滬味館 (已結業)

葵興的興芳路都算係多食店.. 但特別好味的又唔算多。依家除左開三哥外, 我最特別介紹的係間上海菜館 , 滬味館，我有試過雪菜肉絲年糕.. 好味特價的小籠包, 湯包黎... 一放落口啜汁係正而津白獅子頭... 佢比起其他餐館的好... 因為津白之外, 佢地都會有磨菇, 粉絲, 同埋筍去伴碟我眼見其他客人, 晚餐個陣時, 份量都比較大... 如果一個人食, 適合選擇食麵... 因為佢份送... 再連埋碗麵都食得飽人其他的小菜都係用大碗... 而湯羨份量都好巨型... 真係值得一試因為掛住食.. 所以只影左個小籠包.... 我同同事食午餐時... 平均消費為 44 - 48.... 晚餐跟朋友食 一碗麵, 一個年糕同埋一籠小籠包.. 大概每人 60 左右

大約2PM先去到，裡面仍然好多人$26 小籠包一睇，就睇到皮超薄，裡面好多汁，真係要揾匙羹接住來食$34 雜菌豆腐客飯（菜飯+$5=$39)(送豆漿)都係蠔油味，有冬菇、雞髀菇同秀珍菇，但豆腐完全無炸過豆漿唔太甜 $75 涼拌海蜇雞絲雞肉又霉又鞋，叫海蜇先好，而且好細碟，相比 小籠包真係差太遠 好似$18 蔥油薄餅外皮好脆，好香蔥味，不過裡面好似未熟

看到這間上海菜，下午茶時段，價錢挺經濟實惠的，所以試一下。$30 A+B套餐：菜肉雲吞麵+生煎飽，再加$2凍豆漿。  是幼條的麵，湯底清淡無乜味，不過勝在4粒雲吞夠味道，皮薄好吃，而麵份量較大，我食剩了三分一。 生煎飽不過不失，味道ok.$34紅燒肉飯+凍豆漿：都是半肥瘦的，哈哈！肉質夠諗，比較重口味～ 如果要求正常，這是ok的。沒有人主動幫忙加茶，而豆漿份量，我覺得以這價錢來說，就別要求太多了。 哈哈，外出再買飲料吧～

上班時間較晏，所以午餐時間已是正常人的下午茶時段，正好，無咁多人，又有平嘢食。這個上海菜經過多次去食譚仔三哥，終於今天轉下口味試下，一試就愛上了！只須$28就有1麵類+1小食，如要豆漿+2。但我通常只飲茶，因實在已好滿足啦！

星期一又係新一個星期既開始，睇下今個星期有咩超特價客飯($30)先, 去到入口唔見有超特價客飯餐牌，問問員工原來今個星期既超特價客飯暫停，錦唯有叫番普通特價客飯($34)，今次就試下鮮茄班塊，今日客人唔多，但由落單到上菜，都要等成十分鐘，鮮茄班塊份量都唔少，蕃茄加埋應該有一個，但蕃茄非常酸，班塊有五，六夠，但魚肉就相對少，而面頭個漿又厚又硬，唔好食！

其實係想試下每周超特價客飯($30)，但今日既特價飯唔係錦岩食(麻婆豆腐)！所有我地就叫番普通特價客飯($34)：蝦仁炒蛋 - 蛋炒得都算滑，不過蝦就完全無味仲埋無咬口，好似食緊玻璃蝦仁錦。粟米豬扒 - 豬扒都算唔錯，但個粟米汁就唔得，一patpat好似漿糊錦。豉椒雞球 - 雞球脆口，青椒紅椒爽又甜，仲有個汁有好香既豆豉味！

之前都係去食晚飯多～質素唔錯～今次試下個下午茶～都幾抵食～28蚊有一大碗麵同一客小食～我叫咗牛肉擔擔麵加春卷～春卷皮幾簿，炸得幾脆～不過入面油左d，搞到有小小立痴痴既感覺擔擔麵都唔錯～不過如果湯底濃d會更好～不過都係覺得佢地既小菜整得比較好～

恒景商場除左有金潮小廚，隔離就有黎間食上海野既，今日可能係學校放假所以餐廳唔係好多人，特價客飯餐有5樣選擇，仲有杯豆漿送。糖醋魚片 - 魚肉炸完再加甜酸汁再炒，食既時候表面仲好脆，有菠蘿，蕃茄，青椒，洋蒽做配料，真係好好食！紅燒肉 - 肥肉適中，加埋脆玉瓜一起煮，同事都話好食。

之前食過菜肉雲吞麵一般，今次朋友介紹食牛肉擔擔麵，好好味，牛肉有牛味，新鮮，擔擔麵彈牙，味道好賣相也很美。小食一口生煎飽都好味，好味過煎鍋貼，個人覺得鍋貼煎得好，煎到皮硬但脆香。 無煎0既味道。

放工便相約同事到葵芳食飯，原本想食全潮，但由於太多人以及之前都食過既關係，今日決定試新嘢，就係金潮隔離既上海菜館去到即有位坐，由於啲人去哂隔離，所以呢到好少人，但坐得舒適。我地叫左5餸1湯。上海粗炒不錯，用料充足，但偏油。紅燒豆腐不是用鍋上，而是用碟上，但夠熱夠火喉，而且豆腐非常滑，每人都可以食到2件^^酸辣湯更是我的最愛，酸而微辣，配料多，係正既 椒鹽豬排好惹味，送飯一流 反而醬爆雞丁就麻麻，本身以為辣，可能係醬既關係，偏甜左，但雞肉多，甚少連皮且啖啖肉，只係同我預期既味道有啲出入，最後就係炒飯，呢個同普通茶記一樣，都係夠鑊氣埋單時先知原來唔洗加一，食左咁多嘢都係$346,真係抵食夾大件黎葵芳除左金潮外，呢到都係唔錯既選擇

到恒景這邊午飯，如金潮午餐沒心水，可到這兒吃，今次獨個兒，一吃平日未嚐過的粗炒。環境嘈雜非常，無論少女或中年男均高談闊論。其實上海婆婆也一樣嘈雜，那兒還要人均貴廿元。優點: 即使獨個到這店吃，店方亦未會將其任意調位。粗炒，約等十分鐘。端來的是新鮮炒起的一大盤粗麵。看上去已泛油光，熱燙燙有煙，似乎不俗。粗麵咬口一般，每條都帶點油，夾附少量肉條，其餘都是菜絲。碟底部更油，炒得完全不夠乾身。雖然鑊氣夠，但底下卻實在太油太膩。如果連底下油浸的粗麵也全吃掉，恐怕只會更不健康。其實平日吃回鍋肉，同事都對此店有兩個評價，太油及餐具欠衛生。今天亦一樣，潔白的豆漿，倒進白色杯子內，杯內竟然還有清楚可見的啡黑疑似茶跡。雖然午餐便宜，但衛生問題如能改善，必定更受歡迎。

下午茶時段點了一道五香牛肉麵，$28一般價錢。但牛展又細又薄，薄到風到吹得起! 跟餐生煎包又等左1個鐘都未黎。 諗住吹下啦，點知吹左2次都未黎。仲聽到侍應細細聲講左句:真係趕時間就唔好食生煎包啦，食第樣唔得? 服務態度都未免太差! 唔會再有下次!

剛開業時幫襯過一次, 今次約朋友喱頭食飯, 於是再次幫襯, 睇下食物質數是否仍然保持由於晚飯巿, 客人很多, 還好我們二人剛好有位人少少只點了三款菜: 酸辣湯  好味道, 好似比上次更好味, 裡面材料都很多, 酸辣比例也很恰當椒鹽小排骨本人很喜歡的一道菜, 外面大多用豬扖做, 但滬味館可以改用小排骨, 本人更覺"嘢"味, 我哋連帶啲干蒜都食哂水煮牛肉 上次嚟都冇, 伙記話新推出咗一排了, 見其他食客點了很像樣, 所以我哋都叫嚟試下, 牛肉唔"un", 夠麻夠辣, 其他配菜很多(芽菜, 番茄, 木耳等)上海菜館都有此菜而且味道也不錯, 幾好

這間是新開張不久的上海菜，其實葵芳有高檔，中檔的上海菜，只是價錢平的就沒有了。 相信這一間應該是平民大眾化的價錢(只限點菜性質的上海菜)，和之前葵涌廣場頂樓已結業的檔次差不多。我們只叫了嫩雞煨麵，津白粉絲獅子頭，小籠包一客。 嫩雞煨麵: 麵好淋，好少雞肉，冰鮮雞肉來的 津白粉絲獅子頭: 有兩件大大的獅子頭，沒有太多的味精，賣相一般 小籠包: 好像蒸過頭了，筷子一夾就爛開皮，有很多熱湯 整體黎講，我地所點0既三樣菜都味道都不太濃，應該是少味精吧。我地響平日晚市果時去到，連隔離間超旺的XX小廚都無人，座位很多，新裝修過，所以很新淨，我們坐在四人位，坐得很舒適。這店沒有太特別或突出的地方，平實平民平淡的街坊小館。

葵芳恆景商場活起來, 以前只因為有旁邊那間火旺小館而帶來街客, 現在商場加添了連鎖新商戶, 玩的、買的、吃的, 差不多一站式已可滿足各家庭成員。  Ground Floor 新開了一間上海菜館, 正正就是在火旺小館旁邊。$33起午市客飯: 一餸一飯一豆漿, 不過好吃與否就見仁見智；個人覺得咕嚕雞球的炸皮上汁後已腍掉, 毫無脆囗, 咕嚕汁酸多甜少, 整體普通 ; 炒鱔糊味道對版, 鱔條又粗又多, 能吃到有魚味, 整體良好！小籠包的皮滑身亦帶點韌質感, 似乎是水份不夠, 面層看似有層啞光；小籠包內的湯汁清澈帶甜, 不過肉球顏色帶點奇怪 (偏綠色!!??)豆漿少甜, 質稀, 沒甚麼豆味, 因為不想浪費而一飲而盡...室內空曠, 座位可算好坐, 唯午市時段好嘈!