯但係 同網上嘅好評有好大出入平時唔出post嘅我 都要出返一個真實嘅食評首先 入座並沒有好似網上所講介紹特色茶 只問我哋鐵觀音好唔好？網上見到入座有前菜及湯亦無提供比我地(臨走見到有一人食客係有提供前菜及湯)講番野食佢嘅菜單入面大部份嘢食都有大細份量揀依樣要讚 方便兩人食客又想試多啲唔同嘅嘢食叫左通菜 (普通菜所以冇影相 不過不失)______________________胡椒大蝦粉絲煲(例)🦐🦐蝦幾新鮮，亦都非常入味粉絲幾香，但冇乜胡椒味 但勝在有鑊氣同埋花椒麻麻辣辣幾香口_____________________啫啫雞煲(小) 咕嚕肉(小)想試多幾樣唔同嘅嘢，所以都嗌咗細份雞煲幾香口 有啲椒同洋蔥喺底小份份量亦足咕嚕肉就正正常常冇乜特別 __________________蜜餞蒜香骨(小)有啲驚喜 因為排骨細細粒所以都好多粒 幾個人完全夠食外皮有少少酥脆 加埋蜜糖甜甜地咁忍唔住食完一粒又一粒本身成餐飯嚟到呢個位 都還可以 前面幾個菜大概半個鐘多d左右到 當晚只有四五台客 一半空枱但係由我哋落單到上最後一個菜差唔多需

海之戀又有新餐廳，今次係食中菜😆一坐低職員已經攞例湯俾我哋，佢話係冇味精㗎，入邊有冬瓜同紅蘿蔔，味道香濃，唔似平時嗰啲溝咗好多水，茶芥好抵$10/位。乾煸鮑魚雞 108份量十足，入邊有鮑魚都幾大粒，而且有咬口。雞肉大部份都係雞髀位，食落去好滑，而且醬汁味道香，配白飯真係好正！麻椒浸花甲78佢哋嘅醬汁好香，唔好以為紅色就一定啦，因為我同朋友仔都唔食，辣就問咗師傅有冇得唔辣，原來係有㗎！佢哋嗰啲紅紅地色嘅麻香油，用嚟送飯好正，花甲份量都幾多。香蔥魚頭 98呢個超推介🌟平時我都麻麻哋沙薑，今次佢哋整得超好食，落左少少順德沙薑 ，味道適中，同時間佢哋嘅魚頭超大件好多肉，唔使擔心唔識食有骨嘅魚，因為舊肉好大一撩就得🙂‍↔️滋味軒 (荃灣)荃灣大河道100號海之戀商場3樓3017-3018號舖