滑嘟嘟

營業中

休息中

我真係好中宜食客家糍粑，因為我唔中宜有椰絲既糯米糍，又唔中宜入面既料係濕既，客家糍粑又唔係周街都有賣，所以我只要見到有得賣我就會行去買。咁岩入開大埔，又知道佢開咗係熟食中心！即刻行一行上去，山長水遠係大埔外賣返屋企～粒粒都勁飽滿又滑嘟嘟！【客家糍粑 6粒】$35呢個糍粑又真係名不虛傳喎！！好好味，佢糯米皮係有糯米既香味，唔得好普通一口粉皮，而佢既餡料得一款，就係花生溝黑芝麻，個餡好香，花生同黑芝麻都炒得好香（唔知點整啦總之好香啦我識就自己整啦係咪先）同埋佢餡既粗幼度好有texture好正。總結，好正，每次去大埔都要去買。

Nice place for Chinese dessert. Choices includes black sesame cream, walnut cream, red bean soup and green bean soup, all serves with chewy Taiwanese dumplings. The must try is the glutinous dumplings with sesame and peanut filling. Very value of price with reasonable quality.

佢未搬前都試過買佢啲糯米糍，但都係即買即食，今次買咗趕住出街，擺咗 10 個鐘有多先食都仲係咁軟，另一粒隔咗夜就差咗小小。另外都買咗芋圓芝麻糊，芋圓食到芋頭味，但芝麻糊唔知係咪外賣關係，攞到返屋企約 20 分鐘，感覺唔係特別香口，下次比多次機會試吓堂食先。

網上好多人都推的糯米糍，可以說是大埔名物了，雖然已經飽到吃不下東西，但仍要外帶一盒回家品嘗。舖頭位於大埔墟街市樓上的熟食中心，網上好多文章說是現包的，但可能因為當時已經是7、8點的晚餐時間，看到已經有一盒盒成品擺著，數量也已經不多了，估計賣完最後這點也就收舖了。一盒三粒圓滾滾的糯米糍，完全是皮薄餡靚的最佳代名詞。尤其欣賞是那層皮，煙韌彈牙，。內餡是花生配芝麻，小甜，適合現代人的口味和追求健康的心思。吃之前建議先彈彈外表的麵粉，有點多了。

前陣子有住新界的親戚送我幾個滑嘟嘟出品的客家糍粑，說是大埔熟食中心的名物，一試簡直驚為天人，真的超好吃😭❗️於是決定親身去大埔朝聖，糍粑是現場新鮮製造，還有芝麻糊、豆漿、紅豆沙等。和一般熟食中心一樣，小店沒有自己的座位，只公共空間的桌椅，所以大部分人也是外賣回家慢慢歎。圖中👇🏻👇🏻👇🏻客家糍粑（$35/6件）消失的2件已乖乖落入我肚中哈哈～糍粑很大粒又聚手，而且重量全來自餡喔！從圖可見皮很薄，軟糯而不粘口，可惜糯米香偏淡，而且面頭太多粉。花生粒混黑芝麻餡，完全是我的菜🤩芝麻粒炒得很香，濃味又不會好膩，花生粒香脆，和芝麻餡一樣粒粒分明。而且芝麻餡不會像其他人糯米糍或芝麻餡很多白砂糖，用了少甜配方，的確沒一般芝麻餡那麼甜漏。重點是份量是爆餡級別，吃了幾次也是邊吃邊漏🤣論份量論味道真的沒什麼好挑剔，不過最好即日食用，放隔夜已經開始縮，所以真的不要貪心買太多，造成浪費就不好🙊

在大埔墟街市大樓買完餸，在熟食市場嗰層吃完lunch ，就在見到有間中式甜品專門店。 在檔位前有員工不停地整客家糍粑。 看著她不停地包裹，令人不其然停下腳步走近看看。甜品款式不多，但看到她包的足料餡料，也令人想買回家吃。用手輕摸也感受到它的軟程度，更可從表層表面也透出餡料色澤，就知道皮層有幾薄。咬了一小啖，就好像漏氣球一樣，自動撕開。 餡料真是真材實料，內裏花生溝黑芝麻餡塞得滿滿。 建議吃時用手掌兜起或用指先壓兩旁，令到它不會一咬D餡就倒下。 餡料唔甜料又足，吃一個也大滿足。

一向好鐘意食煙煙韌韌嘅野食，特別係芋圓同麻糬星期六專程去到大埔行山，出完一身汗，有個好好嘅理由要補充下能量，食埋好西先走！第一樣就係要搵滑嘟嘟，之前食完一試難忘，當然唔會錯過！好耐無食，佢地而加重賣糖水芋圓添。行到去忍唔住誘惑試埋佢地嘅合桃露、芝麻糊，各一碗加薑汁煮嘅芋圓。入冬有碗暖笠笠嘅中式糖水，正啊。整體糖水少甜，配合芋圓甜道啱啱好，可惜味道未如理想。•【合桃露】：極少甜，估計煮耐左有啲燶味，所以整體同平時熟悉嘅味道唔同。• 【芝麻糊】：少甜，芝麻濃足料，有啲粉未混哂•【芋圓】：太軟無口感嘅麵團，但紫薯蕃薯🍠味道好出•【客家糍粑】：品質保證，皮薄又滑

以前學校附近街市有檔糍粑好好食大個左之後街市裝修就再食唔返知道大埔墟呢間好多大埔友都讚行開行埋都會黎搵返回憶但好可惜次次黎親唔係無開就係賣晒...難得今次早左黎, 終於都俾我買到啦糍粑全部由姐姐即日人手製作有大 ($35/6粒) 有細($18/3粒) 仲有單1粒($7) 賣為食的我梗係買盒大同朋友一齊分享啦糍粑唔同糯米糍唔會有椰絲响面, 亦都唔使雪軟淋淋又唔痴牙嘅糯米皮包住滿滿嘅花生芝麻一口咬落去d花生芝麻多到瀉真係好好味雖然滑嘟嘟糍粑同以前細個食嘅唔同但係都有回憶嘅味道同場仲有芝麻糊 合桃糊 芋圓等甜品可以選擇全部睇落都好啱心水 好想食埋可惜仲要食其他檔...一次食唔到咁多...唯有下一次再試

呢間糯米糍~已經係我第2次食架喇!!第一次食既時候唔洗排隊今次係紅日去 竟然要拎籌!!!買糯米糍拎籌我真係第一次講番糯米糍既口感先~餡係芝麻同花生只有一種味 冇得揀同埋佢係少甜既我覺得佢既甜度係岩岩好不過D餡好細碎如果係咬開一半咁食就會跌到D碎周圍都係同埋嘴唇都會好易痴滿左出面白色既粉~所以想食既話最好都帶番張紙巾先~~同埋相對上佢既皮係偏厚的但個皮煙煙UNUN好好咬口啊~~~

舊時去大埔的話，我都會去廣福道附近橫街的一間小店「滑嘟嘟」買客家糍粑來吃，它結業後過了一段時間，原來最近在大埔熟食中心重開了，當然要食糍粑同其另一名物芝麻糊啦！雖然此小店都係同以往一樣只賣幾樣東西，但同舊店比，少了一樣我挺喜歡吃的黑豆豆腐花，幸好另一黑色名物芝麻糊仍在。這裏的芝麻估計是用石磨（因為舊店都係用石磨）去磨，故芝麻糊中仍吃到幼得來尚具口感的芝麻，感覺好實在，且芝麻香氣較一般糖水鋪的同類出品突出。不過這天吃的芝麻好似炒得over了一點，帶微微的燶味，所以要扣少許分。至於客家糍粑仍是即叫即做，簡單來說糍粑即是外皮較為煙靭的糯米糍。雖然糍粑外皮無乜味道，但由於有大量花生芝麻內餡支持，整體吃起來味道仍是足的。值得一讚的是餡中的芝麻炒得好香，且相對來說算少甜，感覺好似健康了一點點。兩樣東西（其中糍粑要了三個）都係$35，算相當抵食了。

工作太忙，難得星期六放半晝，便去大埔街市買下餸食下晏。今次唔係介紹食魚蛋粉呀、炸豬排呀，而係之前響街舖搬上黎的滑嘟嘟。以前響街舖都有幫趁，大熱天時響街排晒大隊買糍粑真係少d為食都唔得，而家搬左上街市就舒服得多，至少有冷氣同幾張枱食，唔洗再拎住個碗企街食咁有特色。不過今次都係食飽晏，買外賣返屋企慢慢嘆。今次買左膽拖糍粑，依舊皮薄餡靚，黑芝麻味十分香濃；並有香脆嘅花生粒粒；皮十分軟糯唔痴牙，放到夜晚食都未有變硬🤤🤤🤤另外，今日還試了新出品合桃糊，出品如其名滑嘟嘟，質感絲滑，合桃香就略遜，甜味很適合追求健康嘅人，以20蚊（外賣再加一蚊）有自家磨嘅糊又覺得不錯。

收工前同同事講開呢間糯米糍，佢又有興趣，坐同事順風車去到街市附近，行到上去，當時熟食市場無乜人，燈光較暗，店面唔起眼都搵咗一陣，店面係櫃臺同廚房，比較平實，可以用熟食市場座位！當時兩個女店員，櫃檯上放咗幾盒已包裝好嘅糯米糍，味道只有一款，雪櫃好多樽裝飲品！揀好店員入袋再收錢糯米糍（$18/3個）花生加黑芝麻，低糖，包裝簡單，透明膠盒，糯米糍幾大隻，皮好輕好軟，爆餡嘅磨碎黑芝麻，加打碎嘅花生，兩樣都無「益」味，餡料鬆身，芝麻好香，唔太甜食出原味，好味！黑豆漿（$13/樽）普通無招紙膠樽，有無糖/有糖選擇，我揀咗有糖，豆漿幾滑，豆味濃，唔太甜仲飲到豆味！好味食物好味，店員有笑容，當時無其他客人，佢哋由得我慢慢睇餐牌（講真餐牌吊到招牌咁高，射燈又照到光暗位鴛鴦色，頭昂昂真係好辛苦，店員有提醒食唔晒唔好入雪櫃，室溫可以放多一陣！可以一試糯米糍

呢度既糯米磁係大埔區都算出名，全人手、即叫即包、又多餡，有一段時間更加結左業，而最近係大埔墟街市又重開，吸引一眾粉絲。由於我屋企人中意食糯米磁，加上今日路經此地，當然要買番屋企，孝順下父母啦!! 😎呢度既糯米磁只得一隻味，就係黑芝麻花生餡，仲要係少甜添，緊貼番現時香港追求健康，乜都少甜走甜既潮流😏由於呢度既糯米磁非常有人氣、加上又係即包既原故，為左減少混亂同人龍，顧客都要先拎個籌，等叫NUMBER先行埋去落到柯打! 我等左大概三個字😯，終於買到六個糯米磁~~ 番到屋企梗係滿心歡喜同期待即刻試番個啦! 食左一個之後得出六個字既感想:"勁失望，好難食!!" 😫😣無論係外層糯米皮定係內餡都好難食!!😑首先，皮太厚，食落好重麵粉味，估計佢既麵皮只係水加糯米粉蒸成，無再加其他調味，唔甜又唔鹹；除左軟熟之外，就無其他優點。第二，內餡係黑芝麻、花生，再加少少砂糖，黑芝麻佔既比較好高，照計應該好好食先岩；但問題係呢度既黑芝麻好燶，燶味好重，攪到個餡好難食，難食到好少浪費食物既我都要掉左佢....🙄我唔知係呢度既特色定係自己唔好彩，我只知道自己唔會再放第二粒入口....就連屋企人個個都話唔香唔好食😥。小

有次本來在下面街市逛逛，但結果友人又強行走到熟食市場，結果就看到這間據說是新開的芝麻糊店舖🤔。看到一邊載有熱芝麻糊，另一邊就有個阿姨在弄滋粑，那名好像就是在短片內受訪的阿姨。反正來到熟食市場，就叫一碗芝麻糊，現場吃，順道等阿姨弄滋粑。芝麻糊溫度不算極之熱燙，但是濃度的確比起即食的濃得多，而且火喉足，不像即食的芝麻糊那般表面。滋粑都等挺久，廿個籌都十來分鐘，之後拿了立即食，尚有少許溫度，糯米味道普通，外皮不厚也不太薄，但內裏餡料豐富，芝麻花生參半，不會厚此薄彼，兼顧兩味

小編同小妹最鐘意就係食糯米糍架啦～ 見傳媒之前做過一個全港糯米糍大比拼， 剛好我要帶小貓🐈去大埔做美容， 識做一定要順路買個糯米糍返去孝敬小妹啦！😂 客家糍粑 $18三個為細盒，$35六個為大盒， 花生黑芝麻餡， 一次過有晒兩種口味， 而且唔會過甜， 糯米糍皮超薄， 分分鐘係小編食過最薄derrrr～ 芝麻花生好香好惹味，超好食，要比6星！☺️ 最重要係每人每次最多限買六個， 唔想排多幾次隊， 就要帶多個朋友一齊黎排隊啦！😂