滔滔甜品

營業中

休息中

📍「滔滔甜品」- 元朗今次食食食之旅黎到元朗😌相信大家對呢間都唔陌生😆👦🏻👧🏻都成日食，不過開咗foodie IG之後都無成過😗難得今日勁想食芋圓，就衝咗過嚟食😇📷餐廳比較細，座位都比較逼，不過食物先係重點‼️🤤餐廳裝修走舊式糖水鋪風，幾有懷舊feel，打卡都唔錯😬🍴叄元豆花（凍）💰HK$37✨推薦指數：7/10呢碗係滔滔招牌‼️👦🏻每次必嗌🤣叄元豆花正就正在咩都有，包括芋圓、地瓜圓、豆腐花、黑糖珍珠、紫薯西米，自選就揀咗檸檬愛玉，岩哂咩都想食啲嘅朋友仔❤️首先講下芋圓地瓜圓先，口感嚟講好煙煙韌韌，而且味道天然，食得出芋圓同地瓜嘅味道，好食😋豆腐花滑嘅，但今次食份量少咗，而且比較碎🥹黑糖珍珠比較甜，但可以接受到👌紫薯西米顏色好靚，不過就比較細粒，食唔到咩味🤣檸檬愛玉晶凝通透，食落檸檬味都好重，不過有少少過甜😗整體來講呢碗都唔差，不過以前更好🫣而且加咗價之餘份量縮咗水，有啲傷心🥲🍴腐竹馬蹄清心丸+包心芋圓（凍）💰HK$31+$10✨推薦指數：8.5/10👧🏻不嬲都走養生路線，所以揀咗碗相對健康少少🤏🏻嘅😆呢碗有腐竹、清心丸、馬蹄同包心芋圓🤗👧🏻真係勁中意食包心芋圓，但唔係度度都有，所以嚟到呢度

識食一定係食滔滔😍唯一一間我肯俾足耐性排隊等嘅糖水舖😌Come on everybody! Must go ar 🌟🌟推薦🍴：叁元豆花 💰$35❤️內有：豆腐花、芋圓、地瓜圓、黑糖珍珠、紫薯西米 + 香草雪糕/愛玉/紅豆/芒果 (四選一) 😝💕好難得今時今日 仲有份量足 又好味道嘅糖水食🥹重點係 一啲都唔貴！性價比⭐️⭐️⭐️⭐️唔解釋咁多 自己嚟試過就知㗎啦😚~*呢度地方好細🙈唔想等堂食嘅朋友 可以外賣返去🤓 一樣咁好味( ̀⌄ ́)

天氣熱辣辣，一個人行街，想搵個位坐低食啲冰涼野，歎吓冷氣，於是入咗滔滔甜品。海底椰檸檬愛玉：一個字爽呀，甜甜酸酸，又凍，好開胃解渴。愛玉好滑，直接sir咗入喉嚨。有海底椰感覺好滋潤。

.📍滔滔甜品📍 #饅頭去元朗 #饅頭的港味道 #饅頭食台灣菜 #饅頭食甜品------------------------------1️⃣ 叁元豆花 ($35)呢碗糖水不得了，份量大又足料，有豆腐花、芋圓、地瓜圓、黑糖珍珠、紫薯西米，仲有一款配料朋友就揀咗檸檬愛玉。呢度嘅豆腐花做得好出色，雖然口感唔算神級滑溜，但絕對足夠香軟冇渣，豆香味道好濃郁😚❤️，好似食緊固體豆漿咁，甜度比平時飲開嘅豆漿低少少，好啱我口味；另外要讚下朋友揀嘅檸檬愛玉，晶瑩剔透🌟，非常大嚿，質感介乎啫喱糖同布丁之間，動L動L咁好滑身又有少少彈性😍，散發著檸檬清香，唔會過甜；芋圓同番薯圓亦整得好好食，口感柔軟中不失煙韌口感，斷口感唔會好重，仲食少少粉粉哋嘅芋頭同番薯原材料，尤其係芋圓，難得地感受到明顯芋頭嘅香氣👍🏻；黑糖珍珠size比較細粒，同紫薯西米兩者味道相對都比較普通，主要係為呢碗糖水增加顏色同口感，夾埋花奶咁食唔會有伏，整體而言都好滿意，呢個價錢嚟講真係幾抵食。------------------------------2️⃣ 黑糖珍珠檸檬愛玉 ($27)呢碗小係小編另一個友人嗌嘅糖水，不過我就冇食到所以就唔點評啦🙈，

呢間甜品店嘅選擇都幾多～有台式又有中式！上次就食咗個冰烤紫薯雪糕系列嘅紫草園💜配料真係好豐富：有紅豆、芋圓、仙草、黑糖水晶 仲有一大舊紫薯雪糕🍦紫薯味真係好香好清甜 仲有啲紫薯粒粒喺入面！成個甜品口感真係好豐富❣️

難得有人話食飯後甜品...當然要去特別既地方食特別既野嫁喇~入元朗除左人人都識既B仔外...滔滔都係其中一個選擇~今次叫左冰茶龍珠同紫玉園愛玉...冰茶龍珠既紅豆爆珠最特別~成粒爆珠三文魚子咁，咬爆後就係一粒紅豆，好鬼盞!係出面既糖水舖真係未曾食過!配上踩單車先會買黎食既菠蘿冰同芋圓...以及蜂蜜綠茶凍椰汁底...呢個mix & match好特別~紫玉園愛玉面頭既紫薯雪糕就咁睇都已經好靚(皆因我係紫色控)~入口咬落會有粒粒爽口紫薯!黑糖水晶唔甜Q彈岩岩好~

相信糖水舖係香港人嘅童年回憶。中學時代岀夜街就係會同friend去糖水舖，到大個就越嚟越少去，因為選擇越嚟越多。今次黎到滔滔甜品，同我回憶中嘅糖水舖一樣，都係簡單嘅裝修，仲有長長嘅人龍，都同班friend等左成個鐘架。我覺得碗糖水質素算中上，愛玉唔會太甜，彈牙爽口。包心芋圓會有兩種味道，芋頭味同蕃薯味，同黑糖珍珠一樣，煙靭有𡁻口。豆腐花夠滑同有豆味。所以同一碗糖水，可以食到五種口味，雖然每隻味道都係分開，但唔會話唔夾嘅。最緊要係食個種大家一齊柴娃娃個種回憶嘅味道嘛！

山長水遠嚟到元朗，梗係要揾好野食啦，滔滔甜品一直都想試，今日终於試到啦，揾就唔難既，去到舖頭唔大，出邊有幾張枱叫咗兩碗糖水，一碗係黑糖薑茶配包心芋圓，一碗係冰茶龍珠，兩碗都好特別同好出色😍😍😍佢個黑糖薑茶配包心軟點解叫包心，係因為佢出邊嗰層係芋圓皮嚟，而入面係有真既番薯同芋頭係度，所以好大粒，而佢嘅黑糖薑茶都好有薑味，整體都幾好食，個碗又特別😋另外嗰個冰茶龍珠仲特別，佢有幾款唔同嘅料放埋一齊，睇落會覺得好奇怪，唔知好唔好食，但原來食落好特別，最特別就係嗰個爆珠紅豆，佢外面嗰層好似三文魚子咁，咬爆咗之後就係一粒紅豆，真係超特別，去過咁多糖水舖都未試過，佢拼埋個冰菠蘿同芋圓，底層係椰汁同蜂蜜綠茶凍，有口感之餘仲好味，仲要試晒唔同款，抵到爛🙊

夜晚同朋友喺元朗食宵夜，見到呢一間甜品舖都係燈火通明，好多人排隊買外賣，所以又走過嚟食一次啦。叫咗個豆花紫花園，底下係豆腐花嘅底，上邊有個紫薯雪糕、黑糖凍、同芋圓，都好足料。佢個豆腐花底好香豆味！身邊嘅芋圓同地瓜圓都好煙韌，有芋頭味同蕃薯嘅味。黑糖凍都好有彈性，食落又唔算好甜，有淡淡嘅黑糖味。我覺得最得意都係個紫薯雪糕，紫薯味係非常非常咁濃，而且入面仲有啲紫薯粒粒，又唔係好甜，非常好食。最重要係呢一個甜品唔算貴，cp值非常高！

又食滔滔甜品啦～小編曾幾何時都係芋圓fans~~~~~~今次試下佢既包心芋圓先😻買左一碗同家姐share食😎～～～🍡 椰汁西米 配 包心芋圓 $29西米露底配芋圓又幾夾wor😚😚我覺得呢個包心芋圓唔係得粉味！特別係蕃薯餡個粒係有啲蕃薯味既～～～不過芋頭個粒既味都係偏淡🙈口感上幾彈牙👍🏼👍🏼 唔錯～～～～～～份量都唔算少，每種味好似有3粒左右😊—評分：可以一試👍🏼👍🏼👍🏼👍🏼👍🏼👍🏼

放假走入元朗找朋友，吃過晚飯，經過這間甜品舖，見到人流也多，愛甜的我當然要坐低一試冰烤紫薯雪糕系列*仙草紫草園芋圓，地瓜圓煙煙韌韌，好鍾意這種口感。黑糖水晶，香濃爽口。蜜紅豆，蜜味軟綿，配以仙草恰到好處。紫薯雪糕，色彩奪目耀眼。軟滑雪糕食落有粒粒紫薯肉，構思有創意，但口感上一般，未太識欣賞*叁元豆花芋圓、地瓜圓好有咬口，黑糖珍珠煙韌彈牙。紫薯西米，顏色特別吸引。滑溜溜的豆花，味道清淡，加一球香草雪糕，多重味道，多重口感，好滿足的一個甜品

食完晚飯想食甜品，就搵下附近既甜品店。熱腐竹馬蹄露清心丸 $29加左芋圓 $+7推介指數：⭐️⭐️⭐️⭐️美中不足就是不夠熱！腐竹糖水比較水。但見到有好味既清心丸就算啦！

📍滔滔甜品 @ 元朗​ღ 亝元豆花 $37ღ 雪糕仙草凍 $30 玄米茶雪糕 +$10​記得佢一開嗰陣食過 2 次都感覺麻麻之後就無再食過了😂但今年試返 同以前menu完全唔同 感覺良好喔係好食嘅中式糖水舖 不過又未去到要特登嚟食🤣豆花嗰碗都幾足料 樣樣都幾夾 但要攞同類型嘅深水埗康瑞嚟比較 康瑞出色好多起碼平成$10一碗先喇(*´ω｀*)仙草凍正常水準 都滑唔會好甜不過建議大家一定要加玄米茶雪糕！！！同仙草好夾！好濃茶味 茶控表示收貨（＾ω＾）回頭指數😼3.5/5（玄米茶雪糕加好多分(≧∀≦)

元朗·滔滔甜品勁鍾意食芋圓既我 好中意去唔同糖水舖試佢既芋圓 以前可以去台灣 就算搭勁耐車去要去九份食芋圓 😍😍😍 果陣仲未興芋圓 香港未有得食 突登係台灣買木薯粉番香港自己整😋依間糖水舖第一次去 勁多人排隊😭第二次去 佢休息第三次去 佢終於冇咩人 唔洗排甘耐😍終於可以試試佢 依間糖水舖係重要係中式糖水價錢合理👍🏻都算係中等價錢❤️環境👍🏻👍🏻👍🏻裝修好靚 打卡好正食物質素都可以👍🏻📍叄元豆花 $33芋圓+豆腐花+珍珠+紫薯西米再可簡香草雪糕/芒果/愛玉/紅豆（4選1）份量可以2個人食都可以👍🏻👍🏻👍🏻芋圓好彈牙 有口感 好煙韌我超鍾意依啲煙煙韌韌既感覺係正既👍🏻👍🏻👍🏻👍🏻👍🏻👍🏻大家有邊到有好食既芋圓 記得講我知❤️❤️我一定會去試試佢😋

1️⃣木瓜雪耳海底椰中式甜品款式一應俱全，連一個木瓜雪耳都有咁多款揀🤪海底椰對喉嚨好，加上木瓜同雪耳，堅係夠曬滋潤，$30一碗又足料都抵，其他糖水舖係少啲見有咁多配搭嘅2️⃣補血紅豆紫米露Marketing做得唔錯，加「補血」兩字即刻有強身健體嘅感覺🤣大量有pattern既花奶舖面，好彩我唔係抗拒花奶既人🤪感覺紫米份量比較少，個人比較鍾意「結」啲嘅紫米露喇3️⃣清心丸數粒+烚蛋一隻清心丸食極都食唔出係咩做（老闆🧞見字可摸以解釋下）好軔，非常軔，就嚟咬唔爛咁制，亦都冇乜味。雞蛋就冇乜好講啦，但師傅，都要收$3一隻㗎🤭🔸🔹🔸🔹🔸🔹🔸🔹🔸🔹🔸🔹🔸🔹🔸🔸🔹🔸因為入面冷氣太凍而坐左去出面，出面座位頭頂又有一大把風扇機吹到頭暈暈，員工服務態度幾好，見狀主動較高個吹風口，值得讚下🤓