影片
營業時間
今日營業
17:30 - 02:30
星期一至日
17:30 - 02:30
以上資料只供參考, 請與餐廳確認詳情
餐廳位於棉登徑，入門口後需要上一層先去到!餐廳座位都幾多，有圓枱、卡位，亦有VIP房!餐廳係用QR code落單，餐牌上有多款湯底、火鍋配料可供選擇!蕃茄芫茜豆腐湯拼潮州湯，估唔到呢度嘅湯底咁好味，平時出面嘅蕃茄湯通常係配薯仔，但係呢度嘅蕃茄湯入面係豆腐同芫茜，估唔到咁match，而且湯底味道濃郁，夠哂蕃茄同芫茜味，就算食到最尾湯味仍然濃郁!而潮州湯底估唔到係有成半個紫菜餅係入面，，除左紫菜入面仲有肉碎同埋豆腐，湯底味道清甜，用黎碌海鮮果D就最正!招牌手切牛頸脊，我地叫左例牌份量嘅牛頸脊，估唔到都幾多，牛肉油脂分佈平均，食落肉質鬆軟，牛肉味濃郁!自制四寶丸，打邊爐又點少得食丸呢，呢度嘅四寶丸包括有牛丸、蝦丸、墨魚丸同埋梅菜豬肉丸!蝦丸同墨魚丸爽口彈牙，梅菜豬肉丸有淡淡嘅梅菜味!食神棒打牛丸，呢度嘅牛丸彈牙而且多汁，係真正嘅牛肉味，非常惹味!香口牛眼根，呢個部位真係第一次食，係店員推介架!呢隻肉一定要碌15分鐘以上先好食，15分鐘嘅時候食肉質仲係有點韌，但係如果碌再耐D，肉質估唔到好鬆軟，而且吸收左湯嘅味道，除左食到濃郁嘅牛肉味，亦食到香濃嘅湯味，估唔到咁好食!梅菜豬肉餃，餃子餡料滿滿，有淡淡嘅梅菜香味，用上潮州湯底碌味道更鮮更美味!鮮海蝦，海蝦非常新鮮，上枱嘅仲係識郁架!海蝦新鮮彈牙而且鮮甜，正呀!三秒腐皮，佢地嘅響鈴卷唔會好油，連平時唔太中意食響鈴嘅我都食左好多，響鈴吸左蕃茄湯嘅味道，食落更開胃!竹蔗水，打邊爐點少得飲涼茶呢，呢度嘅竹蔗水味道唔會太甜，飲落夠哂清涼!
繼續閱讀
跟好友敘舊，朋友們嚷着要吃火鍋，選定了尖沙咀的滾得棧，交通夠方便之餘，性價比也甚高。餐廳環境新淨企理，座位寬敞，給人很舒服的感覺。是夜的豐富火鍋晚餐 😍😍😍 潮州湯底拼沙嗲湯 $119，賣相超級靚仔，潮州湯底忍不住連喝幾碗，沙嗲湯底沙嗲味夠濃，滾牛肉後可免醬料。招牌手切牛頸脊 $298，牛頸脊紅白分明，肥瘦均勻，肉味香濃零韌度，是碟極品手切牛肉。鮮海蝦半份 $76，鮮活海蝦扎扎跳，鮮味可想而知。油麥菜 $39，新鮮爽嫩。炸蝦餅（甜酸醬）$118，熱辣辣的炸蝦餅，口感彈牙。梅菜豬肉餃 $79，梅菜跟豬肉，一向是經典配搭，味道熟悉，造成餃子打邊爐，好食無難度。自制四寶丸 $118，分別是墨魚丸、牛肉丸、豬肉丸及蝦丸。自製跟買現成的，味道天淵之別，這客四寶丸，四款佳美味。生炒糯米飯 $148，糯米飯中的糯米粒粒分明，看得出是生炒的，有誠意，激讚！新鮮炒起，口感軟糯，加上花生臘肉，冇得輸。
繼續閱讀
位於尖沙咀棉登徑的「滾得棧」係我食過數一數二食材超高質的火鍋店，好耐都未試過打邊爐，由湯底、牛肉、手打丸、自家製餃子、海鮮、菜和小食都可以食清光，好食得一點食物也不想浪費，特別係牛肉真係超班，另外有魚缸養住海鮮，怪不得如此新鮮👍▪️四川麻辣湯底拼潮州湯 麻辣湯底完全到位，又麻又香而且辣到適中，完全唔會辣到影響食物嘅原味道，潮州湯更加有特色，湯底是潮州蠔仔粥嘅湯底，湯底超鮮甜味道鹹香，內裏放滿紫菜、肉碎、香芹、豆腐和香蔥，未打邊爐之前先飲碗湯，非常滋味👍▪️招牌手切牛頸脊（例）牛頸脊就是牛脖子上那塊微微突起，最經常活動的肉的核心部分，鮮紅柔嫩的牛肉中密密分佈著雪白的油花，口感肥嫩而具彈性，入口咬兩口便溶化，而且牛肉味超濃，真係不得了▪️蝦膠釀油條人氣小食，油炸鬼釀蝦膠新鮮即炸，油炸鬼香口又香脆，蝦餃超彈牙，口感豐富，沾上酸甜汁，超滋味▪️梅菜豬肉餃暫時食過最好食嘅手包餃子，味道和口感就如媽媽做的梅菜蒸肉餅一樣，餃子皮亦厚薄適中，非常推薦▪️象拔蚌丸又是一樣特別的手打丸，味道鮮味而且仍然食到粒粒象拔蚌肉，整粒丸爽口又彈牙，超美味▪️鮮海蝦見住店員從魚缸流出來，海蝦就算用竹籤穿好之後，仍然好生猛，肉質超新鮮和彈牙▪️脆骨腩最鍾意食脆肉鯇的口感，脆骨腩滾熟之後，口感脆口，而且唔多骨容易進食▪️西洋菜西洋菜配上潮州湯鮮美十足又爽脆，而且完全冇揸，好食得一條都冇得剩▪️自家製茅根竹蔗水打邊爐最啱飲竹蔗茅根水，自家製甜度適中，清潤又清甜
繼續閱讀
久唔久都鍾意同朋友去精緻火鍋店嘆返餐靚牛肉、靚海鮮嘅火鍋盛宴，滿足一下口腹之慾🤪尖沙咀就有間環境幾骨子嘅港式火鍋樓上店－滾得棧，不論牛肉、湯底或其他配料都幾高質🫶🏻店內仲有一大排魚缸，養住龍蝦、海蝦、象拔蚌等，想打邊爐食新鮮海鮮，呢度一定滿足到😽🥘四川麻辣湯底拼海底椰濃豬骨湯 $109+$20雙拼湯底有不少款式選擇，選擇困難嘅話當然要揀雙拼，試多啲😆麻辣鍋幾出色，有唔少花椒辣椒係入面，香氣十足，辣得嚟唔會太嗆，係有層次嘅辣🌶️另一款就揀返滋潤少少嘅湯底，海底椰加上大大舊啖啖肉嘅豬骨，仲有爽口雪耳，濃郁滋補😚🥩招牌手切牛頸脊 $298份量極多！雪花紋夠靚，每塊牛都有一定厚度，口感不錯，而且肉味濃😋🦐鮮海蝦 $148海蝦係店內魚缸撈起，認真新鮮，放咗好耐都keep住跳跳紮🤣打邊爐必備。🧡桂花蚌、珊瑚蚌 $138海鮮類仲有特別啲嘅桂花蚌同珊瑚蚌，兩者都非常爽脆，不論放麻辣湯或海底椰湯都好夾😋🍤炸蝦餅（甜酸醬) $118除咗打邊爐配料，呢度嘅小菜都幾出色👍🏻好似呢個大大碟嘅蝦餅，外脆內彈牙，要趁新鮮熱辣炸起時食，如果攤凍咗，私心推介浸落麻辣湯底咁食😎又唔怕凍咗，又多咗一層滋味。🍢自製四寶丸 $118有蝦丸、墨魚丸、鯪魚球等，墨魚丸零舍彈牙鮮味，仲會食到墨魚粒，幾高質👏🏻🍗黃油雞腸 $48打邊爐鵝腸就見得多，雞腸比較少見，烚一陣見到縮起就食得，食落爽脆無內臟噏味，唔錯😚🥬唐生菜 $39推介指數（10分為滿分）：8分
繼續閱讀
棉登徑而家有港式邊爐進駐喇！又多個食好西選擇😆滾得棧喺香港其實都有20年歷史，以高質食材同特色湯底聞名！🧆炸蝦餅 $118- 前菜我哋點咗炸蝦餅，蝦肉多，熱辣辣脆卜卜好彈牙。🥘雙拼湯底 $99+20- 海底椰濃豬骨湯底- 味菜胡椒豬肚湯底一剛一柔嘅組合，足料好味又夾到啲食材🥓黃油雞腸 $48- 採用鮮雞嘅雞腸，望到已經覺得好肥美，咬落仲啖啖油香，正！🥓西班牙黑豚肉 （半份）$76- 豚肉唔肥但都好冧，大大塊放入口，好爽！🥩招牌手切牛頸脊 （例）$298- 冇得彈，油脂分佈得好靚，牛味濃，每一片都入口即融，好滿足🧆象拔蚌丸 （半份）$65- 真係未試過食象拔蚌，咬落似墨魚丸但個味係鮮甜好多，值得一試！🥨三秒腐皮 $46- 打邊爐唔少得嘅響鈴，名乎其實，真係三秒啱啱好！吸到湯又唔會淋晒。🥬西洋菜 $39- 新鮮菜蔬，當然係打邊爐必須啦，西洋菜就唔係間間有，梗係要叫啦。🥣生炒糯米飯 $138- 即炒嘅生炒糯米飯，除咗臘味蝦米，仲加左潤腸，令味道更豐富，讚呀！！大家記住要叫埋呀！最後要一讚，呢度嘅員工服務態度超級好，同我哋有講有笑，真係好有賓至如關嘅感覺！😃
繼續閱讀