滑嘟嘟

營業中

休息中

早兩星期嚟街市食飯諗住食埋甜品，點知摸門釘，原來休星期一。今日有比賽所以專程嚟買糍粑招呼對手同波友，落到球場一邊叫對手食一邊介紹呢個大埔名物 🤭🤭🤭 對手食咗啖話爆饀好好食，食完仲要影晒相話要介紹比朋友 😍😍另外買咗支檸檬薏米水，飲落有啲檸檬苦澀味唔會好甜，但仍可接受。而家仲有攞飛仔安排，去到要糍粑嘅攞張飛仔，到你個籌號先落單要幾多，即時包好新鮮，每個客都千叮萬囑唔好放雪櫃，第二日要食晒，鋪頭仲有好多唔同款嘅甜品，下次有時間可以堂座食 😋😋

喺大埔墟街市樓上，有一層熟食樓層，裏面有好多間舖頭，出售各式各樣食品，其中有一間人氣店，靠手工客家糍粑打出名堂💪客家糍粑$18/3粒😍由事頭婆親手主理，粒粒都皮薄餡多😋芝麻花生炒得透，香味十足，糖唔會落得過多，少少甜，正👍👍每次都要食兩粒才過癮😄薑汁芋圓$20自家製薑汁好夠薑味，辣辣地，少甜，飲左驅寒，暖身一流👏滿滿一碗三色芋圓，用黃心番薯、紫心番薯、芋頭製作，煙煙韌韌有𡁻頭😋甜品少糖少甜，食得健康啲，開心啲🥳

🍁 客 家 糍 粑 ($18@3)•一直都好想試呢間嘅糯米糍，前排仲專登去買大埔買，點知熟食中心做返翻新，結果失望而回😟重開就終於試到啦🤣呢間嘅糯米糍即叫即整，個糯米皮好軟滑好煙韌，厚薄均勻，食落唔會勁厚粉，餡料就係花生加黑芝麻，由於餡料調較咗係少甜，所以唔會好似坊間個啲咁甜，而份量真係好多，所以食個時要專心食，唔係好易一路食一路跌😂

3年幾前喺大埔返工，嗰時滑嘟嘟仲喺舊舖，要非lunch hour 蛇出去先買到，仲要唔係日日都有。嗰時嘅糍粑真係好正，皮好薄，餡炒得夠香，d餡多到會跌出黎，好high😌冇做嗰份工之後，我都冇再入過大埔，難得妹妹入去，佢買左一盒糍粑返黎成家食。點知一擺入口，唉~佢已經唔係好似以前咁，個皮厚左好多，餡又炒燶左，求期喺街搵間都好食過佢，其實係咪因為以前包糍粑嗰個女人已經冇做呢？一直都好記得第一次食到嗰種感覺，而家只可以靠相片回味。就好似香港咁，從前嘅美好只能留在記憶中。

今日難得入大埔梗係要拜訪下依間幾出名既滑嘟嘟～原來係熟食中心入面😳除咗一定要買嘅客家糍粑做手信仲有芝麻糊/合桃糊/紅綠豆沙/豆漿/芋圓！.▫️合桃糊 $20 加芋圓 (唔記得咗加佐幾錢😶）幾經掙扎之下都係嗌左🙈諗住難得黎到又講到咁正～都幾大碗🙆🏼‍♀️仲係暖暖的🥰岩晒依家天氣食😚食落好細滑唔會好杰😍完全係0瑕疵！同埋合桃味真係好香～不過我唔建議大家加芋圓雖然口感都幾煙靭但係完全比合桃糊cover佐個味😶.▫️客家糍粑 $18/3粒係手信🤭一人一袋！除咗盒裝都可以單個買喺嗰度即場食😚內餡其實係：花生溝黑芝麻餡🥰粒粒都好有份量好大粒～每啖都咬到好香既花生同黑芝麻碎😍口感好豐富食落又唔係好甜！我隔日先再食都仲keep到好鬆軟好Q～.除咗外賣果度仲有得可以堂食😚可以即場新鮮熱辣食～～偶爾食下啲本地甜品懷舊下都好🙈而且真係好足料同個糖水好滑好香🥰佢d 紅綠豆沙仲好q用樽仔裝住～好似野飲咁😂 芋圓仲可以買返去自己整！去開大埔既話記得去買手信！

黎大埔其中一個目的係要參觀佢個街市。聽聞平夾多嘢揀。黎到估唔到咁鬼大！印象中係香港我見過嘅最大街市。未入黎之前一路搜尋都見到啲人介紹呢間嘅現場整嘅糯米滋。同行朋友都好鍾意食糯米滋，所以專登黎。糯米滋：個皮真係好食。唔膩兼唔會黐住個口。裏面啲花生芝蔴粒餡超多，肯定係食過嘅糯米滋中最多餡！不過！我反而又唔係咁鍾意咁多餡，因為我係鍾意食個皮。另外就係好在係少甜。後尾買左返公司請同事食，佢哋都鍾意食，話啲餡好香。芋圓：紫黃薯都有，但唔係佢個圖咁多。個湯都幾勁薑味，都幾辣。芋圓都ok。唔夠Q彈。合桃糊：都唔錯。起碼唔會好多水咁。不過唔算香。總結：個糯米滋係要一試！其他自行決定。

今日郊野完由鹿頸行到大美篤， 食完晚飯再出去大壩食甜品。 都知道今日3日連假實好多人， 都想試1試運氣再去買滑啫啫糍粑。去到熟食中心已經差唔多8點， 已經賣晒糍粑。 但都黎到都食碗糖水先走， 叫左芝麻糊芋圓。 芋圓食左冇咩味， 因為芝麻糊太重味。 芝麻糊真係好滑， 而且有芝麻香， 美中不足係唔夠熱， 可能好多野賣晒就快收鋪。 見到靚女老闆都係咁nice,同我1年前黎個下1樣。 吃不到的永遠是最好。吃完都係好掛住1年前既糍粑。下次都係早d再黎過買糍粑啦。

住大埔既朋友推介呢間小食店💛話佢地既客家糍粑唔錯，月頭假期時入開大埔就順便過黎幫襯試下係咪真係咁好食🤣.小食店位於大埔墟街市2樓熟食中心，以外賣🥡為主；由於每個糍粑都係新鮮現製，店員會先俾張飛仔等叫號碼再落單俾錢💰當日星期日12點半去到已經企左唔少客人係店前等候👭👩🏻‍🤝‍👨🏼 ，雖然老闆娘已經摩打手咁製作，排前面既客人大部分都係買6個以上，我地等左8個號碼都花左大約20分鐘先買到.除左糍粑，呢度仲有賣紅豆沙、合桃糊、芝麻糊等中式糖水，可以加配芋圓亦可買新鮮芋圓返屋企自己煮👩🏻‍🍳****************************** ✨客家糍粑($7@ / 3個$18 / 6個$35)糍粑其實即係廣東既糯米糍，呢度既糍粑最大賣點係餡料既芝麻同花生🥜都係小店自己炒自己磨，由裡到外百分百自家製老闆娘為左唔想大家食完會有飽膩感🤰🏻，將糯米皮既厚度整薄左🤏🏻，內餡亦製成少甜，感覺比傳統既更加健康，咁樣大家就可以放心食多粒啦🤣呢度既糍粑同店名一樣咬落煙韌幼滑，食既時候唔會覺得有陣糯米粉既味道；裡面包滿芝麻同花生粒🥜幾有咬口，兩種粉狀食物加埋一齊唔會太乾，亦食得出係比平時食開既少甜左🤔 不

‘滑嘟嘟’呢間甜品店在大埔好出名，今日我都慕名而來買盒糯米糍試吓先！.🍡客家糍粑（$35/6件）糍粑每件都非常飽滿，外皮煙韌軟糯，食落過足口癮🤤內裡嘅芝麻花生餡份量真心多😍芝麻花生餡香味突出，甜度控制得啱啱好，大人小朋友都啱食！

每次入大埔都會特登上大埔墟街市熟食市場呢層去食呢間糖水舖一定會叫薑汁芋圓、芝麻糊呢兩個糖水鍾意薑汁嘅朋友一定要試佢個薑汁因為好濃夠曬薑嗰隻辣味！芋圓非常彈牙最犀利嘅係我地見到佢切開嘅一嚿嚿芋頭同蕃薯，放喺好大嘅蒸籠上！可見佢係真係真材實料！！個芝麻糊都好好味滑得黎食得出好濃郁嘅香味食得出唔係開粉嘅假野，而係真係用炒香左嘅黑芝麻磨出黎嘅芝麻糊！特別一提，呢間小店有好靚靚嘅香港加油貼紙🇭🇰非常推薦呢間好有心嘅小店😍👍🏻👍🏻

係大埔想食傳統嘅甜品，一定要試下滑嘟嘟，價錢實惠而且真係真材實料架！佢嘅店面唔大，但係係熟食中心，完全唔洗擔心無位，我地去嘅時候就快關門但都仲迫滿左好多人，你就知佢嘅受歡迎啦！呢度食甜品真係好正，我地叫左芝麻糊加芋圓同埋合桃糊加芋圓。兩樣其實都煮得好好，好滑，但又唔會太甜。我地加左嘅芋圓都好好味，夠Q。但不得不提係佢嘅合桃糊真係好正，好香合桃味，又唔會太甜，真係必試嘅一樣野呀佢全部餐具都係用即棄，即使係熟食中心都完全唔洗擔心衛生問題呀！好乾淨企理！

朋友介紹嘅，話去呢個熟食中心一定要幫襯嘅甜品。初初見到寫住客家糍粑唔係好肯定係乜，原來即係糯米糍。d餡係芝麻花生，皮好薄，餡料勁多，個皮勁軟熟，仲係少甜，買咗6粒，盛惠$35，抵食！

自從搬入街市後，也買了好幾次糍粑食，之前味道也同舊店時一樣，唔甜皮薄餡多。 今日同朋友去大埔入新年貨，入到大埔當然唔少得買糍粑當甜品。 行到去遠遠也見到佢包緊糍粑，即時行去買了三粒，佢從整定了一大批中取了一盒入袋交給我。 一看那盒糍粑感覺同之前有點不同，之前個皮好軟身餡多有較墜感覺，今次見到較挺又輕身了。 一食就感到皮厚了餡少咗好多。 之前一咬開薄簿外皮，所有餡料會即時爆出。 今日就好似食緊一粒普通糯米糍，沒有了以前澎湃感覺，感覺非常失望。

依間舖嘅老闆娘有公開表示支持手足💛而且小編同朋友買嗰陣 仲同我地講加油💛-#薑汁手工芋圓 $20糖水好重薑味 熱食好正😋一碗有曬芋圓同埋用紫心蕃薯 黃心番薯造嘅地瓜圓味就唔係好出 不過份量好多好足料 而且夠煙韌喺附近食飽 過嚟嘆返碗係唔錯嘅💛評分:7/10

一直都想試下呢間中式甜品舖，上次經過又咁啱賣哂想食既野。今次有朋友黎開呢邊，就捉埋佢去試下。我哋食完lunch過黎，仲係有少少飽，就淨係叫左一份薑汁手工芋圓。然後我再買左6粒糯米糍返去夜晚食。門面+menu薑汁手工芋圓︰薑汁味濃，如果冬天凍冰冰既時候一定好正，有芋圓、紫心蕃薯、黃心蕃薯。芋圓非常煙韌彈牙，超好食。份量都唔少，好正我之後仲買左6粒糯米糍($35)返屋企食，佢有得揀買1/3/6粒，6粒會最抵。佢係花生+黑芝麻餡，見住佢即場喺到包既，超新鮮。一咬落去d餡係多到會跌出黎，個皮好薄，但係幾煙韌，餡就超多，花生味比較突出，黑芝麻就好香，好正，不過小心食既時候d餡跌到周圍都係